Think (已結業)

　　早於一個月前約定的聚會，負責人士選擇此地，原因是場內可舉辦三小時左右的短聚，況且這裡是促進社會企業的中心，值得支持。是夜二十至三十人左右聚集。　　遠眺夜間景色，環境不錯...... 書櫃陳列不少書籍，倘若是獨自前往，必會看個夠。是夜每人收費五十元，可任喝咖啡，選擇如特濃咖啡、奶滑咖啡等，其他的花茶可選紅玫瑰、薄荷葉、桂花，另可添飲其他汽水、橙汁。是次友人選擇的玫瑰茶清香，而我選擇的特濃咖啡，質素不錯，齒頰留香，以任喝的標準來說是不錯。　　難得大家聚首一堂，互相交流，此刻無價，祝願眾人快樂，前程似錦 。

外國朋友番黎Gathering結果search openrice就搵到呢間一月開張,,開左半年既Cafe仔今次總共坐左四個鐘!!!加左一個鐘$15都算合理唔貴今次我真係賺番..總共試左八杯野飲!!不過朋友對其他野飲既評語都好好!!愛爾蘭咖啡: 好飲朱古力牛奶咖啡: 尚算可以玫瑰咖啡: 麻麻雲呢拿咖啡: 好飲榛子咖啡: 不過不失玫瑰花茶: 幾香桂花花茶: 可能自身對桂花香味麻麻..所以覺得唔好飲芒果石榴Soda: 幾好飲!!要搞混到適中比較難..唔搞又太淡..搞得太多又太甜水蜜桃Soda: 幾好..不過芒果好飲D!我本身唔係一個咖啡愛好者所以覺得總結咖啡都算可以但朋友對愛爾蘭咖啡愛不釋手總共叫了兩三杯..結果搞到失眠講完野飲講下D服務態度..個老闆好好笑容開頭我地搵唔到路佢都好用心教我地行上到去又好好招呼!!!呢間野最好係可以買野上去食/叫外賣雖然果度有少量食物提供,,但個老闆都唔介意!!服務態度+環境我都幾Buy!!有書睇..雖然大部分都唔岩睇但環境好 坐坐下吹下水時間好快就過d生活就好似退左休咁..認真不錯!!值得再上

上Open Rice 見到哩間野，趁放假上去試下。服務員好主動。我前後叫左三杯野飲，先一杯玫瑰花茶，之後一杯熱愛爾蘭咖啡，最後一杯夏日特飲。我飲完杯玫瑰花茶，再望望Menu，個服務員一見我放低就即刻問我飲咩，觀察力好，讚！我去果陣大概夜晚八點半，可能日頭好多人去，d野食剩返三款揀，芒果布甸(好似$20) Orange Chocolate Mousse Cake ($25) ， 仲有另外一樣唔記得左。三款野食都好細件，大件d會好d，因為我果陣都幾肚餓。我叫左個Orange Chocolate Mousse Cake﹐好香濃。

為了找個又好坐又可以上網, 最好有嘢飲又有嘢食的地方來溫書, 都去過不少 cafes 了。Think 是近期大熱, 表面上是一家咖啡室, 其實是幫助推動社會企業的地方。(門口的英文招牌該譯作香港社會企業培育中心。) 所以是有關於社會企業的書, 還有由社會企業和手作個體户提供的精品在此寄賣, 也可與主理人商討在此舉行活動或講座。而我, 是貪這裡有 Wi-fi 又有書看, 讀 (自己的) 書讀到悶都有成排書架上的書解悶嘛。窗口落地玻璃位長期卜爆, 要在沒什麼人來的時間才有得坐。咖啡室的後方地台上有 G.O.D. 出品的豆袋坐椅, 最合三五知已促膝談心。飲品的部分相對簡單, 每位 $50 可以任點飲品, 分為咖啡、花茶和其他飲品三類, 可以添飲和轉飲品。其他飲品即是茶包華田汽水之類, 不必來這喝啦; 有大大部咖啡機, 還有數款長期供應的花茶, 所以我次次來都喝這兩種東西的。咖啡類飲品我覺得一般啦, 味道總是比較苦澀; 有下奶的應該會較討好, 而有下糖漿的款式如焦糖/雲尼拿/玫瑰等該會較易入口。不過他們的用料絕不吝嗇的, 咖啡豆有次我見是用了Caffé Vergnano 1882 的, 而牛奶

一入到去覺得環境十分舒適，傢俱亦有品味，CAFE 內有幾個大書架內有好多不同類型的書籍，我還找到幾本攝影書看，和朋友一路傾計，一路睇書飲野，十分寫意。老細服務亦好好，好耐心好有誠意。讚!CAKE 有三款(Lemon, Chocolate, Cheese cake) 份量唔大份所以一口氣叫晒來食，Chocolate 最好食有D棉花糖係夾心。飲品我試了愛爾蘭咖啡(是即磨即沖所以都有一定水準)，由於MENU上註明了是$50 可以無限REFILL，我再叫了一杯熱情果特飲(一好FRESH，有氣) 好飲!喜歡看書的朋友值得一去，但如是假日記住最好BOOK位先~ 因為地方比較細只能容納二、三人左右。

T hank you so much for kicking us out. I don't see that happening at other coffee houses. Think you did a wonderful job in retaining customers. But hey, I am sure, a few unhappy customers less won't hurt your bottom line.Great!!! The HOFF says NO WAY AGAIN.

