Terrace in seaside (AIRSIDE)

營業中

休息中

當日陪先生去左玩滑浪，Package上有張$100劵，所以揀左間平時覺得貴既餐廳去試下😆😆！當日落住毛毛細雨，餐廳喺平台既中間.. 完全冇瓦遮頭.. 去到餐廳門口，點知冇位！仲要行到老遠一處都係冇瓦遮頭既地方排隊... 如果落大雨既話，我地真係唔會排！！ 入到餐廳，就見到好靚好sharp既餐牌😆！令到我好想好想叫佢地個招牌飲品！濟洲柑橘乳酪！🍊價錢雖然係幾貴，但上到枱真係超級打卡able!! 飲落去仲好fresh! 初初以為個柑入面既肉全部都用左落去乳酪入面！但其實入面仲係滿滿既果肉😂！飲完之後就食埋d果肉！好甜好多汁！！😋😋呢個紫蘇飯都好好食！黑毛豬調味做得好好！不過個飯真係太少😂 應該小朋友都可以食得晒！！呢個價錢今份量咁少，太貴了🤐呢個飯卷都係招牌！好多蟹肉！原來蟹肉同明太子呢個組合都幾夾！！ 呢個價錢就合理d! 打卡送的飲品！冇乜特別！總括黎講，餐廳內環境幾好，好岩文青去打卡！食物飲品都有水準！但以食物份量黎講，價錢真係偏貴。如果冇劵既話，呢餐要$323.. 仲要有杯飲品係送既。但其實我地都唔算好飽。如果大食既，就真係完全唔夠！所以短期內都唔會再去。

放假去啟德新廣場Airside行街，入面好大好舒服，行到最頂係空中花園☘️🌷，有好多人都帶寵物🐶🐱去個度散步，經過見到一間韓國Cafe，比佢嘅嘢飲外表吸引左🍹，就入去試吓。入到去叫了醬燒牛肉飯卷🍙，清甜柑橘窩夫🧇同埋濟州金橘乳酪🍹🫶🏻最好食係個窩夫😋，一上枱勁香蛋味，窩夫又好厚🤤食落去係外脆內軟，夾埋柑橘肉一齊食真係好似個名咁清甜😚 上面既cream亦都有柑橘味，成個窩夫都好夾👍🏻，唔會食到好膩。至於吸引我入嚟嘅濟州金橘乳酪🍹都好好飲，上面放咗原隻金橘，好打卡able📷，成個乳酪酸酸甜甜咁，好開胃🤤 另外個牛肉飯卷好好食，正宗亦都好足料。

環境其實很好，可以把它當成輕食Cafe，因為我是午餐過來食的，叫了一個主食，好像是他招牌的黑毛豬飯，老實說味道是不錯的，但是份量真的偏小，建議必須配搭他的甜品，甜品來說可以先嘗試他橙味窩夫。因為這間是韓國濟州主題的餐廳然而濟州島比較出名的就是橙因此甜而不膩，窩夫脆口，十分好食。另外提拉米蘇亦很不錯，他手指餅充分地浸透了酒的味道。不過飲品上就千萬不要叫酒精的飲品感覺上這間雞尾酒是胡亂沖調的不能入口普通飲品還是可以的。特別一提這是一間寵物友善餐廳進食期間室外有很多毛孩喜歡小動物的可以過來嘗試真心環境不錯，適合一班有養寵物的朋友相約在這裏一聚但假如是真心肚餓想進食的話就～只能夠說煮食之後再多叫一個飯卷吧員工的服務有待提升，完全能夠理解會叫老人家中年就業，但是上餐我們兩人進食，每次上餐都總會上錯。飲品追了五次才到（我的酒啡，就是我剛剛說不推薦任何酒精的飲品其中一款）

中午，我逛街的時候突然感到肚餓，看到商場的指南後，就去了airside 6樓的韓國餐廳。餐廳環境休閒，令人十分舒適，有點像度假一樣，能使人放鬆一下。我點了清甜柑橘窩夫、燒醬油黑毛豬白切肉蘇蘇飯、韓式魚糕飯卷、熱情金菠蘿冰沙。每樣食物和飲品都很好味。

上菜速度太慢，叫服務員攞一杯水攞咗幾次都攞唔到嚟，落單時候已經知道窩夫要等30分鐘，但係等咗差唔多接近40至45分鐘都仲未有，之後再問店員，佢話要等多10分鐘，我同店員講如果未整好我就要取消，佢話要睇睇先，跟住取消咗又吾同我講，完全浪費時間，如果趕時間真係唔可以喺度食。坐低咗，好似冇人理咁，食物OK但係同佢價錢唔成正比，重點係個服務真係不予置評，如果呢個價錢可以有更更加多更加好嘅選擇，唔使喺度食。

