The Story Cafe and Bakery

營業中

休息中

今日係青衣附近工作，我同同事見到餐廳食物種類同價錢吸引到我地，我自己叫左午餐香草雞扒飯再叫番薯薯條同埋炸雞翼兩個小食 。。。。。。。。。。。。。。。。。。。。。。。。。。。。。雞扒飯雞扒皮脆肉嫩有肉汁。。。。。。。。。。。。。。。。。。。。。。。。。。。。。番薯薯條即叫即炸外脆肉軟，食落帶甜，仲要越級大份，我同同事都食唔晒。。。。。。。。。。。。。。。。。。。。。。。。。。。。。。炸雞翼皮脆香口，如果中意食麥當勞雞翼既朋友就一定要叫依個。。。。。。。。。。。。。。。。。。。。。。。。。。。。。

舉手叫餐，掂行掂過成個餐廳得5個人，第一次黎見到個環境幾靚所以坐低左。諗完食咩就舉手，有位職員見到我（有眼神接觸個種）跟着照行走左，以為佢有嘢做轉頭會返嚟，但之後無返🤡，之後唯有行出去叫餐🙃收銀個位職員立即黑臉，又掂行掂過🫠真係好吾掂🤣

早上本來滿心歡喜 ， 和家人到來坐坐，順便食兩個早餐，於是叫了麵食同埋牛扒早餐。 太太叫咗牛肉湯麵， 發覺湯不夠熱， 所以食麵嘅時候覺得的食材好似啲麵煮咗放喺度好耐先至拎出嚟.... 如果這麼簡單的處理都唔能夠保溫 ，或者煮完麵之後拎出嚟需要攤 凍咁耐 ，真係會好令到街坊失望。 還有我叫的牛扒早餐就真係極度極度失望， 牛扒質素比以前真係差咗 ，但係最唔開心嘅係多士用嘅牛油竟然係極唔健康嘅反式脂肪； 一直以來這間餐廳用的都係純正鮮牛油比較健康， 真係唔知幾時買手或者供應商在最近改了用這些極度邪惡的反式脂肪， 諗住唔用牛油食多士點知多士非常堅硬而且都係凍嘅。 其實麵食多士要有溫度， 牛油用正常嘅這兩件事根本係非常簡單， 希望這間餐廳能夠盡快改善， 畀我哋啲街坊用多一個藉口繼續幫襯。

星期日的青衣城很多人，路過經過這間餐廳打算去試一試。 叫咗一人一個晚餐套餐，等了好耐先上湯和飲品。 只椰菜花湯的賣相有點意外，冇什麼味道⋯落單後等了大約20分鐘終於來了漢堡扒。 味道中等，漢堡扒略乾。 另一款肉眼扒，整整等了35分鐘，雖然這塊肉眼扒賣相不只七成熟，但是食落OK不會很難切開，味道是OK的。但這份食物足足等了35分鐘，真的是10分誇張。 我向店員索取蕃茄醬，店員竟然沒有反應，看着我然後走開了。 隔了一會兒又給我返茄醬。 所以他應該是聽到，但是不給我回應。我們永遠都不會再來了。

今晚同朋友收工食飯，成八點半後先去青衣城食，揾咗呢間，未食過。入座時間約20:50分。立即落單，一份肉眼扒鐵板跟薯菜，一份吉列魚什扒意，唔使六分鐘先上鐵板，但冇薯菜，問職員回應冇晒，更主動扣減薯菜差額，這個還好。而肉眼鐵板睇真啲，卻仲有血紅，似6成熟，唔接受，叫職員處理過熟啲，時間超快唔使3分鐘，上枱一看，由原來鐵板上變咗普通膠碟上，碟上原有洋蔥消失咗，扒係比原先熟咗2成，呢個可接受，而食鐵板原意要熱辣辣口感保持，但換成膠碟失咗保溫，餐廳冷氣又比較大，扒身好快變得韌，算啦，味道仲可以。之後到吉列魚意粉上(時間21:04)，味道還可以，而那時職員說用餐時間只能去到21:35，乜話，食物剛上時間要30分鐘食完走，佢原來收21:30，咁45分鐘前入座點解唔早講，仲上菜時先講，我話時間太短冇可能，但佢哋話有職員失職唔記得提醒，可以比我哋食多10分鐘😏算了，再點咗俩杯跟餐凍檸蜜飲，超快到(趕收工)，味道還好。最後食到21:56分先離開，基本1小時用餐，以後入餐廳真係要問清楚用餐時間，依家店唔會有下次😑

