The Barn II Pub & Restaurant (已結業)

裝修後第2次黎這間酒吧..第一次我地一行6日叫左個3個二人SET..今次想飲酒..所以就散叫左一個個餐..我就叫左個燒春雞意粉..都唔差有成半隻燒春雞...有D餐價錢都唔平啊..要成一百元一個..要湯..包野品仲要另計... 我地叫左一大桶嘉仕伯BEER...設計好得意啊..自己慢慢JUMP..中間仲有支冰等你KEEP 住冰...正! 仲叫左小食椒鹽雞軟骨同椒鹽雞翼,,,好辣呀..椒鹽雞軟骨沒變同以前一樣好味道!其實計返好似買一桶仲抵過買支支..好似飲極都飲唔完咁!

行經謝斐道，有一位女子在派傳單，我見她走路似一拐一拐，說話口齒不清，她說：下‥下午茶‥餐餐，熱飲飲加4‥4‥蚊，凍凍飲加6‥6‥蚊‥這間餐廳肯請殘疾人仕，令我滿心感動，而我剛剛又想食下午茶，便二話不說，與『加高』一齊上去幫襯。好開心，有電視睇，仲要係播足球！沙發又舒適！不錯。誰知開始出事啦~~~我看傳單寫：tea menu $23，熱飲加$4，凍飲加$6，但在餐廳看的menu 卻是$25，熱飲加$4，凍飲加$6！我問侍應為何價錢有出入，她竟然說我收到的傳單應該是舊的！我說我是剛剛在樓下收到的！她說以餐廳menu為準！我心想$2又不算多，就算啦。我於2點25分，order左了2份『吉列豬扒拼網皮春卷+薯條』點知等了很久仍未上菜！只上了2杯好細杯的熱檸茶。飲3~~4口就可以飲完！到了2點45分，我問侍應為什麼等那麼久仍未有得食，佢竟然同我講話廚房做唔切！我望一望周圍，都唔爆場，得幾檯客，仲要大部份都食緊野！得1/5客人都做唔切，咁爆場時點算？！好啦，等到d食物黎啦，我以為整咁耐，應該所有野都係熱辣辣，點知，d薯條凍冰冰的！oh my god，薯條唔熱點好食？好彩豬扒尚算ok，春卷亦唔差。唉

下午茶時間同事提議到這裡搵食餐牌的選擇蠻多的,看得人剛好同事卻推薦強力推薦這裡的沙拉愛吃沙拉的我豈能有不試的道理呢鴨胸只有數片,屬普普之作沙拉是薯仔雜果沙律不是甜爺爺的罐頭雜果而且份量十足,抵讚*最驚喜的是跟餐的羅宋湯,酸甜調得剛好,蔬菜的份量亦夠多微辣也不會太水~完全符合yanke對羅宋湯的要求也當然一滴也不會喝剩啦這麼有良心的店舖,笑面是一定要給的啦

我本來都唔會浪費時間寫食評，但今次真係唔講唔高興其實間餐廳裝修後，坐得舒服左又空氣清新左首先，我平常係會上去食lunch嘅,又平又抵食...不過裝修後變相貴左，熱飲無啦啦要加$2，茶餐廳都唔洗啦，如果唔係環境幾舒服，d侍應見慣見熟，服務又幾親切.....可能真係為呢無理嘅$2而食第二度。嗰日夜晚10點幾同朋友揾嘢食經過呢度，諗住試下夜晚d食物 (因lunch幫襯時經理都有推介過夜晚格局唔同同食物都進步左)，點知失望而回......服務更......唉......講食物先啦：我同朋友都唔食海鮮，究竟點解一定要我扒拼海鮮呢？好cheap，好似去左舊式港式西餐廳咁，正式西餐又點會拼來拼去呢咁無選擇下唯有選燒豬肋骨，好彩ok喎，$88超值，值得一讚朋友叫左個鐵板唔知乜(有薄餅跟)，幾特別，幾得意...之前响外國都食過仲有夜晚熱飲又唔洗加$2.....真唔明?????????????? 之後仲叫左半打啤酒。不過....................唔知係咪夜晚d員工有幾份part time咁，毫無笑容似黑面機械人，又唔知係咪我哋2條麻甩佬無吸引力，隔離枱2個靚女先吸引到佢地圍住 (因夜晚全男

今天中午點了一份白汁龍脷柳拼蝦餅意粉, 包中/西湯及凍奶茶, 共$40. 今日這個龍脷柳煎得都算不錯, 有魚味但無魚腥味, 肉質都算好滑溜, 不過蝦餅都好普通, 不單不夠彈牙, 而且也食不出蝦味, 意粉面淋上的白汁很多, 把蝦餅都浸到淋巴巴了. 最差的, 就是拎黎時己經凍晒, 一d都唔熱下. 奶茶好似奶水咁, 好差. 總體而言, 今日的水準較平日差很多.

