TicTacToe (已結業)

約咗個好耐冇見嘅舊同事過嚟灣仔食個便飯，佢揀咗呢間係啲小巷入面嘅Cafe試試。佢哋將啲餐牌寫左係牆上嘅黑板到，就冇另外提供Menu比客人。選擇都算多，不過餐湯或者沙律就要另外加$8。最後我揀咗3. 香烤雞扒配薯蓉及鮮蔬 $88雞扒肉質啱啱好，唔會好硬好老，都不過不失，薯蓉好食。但感覺冇乜特別⋯總括來講，食物質素還好，沒有特別吸引嘅地方，而且餐廳環境好迫，啲枱太細，放唔到好多野，建議餐廳可以換過一批枱，令啲客人坐得舒服啲

今日黎搵個friend食晏 落好大雨 於是見到呢間唔洗等位既cafe就入左去啦 細細間舖所以台同台之間擺得好埋 lunch set有跟埋野飲 我地都叫左熱啡 帶子芝士菠菜醬闊條麵（$88）帶子有2細隻 闊條麵口感食落不過不失 芝士菠菜醬較遜色 味道較淡而且無乜層次可言 份量黎講都足夠 唔算少反而朋友叫既辣茄醬海鮮意粉有d驚喜 醬汁食落少少辣又帶點酸酸既味道 感覺開胃 海鮮質素就一般 不過個份量都算多但係我地落完單等左起碼20分鐘先上菜 杯咖啡都就飲完 繁忙lunch time個個趕住食完番公司 上菜時間有待改善

我真係未試過食完餐飯，即刻上openrice登記寫食評！  全因為個是日餐湯 - 南瓜忌廉湯！main dish食完個湯都未到，由落單到見到個湯足足45分鐘，仲要係伏黎！老實講，個湯唔係常見既橙色，已經呆左一呆，唯有舉手問一問店員確認下係咪佢介紹既南瓜忌廉湯，佢答係。一飲落去，口感界乎於溶溶地既牛奶布甸同BB食既糊仔，唯有再問下店員係咪真係我地個南瓜忌廉湯黎，佢都係答 - 係。都算啦，我其實就想食下南瓜味既野姐，一於再試兩啖。成碗一點橙色都唔會俾你搵到，唔講仲以為係分子料理，不過呢個真係好失敗，因為真係好難飲，同埋冇味！當我舉手話呢碗野真係唔掂，個waitress好型咁"哦"左我一聲，然後就左 (黑人問號？)我就唔elaborate更多啦，講完事實就算。但如果TicTacToe老闆你見到呢篇comment，我真心建議你花幾分鐘了解下發生咩事，一個中等價位 ($140) 既lunch，主食都唔錯，唔好因為個湯同服務而浪費左個主食。

灣仔大王東街坐落係修頓對面 喜帖街附近 呢條街都唔少好野食 建議大家可以尋下寶今日去左tic tac toe 主打西餐入面幾闊落 又有情調睇左餐單後 嗌左波菜蜆意粉 波菜汁本身都清新可人 所以食落都幾好 👍加上有蜆做主食 可以配搭出新鮮 清新既味道 另外 佢地有杯主打飲品 叫TTT Lemon tea佢會俾三個檸檬冰你 另外上一杯檸檬茶 咁你倒檸檬茶入去果陣 就會開始將冰溶左 咁入面既檸檬就會出黎啦 好處係唔駛驚冰溶左之後 將檸茶應有既味道溝淡 所以唔錯嫁！

中午12點半到餐廳，店員安排位置後，我們點了相同的lunch set! 餐廳雖小，但裝潢別有格調，店員又非常有禮貌，感覺很好。我和同事都order了burger set + ball ball lemon tea😍Burger肉汁多，漢堡扒夠新鮮，薯條炸得剛剛好，外脆內軟😌👍🏻Ball ball lemon tea呢個idea夠creative, 茶味比其他西式餐廳的都濃，但略嫌偏甜了一點點！整體來說是推薦的，下次想試黑松露pizza!

