The Conservatory

營業中

休息中

{Chill 爆西貢午餐 - $354}週末無特別安排，又唔想留喺屋企咁悶，就咁去到西貢搵間餐廳Chill 下都好舒服，呢間都可算係我去西貢嘅Chill 級精選！♦️Margherita食Pizza 唔一定要好多花樣，芝士茄醬火箭菜，最基礎嘅美味，烤到脆一脆！真係無得頂！♦️Romaine Salad又是另一個基礎的美味！美味嘅沙律，脆脆嘅麵包糠，咸香嘅風乾火腿，加埋每台都有嘅欖油真係好好味！♦️ Black Truffle Fries薯條炸得好香脆，黑松露真係好多，沾滿左每一條薯條，上碟時已經香噴噴！食到勁飽！美味程度：😋😋😋😋😋環境指數：🎇🎇🎇🎇🎇番食機會：🦍🦍🦍🦍📍 #TheConservatory (西貢)西貢灣景街26號地舖

25號聖誕節正日係呢間餐廳食晚餐，加埋一人均只係$440!頭盤個Broccoli & Stilton Cheese Soup超好飲😍我地咁岩4個人，special menu又咁岩有4款main course俾人選，我地就叫曬4款大家share😍Grilled Lobster Pasta, Chargrilled Beef Ribeye同埋Wild Mushroom & Black Truffle Risotto都正唯獨Christmas Plate個turkey既肉質就韌d,但反而d配菜好似chestnut stuffing同brussel sprouts就不錯！Cheesecake正常發揮。但Christmas Pudding就中伏，太甜了🥲但overall呢個價錢聖誕正日食晚飯，個人覺得性價比已經好高！special menu仲送mulled wine,室外坐係火爐隔離好有節日氣氛🎄

凱撒沙律食材非常新鮮，生菜脆嫩可口，帕瑪森芝士的醇香味道和培根的咸香味道相互襯托，口感非常豐富。蛋黃醬的加入也讓整道沙律更加濃郁。在這道沙律中，檸檬汁的比例非常重要，它可以讓整道沙律更加清爽，並且能夠中和其他食材的味道。意式芝士蕃茄醬薄餅薄餅非常脆薄，但又不至於太硬，搭配上蕃茄醬和芝士的味道非常搭配，令人食慾大開。

一到炎熱夏日既日子就會諗到要去西貢去西貢吹住海風飲返杯chill住或者出海就最岩咁岩當天撞正天后活動 黎到灣景街內街比較多唔同國家菜式同外國風既文化中午先嘆返個Brunch平日都會帶埋狗狗到外 西貢呢間餐館都可以帶寵物到外Salmon Benedict 💰HKD$118份量唔算大份中規中矩係三文魚下面仲放左些少菠菜菠菜都好鮮甜質嫩又煮得夠淋身好食多士厚身鬆脆 有用牛油烘過兩邊 個邊有些小脆🤯Brunch Burger 💰HKD$158 肉汁juicy 有鎖住肉裡面再慢慢滲出煙肉🥓煎到剛好又帶鮆小脆邊配有薯角 夠熱份量都多包一樣都用牛油烘底再配火箭菜蕃茄 Ice Lemon Tea 💰HKD$38

星期六係西貢遊走 好多舖頭都full咗而依間竟然無乜人 有啲怯 但都照入咗去無期望之下 好有驚喜先上麵包烘得好脆 仲refill咗一次飲杯啤酒爽下Flash fried lemon squid $98以為係魷魚圈 但點知係一片咁上即刻炸起 炸皮好薄魷魚爽口彈牙辣醬幾香幾惹味 同炸物好夾Crispy cider roasted pork belly $88似一舊炸咗嘅東玻肉😂個醬甜甜哋 唔錯嘅但肉就有啲乾有啲硬想食返中式 又淋又入味嘅東玻肉🫣Truffle Fettuccine $148哎喲🥺松露味好出好香好濃郁 再加埋Parmesan係食極唔厭嘅味道闊條麵幾有口感掛滿晒啲汁汁仲有好多唔同種類嘅菇 強烈建議換晒做肉肉咁就perfect池Steamed Mussels penne $158依個sauce都好正無cheese, 但應該多啲cream 所以相對creamy啲青口幾鮮 同埋份量都唔少兩個意粉都高質Salami Pizza $138正常質素啦人均$250 都ok lah~意粉好有驚喜好出色仲坐得幾舒服