真高興, 朋友打電話給我, 說今天不用上班, 可以來銅鑼灣跟我食下午茶, 我們去了酒吧Barn II, 即謝斐道太興的隔離再上1樓. 三點多到餐廳時, 眼看差不多坐滿8成人, 這兒分吸煙區及非吸煙區. 空調尚算流通, 情調也不錯. 每次下午茶時段, 都會有很多不同穿著制服的售貨員來幫襯, 皆因這兒價錢抵, 選擇多, 坐位闊落舒適, 不用撘枱, 不用等位, 不失為一個"呼吸新鮮空氣"的好地方. 下午茶時段, 我點了一客$30的三絲炒米+凍奶茶. 三絲包括火腿, 銀芽及肉絲, 這兒的炒粉麵一直炒得很不錯, 不會太油膩, 味道野味又唔會太鹹, 份量亦很夠. 不過這兒的茶啡實在差, 茶底不夠濃, 總好像奶水一樣並不討好. 這兒的食物水準很不錯, 尤其是晚餐的扒類煎得相當不錯, 都只是數十元一客, 選擇種類也很多, 扒類每晚都有牛, 豬, 雞, 羊, 也有貴價的開邊龍蝦, 至於中式的炒粉麵粉選擇也很多, 總有一款合心水的. 記得好幾年前, 我曾對老闆娘稱讚這兒的食物味道很好, 老闆娘說廚師以前也是酒店的廚師, 怪不得食物材料講究及烹調技術也很好.

2月3日, 失驚無神想食西餐~ 對上一次去barn II 都已經係6,7年前~ 格局完全冇變, 唔覺有裝修過~ 所以地方有d舊~ 因為呢度係俾食煙, 所以到處都有一陣煙味, 直情煙霧迷漫, 我諗都一定有人投訴過…::: 菠菜肉醬千層麵 ::: $72跟餐送餐湯, 蒜蓉包同飲品~ 可能冇乜人食晚餐, 所以有推廣送巴馬火腿哈密瓜, 價錢都算相宜~ 巴馬火腿肉部其實ok, 不過肥肉比例多過頭, 同埋切到好薄, 食落冇乜質感. 哈密瓜亦唔甜, 送既係咁架喇… 餐湯係什菜忌廉湯, 加一塊細細塊嘅蒜蓉包, 真係好細, 都幾脆嘅~ 忌廉湯尚可以, 不過唔夠熱, d什菜都似係煲咗好耐… 到個千層麵, 份量都幾細下, 一個正常男仕要食2碟先飽! 味道係幾好味, 肉醬,同千層麵個味道好好. 不過周邊d茄汁顏色有d怪, 同酸過頭… 飲品叫咗咖啡, 以一間西餐廳黎講呢度嘅算難飲, 差過茶餐廳…::: 意大利芝士餅 ::: $28我係散叫架! 但係都係好細件! 餅底只係冇咖啡味既咖啡蛋糕, d cream cheese又冇乜芝士味… 食落仲好油膩… 真係NO GOOD!! 以後都唔會食呢度既甜品!呢度真係10年

27/2/2009 今日約埋同事一起去歷史悠久既Barn II食Lunch,呢間餐廳都係一個好去處,所以我地都食左好幾年啦~ 這裡員工服務態度亦不錯,我地身處銅鑼灣工作三十幾蚊既價錢可以食到牛扒,適合打工仔惠顧,今個星期仲有好好味既意大利飯.不過今日既午餐真係令大家生色不少~ 係我地食到尾聲既時候,突然傳來吵架聲,我地回頭一看,竟然是一男,女子在大吵大鬧,再聽下去原來是他們一共8人行來光顧,只叫7個餐,最離譜的事不是他們不order,而是在人家餐廳食自來{"麵包&燒賣"},員工好言相勸,反被兩位惡人大罵,老闆看見此事情當然立即平熄及阻止,但竟再被痛罵一餐!!!!這女人更大聲說:{我地8個人黎食野叫7個餐有咩唔岩呀????},他們就像道理就是我們一樣,不會說什麼道理.現金香港社會,不說經濟好與差,出外一定會有消費,更何況是外出食飯,每人每日都是必須,去餐廳飲杯奶茶或咖啡都只不過是十元八塊,為這麼少的錢在大庭廣眾大吵大鬧,真是香港人既可恥~~~~~~今日這份午餐令我地知道香港存在著這麼多住在深山不說道理的野蠻人!!!!!!!!!!!

