Thai Friend 246

營業中

休息中

最近長沙灣開咗間泰國菜，即刻叫埋班friend一齊去試吓。冇諗過細細間啲嘢食又好好味喎，仲要好正宗，之前都係喺泰國先食到咁正宗嘅味道。今次食咗泰式生蝦，蟹肉炒飯，冬陰功湯，牛小排，豬頸肉，生菜包。每款菜式都做得好好味道，完全唔敷衍，全部都好足料，價錢又公道。以後一定會多多幫襯，以呢個價錢可以做到呢個質素，香港嘅物價咁高，真係好難得。見到老闆落足心機去經營！離開呢頭食飯一定要試吓，保證大家食過返尋味！

路過見到新開入去試吓，勁有驚喜，又平又抵食，仲要好食添，香葉鹽燒魚-出面好少見，又滑又少骨，唔點汁都好味生蝦刺身-大大隻，同出邊啲泰國舖頭一樣有舊苦瓜係下邊做底，正蒜蓉包-like 社交媒體網站有得送的，但佢唔馬虎，都好味生菜包-好味，有炒米係入面，唔怪得知食落脆卜卜豬頸肉-燒得好嫩滑，唔會太乾，非常香口串燒-都係燒得剛剛好，好好味雞皮-香脆燒大頭蝦-大隻好味彈牙全部都好食，食完發現店內廚房有個泰國女士係度，唔怪之得啲嘢食咁好味咁正宗啦！

第一次食咁好食嘅泰國菜首先餐廳啲職員都好Nice，會好似朋友咁對客啦正題黎啦，首先叫左個海南雞飯啦，之後見到佢啲油飯唔會真係好似第二度嘅餐廳咁岀曬油。可能影得唔太好啲雞睇落好唔靚咁，但佢食入係口係好嫩滑的！之後我地另外都叫咗招牌船河，佢個份量唔會話太過少，佢嘅湯底對我嚟講真係好正！係去第二間食唔到啲湯底🥹佢啲肉丸食落真係好正，但可能我唔中意食綠色個啲啦，我覺得佢有啲多🥲最後，整體上嚟講呢間餐廳會係最啱我口味嘅一間餐廳😍

本身諗住求其響屋企附近食餐便飯就算 見佢新開就去試下啦 點知一試難忘😍金邊粉好出色 係少數食到唔係用茄膏 係用酸籽汁做既金邊粉🥹 個蝦🦐都好有誠意 大大隻 爽口彈牙 會成日去食！

今日去開食氣鍋雞買外賣，見隔離有間泰式小店，所以一試，叫左D串燒，鳳爪，海南雞飯及炒椰菜苗，串燒話即燒，味道係可以既，鳳爪冇乜味份量OK，海南雞飯唔掂油飯冇色冇味，雞就好乾，至於最驚喜係個椰菜苗78元，份量少到講粗口，味道係可以既，但呢個性價比有点搵笨，冇下次

Thai Friend246今晚經過有新舖，見係泰國嘢就去試下，點知同自己嘅口味唔太夾海南雞飯$68海南雞飯買左2個，份量剛好，但啲油飯完全係雞油浸飯，完全刷新你對油飯嘅認知👍🏻👍🏻👍🏻泰式肉碎生菜包$68生菜份量剛好又夠新鮮，肉碎淡而無味，維持生命可選擇足料香葉辣椒膏炒蜆$68啲蜆隻隻都係沙，除左香葉冇其他味，重點個香葉味太重太多，完全蓋住其他味，所以成碟唔係食到沙，就係食到好重嘅香葉味以上純粹個人用餐後嘅感受，絕對冇不尊重餐廳嘅意思