The Promenade餐廳

營業中

休息中

想同屋企人去食餐好，唔知食咩好，又驚佢唔鍾意，決定去酒店食自助餐！今次我地揀左中午去食，因驚夜晚食得太飽瞓唔到。入到去，都幾乎坐滿成場，大家都好禮貌地排隊拎野食。食物種類好多，長腳蟹，青口、蝦、蟹、魚生和串燒等，肉質鮮甜，爽口彈牙！上菜都好快，完全唔驚無或者要等。熟食肉類好多，味道都好唔錯，牛扒鮮嫩多汁，牛肉味重，配料好香，食完一塊又一塊！串燒肉類為主，配上特制香料，香口又惹味。魚生和蝦，好鮮甜，食到好滿足。刺身每件又厚又鮮，油脂感十足，正！大家飽到上心口，因為食材選材多，新鮮好味，最重要係價錢好經濟，父親節慶祝又多一個選擇！

呢排有事慶祝，同朋友去咗黃埔嘅九龍海逸君綽The Promenade食buffet，呢間buffet主打海鮮，第一輪緊係試下佢啲海鮮，冷盤海鮮我試咗龍蝦鉗，青口，長腳蟹腳，全部都好新鮮鮮甜 熱盤試咗芝士焗龍蝦 ，呢個有啲失望，因為龍蝦肉唔算好彈牙，用芝士焗食咗半隻已經有啲滯，另外個汁煮鮑魚好腍好入味，我哋encore咗好多隻，仲有和牛都煎得好香好有牛味 呢度刺身都有好多種類，三文魚，吞拿魚，油甘魚全部都係厚切，帆立貝係原粒俾你，三文魚子係放喺度俾你任不，簡直係刺身控嘅天堂，另外生蠔就不過不失，新鮮無腥味，不過排得有啲耐，size又唔算大，我排咗一次就算啦 呢度嘅雪糕係movenpick，有成十五隻味俾你任揀，另外甜品都有好多選擇，我試咗呢度嘅招牌芒果拿破崙，唔算驚艷不過芒果夠甜，另外呢度嘅紅白啤酒係任斟嘅 成餐飯一個人六百零蚊，唔趕人食到十點鐘，食物質素係好嘅，選擇都好多，間唔中食返一次半次都開心 #foodie #自助餐 #buffet #酒店buffet #黃埔美食 #ThePromenade #香港自助餐 #生蠔 #刺身 #龍蝦 #甜品 #movenpick #打卡 #拍拖好去處

幾個月前去過黃埔海逸酒店嘅咖啡廳食自助餐，適逢今日母親節，一於就帶埋母親大人再黎吔返餐。整體上，我覺得佢嘅食物質素keep得唔錯，尤其係涷海鮮、燒牛肉、生蠔都好好食。涷海鮮食落都新鮮，肉質唔會煤，蟹腳唔知係咪轉㕑呢，好似比幾個月前咸d。燒牛肉鮮嫩多汁，生蠔大大粒肉質鮮美。芝士焗龍蝦就好受歡迎嘅，一出好快就冇，不過refill好快，基本上一盤接一盤，一定食得到。仲有新出左個芝士同ham拼盤都好正。芝士控嘅我種種cheese都試下，爽。仲有燒鰻魚都好好味，真係燒得好有心機，個面焦脆，咬落去好軟滑。仲仲仲有個炸鮮奶又係一定要試，其實又唔係話好驚為天人，不過母親大人見到有炸鮮奶就好高興，話宜家呢d特色甜品好似越嚟越難搵到😅😅。不過呢，熟呢d嘅朋友仔就應該知，其實就真係好迫，環境就一般，而且我想講我攞完雪糕冇曬雪糕羹，攞完麵又冇曬筷子，好耐都冇refill，直頭攞埋第二杯雪糕都未有返雪糕羹，搞到要攞湯羹食，呢度就扣左少少分啦，不過整體都叫做唔錯啦。