春夏交接，徐徐和風，不用到沙灘，在啟德海旁Airside6樓空中花園也可以享受風和日麗的午餐。是次選了這間玻璃屋搭建的韓式fusion 餐廳，裝修別緻，沿窗設置了一張張的和式塔塔米座位，適合情侶或三兩知己談心。食物和飲品，特別是甜品，雖然不是特別美味，但絕對適合拍照，是次我們三人點了醬燒牛肉飯卷和炭燒雞肉飯卷各一份，燒醬油黑毛豬白切玉紫蘇飯一份，初夏青柑頭柚子梳打，清爽爆汁西柚檸檬梳打和濟州柑橘乳酸梳打各一，最後甜品點了提拉米蘇和春日白桃花園窩夫，絕對吸睛，大家不妨一試。

啟德新商場「AIRSIDE」，提供 6,000呎都市農莊同空中花園，仲要有不少食肆喺寵物友善🐶🐱當日都見到唔少人帶同可愛嘅寵物周圍走，今次我去咗位於6/F嘅Terrace in seaside😋一見到個門口，就覺得打卡一流✅啲甜品都好吸引🤩肉醬芝士千層麵💰86Beef and Cheese Lasagna芝士味香濃配合肉醬中帶點蕃茄嘅酸甜口感，配搭千層麵👍🏻味道岩岩好🍊清甜柑橘窩夫🧇💰98首先個窩夫夠哂厚👏🏻仲要焗到外面香脆裡面鬆軟，蛋香味好重🥚加上一塊塊嘅柑橘肉超清甜，令人食指大動，加上賣相無懈可擊，一上枱超矚目💛打卡一流坐係戶外 天氣涼涼 真係一個享受時光嘅好地方

一行4人叫了4杯飲品及4個飯食，大約幾分鐘就上飲品，然後等了大約40分鐘一份餐都未上，咪追囉，跟住服務員才說今天廚房唔夠人，總之我們等了個多小時才上齊4分餐，前後追了4次，每追一次才上一份餐，每上一份餐都係追完5分鐘就上，但最離譜係最後一碟係凍的，另外眼見其他人叫的waffle 就不停出，遲過我們到的都食完。還有，所有飯餐似係微波爐番熱，並不是即場制作。服務員嘅黑面及差勁服務，真係唔會再貼錢買難受。

約咗朋友去睇《填詞L》 好L熱血🤣但未填飽個肚點睇人填詞呢～ 揀左呢間位於6樓嘅café, 方便一食完就行過隔離睇戲～本身餐廳出面有位，但今日好大風🥶入到去好full, 職員話只淨底榻榻米位置，都ok啦～我隻腳能屈能伸😌✍🏼 提拉米蘇 $58呢個提拉米蘇唔算太甜，咖啡酒餅餅上面有好多份量嘅輕盈cream~ 另外仲加左一小瓶未發起嘅cream, 雖然餅底浸咖啡酒唔算太平均，但係我都幾鍾意食～ 同朋友分享份量唔算太多，剛剛好！✍🏼 燒醬油黑毛豬白切肉紫蘇飯 $138燒黑毛豬好好食，有少少咬口又唔會太硬！加埋醬油味都幾香～個飯辣辣地反而紫蘇味唔太出～✍🏼 肉醬芝士千層麵 $86對於好鍾意食千層麵嘅我黎講，呢個就不過不失～ 如果可以係每層麵中間平均地加多少少肉醬同芝士就prefect 啦😂呢間餐廳啲職員係會帶桔子帽，好可愛啊😍

放假同BB去拍拖，去咗啟德Airside六樓”Terrace in seaside”，户外座位，佢坐到悶又可以出去跑一圈，prefect 💕燒醬油黑毛豬白切肉紫蘇拌飯白切肉表層煎至香脆，味道很不錯，紫蘇拌飯香而不膩，但份量太少，唔夠喉。😅清甜柑橘窩夫柑橘汁香甜，窩夫外脆內軟，cream夠滑。烤雞飯卷一上枱已經聞到超香麻油味，雖然食落唔係太感覺到雞😂，但麻油香，配芝麻酸蘿蔔，已經好好食。金菠蘿沙冰清爽透心涼，啱晒香港潮濕悶熱嘅天氣。

環境好靚，有戶外同埋室內位置，無論係室內室外都有carebear嘅蹤影，不過室內有少少唔舒服，因為要除鞋坐榻榻米🤣所以最後揀咗室外仲靚呢😍紫薯牛奶&濟州柑橘乳酪紫薯牛奶，朋友話比較淡，而濟州柑橘乳酪賣相已經十分吸睛，味道清新，酸酸甜甜🙂🌈Care bears彩虹樂園蛋糕賣相一百分，每一層蛋糕都有不同顏色，但係質地比較實同埋比較甜，但小朋友表示十分好味🤭🧇Care bear彩雲窩夫又係賣相好靚，窩夫份量頗多，外脆內軟，入邊有不太甜的忌廉，配合一起好好食😍熊仔🐻頭螄蚶拌飯賣相好得意，但係味道好邪惡😈因為真係好辣😂但係食食吓都好惹味另外值得一提嘅係，餐廳嘅侍應都好friendly服務亦好好👍🏻仲要唔止一個幾個都係😍值得一讚

