The Point - Pizza & Pasta (將軍澳中心) (已結業)

晚市堂食開返，第一時間約朋友食好嘢，記得上一次同朋友吃過The point，佢話啲Pizza非常好味，所以想再去encore！明太子軟殼蟹pizza大大隻酥炸軟殼蟹非常之吸睛！囗感香脆，而且仲啖啖肉！Pizza 上舖滿蝦肉、櫻花蝦、明太子醬，味道不錯。森林pizza呢個Pizza係我哋每次必吃嘅食物！因為非常香口惹味！再加上我和朋友都是火箭菜控，所以真係真心推介俾大家！Pizza 的黑松露味好香，配搭野菌、蒜頭非常好味，而且仲有薯仔片，自己整都好整唔到啊！黑松露芝士蛋黃醬薯條薯條份量大，味道香口，有好多黑松露，加上芝士呈拉絲狀態，非常吸引！Iced Oreo Chocolate Mock-tails呢杯終極邪惡嘅Oreo特飲極之好味，雖然冇加糖但係都好夠甜，朱古力味濃郁，係朱古力愛好者不二之選，和朋友一人一杯，非常盡興！

好耐無出街搵嘢食啦，今次係將軍澳食呢間The point，有d驚喜要讚個牛扒真係好嫩，仲要大大舊！配埋黑椒汁真係一流，仲要有lunch set 又有沙律又有嘢飲，真係超級抵😋仲比埋蒜，都整得好香 好好食軟殼蟹pizza 都係一個唔錯既選擇，又大大舊既軟殼蟹，炸得好脆，蟹都係新鮮既！pizza個底全部都係蝦，啖啖都係蝦👍d小食都唔錯，雞翼搭配佢個醬汁，好惹味。仲有好多嘢飲選擇，酒精類同咖啡類都齊全😋沙律好新鮮，味道都唔錯，完全啱曬健康人士😬

外賣Pizza套餐太耐冇食pizza ，就去左TKO ~~The Point Pizza & Pasta 買外賣佢地仲係即叫即製既招牌Pizza，用上了最幼滑意大利“00 麵粉”製作麵糰，經24小時發酵我揀咗呢個係二人套餐佢地外賣套餐仲有1人， 2人同4人餐選擇1人餐都係$88起.而外賣主餐牌都有85折呀我呢個2人套餐HK$268是日餐湯 X 2甘芛南瓜湯南瓜湯好香濃，而味道鮮甜口感綿密.BBQ烤雞披薩 9” 吋有雞肉、野菌、焦糖洋蔥、燒烤醬PIZZA即叫即焗外賣都一樣熱辣辣有芝士味同配有烤雞肉味道好夾巴馬臣芝士白汁西蘭花雞肉扁意粉一條條扁意粉有著白汁芝士鎖住，芝士味不太重味道岩岩好扁意粉質感彈牙，非常滋味黑松露芝士蛋黃醬薯條打開盒味道好既薯條灑了黑松露， 滿滿蛋黃醬汁係薯條味道層次大所提升。等外賣過程約20分鐘，如果要買就早早預返時間喇整體味道唔錯性價比高既質素，店員服務都有禮The Point - Pizza & Pasta (將軍澳中心) 將軍澳唐德街9號將軍澳中心地下G01及G02號舖

近年將軍澳站附近越開越多商場，呢邊都越來越多美食🍕🍝【The Point - Pizza & Pasta 】即叫即造的招牌Pizza，用上最幼滑的意大利“00 麵粉”製作麵糰，經24小時發酵，再配上上盛餡料如新鮮水牛芝士、澳洲海鮮或肉類、法國鵝肝等，於火山石窯內以高溫快速烤焗而成。慢煮鴨胸· 意大利藍芝士pizza 🍕識落有啲苦澀，口味就見仁見智啦，但配料非常足棒棒雞塊配蜜糖芥末醬 🐔酥脆香口，肉質嫩滑，點埋醬汁風味十足