上個禮拜去咗Harbour Grand Kowloon食飯，真係係咁講，係嘅！首先，廚師嘅服務態度好好，有禮貌又細心。佢哋嘅凍海鮮種類好多，而且質素都唔錯，仲有沙律有八種，眼花撩亂。煎鴨肝同燒鰻魚都好好食，好似入口即化咁，真係好正！仲有，即燒章魚小丸子真係好有趣，梗係要試下啦！炸鮮奶更加特別，酥脆外皮，入面嘅奶味濃郁，真係好好食！燒牛肉非常嫩，加上黑椒汁，味道更加鮮美。而即製小龍包真係唔可逡錯過，皮薄餡靚，湯汁鮮美，真係好食到冇得輸！不過，如果要講少少意見嘅話，就係生蠔啲貨有啲細隻同瘦，有d令人失望。仲有，駐場歌手嘅表演坦白講兩個字: 少伏總括而言，Harbour Grand 自助餐真係唔差嘅，食物味道好，服務就真係一流，如果大家想慶祝特別嘅場合，真係一個好選擇！

九龍海逸君綽酒店用餐環境非常舒適，氣氛溫馨，讓人感到非常放鬆。餐廳的裝潢設計非常雅緻，用餐的空間非常舒適。食物的品質也非常優秀，讓人回味無窮。即開生蠔非常值得一試，生蠔的口感非常新鮮，爽甜帶海水味。刺身非常受歡迎，尤其是帶子和蝦，非常新鮮，肉質鮮美，好食。凍海鮮有唔少選擇，包括長腳蟹、麵包蟹，質素就正常，長腳蟹有少少偏淡。炸松子魚也是一道非常推薦的菜品，外皮非常酥脆，內裡則是鮮美的魚肉，配上少少甜酸汁，口感非常豐富。甜品和雪糕種類也非常豐富，芒果拿破崙值得一試。餐廳的服務非常周到，服務人員非常友善。不過人多同空間細是一個缺點，取食物的環境稍嫌擁擠。但總體而言，九龍海逸君綽酒店的食物和環境都非常值得推薦，是一個非常好的用餐選擇。

場地係大落地玻璃喺海邊，可以一路嘆住食一路睇海景👍🏻👍🏻今次主攻海鮮同甜品，冇乜點食熟食🫢🫢紅白酒、汽水、蘋果汁、茶、啡任飲不過平均都比我預期之中冇咁正最愛長腳蟹❤️❤️有兩款好食，夠鮮，唔算好厚肉👍🏻👍🏻👍🏻海水味唔算勁凍翡翠螺夠晒大隻👍🏻👍🏻正麵包蟹殼，唔算多蟹膏，冇乜野食，賣相一般麵包蟹鉗好食😋啖啖肉🥰生蠔🦪超正😋size平均唔大唔細，鮮味👍🏻推薦刺身，壽司都幾多選擇特別推薦：赤蝦👍🏻👍🏻超大隻夠鮮夠滑身，啖啖肉帶子😍😍又係勁大隻好厚肉😋😋壽司最正就係壽司飯好細舊👏🏻👏🏻👏🏻芝士焗龍蝦😋😋😋龍蝦肉夠實淨，芝士味唔算好濃仲有個香煎鴨肝多士，煎得幾脆，唔會好油膩👍🏻呢個麵/米粉冇乜野唔好試，完全唔掂！喇沙/清湯都唔得！雜菜煲好食，湯好味👍🏻如果用呢個湯配返米粉或者面應該會唔錯😂芒果拿破崙👍🏻👍🏻推薦❤️芒果唔酸，拿破崙底做得幾好，夠脆唔易散👍🏻榴槤卷😋重榴槤味，個卷皮唔會太厚夠煙靭😄椰汁桂花糕😋😋夠香椰汁味桂花味都好出👍🏻👍🏻另外有個杏仁酥都好好味，夠晒鬆脆👍🏻晚上有live Band唱歌，不過全部都係唱啲好舊嘅歌，真係要有返咁上下年紀先識聽🫢.總結：差唔多$750一位，嘢食質素正常，未至

