THIRTY'S

營業中

休息中

收工係附近同朋友食個飯，諗住是但食路經依間餐廳，見個menu選擇幾多同埋價錢合理就入黎試試.侍應推介，叫左杯peach magic, 有果肉，唔甜，幾有誠意喎。而朋友叫咗啲酒精飲品，有唔同顏色。用嚟打卡唔錯😄啤酒又大大杯，抵飲一開始就嚟咗串燒先，有豬牛雞，燒得唔乾而有肉汁。醃料味道好好。有泰國風味再嚟就係扎肉紫米卷，材料新鮮食得出係即刻包嘅，係扎肉少左d，加多d扎肉更正之後嚟咗沙彊手撕雞同埋香辣肉鬆飯，依兩個我極力推介好食到。手撕雞配上新鮮青瓜絲，口感好夾，唔會太鹹，沙彊味好出，同埋啲雞絲唔鞋口。香辣肉鬆有鑊氣，辣辣地，d豬肉唔肥，啱我口味。重有叫左碟春卷，口感豐富，出面好似未食過呢隻味，但入邊啲材料又出奇地夾。至於炒飯，炒到粒粒分明，入面啲臘腸又唔肥，肉鬆勁多，唔油，超正而馬拉盞炒通菜，味道偏甜，但好新鮮，加啲辣就更好。烏頭魚係我泰越式餐廳必試既，個汁酸味味，好開胃，又有d香茅味，味道係我試過嘅餐廳頭三位👍🏻整體來講，呢個價錢同質素真係好合理，下次會再黎試下其他菜式

早幾天傍晚和朋友經過附近、因為下午已飽食自助餐、於是便找個地方吹吹水歇腳。我點了一杯越式咖啡，奶和咖啡層次分明，去試過真正越南咖啡的不用多說，地道的就是這樣子，讚👍👍朋友沒有idea經理也好主動介紹特飲種類和非/含酒精選擇、最後朋友點了一杯西柚加gin的飲品，味道很特別。另外我們也點了一份小食拼盤、味道不錯之餘也沒有感覺太油，值得一讚是春卷是自家制作、很足料，其他餐廳未試過咁出色的拼盤， 唯一是略嫌豬頸肉的醬汁可以再辣一點就更好。值得再光臨的店👍👍

叫左個蝦餅湯河，首先黎到見到個湯係白色已經覺得唔多掂，而個湯係真係無咩味。但最大問題係個河粉, 唔知係咪無過冷河定咩既問題，好大陣米糠味, 我最後要點個魚露先食左半碗。蝦餅係幾大塊, 不過好油，同埋個醬有啲鹹，真係要諗諗要唔要俾多次機會佢.....

因為之前食開果間泰國餐廳裝修緊，咁岩想食泰國野，就周圍搵下，見到呢間Thirty’s 裝修新淨，環境似cafe，睇左餐牌先知原來有越泰野食，決定入去試一試，今次我係一位黎食要坐吧枱但吧櫈都幾大張幾闊坐住食都算舒服。辣椒肉碎煎蛋飯平時食lunch都好鍾意食呢個，今次第一次黎就試一試，呢度煎蛋比我平時食開熟左少少，唔係好夠蛋漿，肉碎味道幾好，唔會太辣，怕辣侍應話可以轉唔辣都得，肉碎有香葉味，白飯質素幾好。咖啡咖啡唔夠濃，唔夠奶味，感覺比較水