Happy Friday！今日同舊同事去灣仔lunch出奇地lunch time有位唔洗等 好好彩我覺得呢度有啲迫 未必坐得好舒適 但勝在員工唔會趕我地走 仲會好好幫我地影相🙈佢哋話呢間既波波檸檬茶好飲 所以我都嗌左 原來啲波波係檸檬嚟 幾得意😂我覺得都好飲但好似甜左啲！上菜其實有少少慢 但食物一到我就明點解我食左lunch set既漢堡包薯條 啲薯條係熱到出緊煙 勁脆好味道！個漢堡幾唔錯 塊牛唔會太乾身 有少少肉汁滲出嚟友人叫左雞扒薯蓉 雖然賣相無我果個吸引 但試左塊雞扒都幾皮脆肉嫩！人少少食飯可以再戰😇

第一次黎覺得環境唔錯，係枱同枱之間好窄，侍應都好難行入黎落單，肥少少都難行，叫左個意粉同波波檸檬茶，由落單到野食上枱超過20分鐘，好彩唔趕時間，意粉賣相几好，但食落口感偏硬，最後冇食哂，波波檸檬茶賣相特別，不過飲到最尾好甜，唔怪得之隔離枱都飲唔哂。午餐時份好多人，食完諗住飲埋杯野就走，點知野都未飲完就叫我埋單，比完錢仲有半杯就叫外面人客入黎圍住我坐，場面尷尬，仲比人串我阻住下張枱，服務態度有待改善。

三個女仔食夜晚，叫左牛扒，肉腸意粉，同Buffalo wings。 用咗open rice優惠一人一隻虎蝦。整體食物質素唔錯。wings一份5隻，個汁好好味。意粉硬度剛好，唔係茶記嗰d稔Pat Pat. 牛扒感覺普通d，如果入面再juicy d就好喇。自己帶左支酒去開，個女仔(唔知係咪老闆娘)同我地講開瓶費$50, 後尾埋單話原来佢搞錯咗，應該係$100, 不過下次先，今次照計我地$50～ 好好人呀BTW，而家佢地改咗，要收10%服務費喇。 lunch嘅話就唔清楚。整體黎講，都覺得價錢合理，環境食物不錯，晚上係個傾偈嘅好地方。

之前在朋友的Facebook看到這個波波檸茶！一直都心思思想黎試！剛好是晚來灣仔演藝看29+1！所以和朋友便選定這一間店！雖然食飯前，已做好資料搜集，見到不少食評都表示，店舖上菜的速度很慢！但心想還有個多小時，店內又只有我們一枱客人，應該沒有問題的！怎料....先說環境！當晚我們6時多到達，店內就只有我和朋友二人的一枱客人！環境很整潔，店內播放著我們這個年代的歌！（千禧年代的歌曲！相信店內職員和我們都是80後！）也是一個很舒服的環境！（也許是沒什麼客人的關係吧！）至於食物！這晚我們點了波波檸茶、牛扒和龍蝦意粉！（沒有特別留意全名，自行在餐廳內配對吧！）波波檸茶，外觀吸引的！由於波波冰都是檸茶製成的，因此檸茶的味道不會變淡！至於味道，檸味不及新鮮檸檬即「篤」的清新！茶底亦不夠濃！味道亦偏甜！（對我而言！）另外，牛扒煎得很香，有炭燒的味道！也可能是這樣的關係，牛扒偏熟，肉質亦較「鞋」和硬！龍蝦意粉全隻開邊！是有誠意的！肉質還好！但又不至於是新鮮龍蝦！應是急凍貨！意粉幼身，偏「硬」，是本人喜歡的軟硬度！（溫馨提示，如龍蝦鉗可以預先替我們敲一敲，或付上夾給我們使用會更貼心！）最後奉送的甜品，最

午餐總是我這個窮OL總苦惱的一餐。總是希望找到間便宜有好味，即是所謂的‘高性價比’的‘飯堂’。雖然如此，有時候會覺得既然已經付錢出來了，多付少少便能換到味蕾升級的享受，好像更划算。抱著這個念頭，這星期也就做了幾個新嘗試，其中一間就是位於廈門街的TicTacToe Cafe。這個Cafe老早已經想前來一試，不過每次經過門口都排隊得挺誇張因而卻步了。今天大概12:30左右來到，可能離午飯巔峰時間尚早，我們一行四人來到居然有位置。午餐Manu寫在一邊牆的黑板上，記得有9-10個選擇，價錢在$88-138左右，包括咖啡或茶，免加一，屬於中下價錢，其實一般cafe的價錢也都是這一個range，而且還是開在灣仔，所以也不能說是貴。我選了個雞扒配薯蓉，餐飲配咖啡，大概10分鐘左右已上起餐，效率挺快。雞扒以香草黑椒等來燒，味道非常香，用刀很容易便能切開鷄肉，非常軟腍，薯蓉應有加入適量的牛油和牛奶，口感滑溜奶香味重。咖啡倒是用點失望，香氣和味道都偏淡。相對於其他餐廳，我會覺得Cafe的飲品，尤其是咖啡，水準應比一般餐廳爲高，可惜這次拜訪未能讓我有驚艷的感覺， 希望Cafe 能在咖啡上多下一點功夫吧。