周圍洋溢著滿滿的聖誕氣氛，所以我們來點儀式感。坦白說芝士火鍋不是我的喜歡的，但吃它慶祝西方節日的感覺很強烈。這份2人套餐非常豐富，有龍蝦湯、煙三文魚沙律、一隻完整的龍蝦、多款海鮮、數不盡的蔬菜、無限添加的麵包，還有兩份甜品。食物味道方面，整體不俗，當中我最喜歡龍蝦湯。湯稍稍偏咸，但味道非常香濃難忘！芝士醬酒的味道偏重，配料都是海鮮及蔬菜，所以這頓聖誕大餐豐富，但不膩。畫龍點睛的甜品使人心情愉快。烤過的棉花糖配上心太軟，這種甜蜜是叫人回味的！

又到公司聖誕聯歡聚餐，因為新冠疫情有限聚令，所以今年各部門自己攪，我哋部門同事話去The Point 食海鮮芝士火鍋，揀咗去將軍澳中心分店食，因為食完可以上住在將軍澳中心的同事屋企打麻雀。餐湯加28蚊係龍蝦湯，湯底濃郁鮮味，湯內還有些蝦肉。頭盤係凱撤沙律，沙律菜新鮮爽口，加38蚊有煙三文魚，增添煙燻的風味與鹹味。海鮮芝士火鍋，有波士頓龍蝦、南非鮑魚仔、扇貝、虎蝦、法國藍青口。新鮮蔬菜，重有可以無限添加嘅法國麵包。芝士係用咗大孔奶酪、格呂耶爾芝士、意大利馬蘇里拉芝士等混合成，濃郁惹味。海鮮新鮮，沾上芝士漿，鮮味十足之餘又有芝士香味，龍蝦鮑魚鮮味彈牙，虎蝦爽口。西蘭花、茄子、南瓜、青瓜、蕃茄仔、貝殼粉等浸入惹味的芝士漿內，啖啖都有芝士咸香味。特別係麵包粒，吸收力特強，滿口芝士好滋味，而且重係任食架！套餐重有甜品棉花糖朱古力心太軟，賣相精美又好味，甜度啱啱好！

這天和朋友一同前往將軍澳，朋友建議吃這間餐廳，這間餐廳正正在做冬日的餐牌，我們挑選的就是芝士火鍋，這芝士火鍋有點不一樣，不一樣的芝士配搭不一樣的食材，稀傑度適中，但芝士的味道十分豐富，和街上吃的有點分別，吃起來酒味不太重，加上由多種芝士混合而成，十分適合我們。食材方面，除了無限添加的麵包外，麵包帶點香脆，配搭芝士，更具有飽足感，還有喜愛的就是他的海鮮，大蝦爽口彈牙不在話下，而我更喜歡就是他的9孔鮑魚，清洗乾淨，最重要口感一流。

快到聖誕！住喺將軍澳嘅阿妹，知道屋企附近The Point 餐廳有聖誕芝士火鍋套餐推出，急不可待叫我一齊去試吓！芝士火鍋套供二人享用，首先上龍蝦湯，湯底質感濃稠、口感豐富、啖啖充滿鮮甜味。挪威三文魚凱撒沙律：煙三文魚肉質軟滑,配上新鮮爽甜沙律菜，是清新開胃的前菜。. 芝士火鍋鍋底採用瑞士著名芝士，芝士香濃，口感順滑。海鮮好新鮮，有原隻波士頓龍蝦、南非鮑魚仔、扇貝、虎蝦，海鮮本身鮮甜爽口，沾上熱騰騰的芝士汁，更使海鮮味道更提升更惹味！無限添加法國麵包：用麵包塊沾芝士汁食，麵包吸收晒幼滑的芝士漿，超級「芝」味！義大利時令蔬菜拼盤：有西蘭花、矮瓜、蕃茄、青瓜、貝殼粉。蔬菜新鮮，沾上芝士醬汁，爽口又有濃郁的芝士飄香！甜品雲呢拿泡芙：雲呢拿迷你小泡芙，軟滑的鮮忌廉，口感濃郁。 吃起來香甜可口。

