The Seoul Korean Cuisine

營業中

休息中

某日星期六冇出街，到dinner 時間就去屋企附近堅尼地城附近食下野，搵到想去果間竟然冇開，當日一月二日😅⋯⋯咁老婆話不如食韓國野，但其實我麻麻地⋯⋯但就佢食一次啦⋯⋯😂😂😂我寫食評前都見到好多負評喎😂， 但真心又唔係太差，但都一般啦，和價錢少貴….叫左個蒸蛋，海鮮豆腐鍋，和一個牛肉加白飯，個蒸蛋一般la, 海鮮豆腐個味ok, 但料少，個牛肉都ok , 送飯幾好😂😂可能佢哋某d 食物有高有低，就算韓國人開都未必一定好嘅

一坐低個前菜，只係得兩款（泡菜+魚餅）已經呆咗！仲要比五碟我哋😂😂真係好大方！爭全部肉燒到好似柴皮咁，超級牛肉乾！1）烤板腱肉$208 全部肉燒到好似柴皮咁，超級牛肉乾！整到咁樣真係完全唔正常！2） 牛骨湯$118 圖中有粉絲㗎喎，但係上到黎係無嘅，同埋完全係味精🥹🥹好失望3 泡菜拉麵個湯，勁酸！嗰啲泡菜係勁酸，煮落個湯度，成個味係勁難食！4）泡菜豬肉煎餅呢個叫做正常，可以食得落口😄啤酒完全唔夠凍🥲所以食剩好多嘢，唯有打包返去打包煮公仔麵！

偶爾路過試下，午餐有差不多20款套餐選擇。點了嫩豆腐鍋，包括白飯，前菜和茶。前菜有兩款，但份量可以大方一點。我覺得嫩豆腐鍋不錯吃，頗有家常味道。不過口味人人不同，喜歡較濃口味的朋友可能就覺得它較遜色了。待應姐姐好像不會說中文，但都很有禮貌，有笑容。午市光顧，顧客不多，坐得頗舒適。應該會再幫襯。

很久沒有食韓國菜，今日中午終於食到。12:30入去，可能繁忙時間未到，竟然得我們一枱客。叫了石鍋雜錦飯（牛、豬、雞、海鮮任選一款，我們選了豬肉）和牛肉粉絲煲配白飯。兩款都附有茶及前菜。兩個鍋上枱時都熱辣滾燙，喳喳聲，熱氣騰騰。所以石鍋雜錦飯很快就有一塊塊飯焦，而粉絲煲的湯汁亦在翻滾。雜錦飯擺盆美麗，中間有鮮蛋，還可加韓式辣醬一起攪勻吃。飯焦很香脆。牛肉粉絲煲賣相普普通通，但味道不錯，所有東西都非常入味，牛肉不會韌，還有金菇及大蒜芯做配料，很惹味。Lunch時段（11:00-3:00）免收加一，不錯。美中不足是這裏沒有韓式壽司吃，以及明明沒有人，也不容許我們坐張舒服點的四人枱。附上餐牌：

呢間食韓國菜鋪，開左咁耐，我都第一次幫襯，上星期六20/1/24，去咗幫襯下，叫左兩樣野，辣牛肉煲飯同牛肉粉絲煲，份量都好少，飯唔太多，啲餸仲少，啲牛肉超細塊，味道係可以，如果份量多啲就唔錯，大食都唔夠食

叫咗個豆腐海鮮鍋諗住求其食，點知求其食都可以好失望，應該係憤怒至啱。豆腐海鮮鍋，豆腐完全係碎片狀態，海鮮有一條幼過手指尾嘅魷魚鬚，一粒五毫子size嘅蝦米，完。整個鍋水寥寥，賣相好似一碗食剩嘅餿水咁。個侍應見到我好不滿主動過嚟，同佢講完之後，佢話換俾我。好嘢啊，換完之後多咗1. 兩條幼過手指尾嘅魷魚鬚，2. 一粒五毫子size嘅蝦米，3. 兩粒一毫子size嘅蜆。食完先上嚟OpenRice睇吓，原來已經有數唔到咁多嘅食評X緊呢間野。有興趣挑戰吓嘅朋友可以試吓呀！

食物味道難食，性價比低，份量極少，晚餐$138嘅雞肉完全唔夠10片，仲唔跟飯，前菜得嗰少少泡菜同埋幾塊豆腐皮，冇得refill 服務員態度口黑面黑，大家小心，千祈咪去。

軟豆腐煲：十分普通 ，個湯唔係特別濃郁同惹味辣炒泡菜豬肉飯：比較好的一道菜，偏辣，豬肉夠入味，撈飯食係幾好，中和到個鹹味。環境偏靜，有望到外面的單向排座位，一個人食也不怕尷尬。

