Tea台屋

營業中

休息中

8點幾黎到置富商埸 完全冇人 超級靜仲要得返幾間食肆有開起冇選擇嘅情況下 揀咗依間台灣野入去得2枱客 (連埋我)餐牌選擇一般 不過唔算吸引點咗個蟹肉濃蕃茄湯米線 ($58)樣子都okay 嘅 起碼望落正常米線份量多 食飽 麵質就唔算好食 滑身不過冇咬口? 冇乜質感有幾條娃娃菜 少少冬菇 2個豆卜 啲豆卜好難食 好硬 又冇乜豆腐味😶依個係蟹肉做餸 但係蟹肉得幾條絲咁... 其餘都係蟹柳... 仲要蟹柳連仿蟹柳味都冇 淋到爛曬 完全唔知自己食緊乜👎🏻湯底就可以嘅 幾濃蕃茄味 又好似有真蕃茄粒🍅米線索湯 味道還可以-味道起台灣野入面真係比下去服務一般 係得個waitress好啲 收銀個男人態度已經唔好 有面色環境麻麻 可能因為成個商場都好殘舊咁?衞生唔好 啲餐具放起枱櫃到俾人自己拉出黎拎 萬一上家打咗個哈啑或者摸完放返入去...啲菌就俾下家食曬價錢又唔平...貴過一般好食嘅台式連鎖餐廳 明明蟹肉都係呃人嘅 蟹柳平咁多 仲有加一😾超唔抵食!建議冇特別 唔好黎依個商場 再唔係行遠少少去黃埔 多好多平靚正野食

最愛台式食品 🤣今次叫左外賣香蒜肉碎柯仔炒飯 份量足夠 👍再加杯珍珠奶茶 係每次必選的 唔會太甜 而且走冰 味道剛剛好 價錢正常 呢區黎講 差唔多啦 幫親過幾次 員工都非常nice 今次因疫情所以叫左外賣 期待下次再堂食 再慢慢品嚐台式午餐😝

係紅磡做完野，費時行返尖沙咀，最後係都會海逸搵食，餐廳比以前係多左，但呢間餐廳價錢偏貴，而且要加一。寧願食和民或其他好過，味道一般普通麻麻地，珍珠奶茶亦唔好飲。小店員工親切會加分。

看棟篤笑，順便吃過晚餐，意料驚喜黑麻油鴨腎，軟林林，凍青瓜可口加夾口台式烤香腸，軟淋淋紅燒肋條麵，牛肉肋條軟淋淋，麵底也多台式拼盤，居然豆腐入口多汁，但是加了牛雜等食品，不太喜歡，雞蛋也入味炸花枝丸蛋米粉，花枝丸炸得爽口，彈囗，略嫌米粉太少，唔夠飽，雞翼也炸得出色胡麻一字骨，不油膩，炸得香脆，果然美味加多碟時令菜心，清清淡淡。甜品芋頭炸地瓜，不太甜，美味。只是略嫌貴價了一點。

其實好少去紅磡咁啱有日去睇演唱會演唱會前食飯先當然行去紅磡都會致富廣場搵食意外發現一間台式餐廳簡約裝修但性價比不俗地瓜球外脆內軟香芋非常香甜一試難忘但珍珠奶茶就不會再回購了台式香腸肉燥飯味道偏淡香芋地瓜丸超正

天氣相當熱，陪朋友由尖沙咀行返紅磡，話遠唔遠，但絕對唔近！行到一身汗，又熱又口渴就梗係要買野飲，近近地去置富商場啦，嘆下冷氣先吖嘛。同朋友黎左呢間tea台屋，飲品list勁長，睇黎睇去都係飲番最大路嘅珍珠奶茶，要左正常甜度，少冰。Tea台屋係一間台灣菜食店，門口有下午茶的餐牌，小食加一杯台飲都係40蚊左右，價錢唔係貴，但餐廳內無客，唔係幾好意思入去坐。最後決定要杯珍珠奶茶就算，杯size正常，珍珠同奶茶比例亦係。杯野飲真係好唔得，無茶味無奶味又唔夠甜，成杯野淡茂茂，還好珍珠叫係有咬口，好懷疑鮮奶呢兩個字，真係鮮奶定奶粉㗎？超多選擇的飲品list，多到唔知飲咩好，但估唔到最大路呢珍奶都唔好飲…

準備去紅館睇演唱會但由於時間緊迫唯有喺紅磡都會是但搵一間餐廳食個quick dinner ～ 最主要目的係醫肚演唱會閑閑哋幾千人 所以嗰晚都會嘅餐廳都比較多人本來想食第二間～不過真係唔想等位 所以見依間食台式野 唔駛等就試吓啦！好耐冇食過賣相咁簡單嘅餐廳叫咗精選晚餐：酥炸花枝丸 上枱就係咁直接一碟花枝丸加一碗白飯 可能係侍應唔記得 一開頭連汁都冇 乾啃後尾真係忍不住⋯⋯問咗佢攞個滷水汁 可以撈下飯一碟八粒有花枝丸其實炸得幾好食 唔會有油益味 係鬆脆嘅！餐飲揀咗套餐免費包埋嘅珍珠奶茶賣相一般 飲落去味道都係一般⋯⋯ 結論係：如果目的純粹係為咗醫飽個肚 呢度都係一個好嘅選擇！