好耐無食buffet啦😋!因為見到有人介紹Klook呢個優惠,所以手刀去報名,真係好超值🤑!先講結論,勁抵玩勁抵食👍👍,可以去呢度報名: https://bit.ly/3JDmFz8佢由尖沙咀出發,有舒服嘅旅遊巴帶你去遊油麻地水果市集(a.k.a.果欄🍓🍒🍎)同埋紅磚屋,之後去西九文化區藝術公園🌱🌱。雖然呢啲地方自己都去到,但母親大人真係好少出去玩,所以順道嚟晒呢啲景點啦📸~而且最重頭戲係去五星級九龍海逸君綽酒店The Promenade食自助午餐🍴!平時週末食一位都唔只呢個價💰,而家仲有導遊帶埋你半日遊香港,真係超級抵😍!!呢個自助午餐嘅海鮮有長腳蟹,小龍蝦,生蠔,青口🦪等等,長腳蟹🦀都幾夠海水味,不過有時會遇著一兩隻霉啲。生蠔都幾新鮮,裙邊仲會抓住個殼,唔算大隻但都勁厚身,口味就見人見志。第一轉比較金屬味亦比較鮮,個人比較喜歡😊,第二轉就好淡無乜味。刺身中以紅蝦同赤貝最好食,仲有吞拿魚,三文魚同八爪魚。熟食選擇好多,有烤雞🐔,咸豬手🐷,炸魚🐟,味道基本上都唔錯。即整檔攤有印度薄餅,章魚小丸子同埋串燒🍡。印度薄餅唔錯,個串燒都好好食,不過比較多人排要等👯👯‍♀️。甜品係我最關心嘅部份,

芝士龍蝦冇蝦味，又冇芝士味，喊到hihi，不過都蓋唔住雪藏嘅味道，仲要係凍凍地，真係比呢間野呃到彈起。如果閣下係為咗任食龍蝦而去幫襯，相信食完會好失落、好沮喪。湯，煲到好似茶餐廳咁，仲要唔足料。啲青邊鮑魚炆到淋晒，好似放喺度好耐咁，唔凍又唔熱，唔知想點。蟹腳霉嘅，拎上淋糍糍，以我多年非偵探嘅頭腦估計，起碼雪左兩三個月。甜品少到無朋友，六百幾蚊，食了個寂寞。個ribs又乾又硬，啲串燒…..比超市買嘅翻熱更加難食。好多酒店食生蠔都要排隊等，呢間都唔例外，令你有種輪迴嘅感覺，輪極都未迴到。訂枱時已註明要一個小birthday cake，到餐廳已叫職員立即上，結果食完buffet都未上，搞到我差啲返屋企要跪玻璃。最最最令人難以接受嘅，係啲位逼到好似茶餐廳咁，出入個位，要好小心側身行，否則會撞到隔籬枱…望住維港景心曠神怡，但係一望返嚟，附近好似行緊花市咁，唔覺意就會撞親其他人，或者比其他人撞親。我張枱後邊喺條走廊，粗略估計下我俾人撞左兩三次…..雪糕車隔離放咗個窩夫枱，窩夫土枱上嘅射燈，射多我哋張枱應一應，搞到我本來已經好細嘅眼，更加眼朦朦。之前睇食評覺得呢間餐廳幾好，講真心，寫呢間嘢好食嘅係咪

生日去食buffet慶祝，左揀右揀最尾揀咗harbour grand～去之前先睇到最近嘅網上評價好壞參半，都有少少擔心，但已經網上book咗比埋錢所以唯有照去啦🤣🤣係網上book位，頭100位有8折，最尾價錢700有找，唔算太貴野食嘅質素都唔錯，選擇都算多，唯一美中不足係開蠔師傅好似唔太熟手，d生蠔雖然味道唔錯但好多殼🥲cp值一般，冇乜特別，唔覺有網上講到咁惡劣，但亦都冇其他人所講咁好好食book位果陣講咗有人生日所以有蛋糕仔送，都幾好食同咪覺得算係幾有心思，慶生來講算唔錯嘅。

