The Point - Pizza & Pasta (青衣城) (已結業)

同朋友一齊喺青衣城覓食，兜咗兩個圈，見到呢度幾吸引，就決定入去開餐😆我哋叫咗 $588嘅 Lobster Set Dinner For Two，包括 頭盤「鮮蝦、牛油果、芒果、蕃茄 莎莎」x 2,「龍蝦湯」x 2, 主菜「原隻新鮮波士頓龍蝦🦞海鮮煲配扁意粉」，飲品「青蘋果梳打」x 2 😆-「Salsa」：有一隻蝦🍤，同埋切成小粒嘅芒果🥭同蕃茄🍅，仲有牛油果蓉🥑，味道幾清新😋-「龍蝦湯🦞」：暖暖哋，幾濃郁😋-「龍蝦海鮮煲配扁意粉」：材料有 波士頓龍蝦、藍青口、大蜆、魷魚、蕃茄海鮮汁；扁意粉 份量重好多，可以食到好飽😆-「青蘋果🍏梳打」：唔係好甜，味道好subtle 😋

今日訂了The Point 想試下龍蝦二人餐先，見到Menu好吸引。都包了好多野食, 有個好大碗的龍蝦湯, 龍蝦味濃郁, 相信用了龍蝦同蝦殼餚製而成, 口感較稠身, 材料都有蝦肉, 另一道是前菜, 係一杯好精緻的大蝦沙律杯, 賣相好賞心悅目,除了爽口的大蝦肉, 下面係清甜的芒果肉，仲有健康的牛油果粒，好醒胃呀,再來主菜, 一大盤海鮮龍蝦扁意粉, 好震撼呀! 一大隻龍蝦開邊, 肉質好彈牙, 最欣賞係個醬汁, 浸滿了扁意粉, 還有大隻厚肉的青口和飽滿的蜆肉, 好鮮甜。 再來一杯清新的青蘋果梳打, 清一清味蕾, 好完滿呀。臨走見到有另一套餐，更抵食，下次都想試下。

好耐冇去青衣，今日去行下街順便食晚餐，座位舒適，見有個龍蝦二人餐，有3道菜，不錯，先來個龍蝦湯，有細細隻蝦肉，龍蝦湯味濃郁，而且超大碗, 飲完都好飽肚, 再來杯仔大蝦沙律cocktail,有塊香料葉，少少辣，一隻大蝦沾滿沙律汁，好好味，底係新鮮芒果，牛油果切粒，好fresh,食完又即刻開胃返晒, 主角來喇，一大盤龍蝦意粉, 好有份量，一個大煎pan, 原隻龍蝦, 肉質彈牙, 醬汁香濃像湯咁鮮甜,啲汁掛滿扁意粉, 還有青口, 大蜆, 最欣賞大蜆, 好肥美, 鮮味濃。個餐包了每人一杯青蘋果梳打, 好冰凍, 夠清新。

坐位好濶落，侍應好nice，中有個調酒師駐場有二人餐，價錢不算平，不過好食😋有湯，龍蝦湯好濃味，超正！意粉，選了芝士意粉好有拉絲，中有pizza，又好食，值得推介

When I go to martime square with my sister, I feel hungry, so we find a restaurant. I saw The Point with a lobster set menu which looks very attractive and with a good price. The restaurant also looked very spacious with good atmosphere. Me and my sister finally decided to order the lobster pizza set menu. The pizza looked so attractive, it had a big lobters on the top while the waitress put in some wine and make a flame. It’s like a show playing in front of us. The pizza is cheesy and crispy.

今日朋友帶左我去青衣城，話帶我食Pizza,抱住一試心態，果日星期五晚8點左右，去到先知原來前身係我食過既泰菜舖位，印象中呢間泰菜只係做左無耐，連隔離間霸王川莊都轉左做翡翠嘅潮洲菜，店舖未算太多人，去到等左一陣就已經有位可以入坐，安排左喺邊邊位坐，入到去見到都有唔少檯係無人坐，不過可能我地2位，所以唔比入住，地方尚算寬躺，朋友叫左個辣Pizza,軟殼蟹沙律，芝士通粉，三個食品都非常吸引好味😋埋單四百鬆，價錢唔貴，但食品完全可以返啅！值得一讚