今天4月24日2024年中午點了一個香草烤鮮三文魚忌廉意粉，三文魚又乾又柴，意粉好哽胃，因為主要原因是汁彼得過少，他們家的忌廉汁太稀，作為一個廚師衡量一款菜品，汁過稀就俾多少少，或者意粉份量減少，依度菜忌廉汁同意粉的比例唔平衡，負評就感覺花了很多錢吃了一個自家攞啲超市現成忌廉汁都好過他們家的，可能是因為香港租金太貴，尤其是在青衣城商場入面，但作為一個消費者感覺既然開得在商場裏面應該可以保持品質質素但今日當我唔好彩

住咗青衣區一段日子都沒有試過The Story 呢間cafe, 見到食客啲食評，大部份都係有彈冇讚，所以估佢地好快捱唔住，但點知見佢地做下一年做下一年，仲可以過渡埋疫情至今仍屹立不倒在青衣城! 咁啱今天中午我路經青衣城，又未食野，即管入去試試!坐定定後，環顧四周，由於樓底很高，空間感尚算寬敞，所以坐得很舒服，沒有壓迫感!看看午餐餐牌，選擇款式算幾多，價錢又不算太貴，午餐平均$70～80一位，而且全日又免收加一，單看價錢在青衣城來說，超抵食!坐定定後，我就order了一個All Day Breakfast，價值$78 包一個餐湯和一杯熱飲!首先講講個湯，本想個湯是送的，故沒有太多期望，但當飲了第一口後，竟然有點驚喜，濃道與味道恰到好處，都幾好味!跟住就食個All Day Breakfast，賣相不錯，有salad菜、三文魚、炒蛋、德國腸、煙肉、啡菇、炸魚手指、炸薯餅、茄汁豆和牛角包，而且食物嘅質素、份量、溫度和味道都OK!最後，當然就嘆埋杯咖啡啦! 雖然呢度啲咖啡不及出面啲專門咖啡精緻、講究，但係佢地用左隻鐵杯來盛載咖啡，故食完個餐後再飲杯咖啡，仍然有種溫暖圓滿的感覺，都幾聰明!至於員工

下午茶餐到5:30當時5:31到想快啲問侍應可唔可以幫我落咗下午茶order先點知佢走去斟水慢慢行過嚟，然後我問佢係咪仲可唔可以落下午茶爭一兩分鐘然之後佢解釋都冇解釋直接將下午茶將餐牌攞走，然後擰轉身同另外個侍應說將所有下午茶牌攞走，然後就冇理我跟住我就企身走人，佢亦都冇理執咗杯水問題唔係有冇得食下午茶係佢當你隱形嗰種態度真係犀利非常差的服務其實知道呢間餐廳係隔離茶樓同一間集團，但係都唔好咁明顯表現出你咁冇服務質素啦唔該

先講結論：食物：普通正常，但係差唔多價錢嘅話商場有其他更好選擇。服務：侍應其實有禮貌，不過唔知喺度做乜，其中一個重要係生手，撳機都唔熟。廚房：運作好有問題，食完餐飯仲要催先有湯飲，嘢飲唔催都唔畀。我哋夜晚嚟到餐廳嘅時候得四五張枱有人，諗住咁樣唔算忙，就快食個飯。我哋2個人坐低，叫咗兩個晚餐，一個係黑松露帶子意粉，一個係雞扒蛋包飯。等咗15分鐘都未有嘢食，飲品同湯都冇，同個侍應講乜嘢都未有，之後過多5分鐘先有飯同意粉就上枱，食物正常味道。食到一半，同侍應講先肯拎兩碗湯嚟。食完飯同意粉，嘢飲都仲未嚟，就同佢講幫我轉外賣杯我拎走飲。個侍應都覺得唔好意思，然後去到收銀機幫我搞，但係搞咗5分鐘都仲未撳到個掣，我直接拎埋張單出去同佢講埋單，跟住就有另一個侍應過嚟，幫我喺張單度加返外賣杯錢，同時有另一個侍應包緊我兩杯嘢飲。咁我比完錢拎完兩杯嘢飲就走，之後打開袋嘢睇，畀錯咗嘢飲，嬲嬲地直接掉晒兩杯嘢，嘥埋我啲錢同個外賣杯。

