影片
以上資料只供參考, 請與餐廳確認詳情
中午既時候同Frd一齊去叫外賣，之後等左25分鐘左右諗住睇下有得拎未，叫左三個餐點知最後得一個，就問職員點解得一個，佢就講話取消左退左款（佢外賣自取係用OpenRice），但我地等咁耐職員完全一次都冇講同我哋講話售罄，係我哋主動睇過外賣有冇嘅時候，問佢有外賣未，佢先話冇。但係等外賣嘅期間，睇到啲職員都係喺度玩手機，點解佢哋有時間取消張單同玩手機，但係都唔同喺外面等緊外賣嘅人講個餐冇晒或者取消咗張單 。外賣嘅嗰個千層麵，都好難食。而且食物既款式得好少，中午嘅時候佢好多都已經售罄，完全唔知佢賣乜！嘢飲又超貴！
繼續閱讀
我哋夜晚7:55入到 諗咗陣食咩就去咗counter落單 點知個服務員第一句就話「我哋截咗單啦」之後我問佢咁而家有冇得落單 之後佢就用扮可憐嘅態度重複「我哋真係截咗單啦 我哋8點截單」 一啲唔好意思都冇 態度惡劣 嗰陣時仲要只係8:03 而且由排隊 到入座都冇提起過幾點截單我就堅持 最尾都俾我落單 但落緊嘅時候仲叫我快啲講晒要咩之後我去counter附近搵飲管 有另一個望落高級啲嘅職員就主動問我要咩 我見佢幾Nice就同佢講返頭先嘅事 之後佢就串話 「呢度都係Poly 有時間表 下次要記住幾點截單」同埋講自己做呢份工有幾慘 後來佢攞碟仔過嚟嘅時候又串多次而且食緊飯都聽到好清楚啲職員喺背後講緊我哋壞話 截單唔係問題 但係都有責任提一提醒客人 同埋既然咁早就截單 點解早5分鐘都仲接緊客人？我排咗隊都有半個鐘 絕對有足夠時間提醒 我後面仲有兩組客人而且啱啱入座 我問職員點樣落單 佢叫我跟住佢 但行行吓又去咗收碟 我就企喺度等佢 之後我仲有嘢問 但我講緊嘅時候佢又突然轉身做其他嘢 極不尊重食緊飯嘅時候仲要聽啲職員陰陽怪氣 以後都唔會去呢間分店 希望以後poly嘅同學唔會再遇到同樣嘅事😅😅
繼續閱讀
【清甜柑橘窩夫】 $68好食👍🏻窩夫夠厚，外脆內鬆軟，仲有個柑橘汁，酸酸甜甜幾開胃🤤 【煙三文魚芝士窩夫】 $68窩夫幾有誠意，原本以為係普通窩夫，點知入邊混合咗啲菜同埋煙肉，幾有驚喜👍🏻【春日白桃花園窩夫】 $108呢款最貴，但係最一般🥲白桃味嘅cream太多，搞到個窩夫淋咗🥲不過白桃cream嘅味道幾清新～┈┈┈┈┈┈┈┈┈┈┈┈┈┈┈┈┈┈┈環境寬敞，座位舒適～除咗PolyU之外，仲有幾間分店㗎😍
繼續閱讀
係理工大學裡面嘅韓式cafe，但唔需要拍卡都入到㗎！因為唔太肚餓，所以試咗個魚糕烏冬。由於算係大學嘅餐廳，價錢都好平 ($55)。有兩大串魚糕、四個獅子狗丸，口感都唔錯👍 不過烏冬就偏軟身，我個人就唔太鍾意個口感😢
繼續閱讀
少數合埋眼是但叫餐牌嘅食物都好好味🍽嘅cafe🥢推介牛肋骨飯🍛，D肉軟腍多汁，口感香濃😍🥢仲有個窩夫都係必定食，因為係即整所以好香脆🥞🥢牛肉壽司都好好味，因為果醬汁好入味間餐廳以柑橘做主題，所以橙色為主，self served水仲有啲橙味添，部分座位仲有塌塌米
繼續閱讀