去Popcorn 行小型的聖誕市集，行完搵野食，見到The point 推出聖誕大餐芝士火鍋，提早應節試下，海鮮芝士火鍋套餐，包了凱撒沙律，可加錢要埋煙三文魚，唔會太咸，餐湯也可升級要龍蝦湯，知道佢地龍蝦食品一向做得出色，味道香濃，芝士火鍋出場喇，用了搶眼的橙色陶瓷鍋，芝士加湯，味道稠度都剛好，店員送上兩層架，賣相好colourful ,重頭戲波士頓龍蝦、法國藍青口、南非鮑魚和大蝦，全部已熟，放在鍋裡等熱就食得，好方便。期間可以蘸麵包粒，芝士漿包住麵包，好飽肚。食完上層食下層 下層是蔬菜系列，有大蜆殻粉、車厘茄、黃瓜、青瓜、茄子和南瓜，非常健康。甜品方面叫了呍喱拿泡芙和心太軟，為呢餐劃上完美句號。

臨近聖誕，諗緊去邊度食聖誕大餐，見到The point 推出芝士火鍋，咁有節日氣氛。當然想去試下，將軍澳The Point - Pizza & Pasta 地點方便，叫了海鮮芝士火鍋套餐，先來個煙三文魚凱撒沙律，好大碟，兩個龍蝦湯，好濃郁，龍蝦味出，還有龍蝦肉好彈牙。之後主角出場暖笠笠的芝士火鍋，熱燙燙的芝士熱鍋，唔會太稀又唔會太稠，材料有原隻波士頓龍蝦、南非鮑魚仔、大蝦、法國藍青口等，好豪華！大蝦有成6隻，貼心的已碌殻，好爽口，鮑魚好彈牙。食完海鮮，開始食另一層，有車厘茄、黃瓜、青瓜、大蜆殻粉、還有燒過的茄子和南瓜，好香。我地兩人食，其實份量都多，好彩個鍋底味道唔算溜，配上配菜味道恰到好處。當然唔少得沾麵包粒，係食芝士火鍋的精髓，麵包索晒啲湯汁，超溫暖。最後還包了甜品，每樣一款，呍喱拿泡芙，內有冰凍雪糕，沾上朱古力醬更好味。心太軟中間流心朱古力漿，旁邊新奇的加了消化餅碎，增加脆口感。

Thepoint之前係九龍灣食過一次真系念念不忘，因為唔單止啲菜品好食，服務都非常好👍聽講將軍澳分店聖誕節🎄推出全新海鮮芝士火鍋套餐 ，梗係要提前黎品嚐一下喇！海鮮🦞芝士火鍋材料好豐盛😋鍋底採用瑞士著名芝士［大孔奶酪🧀️格呂椰爾芝士及義大利馬蘇里拉芝士等］鮮美嘅海鮮包括原隻波士頓龍蝦🦞南非鮑魚仔，扇貝，虎蝦🦞法國藍青口等，仲有義大利時令蔬菜拼盤，無限添加法國麵包🥯套餐仲包埋俩碗龍蝦湯飯後甜品🍮真系食的好滿足！

這個季節當然要食大閘蟹，最好還是有人拆肉 不用沾污雙手。 所以朋友就推薦The Point 的大閘蟹盛宴。蟹肉南瓜湯南瓜味濃郁， 口感綿密，又有飽足感，幾乎每一口都有蟹肉絲。意大利炸飯糰配蟹粉沙沙炸飯糰外層炸得超香脆，裡面也有蟹肉絲，還有不少沙律菜和藜麥做伴碟。蟹王三重奏披薩（ 蟹肉蟹粉軟殼蟹）這個pizza感覺幾邪惡的，一整隻軟殼蟹，香酥口感，濃濃蟹香，芝士層中藏著不少蟹粉和蟹肉絲，比薩皮薄脆口，餡料多，十分滋味。蟹粉牛油汁意大利小雲吞這個小餛飩更加邪惡，小餛飩內全是芝士和菠菜 而且芝士的比例比菠菜多，陣陣牛油香， 帶有蟹粉的鮮味，味道更有層次。雲呢拿泡芙金黃色的外層，脹卜卜的外形，口感脆脆的，雲呢拿泡芙不會太甜， 很有雪糕的清爽口感。整個大閘蟹盛宴可半價添加飲品，兩個女生用餐 絕對夠食，有餐湯又有甜品夠曬滿足!

