影片
開飯介紹
休閒風生活概念西式Cafe，設計以木為主軸，備有不同類型，如露營風的餐枱椅，而此分店可接待寵物；另外設有零售區，如咖啡、啤酒等。
繼續閱讀
營業時間
今日營業
11:00 - 21:15
星期一至日
11:00 - 21:15
公眾假期
11:00 - 21:15
以上資料只供參考, 請與餐廳確認詳情
有關獎賞計劃
The Corner Coffee，位於灣仔天橋旁，望住人來人往既繁華鬧市，跟店內悠閒既環境，真係有種偷得浮生半日閒既感覺。餐牌提供多款西日主菜、漢堡、薄餅、沙律、手沖咖啡、果汁，仲有期間限定Bagel和自家手製蛋糕。澳洲和牛芝士漢堡配黑松露薯條：漢堡份量啱啱好，澳洲和牛口感紮實又多肉汁，包身又香又鬆軟，配埋濃香既芝士、爽脆既生菜和番茄，真係咬一啖已經好滿足。照燒雞扒蛋漢堡配沙律：雞扒煎得剛剛好，外脆內嫩，入口Juicy，鮮嫩唔油膩，配上芝士和蛋，整體口感豐富。港式經典格仔餅配Milk Top雪糕：格仔餅非常香脆，蛋香十足，配上一球雪糕，仲有好多花生和乾果碎，跟格仔餅味道好夾。手沖咖啡(蜜瓜冰淇淋味)：這款手沖咖啡用哥倫比亞咖啡豆，帶漿果既香氣，剛沖起仲熱既時候，苦味會較濃，香醇既餘韻停留在口腔中，令我回味無窮。柚子梳打：酸酸甜甜，入面有片無花果，索晒D柚子梳打，都幾好味。總結，可以在這裡享受美食和優質咖啡，實在悠閒又寫意。
繼續閱讀
上次路過灣仔天橋發現這間 ᴄᴏʀɴᴇʀ ᴄᴏғғᴇᴇ從外面看進去蠻有氛圍的 這次就去探店了 ᴄᴏʀɴᴇʀ ᴄᴏғғᴇᴇ 除了是間樓上咖啡店 原來也是間售賣不同特色小物的選物店 同時是超級工作友善的空間 幾乎每個位置都有插電位再來還是寵物友善的咖啡店可算是超多元複合式空間地方很大 有一整排窗邊高桌適合獨自 ᴡᴏʀᴋ ғʀᴏᴍ ᴄᴀғᴇ也有幾組沙發位跟 sʜᴀʀᴇ ᴛᴀʙʟᴇ桌與桌間有空間感 整體不覺得嘈雜主食主打咖哩飯 蕎麥麵 還有漢堡 全日早餐另外還有生酮餐牌跟甜品 算很豐富的餐牌了𓋪 ᴀʟʟ ᴅᴀʏ ʙʀᴇᴀᴋғᴀsᴛ𓋪 日式咖哩飯配吉列蝦最近又有點重新愛上全日早餐配搭都是常見的腸 牛油果 炒蛋 不過份量很大沙律是難得的胡麻醬！薯角如果有茄汁就完美了咖哩飯則是定食的擺盤 吉列蝦很 ɪɢ-ᴀʙʟᴇ 四條炸得香脆的大蝦配微辛咖哩飯很惹味還有小小的精緻玉子卷 不錯𓋪 雙魚小姐開心果巴斯克芝士蛋糕另外加點了雙魚小姐的蛋糕 橫切面看起來超美的 開心果堅果香氣飄溢不過略嫌結實的口感不夠 ᴄʀᴇᴀᴍʏ 綿密𓋪 ᴍᴏᴄʜᴀ𓋪 ᴄᴀʀᴀᴍᴇʟ ʟᴀᴛᴛᴇ咖啡也有驚喜的高質拉花入口甘香 到底部巧克力味道比較突出晚上享用對我來說偏強烈 喝完失眠了
繼續閱讀