衛生欠佳，店內比較噪雜廚房員工將廚房內用單放置於湯麵之上,並沒有妥善的配帶口罩店內環境,職員態度尚好食物價格較為親民，選擇亦夠多種但基於衛生問題,回頭率為零😟😟

依間餐廳喺紅磡嚟講都算新開喺附近返工嘅我都覺得係一間唔錯嘅越南泰國餐廳！通常午飯時間都要等位先能夠安排入座！推薦豬頸肉撈檬好食！份量都唔少㗎！環境都算坐得舒服！

早幾日打電話落去餐廳叫早餐外賣，我講到明我11點要開會，所以我有問依家落單趕唔趕切，因為我打電話已經係10點45分，職員仲話一定趕得切，於是我們落左單。去到餐廳已經10點55分，我一入到去餐廳想卑錢，職員先施施然話我份餐無材料，所以無整。佢仲問番我要轉食乜？我第一下就問”點解依家先講，頭先打電話落黎個陣無材料應該講了？或者係咪都應該打番電話同我講？咁我可以叫另外一個餐？”職員話”我無你電話號碼☎️”我真係一把火🔥呢個世界有來電顯示功能架！！！另外，你聽電話的唔識問我攞電話號碼？唔該唔好將個問題變左係個客的問題！我作為食客好直接，打電話叫得外賣就係想食野，你明知我11點要開會，根本無可能黎到再等你舖頭的廚師煮，再快的廚師都要幾分鐘了，我當下仲有5分鐘就要開會，我點會有時間仲同你慢慢等？最後，因為時間關係，我無時間再去另一間餐廳買外賣，我餓住咁開好漫長的會，多謝呢位趕客的職員！我將不會再有機會試呢間餐廳的食物，因為我不想犯同一樣的錯，浪費左美好的早上。

🥢 Thirty @紅磡睇嘅vlogmas睇到好想食香茅豬扒撈檬🤣咁啱行過見到就忍唔住買咗個外賣食吓🤤🤤((好食到連續食咗兩日haha))哩間嘅豬扒好出色，外面好香 咬落好鬆軟～一啲都唔會柴皮👍🏻👍🏻基於我第一日打電話去叫外賣嘅時候叫咗走芫荽蔥 返到屋企打開冇晒配料😂😂第二日食 終於有番生菜 紅蘿蔔絲 青瓜絲😛🌟香茅豬扒撈檬 $65📌紅磡煥然懿居地下G7&G8號舖-👅味 道 ：🌕🌕🌕🌒🌒💸價 錢 ：🌕🌕🌕 🌒🌒🧼環 境 ：🌕🌕🌕🌒🌒🪓性價比 ：🌕🌕🌕🌒🌒🧲回頭率 ： 🌕🌕🌕🌒🌒-

這間裝修得非常之西化的餐廳，一踏入餐廳竟然聽到七八十年代的廣東歌，雖然是非常之格格不入，但是我真的很感動。然後，一看餐牌，價錢也非常感人，一份早餐只需要三十多。賣相和味道都是茶餐廳的水準。我特別喜歡這裏的咖啡，真心不錯，不像是即溶咖啡中的。早餐要加12蚊才可以轉越式咖啡，下次來試試看。這次我選了煎蛋，店員自動幫我轉做煎熟蛋，真是暖心。時間方便也很合適，七點半開門，早餐到十一點半，兩點半至五點半就是下午茶時間，十點關門。這裏的午餐和晚餐是越式的，又是另一個反差哈哈哈。到底這一家是港式還是越式餐廳呢！

行街經過這間新店 外觀吸引 進入前掃安心出行針紙 店員很快帶位放低餐牌 奉上清水餐具紙巾 內部裝修雅致樓底高 正值午餐時段 室內食客約8成人 點了海南雞飯及泰式濕炒豬肉河 海南雞皮爽肉滑油飯夠香有味不油 配上生菜菜心酸蘿蔔紅蘿蔔絲素餐湯 $68 味道很好開胃 濕炒河豬肉稍鞋身 配上很多蔬菜菇片 夠汁 河粉有煎過 但不夠香 配以餐茶$72 稍貴 店員職工有禮貌 環境地板乾淨👍會再來的☺️