1月之星的生日飯，Thanks Yan大家同我慶祝😘！好耐冇4人一齊食Buffet～！今次去The Promenade，主題是「鮮味薈萃」海鮮饗宴自助晚餐，有不少海鮮，出名無敵海景及食物質素高，期待!餐廳面積大，坐位闊絡，落地玻璃欣賞海景，適逢新年將至有醒獅的佈置。食物頗多選擇，集合各國美食，主打有生蠔、花膠、鮑魚及龍蝦等。冷盤及飲品位置。日式-刺身及壽司。即開生蠔。蠔皇花膠。燒羊架。竟然有雞煲。有天婦羅及章魚燒等。中湯及西湯。甜品位置，甜品比較少款式。雪糕位置，除左雪糕仲有雪糕批，仲有即整窩芙。紅酒白酒及啤酒有，難得有酒飲。海景係靚，但可惜唔係坐窗邊欣景唔到太多。先來個冷盤，順手拎埋芝士焗龍蝦。先來個冷盤，長腳蟹、青口、翡翠螺及蟹，正常水準。芝士焗龍蝦，肉質爽口，芝士味唔算好濃郁但味道都不俗。生蠔細隻較瘦，味道尚算鮮甜。食生蠔，配埋白酒提鮮。試左少許紅酒。巴馬火腿卷哈密瓜(自行整)及芝士。刺身，三文魚、吞拿魚、帶子，刺身夠新鮮肥美，而且厚切，帶子大件鮮甜彈牙。香煎鴨肝，鴨肝大件，味道甘香油潤幾美味。汁煮鮑魚，爽口彈牙好入味。烤羊架，肉質軟嫩，冇乜羶味好惹味。蠔皇花膠，肉質肥厚，口感煙

週六到訪九龍海逸君綽酒店品嘗午巿自助餐，午巿時段由十二點正開始至下午兩點半結束。十二點正職員就準時引領客人入座，並提醒客人取食物時需配帶口罩。小攻略: 可詢問職員是否可以安排落地玻璃旁的座位當日相當多人，食物擺放區域的空間本來已經不算大，再加上有很多食客，顯得非常擠擁，排隊中的食客亦阻擋著某些區域，例如生蠔隊伍就阻礙了湯品區，取食物的體驗略差。由於人多的緣故，凍海鮮尤其是長腳蟹很快就清空，幸好職員填補的速度也很迅速。凍海鮮質素中上水平。長腳蟹有點略咸而且蟹味較淡; 凍蝦就有驚喜，相當爽口，而且有鮮甜味; 小龍蝦有很香口的香料味，非常過癮; 凍青口肉質軟滑; 麵包蟹有很多蟹膏，值得一試。取生蠔需要略現人龍，但等侯時間不長，由排隊到取蠔前後只是一兩分鐘。生蠔每人每次限取一份共三顆，蠔身尚算飽滿，口感綿滑，配合檸檬味道咸鮮並帶清爽，開蠔師傅有每顆蠔認真沖水、刷洗、隔水，沒有碎殼。刺身區排隊等候時間亦不長，與生蠔隊伍相若。款式方面，有三文魚、吞拿魚、鯛魚、希靈魚、八爪魚和阿根廷紅蝦。除了吞拿魚有筋比較不濟外，其他刺身品質不錯，特別是阿根廷紅蝦。熱葷方面，比較吸引的是串燒。串燒由廚師即場烹調，有

