Tamora

營業中

休息中

前排Hit爆嘅濟洲咖啡店 Tamora，精明嘅我梗係等到熱潮過咗先去幫襯，去Cafe最怕迫爆，都係靜靜地適合我，簡約的水泥牆，金屬枱，落地玻璃，真正less is more，三層連天台，超好打卡。抹茶Croffle外脆內軟超好食，$80兩片。Tiramisu味道不錯，$75一小件嚟講有啲貴。❌已經extra shot嘅泡沫咖啡，都唔係太重咖啡味。朱古力就不過不失。總結： $290埋單，好似食咗陣風咁囉，地點都唔方便㗎，對我嚟講影相搭夠。Tamora (大埔)大埔大美督村46B號地舖至2樓

收成$75 蚊一杯士多啤梨奶昔都可以唔用新鮮士多啤梨 仲要淨係用士多啤梨糖漿 Blender都想慳返？ 比多小小誠意啦 如果杯野係好飲 我覺得要比呢個價都無問題 仲可以推薦人黎 但咁無誠意貴得黎又唔好飲 唯有負評Croffle 黎講就味道正常無特別 $80就係見仁見智價 買得都預左係要用木餐具就好難切咁解主要就係唔想請多個人洗野呢個我都明嘅仲有個wifi唔work 應該係廢時啲人帶部電腦坐成日 都合理既可以就咁黎呢度打卡 但買野食就睇信仰啦

到到資料都寫明 11點開門 我地27度企係出面門口企到了11點4 佢哋先慢條斯理咁開門 總好似冇野咁話"係呀 我地係開11點"。等既中間完全冇communication 總好似係我地太早到係我地有問題麻煩到佢地咁。其實覺得有時遲左冇問題 但係可以比我地入去坐低睇定食咩慢慢等都okay，所以服務態度真係好一般。野食同咖啡選擇並吾多 ，quality都冇咩特別，一杯咖啡 ＋chessecake 一個人大約  $150 又冇service 所以個錢係比係室內設計同出面個景。另外呢個係個人意見同喜好，但係入到去見到佢個啲 crossiant 未整就已經扁哂有啲扣分。咁不過你話佢地係出名賣扁既咁我都冇野好講，所以自己都冇叫到。

伏伏伏! 中哂伏！所謂嘅工業風只係低成本嘅藉口裏面三層高　但係凳同枱都唔多件係有漁塘風景，但係坐得超級唔舒服，一啲都唔Chill佢個croffel sandwich 冇乜特別，但都還算過得去最重要係佢賣點係咖啡，但係咖啡完全唔掂!!Starbucks都唔及嘅質素！竟然夠膽$60 一杯Americano， $70一杯latte零服務可言，自己攞嘢飲同食物仲要自己擺返落地下都唔知憑乜嘢成為網紅咖啡店唯一就係佢好勤力，年初三都開如果大家想新年流流食到一肚氣就記得去喇～

frd子揸車兜風🚙帶左我黎試呢間新開既CafeCafe旁邊有公用泊車位 泊完車再行返過去一棟3層 仲有天台似由兩棟村屋組成 極大空間內外都用左水泥牆+紅磚🧱點綴採用落地玻璃 面向湖景 打卡唔錯室外放左好多凳🍵JEJU Matcha Latte $75抹茶味唔算好濃 奶味都香，熱奶入口輕型，飲到底...抹茶粉未溶晒 結左好多沉底*整體價錢偏貴*無限時 如果一杯飲品=入場費 打半日卡其實都值，環境比飲品值得期待*驚喜位：Cafe toilet 好乾淨