灣仔行人天橋成日都會經過，但從來都冇發現原來有間咁舒適嘅Cafe隱藏咗喺大廈之中，坐喺度望住人來人往嘅行人天橋，非常愜意～可能樓上鋪嘅關係，呢間店舖空間感十足，除咗有香梘、精油、手作、寵物用品擺賣，連書架都有！而且每台座位有一定間距，真係可以慢慢坐慢慢傾或者睇住書做個文青！食物質素方面都冇令人失望，澳洲和牛芝士漢堡薯條漢堡又厚又Juicy，有肉味十足又有咬口，非常唔錯！加上黑松露點薯條，真係食到停唔到口～另外 All Day Breakfast超豐富，個toast外脆內帶煙靭口感，仲有煙三文魚同半份牛油果，同芝麻醬新鮮沙律，成個色彩配搭見到都已經十分開胃！最開心係呢度有得食開心果巴斯克芝士蛋糕，蛋糕質地軟滑，開心果味道突出，加上面頭開心果碎，係一款令人食完滿足嘅甜品！Cafe飲品質素最重要，Earl Grey Tea Latte好香，入口順滑，而Hazel Nut Latte比例亦拿捏得唔錯，唔會過甜，而且咖啡味道香醇，同朋友坐喺個咁寫意嘅環境飲吓嘢傾吓計真係有叉電嘅感覺！
繼續閱讀
都幫襯過呢間餐廳幾次，今次係令我決定以後唔再去既一次。其實每次去都已覺得啲職員會令我感覺唔良好，第一次去安排左我入座後，我覺得奇點解一直無人幫我下單，我後黎先知原來要自己出去叫，都無所謂，但佢地好似suppose所有人係熟客咁，帶位職員無同我講。落單時感覺職員唔熟餐牌，呢次我食生酮餐，問佢都唔太清楚有個生酮餐版咁。第二次我再去知要排隊喇，今次都醒既自己一早睇定食乜唔再問，因為感覺收銀果啲職員都唔係好熱心答你問題咁。到最近呢係我感受最差既一次，點餐時職員問我飲乜，我除口講左句：「有咩飲」，職員話：「有咖啡」，我話：「我唔飲得奶既」我再諗左兩秒問：「咁個餐其實包杯咩飲」，職員答：「其實你可以細心閱讀下我地個menu」。果下我覺得好唔專重既感覺，咪再望下個memu原來係無得揀既，指定一杯芒果茶，咁佢應該唔係問我飲乜，而可以話需唔需要加錢轉飲其他，因根本餐包果杯係定左既。咁我唔飲得芒果，咪話唔需要囉, 都無得揀，唔係人人都啱飲芒果。我坐對天橋果排bar枱位，啲人個個行埋我隔離部水機斟水，攞餐具，張櫈又好硬唔好座。到攞餐喇，成套餐具都好重，唔怪之得佢地啲職員唔駛出餐，我自己隻手受左傷其實對我黎講有啲吃力，差啲攞唔到，最後好唔開心咁食完我起身走人，由於我都真係手痛無將個盤放去佢地個回收架，呢個我唔合作係我唔啱，但我估唔到有個職員即衝出電梯口同我講我未收搭好張枱（我心諗使唔使呀，軍訓咩）我話：「唔好意思呀我手痛唔方便」，佢話：「咁你下次同我地講返」，（我心諗你地夠乜都無同我講喇），佢語氣係令你感覺唔良好果隻。下次？仲有下次咩呢間餐廳只適合唔需要service既人事，同埋記得自己搭枱，唔同M記果啲執又得唔執又得。係適合十分有紀錄同自覺性既人去幫襯
繼續閱讀
難得灣仔有一個空間大又舒適嘅地方見到好多人都會拎埋電腦過嚟做嘢一坐就可以坐成個晏晝而且仲係寵物友善地方今次試咗佢招牌嘅漢堡同埋牛油果沙律漢堡肉味都濃牛油果沙律都好新鮮下次嚟港島嘅話都會嚟呢度坐吓打發時間
繼續閱讀