黃埔Harbour Grand嘅自助餐喺酒店自助餐嘅圈子頗有名氣亦都好受歡迎，禮拜一就黎咗呢度食dinner buffet。餐廳裝修坦白講係比較舊，木質傢俱為主，而且光線較為昏暗，不過座位尚算鬆動，唔會同隔離枱坐得好貼。食物擺位方面亦好有規劃，可以分到廚師即場料理區、冷盤區、海鮮區、生蠔區、刺身區、中西式及印度熱葷區。食物攞放區並唔大但選擇就唔少，名副其實嘅麻雀雖小，五臟俱全。今晚安排到窗邊位置，可以對住海旁夜景用餐。凍海鮮區同刺身區長期都好多人，就唔方便影相喇 凍海鮮選擇都好大路 有凍蝦、凍蟹腳、凍青口、凍翡翠螺同凍小龍蝦。推薦一定要試凍麵包蟹，蟹膏甘香飽滿。至於刺身同生蠔區方面，刺身選擇亦都唔少，數過好似有八種，生蠔師傅話係法國蠔，望落都好肥美，不過小弟唔食生野就冇試到，只係叫師傅揸住比我影張相。熟食方面，有幾大所謂回本位，首先係芝士焗龍蝦同燒牛肉燒羊架。先講芝士焗龍蝦，一大盤放喺度任夾唔嬲，誠意十足，龍蝦表面嘅芝士微焦有口感，低下嘅蘑菇忌廉醬順滑有奶香，龍蝦肉新鮮有彈性。燒牛肉肉味香濃，值得一提，切肉師傅非常敬業，見我哋有小朋友唔食得太生，好有心機幫我哋切d熟少少嘅部位。另一個回

2023年的年初四，我哋去咗九龍海悅君綽酒店食lunch buffet。比較深刻嘅係，今日食咗我人生最薄嘅生蠔自助餐，咁當然有啲係厚嘅有啲冇咁薄，但總體來講我食咗九隻生蠔應該都有七隻係好薄，that’s why 我可以食到咁多隻。另外，香煎銀鱈魚冇refill 有啲失望，嗰度個服務員原本應承咗我架麻，我仲等左下，我等呢個香煎銀鱈魚係因為真係幾好食😆刺身唔錯，但係蟹腳就比較削😂😂其他自助餐嘅食物呢質素都OK，比較抵食嘅係雪糕批，因為佢有提供Häagen-Dazs嘅雪糕批， 超級市場係賣緊$25 一個呢餐人均唔使$500，整體食物質素中規中矩。另外我覺得佢哋可以安排好啲，可以安排咗先入座，唔使大家排着隊喺出邊等12:00先入得去，其實真係唔差個幾分鐘，食到2:30，兩個半鐘頭足夠時間食。

黎過呢度幾次啦，咁啱今次排隊頭可以影翻啲靚相，所以就隨便上黎推薦下✨我認為出去食野，比嘅錢就係買就餐環境，食物，同埋服務。不過自助餐都唔會太要求服務ga啦😂咦但係有時問下啲服務員問題，都幾有耐心同我溝通，體感唔差👌再講下個環景，呢間野一定係sell佢個無敵海景，加半落地玻璃（小腿左右位置係石料），可以比食客好舒服咁邊識野邊睇海😂（可能我太中意啲海啦）晚餐仲有啲酒飲下，六點半可以食到十點，好舒服，太chill啦‼️我食個日仲有live band，好好氣氛✨最後就係食物方面，呢度都應有盡有啦。魚生壽司，天婦羅等日本菜，生蠔龍蝦海鮮鴨肝，中菜沙拉，仲有印度菜！值得一提係即制小籠包，呢個真係太有料🥺但好似唔係每次都有🤔但我上次食到真係好難忘‼️Buffet我就係中意種類夠多，琳瑯滿目嘅感覺‼️次次攞野食都好似有新驚喜嘅感覺，呢度又真係做到喎✨講左咁多，下面放我影到嘅靚相啦😌

平日中午黎試下呢到嘅lunch buffet,上網見人地果啲好多款熟食估唔到平日都好爆場 今次黎熟食唔算好多野食簡 但都多海鮮供應嘅有生蠔 多數都有人排緊🤣 刺身都係 蝦好大隻！食落都唔錯我乜都拎左啲黎試吓～有串燒 同印度香蕉煎餅 都幾好食 整果個係印度人黎 佢都好nice又叫我可以加朱古力醬🫶蘑菇湯好好飲 好濃厚 我飲左兩碗😂呢到甜品同雪糕都算多選擇 雪糕好多口味 有mint chocolate 我勁中意食～中意食甜品既人可以黎試下呀～