自由行集中地找間平少少快手食個晚餐都不是那麼容易行遍整個商場都是台灣菜食碗麵划算點但整個晚餐套餐牌，麵餐要65元起跳，飲品還要另計感覺仍是貴把整間店餐牌看來看去嘩，忽然見到這個台灣面單點有菜有肉有蛋還有蘿蔔跟冬菇才45元，即刻來一客雖然材料簡單但菜好新鮮，有揀過菜肉用鹽水烚一下，沒雪味蘿蔔甜，冬菇彈麵都是彈牙感覺清新健康優質小館，性價比極高加15元，還來多杯布丁奶茶，爽今晚十分超值ps 值得一提，是店中男主管，有問必答，客氣細心唯一改善的，是店中大部分食品很早賣光，想另點外賣跟家人分享時傷腦筋

係附近大學上完堂，食canteen 食到厭，就去左近近地嘅置富商場食個快餐。叫左個米線，有兩個餸，貢丸，魚片頭。個湯就冇乜味，清湯。啲丸就普通啦，同平時個啲差不多，冇話好好味，又吾算好難食。附送冬菇同豆卜🙂杯珍珠奶茶就出事，都幾難飲。啲珍珠太琳，吾彈牙，奶茶都好淡味，好似溝左水咁環境就乾淨衛生，而且光線充足，座位都好多，吾洗等位。不過，服務員太少，落order等好耐，收錢個個仲要整飲品，一腳踢。最好係都抵死，價錢便宜

今日去紅磡 喺置富都會搵咗間台灣嘢食 點知中哂伏🤦‍♀️🤦‍♀️🤦‍♀️要咗個紅燒牛肋條麵 望見湯底隻色 似魚湯或者清湯多啲喎🤦‍♀️😖 再望埋個牛肉 呢個都叫紅燒牛肋條！？ 😩牛肉好乾好鞋 完全唔係紅燒燉完好淋嗰種肉質 亦都冇咩牛肉味😨 湯底係完全無味嘅 係我食過最難食嘅紅燒牛肉麵🤢🤮珍珠奶茶我見隻色都唔想飲了😨 叫咗少甜之後冇乜味 完全不知所謂🤮 晚市套餐又唔係特別平喎 都平均要七十幾八十蚊 以後唔會再嚟幫襯🤦‍♀️

平時都會幫襯下呢間都會廣場嘅台式餐廳，特別鍾意炸雞球併青瓜飯，炸雞球份量很多，起碼有十多件，而且青瓜醃得酸酸甜甜，很開胃。通常會配合凍珍珠奶茶，奶茶味道都不錯。下次會繼續幫襯，呢度嘅水餃麵都係清淡好味，水餃餡料夠豐富，推介。

本身是到紅館看演唱會順道在商場附近搵食，這家算是企理之算！因為時間唔算多要揀一間有位置又快靚正呢間算不錯！台灣美食，算是經濟68-85蚊就有精選套餐包飲品，飲品都算多說選擇！一行四人選了台式香腸配冬菇肉燥飯及滷蛋肉燥湯面！肉燥不鹹有小小甜不錯，香腸味道就似普通街買的蜜糖腸，飲品點了珍珠奶茶亦可以揀小，半糖等，朋友點個水蜜桃紅茶就不太推介了，因為甜左d! 整體都算合格，不用等位之餘上菜都是快手快腳的，比foodcourt好！！

約左朋友，第一次食，閒日夜晚，人流唔算好多，唔洗等位，服務態度正常叫左古早味炸荔枝肉套餐 跟飯同指定飲品同台屋濃蕃茄湯面 跟指定飲品飲品揀左珍珠奶茶凍熱各一杯最貼心係飲品有得自己選擇甜度我揀左微糖，因為我喜歡唔太甜上左飲品先，微糖珍珠奶茶合我口味但我朋友略嫌飲品唔夠凍 跟住野食都好快有啦湯面蕃茄味都ok, 自製餃子都幾好食，炸豬塊夠脆，但有少少乾俾錢時，收銀員提醒我地學生唔洗收加一，可能我地太年輕，可惜沒有學生卡

紅館附近，選擇不多，好彩野食好快黎，趕住去演唱會既就啱晒！！都無特別細睇menu、台灣野都係嗌肉燥同滷肉最安全。所以兩個人嗌左：外婆滷肉飯拼青瓜（$65） 、台灣香腸拼冬菇肉燥飯（$68），兩個餐跟野飲。兩個飯都還好，個人覺得滷肉好食d，但肉燥都入味既、撈飯快食一流！餐飲可以嗌花茶、黎既時候係一壺咁黎，十分fancy，可惜唔夠時間慢慢嘆。不過其實d位都有d逼、所以想嘆下花茶都唔係十分啱。快食係ok既。

係呀，你無睇錯，呢碗野加杯熱飲係80蚊。。。明明出面寫40幾蚊，係，無錯，佢晚餐真係寫40幾蚊。。。。入到去同一碗都麵個餐牌竟然寫$52。。？咁我諗住試下啦。。又唔想再搵其他野食。。。餐牌野飲明明無寫加錢，我叫個杯係餐牌寫送既綠茶。。。佢收錢個陣照成杯原價加錢。。。成間啲人無服務，等左好耐先有人寫單，又用門口個平餐牌呃人。。碗野話係蕃茄，但就咸多過酸，咸到我喉嚨痛，野飲又甜到糖尿，大家唔好比佢呃入去食。。貼錢買難受，如此垃圾鋪學人收加一？