圍住萬宜遊樂場有好多唔同西餐廳，户外户內位都有，呢間conservatory裝修白雪雪好顯眼，仲有唔同國家嘅菜式，英式、意式、地中海都有。*Breakfast skillet $118Full english係完美嘅假日brunch，2隻太陽蛋(好似可以轉炒蛋)，將煙肉腸仔卷成偽pig in blanket ，茄汁焗豆收埋咗喺麵包下面，味道唔會太甜唔會好假，酸種多士係普通多士，但組合一齊就係beans on toast!!!番茄新鮮，但炒蘑菇炒得唔夠香。加埋少少薯仔嘅touch-up，係Full English喺全日早餐嘅巔峰，除咗差咗Black pudding。Smoked chicken pizza $148行薄脆路線嘅pizza，唔係用番茄汁做底，反而用青醬做底，煙燻雞肉、水牛芝士，加埋少少松子仁嘅脆口，配搭少見但幾好食，而且唔會油腍腍，讚！Crispy cider roasted pork belly $88中式五花肉煮法x西式醬汁係幾特別嘅組合，可惜焗到過晒龍，五花肉肉香但超級韌，皮脆但超級硬，加埋蘋果醬、焗蒜頭，味道fresh且唔會油膩。

太太想在西吃意大利菜式，選了很久才找到這間餐廳。 西貢餐廳的選擇良多，初初選擇The Conservatory也不知是好是壞, 只是抱著姑且一試的態度， 結果令人喜出望外。餐廳除了價錢合理，環境及店內的感覺也不錯 ，食物味道亦很好。 我們點了龍蝦汁海鮮蝴蝶粉， 巴拿馬火腿火箭菜pizza， 蒜香燒蝦小食, 同一支意大利嘅 prosecco 汽酒。 蝴蝶粉頗有龍蝦汁的鮮味，咬口軟硬適中， 燒烤蝦香口彈牙，而Pizza則屬於薄批， 有傳統意大利的風格， 邊位較脆， 整體襯埋汽酒， 配搭得不錯，也十分美味。老闆娘十分親切友善及健談, 員工也經常面帶笑容, 最後還免了我們的切餅費用同埋唱生日歌畀我哋聽， 實感意外。大家在疫情下都撐了那麼久， 我覺得這是值得支持的一間小店。

✨西貢值得回訪餐廳✨.話說去西貢前睇咗唔少食pizza嘅店，最後決定去The conservatory 到試吓，結果真心好正，我哋仲見隔離枱叫咗個黑松露意粉好香，不過當日食咗太多野冇辦法再叫黎食🙈加上食物都好好食而且唔貴，下次去西貢都會回訪呢間ლ(´ڡ`ლ)　.▫️Parma Ham $148（8/10）Tomato sauce, Parma Ham,mozzarella & rocket佢係屬於脆薄底pizza，近邊位好脆😻超鍾意，配料亦好香，最重要有我最愛嘅火箭菜♡（帶個頭盔，如果你本身係鍾意煙韌口感pizza，咁呢就未必啱你）.▫️Crispy cider roasted pork belly $88（9/10）勁正💓層皮好脆，半肥瘦嘅豬肉都好軟腍好入味，碟中間仲有少少蘋果肉添 🍎 .另外我哋仲叫咗杯1664黎飲 🍻 配埋個pork belly同pizza，食得好滿足⸜( ˶'ᵕ'˶)⸝..

疫情嚴峻假日諗住去郊外行吓去到西貢 完全人山人海仲熱鬧過響市區不過搵嘢食都好多選擇終於揀咗呢間好有歐陸風味嘅餐廳裝修真係幾靚幾舒服我點左all day breakfast雙蛋似炆出嚟咁唔係我杯茶我鍾意有焦香味嘅雙蛋煙肉都唔係朋友講嘅超厚切只係比普通嘅厚啲口感唔錯 而且唔咸好食嘅不過塊多士就真係好求其其實要做到外脆內軟唔係咁難件多士真係扣分朋友點左三文魚egg Benedict係好一般市面買到嘅煙三文魚朋友話蛋做得唔錯 有流心佢都彈塊麵包 硬啊 唔係脆囉不過去到郊外舒展下身心 食咩都咁開心嘅

i always come to this restaurant which is delicious!! especially lumch menu is worth for value.i am very happy to come here today to celebrate Christmas eve. I ordered salad and the special desserts.salad is tuna which is my favourthe source is quite fresh with olive. The dessert is canberry pudding but a bit sweety.

