影片
電話號碼
56886188
營業時間
今日營業
18:00 - 01:00
星期一至日
18:00 - 01:00
以上資料只供參考, 請與餐廳確認詳情
今晚出去同老婆去撐枱腳。經過屯門美樂附近，見到有間超市門口好多人燒緊嘢食，原來早上係超市夜晚會變身做一間燒烤餐廳，好有特色，等咗好耐位（半個鐘），下次真係要book位,今餐其中最滿意係燒魚，肉柔嫩，食落口感幾好，平時出去食泰式燒魚，都係乾爭爭，有汁感覺唔會乾，！呢間餐廳絕對可以翻頭，氣氛好、待應好、香港街邊風味，高級食材，食完野仲可以喺超級市場買埋野，有啲好似日本嗰啲超市咁樣！可以再幫襯，埋尾，老闆送咗個小果盤，感覺到食店的人情味，幾好，仲見到個叫阿Joe嘅老闆賴皮唔飲酒，幾攪笑
繼續閱讀
第二次寫食評上次試完韓燒嘢食，今次試凍肉類買返屋企咁啱上朋友屋企打邊爐🍲同韓燒事關我個fd係牛肉控對食物要求好高我就問店員，邊幾類燒係最好，細心介紹完厚度、肉質、油脂分布！我影低哂相之後send俾個fd先決定買由於呢度係無蕃茄，豆腐，菜果d賣就過美樂對面個街市買喇不過佢哋有日式火鍋湯包$30咋平過好多舖頭，响鈴卷，丸類嘅出奇地佢地個墨魚丸真係好鮮甜彈牙佢個十勝豚肉好正，落salt燒就食得好甘香完全唔會好似街市買果d咁有陣臭豬味100分！帶子口感幾好，一絲絲嘅，唔係縮到好細粒店員話帶子無經過漂白先會黃黃地，先放心買A5黑毛牛 切哂片，好方便。最後買了6個生果，店員話老闆係果欄有舖每星期都有新鮮水果⋯⋯價錢方面就唔係好平好似街市咁，不過就有得自己揀同產地來源唔係大陸，大部分見佢開箱連哂盒show返哂出嚟，同埋生果係大件總結下次會再買，推介十勝豚，生果，A5和牛，美國日本混種和牛
繼續閱讀
有朋友介紹我去呢間超市食嘢，一開頭去到見到坐滿哂人。但朋友叫我去等吓因為真係好食。之後等咗9個字左右就有位，店員好有禮貌介紹好多嘢食，我試咗佢啲牛同埋串燒，都唔錯！啲牛好正 仲有我最喜愛嘅韓牛😚 同埋店員介紹我食SRF和牛 抵食到最後我同店長講過幾日我女生日，點知好驚喜。店長叫廚師切咗個生果蛋糕 真係好靚🥰好窩心
繼續閱讀
之前睇過評論同埋相片感覺幾好，之後打過去book枱被告知Booking需要19日後，本身打算放棄，但女朋友叫去嘗試Walk in，因附近都有幾間餐廳如果等唔到都可以嘗試，但最後我們等了一個鐘終於嘗試到，的確沒有失望，韓豬泡菜、燒和牛、海鮮都好出色，由於商店係超市混合型式飲品款式都比較多，最尾一刻店長竟然為我們特別送一款神秘禮物😂,這次體驗非常好，如果想食既可能要早一點到場，因目測只有幾張枱，真心推介推介
繼續閱讀
今日終於嚟到美樂花園食串燒，之前聽朋友講過好難book到位，今日去到Walk in等咗9個字終於有個客離開，牛扒非常好食亦有得即場喺超級市場購買菜單沒有的食材價錢都非常合理，最後由於隔離枱有人生日，店家向全部顧客派發神秘禮物，店長要求不可公開😁。這次體驗非常好下次會再來，閒日可試下walk-in,但星期五六日就打去book位，如果唔係就白去一場，屯門都好少呢啲咁有氣氛嘅餐廳，PS其實我開頭以為佢係一間超市😂
繼續閱讀
您可能會有興趣的...