在成發買了鮮椰奶預備周日「杰作」後，聽朋友說Think有她放下的旅遊資書，就正好替月尾之行作準備。今天的Think也真熱鬧，大概是傳媒報導過$50任飲咖啡效應吧？幸好來到時，剛有客人埋單，就佔下了窗口位，放下行理後，叫了半冰水及檸檬批。在書櫃找來不少台灣旅遊書，一下來就是十幾本，台北也可真是近期旅遊熱點，看著書等著朋友，眼前這件檸檬批是寄賣形式在這裡擺賣，吃起來是忌廉多於芝士餡，味道很薄只有淡淡檸檬酸，而餅底是脆薄片，很奇怪的組合。閒坐一會，朋友借用這裡的電腦找了些相關的資料，做完功課後，就這樣擺下$15埋單去，是間不錯的搵料Cafe，如何你唔嫌氣氛「太熱鬧」的話。

What's so special: 1. 坐多久也可以, 沒有人會趕你走2. 自己帶東西上去吃, 我們就在附近的翠華叫了外賣, 方便得很3. $50 無限量喝飲品, 從咖啡到茶道冷飲品, 應有盡有4. 老闆非常好客, 照顧周到5. 我們去的時候, JUNO MAK 也在場做訪問呢!6. 可以包場partyVery cosy. The only drawback perhaps, is that there are only around 25 seats, so if those are occupied, tough luck. Oh, and they only have a limited supply of cakes per day. The green tea mousse cake was delicious, but quite small at $25. Drinks were great. They have a professional coffee machine.Will definitely come a second time.

星期五嘅晚上 我,男友, Albert同Dia四個人食過晚飯後 兩位alcoholic友人就提議飲野 但我就唔太好杯中物 亦非常唔飲得 所以就帶左佢地去我一直想去嘅Think 呍呢嗱咖啡呍呢嗱味不濃 但咖啡味好香 好有水準 唔會過甜 熱情果soda都係唔會過甜 但好好飲 好熱情 哈哈 比較清新 好似果味氣水但絕對唔會味假 好舒服嘅地方 店主熱情好客! 50蚊任飲抵到爛 (飲品質素很不錯) 玩左一輪rummies 依然輸比Dia~ 宿命! 咁多年都係永遠第二哈哈 但係有妳同我玩 一世第二又點話呀 <3 11點幾我地就走啦 而兩位友人就決定去真正"飲野"

今天看電影前走了上 "THINK" COFFEESHOP...其實都是早前在OPENRICE上看到的好評吸引了我, 有書, 有咖啡, 又坐得舒服!上到去, 果然有幾個大大既書架放滿曬書...亦都有好多唔同種類既枱櫈, 有D人係度開會做PROJECT, 溫書既都有...都有唔少客!老板好NICE, 好有禮貌, 不過見到佢一個人做到踢曬腳!我地被安排坐對正窗口既位...居高臨下, 望正樓下好繁忙既駱克道...平日我地匆匆忙忙咁係下面衝過馬路, 今日竟然係上面舒舒服服咁歎咖啡...WHAT A BIG CONTRAST!因為我地2個都未食LUNCH既關係, 所以叫左飛碟食...份量唔算多, 其實都係當做小食, 老板話其實下次可以買野上黎食, 哈哈!飲品方面, 新開張仲係做緊每位$50 任飲.有咖啡, 花茶, SOFT DRINK揀, 我TOTAL飲左3杯, IRISH, VANILLA, ROSE.SYRUP唔算太甜, 咖啡味濃, ROSE LATTE入面仲有幾塊花瓣, 好有驚喜!不過奶泡打得唔算細滑... 當然唔可以同做咖啡出曬名既COFFEESHOP比啦, 總括黎講都算滿意唔夠飽仲要左個

12-3-2010由北角折返銅記, 想搵個地方食甜品或飲杯嘢, 又上嚟呢度睇睇, 為的只有兩樣嘢 -- coffee 及 books! 呢度有 promotion $50 任飲的新張 promotion, 最後 10:xx pm 飲了兩杯咖啡, 搞到成晚瞓唔著 :-「牛奶咖啡」: 以為係 caffe latte, 但賣相似普通 house 多一點... serve 時已落了奶 , 飲落唔算苦, 唔澀, 唔酸, 不過同「香濃」二字有一段距離喎 「呍呢嗱咖啡」: 面頭奶泡有點鬆散, 飲落無奶香又勁 "frothy", 都幾「星記」feel 呍呢嗱味幾 "essence" feel, 可幸唔算好突出 咖啡本身就少少甜, 飲落除咗多少少呍呢嗱味之外, 味道同上述「牛奶咖啡」差不多, 不過呢杯較滑身, 還可以吧.朋友就飲「桂花茶」, 桂花味唔算好香, 但飲完喉嚨幾舒服, 可惜無蜜糖供應啦.而呢度最大賣點就當然係輕鬆好坐又帶濃厚「書卷氣息」的環境, 及店員 / 老闆勁 nice 的服務態度, 上嚟坐吓不錯的. 不過佢 d 書就唔太啱我睇, 下次還是帶備「私伙嘢」吧.