大埔韓系打卡Cafe 🇰🇷小編趁去大美督燒嘢食，順便嚟呢間港版濟州島cafe🇰🇷打個靚卡🥰呢間餐廳由一對濟州夫婦打理，樓高三層，每層配有落地大玻璃 🪟 好適合影相打卡 📷 望住優美嘅湖景嘆住杯咖啡 ☕️ 輕鬆咁渡過一個下午 ☺️ 不過要留意番 😵如果純粹想入去打卡嘅話一定要買野飲/食💰因為佢有每人最低消費 🫨Cafe Latte $65佢有兩種唔同嘅豆提供 - nutty 🌰/ fruity 小編按自己嘅口味揀咗 nutty 🌰 烘焙味都幾濃👍🏻不過未有太大驚喜Tamora (大埔)大埔大美督村46B號地舖至2樓食物: 🌟 🌟🌟/5服務: 🌟 🌟🌟 🌟/5 價錢: 🌟 🌟🌟/5 環境：🌟🌟🌟🌟/5 (用餐環境空間感大，舒適愜意，適合打卡 📷 望住湖景休息）性價比: 🌟 🌟/5 （佢每杯嘢飲或者嘢食價錢性價比唔高）回頭率: 🌟 🌟 /5 （因為飲品冇咩特別🤔打過一次卡未必會會特登入黎）#ddd大埔搵食

咁岩今日入開大尾篤，所以去呢間cafe打下卡食下野。呢到既野飲同野食都偏貴（仲貴過中環🤣）Iced JEJU Matcha Latte $75杯野唔平，飲落完全覺得唔值😮‍💨抹茶味唔太濃，非常之普通，失望！叫左三樣甜品Tiramisu $75Cheese Cake $75Lotus Croffle $80Tiramisu 同埋Cheese Cake 都非常普通，仲要用外賣盒裝住，價錢又貴🤢Lotus Croffle算幾好食，不過$80性價比真係唔高。真係試一次就夠🫠🫠🫠

Tamora🍊 係一間三層高既韓式Cafe，以水泥風格為主，店鋪裝飾好有濟州風格，可以見到濟州小石像同火山灰石。而店員亦都喺韓國人，令你會有一種瞬間返到韓國嘅感覺🍑Croffle (Jeju matcha)🍵🧇佢有兩款醬比你揀，分别喺抹茶同朱古力。而今次我就揀咗抹茶，因為佢喺用左濟州島抹茶，好似比較特別咁。但抹茶味道根本食吾到，佢醬汁份量比較少唔係好夠，如果比多啲就好啦🍑Croffle (Egg salad & Ham)另一款同樣係揀左窩夫，但依款喺咸食，相信係新品，佢裡面有碎蛋沙律+巴馬臣火腿。依款比較乾+凍，味道正正常常🍑題外話：喺有啲失望，因為佢換左餐具，將窩夫變咗放喺外賣盒入面，而且只提供木製餐具，用落去超咁方便，唔喺好切，賣相都冇之前咁靚🍑Jeju yuzu ade 佢係用左濟洲柚子整成嘅梳打飲品，飲落去同平時會飲到嘅柚子蜜差唔多，吾特別，而依杯真係幾貴下，當係去打卡既坐位費，試過一次就夠

絕無需要特登去,  咖啡及服務態度極差！🌚<希望Cafe員工尊重老人家！>唔好介意我又中又英寫文，我希望寫中文會多啲人睇到但自己中文能力有限🙏🏼我都係rely on 語音輸入😜從來唔寫開食評or catch attention, 但今次為咗大家唔好踩雷，希望我第一個OpenRice嘅食評能夠幫到大家🫡 感謝Tamora inspire 左我其實可以憑食評幫到公眾😜自問係個隨和，prefer活在當下，唔睇menu價錢enjoy culinary experience 嘅人，但今次去Tamora嘅poor experience 令到我要share 下…1. 今日係我第二次去Tamora，第一次朋友帶去，今次我就帶埋屋企人同老人家去，total四個人。Order了三杯飲品，俾咗錢之後我見前面有好多單同埋barista都未去開始沖我哋嘅單，咁我就過咗俾錢後嘅大約3分鐘我就同Cashier request 話要將原本嘅Iced Americano加錢轉杯cappuccino 但個Cashier 就話唔改得，話自己已經同我覆核左一次before taking payment ，咁好