AIRSIDE剛開幕時率先過去逛逛，覺得商場空間挺大樓底高，而且食肆選擇幾多。閒逛6樓空中花園，餓餓哋時見到呢間玻璃小屋pet-friendly餐廳新開張，設有室內和戶外用餐區、方便主人們帶毛孩嘆tea，職員制服很韓式cafe風格、個個頭戴橙色beret感覺小清新。等了一陣剛好有枱、店員帶我坐進特色榻榻米靠近玻璃窗位置，就來一場陽光普照儀式感重重的韓食之旅吧Terrace in Picnic Time輕悠・時光 (AIRSIDE分店限定) ・香糯紫薯米糕・玄米脆脆牛油紅豆餅・海苔費南雪小蛋糕・軟綿黃豆麻糬串・忌廉奶油菊花餅・冷泡綠茶> 賣相無懈可擊，一上桌超矚目，不斷被外邊等位的顧客行注目禮甚至狂打卡影相！小木盒盛載著每件精緻得像首飾的小甜點，最喜歡香糯紫薯米糕的煙韌口感和迷人紫色，海苔費南雪小蛋糕邊位烘得小香脆蛋糕體鬆軟，黃豆麻糬串也Q彈的，吃過甜食飲杯被金葉裝飾蓋著的綠茶洗滌甜膩感Grilled Pork Belly with Perilla Leaf and Rice 燒醬油黑毛豬白切肉紫蘇飯> 飯是帶點辣紫蘇味淡淡，黑毛豬白切肉燒得幾香肉質肥瘦適中Tangeri

聖誕聚餐想搵餐廳嘅時候，搵到呢間有Care Bears裝飾嘅韓國餐廳，每一個角落都有Care Bears公仔，超級可愛～打卡一流阿！地理位置亦十分方便，啟德站一出黎連接住Airside商場，之前都未有機會去呢間商場，好新淨，商舖種類都好多，而呢間韓式餐廳就喺6樓位置，離遠已經見到好大隻Care Bears喇！食物點左窩夫同飯卷，窩夫入面夾住忌廉同生果，口味獨特，飯卷正常味道，而彩虹蛋糕就好有驚喜，甜度剛剛好，外表與實力兼具！

年初一晚上六點幾經過呢間餐廳覺得幾靚就決定幫襯⋯⋯我哋一行五人帶住狗仔，所以坐喺出邊⋯⋯啲食物用嚟影相係唔錯嘅，除咗飯卷同埋窩夫外其他食物味道10分普通⋯⋯可以講話有少少難食添，似係預製食物翻熱⋯⋯服務態度方面，其中一個女仔服務員態度10分惡劣，我哋請佢攞幾杯水，佢兩隻手攞住五隻杯過嚟，啲手指插晒入去啲杯入邊，跟住啲杯反咗，砰砰棒棒⋯⋯佢就嬲爆爆行咗去⋯⋯之後再攞個水壺過嚟斟水⋯⋯衛生意識10分不足！雖然餐廳好好生意好忙，但係其實都可以慢慢做唔需要咁心急又黑面啫….另外其他服務員服務態度都幾好。只係其中一個服務員態度差就足以令到所有服務員及餐廳都要蒙受損失啊⋯⋯

近日，吾往Airside頂樓之柑橘主題餐廳，晡餐一飯，實令人心曠神怡。初至餐廳，瞬感其充滿生氣、清新之氛圍，處處皆以柑橘水果為飾，餘味彌散於空氣之中。初點韓式豬手橘拌飯及招牌柑橘煎餅。韓式豬手橘拌飯，肉質鮮嫩多汁，以韓式調味融合其間，新鮮柑橘片為其增添酸甜風味，飯粒馥郁香氣，完美吸取滋味，組合和諧，回味無窮。其次，品嚐餐廳之招牌柑橘煎餅。此菜展現柑橘於烹飪界之多樣性。鬆軟餅皮，外脆內軟，包覆著各式酸甜柑橘片。每一口皆充滿柑橘之美味，而餅皮之微甜與柑橘之酸味相得益彰。此為獨特而清新之經典菜，實顯餐廳之創意與創新。為配合餐點，選擇清爽之柑橘汽水。柑橘之酸爽與汽水之氣泡相結合，解渴且振奮人心。其與菜肴之口味相得益彰，為用餐體驗增添柑橘之美好。是次用餐體驗之最難忘者，莫過於座位之安排。幸得坐於榻榻米之上，體驗地板坐席之日式概念。此安排增添真實感與新奇之感，使整體用餐體驗更加身臨其境。餐廳之服務可嘉，工作人員細心友善，常關懷所需。舒適宜人之環境，加上城市壯麗之全景，營造寧靜之氛圍，使是次用餐體驗難以忘懷。總結而言，Airside頂樓之柑橘主題餐廳，藏有一場柑橘美食之旅。由韓式豬手橘拌飯之垂涎滋味