Thai Market (已結業)

當日叫咗兩個主菜,一份小食,兩杯野飲,當中一杯喺啤酒,啤酒溫度接近室溫唔凍.兩個主菜味道一般,當食完主菜後見小食未到,而且見到我哋叫嘅同樣小食有送到去比我哋遲落單嘅臺到,令我以為漏咗我哋張單,所以打算埋單離開(當時同落單時間距離已經30分鐘)點知侍應一臉不屑反問我哋係咪要走,然後話有樣野我地叫左.我哋表示等太耐未到以為漏單想取消,誰不知侍應用極差態度回應話我哋落左單已經整緊唔可以取消.侍應態度同回應令人髮指,所以對呢間餐廳極為失望.

飲咗杯碟豆花青檸似藥水味，叫既海鮮併盤，隻蟹入口水加梅，一食就知死蟹，條燒魚都唔係太新鮮，魷魚、青口、鮑魚都OK嘅，但味道只係一般，整體海鮮可免則免，冬陰公湯好飲夠酸，因為我鍾意飲酸啲，但得一隻蝦，湯份量亦少，沙律扎肉粉絲味道OK，整體食物質素講真只係普普通通，叫我哋出張會員卡有85折另有$400 coupon送，叫咗3樣嘢，3杯黑啤加一杯飲品，扣咗$400 coupon同做咗85折，埋單都要$700，只係食環境加音樂 ，有啲失望。