春天一個黏答答嘅雨天，同舊同事相約到灣仔食Lunch敘舊，逛到大王東街就隨心選了這家cafe，想不到食物水準不錯哦！☺️虎蝦蕃茄醬意粉最先上桌，意粉煮得爽滑有嚼勁，醬汁茄味香濃，比例恰當，而且有不少蝦肉，不錯！👍🏻雞扒配薯蓉也很大份，可是雞扒無乜雞味，係香港想食好味雞肉真係好難呢。😅Parma ham pizza 係薄批，焗得香脆，熱辣辣食，好味！😋Lunch set 包一杯飲品，熱咖啡都係正常快餐店味道。反而另外叫咗個lemon cheesecake有驚喜啵，食落好香檸檬味，又夠滑，批底實淨，完美！❤️三個主菜連飲品、另加一碗湯、一個蛋糕，埋單一人都係百二，傾咗幾個鐘，服務又好好，推介！

星期六 - 中午 - 晴下班後，突然想食意粉。那時，有朋友介紹可去TTT試試看。噢！一查之下，原來TTT係Tic Tac Toe(井字過三關)。哈！小時候常玩的遊戲，如今能作餐廳名稱，勁！什麼都有可能。到了餐廳後，職員耐心地向我介紹Lunch Menu，又好仔細地問我對食物的喜好。他知道我想食意粉，所以，推介我食忌廉芝士波士頓龍蝦意粉。接下來到飲品，原本想點HLW，怎知我在餐牌裏看到一杯(Ball Ball Ice Lemon Tea)，好有興趣^^就試下吧！當(Ball Ball ILT)來到我面前的時候，嘩！我興致勃勃地拿起一樽裝滿濃濃的檸檬茶往冰杯裏倒，而冰杯裹的冰竟然是檸檬茶冰波，所以個名叫Ball Ball Ice Lemon Tea。原來係咁。接下來，我的意粉來了。正！賣相吸引，食欲大增。當食第一啖既時候，味覺告訴我，好好味呀，要繼續食。混合濃濃忌廉芝士意粉，軟硬適中沒有過熟，再配上肉汁鮮味又彈牙的波士頓龍蝦，還有鉗的部份，廚師好細心做了一個小動作可令我方便進食。OMG！這個午餐簡直令我 回味無窮。Tic Tac Toe既意粉正正正，無得輸。Ball Ball Ice Le

朋友話帶我去試一杯很特別的飲品《波波冰檸檬茶》！佢話上次小鮮肉店員介紹比佢，覺得非常得意又好飲，所以一定要帶我去試！原來係樽裝檸檬茶+原味檸檬茶冰波波，冰內還藏有檸檬，原汁原味又真係幾好飲喎！（餐飲另加$12，普通凍飲加$3）另外叫了款呃Like食品，原條鰻魚漢堡，賣相確呃到Like，如果鰻魚厚一點會更好！蟹肉忌廉扁意粉都唔錯，醬汁調味剛剛好，值得一試！店舖座位不多，座位有點逼，適合35知己聚會。支持小店！✌

遲左收工又肚餓，路經一間Deli小店，睇一睇個餐牌，價錢都幾吸引，不過都驚伏，最終都入左去。店員好Nice，入座後介紹左今日係咩湯同甜品，加埋做緊咩優惠，好多地方都係問先講，佢地主動講先加分好快就諗好食咩，Caesar Salad 同 U.S. Angus Sirloin Steak，去到飲品方面只要 Order食物，飲品都係半價好快Caesar Salad就到左我面前，一食個醬同其他地方有d唔同，個法介味道比較出d，仲有一種味唔知點形容，只可以講好開胃好好味。到主菜 U.S. Angus Sirloin Steak，我叫左Medium Rare，個 temperature啱啱好，食落去肉味比起賣到＄3XX仲要好，side dishes 有薯條同青黃瓜，好豐富好食。Caesar Salad + U.S. Angus Sirloin Steak + 啤酒一支 一共＄345，仲要係免加一服務費加上做緊優惠，最終＄325埋單，好滿意。一定會再黎！！

見餐牌款式唔錯入左嚟食飯。入坐到食完我地都係晚上時段唯一1枱2人客,一人點左一個main(虎蝦龍蝦汁意大利粉/煎魚配薯菜)。雖然一個客都無,點完菜都要等成半個鐘先上其中一個main ,到個main食左一大半先上到第2個。等既途中聽到廚師施施然煮左個餸出嚟俾員1影相(估計用嚟宣傳既相)跟手俾員工食飯,先慢慢開波煮俾客人。可見餐廳對客戶服務的重視有限。雖然食物還可以,但不會再光顧。亦奉勸肚餓既人唔好入去食。