今晚去將軍澳行街～見到呢間餐廳竟然咁快就已經有芝士火鍋可以食😋😋每年聖誕前後食芝士火鍋係必備節目😆難得見到梗係要來食啦😍💕💕💕-呢個芝士火鍋二人餐有齊沙律、湯、海鮮芝士火鍋、蔬菜盤、甜品，同埋可以用半價加一杯飲品🤤🤤-1.粟米湯估唔到呢個粟米湯咁足料，啖啖都食到粟米肉，好濃嘅味道👍👍唔會好鹹，反而粟米嘅甜味佔大多數🤤/2.凱撒沙律🥗份量好多，每塊沙律菜上面都佔有滿滿嘅醬👍💕-3.芝士火鍋配海鮮、蔬菜拼盤主角😍😍先講芝士火鍋，味道好濃郁，食到淡淡白酒嘅香味，份量好多，即使食晒都唔會覺得有好濟嘅感覺☺️個人覺得點法包係最好食😋😋/海鮮盤原隻波士頓龍蝦、南非鮑魚仔、扇貝、虎蝦同法國藍青口👍種類好多，龍蝦雖然唔算好大隻，但係食落幾鮮甜😻另外我自己覺得南非鮑魚仔點芝士最有驚喜，本身鮑魚唔係好重味，但係點完芝士竟然可以帶出鮮味😆-4.雲呢拿泡芙泡芙軟淋淋，好香雲呢拿味👍/5.Peach and Mint Iced tea呢個茶唔會死甜，加入蜜桃果肉，好清甜解渴😍🤤

話咁快就到聖誕，我哋都喺度煩緊今年聖誕有咩好食，咁啱行街見到The Point依間西餐廳推出左海鮮芝士火鍋套餐，咁我就諗都唔諗就嚟試吓啦😛😛首先係頭盤，係Ceasar Salad 同粟米湯，沙律菜好清新，配埋車打芝士嘅topping味道都唔錯，粟米湯好濃郁，有啖啖的粟米蓉，做到咁嘅效果都令到我好surprised。😋😋跟住嚟咗個StrawBerry ice cream float，唔算差添同埋個presentation好靚，味道都唔太糖水👍👍跟住就嚟到呢個套餐嘅主角芝士火鍋，有超過20種嘅配料，仲有無限添加嘅麵包粒，當中最引人注目嘅就係波士頓龍蝦，當然新鮮，其他海鮮質素都相當不俗，除咗海鮮仲有蔬菜同車厘茄可以解膩，唔夠飽仲可以食麵包粒，係索晒啲芝士架。食到最後係啱啱好用晒啲芝士真係令人回味無窮啦最後仲有個雲呢拿泡芙既甜品黎做呢個套餐嘅結束，真係冇得彈！

冬季將臨，上星期一於捉緊秋天蟹季嘅尾巴，去The Point 食個大閘蟹盛宴，呢個餐其實係冇原隻大閘蟹㗎，係將蟹肉同蟹粉加入不同嘅菜式入面💁🏼‍♀️，每一道菜都搵到蟹嘅蹤影。大閘蟹盛宴 $598🦀蟹肉南瓜湯（兩客）呢個湯超足料，真係一啲都唔誇張，食落啖啖都有蟹肉，濃稠度適中，南瓜嘅清甜再加蟹肉嘅鮮甜，好好飲。🍘意大利炸飯糰配蟹粉沙沙炸飯團係意大利西西里嘅傳統小食，外層香脆，跟軟糯嘅米飯形成對比，都幾特別。藜麥沙律🥗健康好食，仲有黑醋爆珠，可去一去油炸飯團嘅膩感。🍕蟹王三重奏披薩（蟹肉、蟹粉、軟殼蟹）蟹盛宴又點可冇以蟹肉做主打嘅pizza，即叫即焗，餅底硬身脆口，熱辣辣咁食最好食，蟹肉蟹粉一齊焗，香氣四溢，軟殼蟹炸至酥脆可口，啖啖肉，唔錯唔錯。🥟蟹粉牛油汁意大利小雲吞小雲吞份量都唔少，雲吞入面係冇肉嘅，皮薄，內餡有軟糯芝士加少少菠菜，一口一雲吞，剛剛好。個蟹粉牛油汁由蟹肉蟹粉煮成，鮮香十足。雲呢拿泡芙泡芙配上綿滑鮮忌廉，為這餐飯加添一點甜😬🍹strawberry ice cream float $24用士多啤梨🍓鮮打，味道清新冇藥水味，再加半溶嘅雲呢拿雪糕，味道好夾。🍹Ice Oreo C