系西貢玩完水諗食咩都系一個問題 太多望落好味既餐廳😋最後揀左呢間 😚😚無揀錯😍第一碟前菜揀左炸魷魚 佢炸出黎既炸皮吾系痴住舊魷魚肉😂 一拮個炸皮已經開始碎 除卻呢點 拮反兩者一齊個味道又奇蹟地好 吾點醬都好好味因為我好中意菇 所以叫左呢款 佢系薄皮pizza 有一點好特別 就系佢切既方法系不規則 吾系我地平時切得好平均咁 味道👍🏻青口意粉系creamy sauce 中意creamy既人必叫🤣 個人中意下面既蝦意粉蝦意粉勁鮮味😋😋 勁重蝦味 朋友話覺得gluten free spaghetti 個咬口真系吾同啲 但個人感覺吾出個吾同😂食完上面既覺得未夠喉 所以決定叫多一道 呢個脆腩肉 個人覺得個皮烤到有啲過硬 有啲失色 但個sauce酸酸甜甜 好開胃🤣P.S佢3-7系happy hours 趕得撤系7點前入座 有買一送一🥰Waitress 好warm 去到入夜開始涼左 見好多人都縮埋左咁 所以拎左暖爐出黎 同埋拉低反旁邊既簾👍🏻

呢兩年因為疫情冇得去旅行，所以去西貢尋找旅行既感覺。行到攰攰地就搵一間似樣嘅餐廳入去，大部份都係酒吧，見到依家係中東菜就入去試一試。蘋果目煙醃生吞拿魚哩個真係一流，煙熏香加酸酸咪咪嘅味道令到吞拿魚唔膩，口感豐富，推薦香辣雞柳串燒味道惹味但太咸，不過中東菜都係咁咸，雞肉略嫌偏乾，有點硬野菌炸意大利飯球好似食緊炸薯波，炸特色仲唔太硬整體環境好地中海風，真係好似去咗旅行咁。味道質素又一流，入西貢值得一試

西貢一向都係香港人嘅後花園而家無得出去去旅行 遠征去西貢就當自己去完旅行返黎而且最近迷上了wakesurf呢項活動 差不多個個星期都入西貢一次😂今次朝早滑完水同朋友隨心係西貢搵左呢間餐廳食brunch 可能仲未夠12點 唔算好多人 所以仲可以walk-in兩個人都叫左Salmon Benedict😉好食 只係略嫌隻蛋熟左少少而我就叫左杯berries smoothie 足料 唔算甜 仲好飽肚食完brunch 差杯酒精飲品😂所以一人叫左一杯cocktail 酒精好足夠🤣呢間餐廳幾高質 下次玩完又可以再黎飲返杯

入西貢食午餐😮搵緊有乜好食見呢間餐廳個裝修都非常靚🥰再加上好多外國人食有得坐入面有狗仔既亦都可以坐出面所以吸引咗我入去重點佢啲嘢食比起其他西餐廳都算平小小叫咗個all day breakfast 都幾大份佢啲煙肉好特別😮好厚嘅 成塊豬扒咁 塊面包好硬 咬吾開😇整體味道一般 冇乜特別呢個toast 有少少失望因為餡料唔算多 個餡用番樓上既all day breakfast 料🤫唔值甘貴😑但佢真係落足牛油果嘅🙂

Ⓣⓗⓔ ⓒⓞⓝⓢⓔⓡⓥⓐⓣⓞⓡⓨ假日到西貢遊玩，在灣景街被一間海水綠色的餐廳吸引，便來到這裏午餐。📍Latte $45比預期中的有點差距，有點小失望的是咖啡沒有拉花，咖啡香味一般。📍香炸魷魚$98魷魚炸得金黃香脆，每件體積都不小，蘸上檸檬汁吃，寧舍開胃。📍Salmon Benedict $108水波蛋下面有一點菠菜，多士厚身鬆脆，煙三文魚的粉量亦不少，味道不錯。📍帕爾馬火腿薄餅 $148Pizza是薄脆餅底，有新鮮的火箭菜舖面，這裡切pizza 的方式是長條狀，目的是把火腿均勻塗在Pizza面上吧！？但筆者認為長條型切割Pizza外觀，並沒有三角形的吸引。餐廳湖水綠綠藍藍的色調，讓人有一種舒適的感覺，亦舒服好坐，但食物方面，味道有改善空間。👅 味道：3.5/5💰CP值：3.5/5🕴🏻服務：4/5🔰餐廳環境：4/5👀回頭率：3.5/5🍽 餐廳：The Conservatory🌐地址: 西貢灣景街26號地舖#foodie #hkfoodie #hongkongfoodie #852food #852foodie #foodstagram #hkfood #foodhk #hkfoodbl