係呢度做過一排，同事都好好相處，ｄ野食都好好味。推介個下午茶餐的飛碟三文治同埋珍寶西多，個賣相真係冇得頂。我地午餐都係食餐牌ｄ野，所以我可以保證真係好味既，不過晚上ｄ湯有時會冇咁熱，話晒都已經放左成日。其實呢度裝修舊係舊ｄ，不過都幾適合一大班ｆｄ上黎飲酒食下ｔｅａ。至於煙民有福了，呢度仲有吸煙區，可以一路食飯一路煲煙，好鬼享受。（晚餐就麻麻喇，咁既價錢我寧願去食花園餐廳好過。）仲有呢度成日缺人手，如果唔怕辛苦都可以黎見下工既，ｄ同事都好好，唔會蝦新人，仲會好肯教你，有時見你做唔切會幫你手。唯獨一個叫ｅｌａｉｎｅ的女人比較乞人憎，成日自己唔做野拎住個死人對講機點人做野不特只，你唔埋佢堆仲點你做野做得更勁，玩到你殘都似。得罪左佢，有排你受，個個都唔叫淨係叫你，跟住見你做緊野就點你去做第二樣野然後等你做到一半又話你做咩唔做好之前做緊個樣野，點到你暈陀陀。收佢幾千蚊人工要你交萬幾蚊貨咁款，但佢自己ｄ服務態度，真係唔好提啦。睇住佢對住ｄ客笑笑口但背住就黑口黑面，仲係對講機話ｄ客係Ｘ樣，每日午飯時間佢係個對講機講既野仲多過聽到其他同事講正經野，阻住晒個ｃｈａｎｎｅｌ。日日番工就係聽住佢係個對講機度

其實都係pub嚟～～但係上面有晒大電視，大卡位，仲有就係地方超大．．．下午茶餐又係超級平，那天撞啱我冇胃口，所以叫了一個熱狗加杯飲品都只係十零廿元，諗住抵過就咁叫杯嘢飲，點知．．．個熱狗好大個，仲超級靚仔．平日的我一定諗都唔諗就食晒佢，但係冇胃口個陣仲見到咁大個熱狗～～唔食唔得，影完相咬啖先包起佢．而我其他朋友叫的食物水準全都不錯．

係銅鑼灣就快返左成2年工,都未試過這間Barn II ,今日終於可以同同事試試他的下午茶!同事說的沒錯.對..一入到去已經覺得好煙!現在可以食煙的地方唔多,所以好多Sales 等愛煙人士都黎這裡!我們一行5人給了一張大的梳化枱比我地,夜晚黎飲野睇波都幾好的 , 有多部電視睇..又有歌聽..但真係好煙!雖然係酒吧..但食物質數都唔差..二十多元一個下午茶餐 豬扒包 煙三文魚沙津 豬軟骨面 焗飯套餐椒鹽雞軟骨 $30 ...本人覺得椒鹽吵好食過沙嗲正的...野味點..

因晚飯要等位超過一個鐘, 故上來飲番一轉好過四處行.其實以前好鍾意來飲啤酒, 又可以食埋晚飯, 近年多在九龍工作已經幾年無來, 環境無點變. 半打啤酒送花生, 總比食nuts有feel, 間中來懷愐昔日友好歡樂時光都唔錯.星期六7:00pm人客不多, 可能晚一點才會熱鬧.

呢間食過幾次, 每次都覺得好味, D 梳化位都幾好坐既~今日食左 " 燒牛肉菠蘿沙律 " 同" 咖哩南瓜魚柳長通粉 " , 個沙律新鮮,大大粒爽萍果同菜,好味道~~ 但個長通粉就食唔到有南瓜味, 如過炒下個長通粉仲好味, 幾次都覺得呢度既野飲好差, 味又唔夠, 冰又唔夠, 似杯水多D ... D服務員既態度真係有待改進, D野食等極唔到, 諗住問下, 點知真係叫極都唔應你, 當你透明咁, 直行直過, 唔可以話冇禮貌, 但係睇得出冇用心 service 客囉! 唯一積極既係收你D碟, 未食完都收左佢, 問下我先啦~唔該... 呢度好大煙味, 特別係四周人都吸煙時, 真係透唔到氣, 我地呢D食野唔食煙既, 真係比錢買難受~~

感覺上覺得唔乾淨坐得又唔太舒服好似一間較暗左D燈同埋有飛標機既茶餐廳不過佢個蛋幾好食

我並唔係一個煙民，但朋友話呢度有得睇波，就拉左我黎呢度食tea....點知就出事!我只係求其叫個blueberry cheese cake....個cake得個甜字，完全唔可以用好食黎形容!!!杯檸水，個檸檬唔靚，好苦~朋友叫既唔知咩焗飯，等左好耐都冇，叫D waiter黎又冇人理....最慘係，我地已經唔係坐吸煙區，但周圍都係煙民....食到成餐tea一肚火.....真係以後都唔上去呀!