跟女朋友吃晚飯之後, 想找個地方坐坐, 想起有雜誌介紹此處, 便去看一下, 我們到場的時候已經很晚, 店內已經沒多客人, 便素性坐在 Bar 枱, 跟店主和店主夫人聊聊天, 店子環境很舒服, 店主很親切, 還跟我們分享開店的經驗, 店主說希望開一家店子讓客人看看書, 聊聊天...這裡沒有星級的美食, 但有店主親自調配的花茶和咖啡, 也有店主朋友寄賣的 homemade 蛋糕, 女朋友不停的讚美味(可能她喜愛食甜品緣故), 連照片都未趕得切拍, 就給她吃光。- ...但本人則享受當中的人情味和有不同類形的書可以睇........更重要是下次女朋友係銅鑼灣Shopping 時, 可以有多個好地方hea住等 .......消費: $125/2位 ($50位, $25件藍梅芝士蛋糕)

之前朋友介紹過...今日終於去試~由於9:00p.m.後樓下就會落閘...所以我地去嘰時候已經係咁..我心諗:"唔通關左?"...問一問保安佢就開門啦~所以大家下次去唔使以為關門~~上到去...一入去...老闆好好咁帶位介紹...有差唔多20種飲品任飲...$50唔限時(新開張promotion)抵到喊!我同友人飲左banana同kiwi milk shake仲有玫瑰同桂花花茶...最好唔講得..但係係好好味...而且細細杯...可以試多D環境好靜(老闆話少人就靜XD)..同埋有好大個bookshelf可以自己拎書睇...超RELAX~一定有下次!!

知道這裡開了一間樓上cafe，$50任飲不是重點，有書本可看才是重點。雖然一向也有帶書在身的習慣，但有時有個地方可以讓你隨手拿起一本書慢慢看，慢慢的喝著咖啡，實在是非常美好的一件事。今天特地是為書本而來，因為就是想看看到底這裡有什麼書，種類繁多的話，真的可以常常到來呢。大概 4 點多來到，已坐著不少客人，大家也是悠閒的看著書，做著功課，討論著事情。看看側邊的書櫃，種類也算五花八門，不同的類別也有，當然不能和書店相比，但應該總有一本合你心意的。環境也算舒適，窗口位可看到出面的景色。只有一個老闆坐陣在忙著製不同的飲品和食物，進到去只剩梳位和吧檯，最後也是選擇了梳化，因為較舒適。不過梳化的高度其實和檯子有一段距離，吃和喝的時候也有點點辛苦。店員給了我一個飲品的menu，說$50可以任選，有得添飲或再選另外的飲品也可，真是非常吸引呢，$50在這裡磨一整天也算很化算吧。最後我叫了一杯榛子咖啡，另外去了餅櫃一看，也有數款選擇的。蛋糕原來是別人做放在他們這裡寄賣的，感覺蛋糕的形狀較小，$25一件，也可接受。另外還有朱古力，餅乾，芒果布甸和飛碟等，最後我叫了一件Earl Grey Chocolate

星期日下午，同13二人到了銅鑼灣的THINK hea下，經朋友介紹之下第一次光顧......去之前只知道這裡是一間有書任睇，咖啡任飲的一間樓上Cafe。上到去的第一個印象很好，環境比我想像的好得多，很簡潔，很舒服。有一排長長的書架，書的種類也不少...有小說、散文、投資、政治、文化、旅遊、攝影.....亦有一些雜誌等等。有一些座位於窗邊，可以從19樓望下銅鑼灣的街景。有一些坐bean bag的位，四個座位加一張小桌子，上面放了一套大富翁遊戲。(原來除了睇書之外，亦有其他娛樂!)亦有一部電腦放於一旁，讓客人上網。我們選了置於cafe中間位置的兩張大sofa......一人叫了一杯凍飲(榛子咖啡&愛爾蘭咖啡)，之後就各自各睇書......之後又一人叫了一杯熱飲(桂花茶&朱古力咖啡)，跟住又繼續睇書......這裡的收費雖是每人$50任飲，但飲品的質數亦不差。特別喜愛那一杯熱朱古力咖啡，朱古力味同咖啡味比例完美，正! In conclusion, there is a good place for you to drink and think!