想食薄餅通常都想起Pizza Hut 又或者Pizza Express，但質素已大不如前，所以試下這間The Point~叫了starter, 軟殼蟹沙律，啲醬酸酸辣辣，又新鮮，幾好味；再叫了個Mac Cheese通粉，芝士味濃，伴隨香濃的鮮奶味，又不會太油膩，不會咁張住個肚。之後叫了食肉獸pizza，也是不錯～整體環境舒服，價錢合理，服務不錯，這價錢也是不錯。

與家人到青衣 the point 聚餐， 平日的下午時段， 人客較少，西餐廳的環境很舒適， 而且有好美的海景欣賞。先點了份香煎鰽魚配返茄醬珍珠粉，鰽魚肉質鮮嫩，份量適中，蕃茄醬濃郁，很好吃。另外再點份黑松露芝士蛋黃醬薯條，薯條份量很多， 而且是粗身薯條， 上面鋪了厚厚的芝士，好好味。 魚來了， 賣相一流， 魚側邊煎得香脆可口。 內裏魚肉香嫩， 茄醬珍珠粉第一次食， 口感QQ ， 很特別， 夏天食物加上茄汁， 令人特別開胃。知道呢間餐廳出名pizza, 另外叫了個明太子軟殼蟹pizza， 明太子醬配櫻花蝦嘅配搭一流， Pizza變烤的香脆，好味。幸運地安排了望海的位置。 加上海景環境，閑時聊天吃小食，真的很舒服。

今次已經係第三次黎呢間餐廳食午餐！之前第一叫蘑菇pizza，朱古力brownie，salad都好好味！真心想再黎！第二次再叫返蘑菇pizza同雪糕朱古力brownie！真是好味道！今次第三次，想食pasta，叫左龍蝦芝士通粉！食完十分失望透頂！！龍蝦source汁好難食，龍蝦汁海水腥味太濃！龍蝦肉煮得太耐，完全無彈牙的感覺..難食！😩芝士太少，芝士龍蝦汁二種味完全唔夾，芝士味完全蓋唔到的超級腥的龍蝦汁，所以是無芝士味…失望😩😩😩浪費了我的午餐時間

Happy Friday約了朋友去The Point，吃豐富的二人套餐，想到脆卜卜的薄餅，令人心思思想吃！二人套餐$398套餐包兩款頭盤、主菜或披薩，龍蝦湯熱燙暖胃，入口濃稠，湯中有彈牙蝦肉，鮮味誘人，是滋味開端。芝士焗釀大啡菇配香草蕃茄汁大啡菇釀滿芝士，表面微微焦脆，芝味咸香，加上洋蔥及菇菌粒粒點綴，口感滑溜，蕃茄汁增添酸香惹味。煙三文魚蘆筍刁草忌廉汁天使麵天使麵沐浴在奶滑忌廉汁中，拌勻後散發濃郁奶油香，夾合煙香三文魚，配以爽脆的蘆筍，💋令人食指大動。 BBQ CHICKEN PIZZA（9“）披薩批邊微微焦香，表面鋪滿烤雞肉、野菌及焦糖洋蔥等，層次豐富。大口咬下，烤雞肉厚實，品嚐到美味麵粉香，配上邪惡燒烤醬，🤩越食越過癮。芥末烤雞薯蓉芝士焗通粉 $138可拉出長長拉絲，煙韌通粉以綿密薯蓉墊底，夾合芥末烤雞粒，口感細膩，😋好食到舔舔脷。

今晚同朋友再黎食the point...一直都好鍾意食呢間餐廳，同埋常常都有龍蝦menu，今次同朋友食返個普通二人餐先，龍蝦menu都好吸引，下次再試。講一講個二人menu..其實都幾夠食了，可以揀兩款前菜先，main dishes又可以揀兩個，而且入面仲有d upgarde item可以揀，可以因應返自己口味同budget去決定叫咩食。我同朋友點了一個龍蝦湯，一個就係烤大啡菇，咁樣我地就可以開心share,兩款都試曬了。先講一講個龍蝦湯，呢間餐廳一向既龍蝦menu都好吸引好好味，今次呢個龍蝦湯都係超好味超濃，勁濃既龍蝦味，入面仲有好多餡架，龍蝦粒粒都唔少架，啖啖湯都會有海鮮，好好味好滿足。另外一款芝士焗釀大啡菇配香草蕃茄汁，個賣相都夠曬吸引啦，上面好多芝士溶，切開大啡菇又好juicy,好香菇味，而且個蕃茄汁都好出位，酸酸甜甜十分開胃，好正呀。一個啡菇都可以有咁多唔同口感同層次。另外主食方面，點了煙三文魚蘆筍忌廉汁天使麵，上面鋪了煙三文魚，啖啖肉。煙三文魚帶點點咸咸香香，好惹味。忌廉汁又 creamy,令天使麵都變得杰身同濃味。每一啖都好好味好正。呢個天使麵最好趁熱食，因為擺耐左忌廉汁