話說行到好肚餓，求其見到呢間好似OK嘅餐廳就行咗入嚟。由於太肚餓，舖頭冇乜人唔理咁多，有位就坐低。本來想叫好多嘢，就係唔俾你轉張大啲嘅枱坐，問咗兩次，都係唔准，已經覺得有啲唔係好開心。跟住嚟咗疊餐前泡菜，個心沉咗一下，跟住落去嘅故事，大家都應該估到了。。。

某一天突然很想吃韩餐正好家附近有一家，不到五点就去了，然后发现五点才开门，在附近溜达了一圈五点进店，店里还在收拾，所以就用普通话问了一下，可以落座吗？没有人理会的，男的好像是老板，还有一个女服务员，两个人用一种嘲笑的表情看着我，我就自行坐下了，之后用英文点完单。上菜的时候女服务员用一咪咪小的声音和我说菜名，怀疑耳朵都坏掉了。再来评价菜品口味，点了一个韩式拌饭和海鲜葱饼。拌饭就是正常口味吧，但是这一份要100多，量少且毫无特色。海鲜葱饼，很油，拍起来没什么食欲，吃起来也没有，海鲜也很少。最后两份附加服务费花了hkd211，很离谱，哪里有服务。

個人蔘雞湯一條人參都冇，啲雞又鞋，比$90食咗碗湯渣飯🙃🙃🙃個湯一啲味都冇好似飲緊啲史雲生雞湯加熱🥲食咗一半已經唔想再食落去,未試過食過一間咁難食嘅韓國嘢💯😎

午餐時段非常肚餓，心血來潮好想食韓國野，想起堅尼地城電車路旁有間韓國餐廳，直接入去點咗個辣肥牛湯。望見menu上嘅辣肥牛湯圖片份量都非常足夠，原來以為味道係類似大醬湯，點知實物嚟到，成碗湯入面得啲肉碎😰 搵極成碗都係得幾粒肉仔，個湯底味道似羅宋湯加咗辣🥹，擺得落口但完全唔係韓式味道。午餐近$80，竟然可以放幾粒肉仔就開門口做生意。我好小會專登上openrice寫食評，但呢間真係中伏，建議大家千其唔好試。

今次我去咗堅尼地城嘅the Seoul Korean cuisine食飯，試咗佢哋嘅牛肉石鍋飯、酸甜雞球同泡菜炒豬肉首先，佢哋嘅牛肉石鍋飯絕對係一定要試嘅菜式！石鍋係熱辣辣嘅，令到飯飯都可以煮得金黃香脆，仲有佢哋嘅特製醬汁，味道鮮甜又唔會太甜，同埋牛肉都煮得剛好，入口即化，真係好好味！其次，酸甜雞球都幾好食。雞肉煮得腍身，醬汁酸酸甜甜，好開胃，配埋米飯食真係好啱呀！最後，泡菜炒豬肉就一般啦，味道唔算特別出眾，但都唔錯啦，豬肉炒得幾滑嫩，泡菜味道唔會太辣，啱晒唔太受得住辣嘅人食。總括而言，the Seoul Korean cuisine係一間唔錯嘅韓國餐廳，牛肉石鍋飯真係值得一試，其他菜式都幾好食，服務冇乜特別

平日夜晚7點去到 得一枱客，環境睇落都不錯 有吧枱位望街 都有普通位。用筷子個時發現款式係有小小吾同，闊度吾一樣，表現出店家都吾太細心。嘢食價位都偏高，但質素就好麻麻。如果價位底都仲可以接受，但依個價錢就好伏了。 牛肉骨湯：用韓式湯煲上，keep到温度，有6大舊連骨牛肉，仲有小小薄白蘿蔔片，蔥花，個底有小小粉絲。湯係清甜都冇乜味精味，同埋跟個飯 但個飯冇乜飯香 有小小倒汗水味。 原味韓式炸雞：脆係脆，不過整到好多日式唐揚雞感，調味都完全冇乜，肉質都普通。完全吾可以稱得上係韓式炸雞。 炸醬麵：一入口係鹹嘅，冇乜甜味。配菜有半隻蛋 叼埋小小青瓜條。個麵合格吾會太腍，但個醬就吾太知自己食緊乜。

中午時段入到來食呢間韓國餐廳，餐廳入邊人唔算好多再睇吓Menu發現佢啲套餐原來冇跟嘢飲稍為貴咗啲。但既然入到嚟就比次機會佢試吓啦。點左個睇落相對抵食嘅鐵板豬肉飯套餐，上菜前都有杯茶叫做OK嘅，另外仲有一碟細份到無輪嘅配菜😅。個鐵板豬肉午市套餐嚟講份量都夠，不過唔知係咪佢用比較少肥肉嘅部份，整體肉質有啲乾，我覺得係Overcooked左。最後我索性將啲飯同埋配菜到晒落個鐵板撈埋一齊食完就算，冇下次😓埋單：8x 午市免加一好味指數：⭐️⭐️⭐️性價比：⭐️⭐️