終於知道點解香港人返晒內地消費，去過呢間咖啡店，真係大開眼界，服務差到冇人有。去大美督行吓，見到附近有間咁有特色嘅咖啡店，諗住走入去望一望，入到門口，仲以為自己去咗白金漢宮，立即俾人攔住，話要先買咖啡才可以進入。我同朋友話，我哋想睇一睇環境，再決定，他們回應，唔買咖啡，就不能來進。俾人當乞兒，一肚氣，於是，我們每人買了一杯咖啡， $70一杯，我叫了一杯latte，朋友叫了一杯普通Americano。兩杯齋啡放到面前，我問，可唔可以俾啲奶我，回應話，我們沒有奶的。我再問，咁又冇糖，回應話，我們亦都沒有糖。已經不是要求咖啡糖，一間咖啡室，話知你係韓式，在香港開咖啡店，連砂糖和奶都沒有，態度還非常惡劣，見過鬼都怕黑，大家認住呢間咖啡店，生人勿近。

環境地點不太方便係大埔大美督入面，加上門口冇得泊車，要泊旁邊的咪錶位。門口對面就係垃圾房所以好多昆蟲飛來飛去。裝修就係水泥灰，其實好普通，唯一好就係環境真的好大，所以號稱全港最大咖啡廳。食物咖啡偏貴六十幾蚊一杯，收費貴但連熱飲隔熱墊都沒有提供，每人最低消費一杯野飲先可以入去。服務服務員態度真的好差，直程係無禮貌，例如服務員會寧願將杯蓋俾番客人自己扔咗去，都唔直接幫手扔。咖啡廳有三層當時末夠六點半第二層就關門關燈了，但其實營業時間係去到7點。

Chocolate Croffle $80朱古力味好濃又會好甜，好食。Jeju Greentea $65綠茶味都不錯，不過食完ᴄʀᴏғғʟᴇ再飲啖可以解膩。Jeju Yuzu Ade $70柚子味好重，飲落去就係柚子加梳打，都幾好飲。

•Oat latte $70 (⭐️3/10)佢哋有兩種唔同嘅咖啡豆提供 nutty / fruity，味道正常☕️，但係要成$70一杯咖啡，再加上山長水遠咁去。所以overall個人覺得性價比有啲低。但係去打一次卡都可以嘅🥲They offer two types of coffee beans to choose from nutty : fruity, coffee tastes average☕️. However, considering it costs $70 and long travel distance. Overall, pretty low in cp-value. But, the location is quite photogenic🥲📍Tamora 大埔大美督村46B號地舖至2樓⭐️ 𝙊𝙫𝙚𝙧𝙖𝙡𝙡 𝙧𝙖𝙩𝙞𝙣𝙜:3/10💸𝘼𝙫𝙜 𝙨𝙥𝙚𝙣𝙩:$100

入到去只見到咖啡counter, 有人買緊野, 於是行入少少看有沒有其他座位，已被職員制止，要先買嘢，才可以行入去睇。幾個女孩子職員，毫無笑容，很了不起的樣子。五個人要了五杯飲品，兩個Croffle，已經要差不多$500，咖啡及食物價錢一點都不平便宜，但質素非常普通。Croffle 只有硬硬的兩件加上糖漿，硬到幾乎切不開。所謂朱古力味及抹茶味，其實只是分別淋上不同的糖漿的而已。這間完全是食地方、食裝修的咖啡店。絕對不會再來！

大美督最近大熱的韓式cafe，據說由韓國夫婦開設。餐廳旁邊有咪錶停車場，但唔太多位，如果冇位可以泊大美督巴士總站的大咪錶場。水泥風設計，三層連天台的cafe，空間感十足。最低消費每人一杯飲品！食物種類唔多，只有芝士蛋糕同牛角包窩夫。🔸Croffle (Chocolate) $80牛角包窩夫鬆脆，配上朱古力醬！正！🔸Cheese Cake (Original) $75巴斯克芝士蛋糕，中間帶流心口感！有驚喜！開業都一段時間，但人潮依舊不斷！週末都好多人去打卡！