去嘅人唔係我，係我另一半，但我從佢嘅WhatsApp對話都可以體會到佢有幾咁耐。當日我另一半自己去咗青衣城呢間The Story到諗住飲杯咖啡坐下，佢就好簡單嗌咗個栗子蛋糕同埋杯咖啡，點知最後等咗超過大半個鐘都無黎到，好老實講，個蛋糕其實一早整定，喺雪櫃攞出嚟就可以，而杯咖啡仲好笑，另一半話未飲過咁難飲嘅咖啡，我就咁睇相都見到啲顏色唔對路。而其實係等緊嘅期間，我另一半都問過侍應啲嘢食仲未上嚟，點知個員工聽完就當無咗回事，繼續忽視我另一半。前後總共搵咗侍應三次，到最後嘅問返我嗌咗啲乜嘢，係咪黐線㗎？連當期時坐我另一半隔籬枱嘅食客都覺得好差。已經唔想再打字去浪費自己啲時間，總之呢間嘢食物差質素差態度差環境差，全差！

星期六晚餐諗住求其食D野，見到有位就試下兩個人叫左個鐵板焗豬排飯同鐵板牛排（5成熟）配飯全餐飯除左塊鐵板熱熱地，湯同食物無一樣野係熱既好明顯個焗豬係翻熱，中間仲係凍既ps我地坐係走廊位食緊啦，右邊仲有另外三個人等緊上餐。頭幾次個服務員上餐都算ok，叫我借借係我後面送入去。最後上塊鐵板，佢竟然選擇跨過我地個餐/食緊飯既頭遞塊鐵板過去，然後佢件外套就Hi到牛排配菜….

星期日行到攰攰地入咗呢間諗住食個tea,點個蛋糕set,嚟到件藍莓芝士餅完全唔掂,似放咗好耐！面頭嘅藍莓芝士醬成層膠咁，海綿蛋糕又鬆又散又硬又乾，從未食過咁差嘅蛋糕！杯咖啡又唔掂，無下次！

這店已光顧了超過五次。原因地點方便、環境不錯，價錢合理。還有是這裡的通粉是長通粉。今天一如以往來，發現餐牌更新了。價錢調整了。第一時間諗長通粉會唔會無左呢🤔所以都係叫返火腿通粉。餐牌寫住火腿通粉配炒蛋/蘿蔔糕/多士。就咁睇以為係三選一，我就選擇了炒蛋，之後職員問蘿蔔糕及多士再選擇一樣才知道。咁都幾好🤗食物來到，果然，無左長通粉😔蘿蔔糕有驚喜😬細細件但臘腸味好香。埋單時問職員係咪無左長通粉？佢問唔係而隻通粉好味啲咩？佢話有些顧客比較喜歡這通粉。都明白既，每人口味不同🫢

問店員咩係意大利芝士餅，佢答返：em…即係芝士餅配雪糕，完美copy返menu嘅嘢俾我😹😹😹唔知可以講咩。員工服務奇怪，環境幾靚但係冇冷氣…大熱天時想坐低嘆冷氣都冇得，見到有其他客人都想搵個有冷氣嘅位，員工話要坐到去商場出面雪糕正常水準，tiramisu太甜，冇乜咖啡味。杯蜜桃檸檬冰茶，有啲奇怪雪味，還好，唔建議飲…朋友個日式煎蛋牛肉飯等咗30分鐘都仲未有，4點鐘晏晝去唔係繁忙時間都需要咁耐。真係唔好嘥時間係到食。

Don't come here, the food is really overpriced and tastes pretty bad.It's advertised as a cafe, but the food they sell is not up to par with any other cafes in the area (such as Pokka cafe or Beans in the same mall), but at a similar price point. The cakes are a bit small and stale, but the drinks are absolutely terrible. I ordered a strawberry yoghurt drink, the specialty chocolate, and a peach and lemon iced tea. The strawberry yoghurt drink tasted like strawberry powder mixed with sour milk,