【紅磡高汁民區茶記🍛】三十八 Thirty Eight 📍土瓜灣🔸 豬頸肉撈檬👅8.3/10黎到既時候佢嘅炭燒豬頸肉仲係熱辣辣！ 豬頸肉充滿着滿滿嘅炭燒香味 肉質爽口 Juicy! 檬粉都好彈牙 而且唔會黐住一舊 檬粉汁既甜酸味都岩岩好 好FRESH🤤 岩曬熱辣辣嘅夏天食😍🧊 #jengfoodguide_紅磡 _#紅磡美食 #夏日美食 #越南撈檬 #豬頸肉好好味 #hkfoodie #土瓜灣美食

平日放工早咗，嗱嗱臨就試吓呢個下午茶，因為平時見佢都好抵食，當晚餐又可以慳返餐！我就叫咗個生牛肉湯河同埋熱華田，生牛肉湯河感覺同晚餐嘅size差唔多，冇特別細碗， 真係好抵食呀！熱華田沖得好好飲，平時出面飲，都加好多水，好淡，但係呢一間就好濃，好好飲！除咗食食物之外，最重要都係食環境，環境一流，又靚，又寬躺，最鍾意佢嘅花花地磚，不過就冇影到相，哈哈哈。因為下午茶太抵食，都坐滿人，所以食完之後都要走人啦。

新開左幾個月，每次經過都覺得裝修算靚，而且座無虛席，又吾想等位，今日終於比我試到。餐牌選擇都算多，但下午茶較為平，38蚊，所以試下。入到去職員核對完安心岀行同疫苗通行症後，就安排入座，職員都好細心，留意到安排座位既地下有食物殘餘，叫我地小心吾好踩，仲即時清潔，都幾迅速處理👍🏻叫左個越南炸蝦餅沙律，一心以為沙律🥗會係好多菜，蕃茄果款，但都幾失望🙍‍♂️只係一小推罐頭生果加沙律醬溝埋。好彩炸蝦餅無失望，份量係有手掌既size🫣 都好好味😋 不過話好飽肚就真係一般，叫做食完吾會餓先。如果再有下次寧願叫湯河好過，都係38蚊，感覺飽肚d同值過罐頭生果先。

早上經過食店, 見早餐都幾多選擇, 便選擇了這家 Thirty's, 叫了沙爹牛面, 落單後便專注玩手機, 等了15分鐘都未有任何食物, 見其他枱的食客, 比我遲叫嘢食, 也都全部食物上枱了, 便找另一個仕應問情況, 祇係問咗我同边位同事落單, 也沒有 say sorry, 服務態度也是一般, 原來之前的仕應祇掛住把多餘的餐貝拿走, 無落到單, 10點多的時段, 全家舖都唔夠6枱客人, 咁都可以漏單, 服務真係麻麻, 今時今日咁既服務態度, 真係好難有下次, 至於食物方面, 我個人認為也是一般, 應該唔會再光顧

唔會再去有幾個原因，最主要唔係d嘢好唔好食（雖然都真係唔好食），主要係餐廳嘅待客態度：點兩個lunch set跟嘢飲，另外一個正餐，嘢飲單點，我地兩杯凍啡一罐可樂，凍咖啡$24/杯，可樂$14，落單嘅姐姐唔醒目，將可樂同凍啡跟餐，單點凍啡+$24我就同姐姐講，你兩杯凍啡跟餐，可樂單點我咪唔駛俾咁多… 姐姐走去叫人改單，轉頭返黎話「唔好意思吖，其實你改唔改都一樣，因為可樂單點都係$24」先唔講我記得見過餐牌寫住可樂$14，我心諗你間咩餐廳夠膽收$24一罐可樂？我去隔離檯拿份餐牌，可樂明明就係$14，再搵阿姐講… 死死地氣改返俾我，唔好意思都冇句… 今時今日咁嘅服務態度，必須讓大眾市民知道啦最後講下d嘢食：燒牛肉撈檬，d牛肉完全唔係燒係煮，濕立立，所以d檬粉撈幾多魚露都冇未個$108火車頭，上檯嗰一刻我覺得係響隔離香港仔魚蛋粉order個八寶河加幾條金不換就拿過來，完全唔係火車頭