The Point❤️🤤又一間下午茶好介紹，今次黎到我樓下青衣城，其實青衣都有好多好野食嫁～💕整體環境好寧靜清幽，樓底高坐位舒適，🙋‍♀️店員服務態度好好仲會不時黎fill水添，下午茶時段跟餐飲品仲可以半價喔❗️💡設有加一服務費◾️下午茶餐：挪威煙三文魚 $88"三文魚係超超超大塊 同厚肉 仲要有成五塊咁多 記得食既時間點檸檬汁一齊食更正"◾️芥末烤雞薯蓉芝士焗通粉 $138"本身以為焗野要等好耐 但我地都唔算等左好耐 芝士係拉到絲嫁 味道好濃郁 芝士控唔好錯過 烤雞粒份量都好多"◾️棒棒雞翼配蜜糖燒烤醬 $88"炸得好香脆 咬落去啖啖肉 點埋蜜糖燒烤醬食好開胃"◾️Hazelnut Chocolate $42◾️Caramel Latte $36“拉花靚靚 咖啡味好香 朱古力味道都幾濃喔"

最近工作繁忙好耐都冇外出食嘢，因為懶得朋友邀請揀咗一間近近地去青衣廣場叫the point嘅餐廳，我哋大概6:00就到餐廳仲未算好多人，座位闊落舒服餐廳網絡裝修非常有格調，首先我哋嗌左個凱撒沙律做頭盤，估唔到份量非常大碟性價比好高，蔬菜都好新鮮，另外叫咗一個雞肉Pizza，Pizza皮仲好軟熟，材料都好豐富，但對兩個人來講就偏大啦，如果幾個朋友嚟share就更好，最後我哋再share左一個牛扒，食得出牛扒都有返咁上下質素，我哋叫咗七成，雖然嚟到我哋覺得有少少生但但入口唔會覺得好腥而且肉質仲好林，餐廳仲有幾款關於龍蝦嘅料理，非常之感興趣下次一定要再嚟試過啊！

疫情關係呢都好耐冇同朋友去見面啦，今日難得約咗個朋友放工喺青衣城行街，決定搵一間好嘅餐廳好好坐低食下野傾吓偈，餐廳位於商場嘅最底層，裝修非常乾淨座位好歡堂非常之適合傾偈，今晚我哋叫咗三樣嘢分別係凱撒沙律，雞肉Pizza同埋一個牛扒，三樣嘢入邊我居然最推介嘅係凱撒沙律，分量大之餘，蔬菜非常新鮮，配嘅汁亦都唔會濃味唔會太鹹，有時喺出邊食到啲沙律啲菜林啤啤真係好影響胃口㗎，每一碟菜份量都非常多對比起價錢來講性價比極高，同朋友話下次一定要再嚟試吓餐廳嘅龍蝦料理啊！

｜凱撒沙律配意大利風乾火腿｜份量好多，蔬菜清新乾淨，火腿質素唔錯有光澤，火腿味香濃～｜秘制四川麻辣醬和牛肋肉扁意粉｜中西fusion菜，四川麻辣味配西式意粉，又出奇地配合同好味，意粉儘吸收醬汁～｜石川美國牛肩扒配炸薯條｜午餐價錢來講算抵，有200 G牛扒，仲用石燒上台，燒起上黎滋滋聲，香氣四溢好吸引～｜榛子朱古力香橙披薩｜上面配有冰凍香草雪糕下面係Pizza，冷暖冰火交融嘅感覺，作為午餐甜品最適合不過～｜是日餐湯｜蘑菇湯內有蘑菇碎蘑菇粒，質感唔算太稀，味道都唔錯～Like IG仲可以送湯或飲品一杯~