&tmR (已結業)

行過見到呢間Cafe，價錢唔算貴，坐得都幾舒服，又唔使點等位就入嚟試吓啦。🍴蒜味海鮮意粉 $73配咖啡加$12 配薯條加多$12就咁睇個意粉不過不失啦，一定唔係自家製嘅意粉，不過勝在份量都幾多，個蒜蓉包幾好食，識落好趣，啲海鮮就唔好要求咁多，幾隻蝦同魷魚圈，普普通通。今餐嘅薯條都幾大碗，自己一個人食就食唔晒啦，如果有小朋友嘅話黎食都幾開心嘅，但係如果自己一個人嚟嘅話就可以慳返個$12或者叫其他嘢食啦，意粉已經好夠食。杯咖啡出奇地算順口，開頭以為係茶餐廳咖啡嗰種。📌總結：位置上都幾闊落，如果約咗幾個朋友或者要帶小朋友嚟食都幾適合，因為餐單上面都有好多款唔同種類嘅嘢食，照顧到唔同人嘅口味，而且坐得都幾舒服，份量又足，但就唔好期待啲嘢食會令到你有種好驚喜嘅感覺。

我沒想過脆炸魚柳漢堡包的大小如此細，而且正常這個類迷你漢堡包要寫上菜單。一般小型漢堡包的賣點在於容易一口吃，但這個不如減價格和不疊高。一疊高弄得難以夾著一起吃，因為細又高很難捉摸導致需分開吃。魚柳是沒問題很普通，但是包就只適合喜歡吃嘉頓生命麵包的人，甜味包不太合我口味。

卡通風格Cafe &tmr平價意粉漢堡店～～蕃茄忌廉豬肉腸意粉(配蒜蓉包): 蕃茄忌廉味濃郁，意粉偏硬，味道很不錯。全日早餐: 味道中規中矩～～酸忌廉煙肉焗薯: 滿滿的酸忌廉佈滿整個焗薯～～

當日因為日間都食咗好多野嘅關係，所以我哋都只想食啲較輕盈無負擔嘅食物，所以去到位於屯門市廣場3樓&tmR食晚餐，環境乾淨企理仲坐得幾舒適♥︎食物整體還可以，餐廳冇加一收費，全由客人以QR code落餐.▫️卡邦尼意粉 $69正正常常嘅味道，唔食蛋嘅男朋友表示鍾意佢冇咩蛋汁同埋好多煙肉，單睇味道$69可能稍為唔值，但可以係大商場坐低舒舒服服食餐飯，呢個價錢其實幾合理😆.▫️牛油果燒雞漢堡 $47前排誤打誤撞下，試過一次食漢堡包走醬，發現其實都幾好食，為咗令自己有更多quota食其他野，我係QR code落餐時剔咗走醬，結果原來係會走咗個牛油果…..建議餐廳可以溫馨提示一下客人走醬代表走埋牛油果🥲呢個漢堡係單調健康嘅味道呀.▫️是日餐湯 $12跟餐好多栗米，冇忌廉嘅栗米湯，飲落唔差.▫️凱撒沙律 $12跟餐正正常常冇咩特別，可以走醬係健康之選😆.如果鍾意我嘅𝐏𝐨𝐬𝐭 (˶ˊᵕˋ˵)希望你可以𝐅𝐨𝐥𝐥𝐨𝐰我@fibee3b

✨菜式：🍽蕃茄忌廉汁辣肉腸意粉 🍅🍝🍽蒜辣海鮮意粉 🦐🍝🍽薯條 🍟🍽炸魷魚圈 🦑🍽凍蘋果肉桂烏龍茶 🍎☕️意粉口感適中，蕃茄忌廉汁味道夠濃，海鮮足料👍🏻薯條正常，但魷魚圈太幼冇咩口感，有啲似食脆漿多啲🥲而凍蘋果肉桂烏龍茶好清新，如果少甜會好啲🙏🏻意粉真心幾好食🤣但小食唔太建議叫呢兩款🤣

話說老友之前過係呢度食過晚餐話d野好食得黎又唔貴，就推介俾我一齊食個晚餐，位於屯市入面既cafe餐廳，假日屯市食晚飯基本上好多都排晒隊，我地一行3人晚上6點半黎到都見唔太多人。餐廳都係用QR code自助落單，比較得意就係落單後即時登入用電子貨幣埋單，可用信用卡或支付寶之類，用現金就要出門口落單，由於用朋友既手機落單所以無影到d餐牌同埋單價錢。餐廳環境都算幾大，大約都有十幾張枱，位與位之間唔會得好迫，坐得都幾舒適，另外餐具醬料同水都係自助，好多野都係自己黎所以都無收加一，待應都只係傳菜同執枱，有個比較抵食既2人套餐，有餐湯或沙律各2份，小食拼盤有2隻水牛城雞翼，肉醬薯條同兵加腸，再選2份主食，飲品如果飲熱飲同汽水就唔洗加錢，凍飲同其他特飲就要加4-12蚊咁上下，呢個套餐就盛惠$228。首先呢間餐廳上菜速度都幾快，落單後唔洗5分鐘都開始有野黎，先黎左個南瓜湯，南瓜湯質地好結身好接近南瓜蓉既狀態，另外都好熱第一啖飲都燙嘴，唯獨覺得淡左少少唔係好重南瓜味。小食拼盤水牛城雞翼本身唔太辣，跟果個辣醬就幾辣下，雞翼都新鮮炸起夠熱，肉質唔會好乾，肉醬薯條都係俾肉醬壓住果堆會比較淋身d，我就唔太鐘意呢

似supersandwiches都多野揀呢到用qr code點餐，仲要用埋qr code個web俾埋錢，慳返人手。我地叫左兩個burger幾好味。個漢堡包個牛好味道，juicy牛油果醬雞扒漢堡，個牛油果醬好辣我覺得兩個包都好食，下次再食其他野。

星期日晚，大部分餐廳都要訂位/等位，今晚原本想食豬手🍻，都要等位。 期間，路過一間餐廳，不用等位，看看餐牌也不錯😌，就揀佢試試吧！CP值都算高既一間餐廳🍽，價錢方面，比較大眾化🤑，食物方面，質素不錯👍🏻，特別係意粉 🍝，熱辣辣🔥。🍅番茄忌廉汁豬肉腸意粉🍝 ～ 上枱熱辣辣，番茄 🍅煮到好熱，仍然保留到濃濃的番茄汁，好好食😋。 意粉份量算多，起碼不是將稀疏的意粉堆埋一碟。 仲有一片蒜蓉包伴碟添🧄🍞🙃英式早餐 🍴 ～ 包括有：豬肉腸．🥓煙肉·火腿·炒蛋 ．🫘焗豆 ·番茄🍅·多士 🍞～ 價錢來說，這份All day breakfast 還可以，當然擺盤不會太講究，也許，比起「好睇唔好食」來得更實際一點，美食不是以「打卡」為主吧😉整體而言，餐廳尚算寬敞，價格還可以，食物方面，味道及質素也不錯。 另，餐廳以自助為主，以手機📱自助下單，以及即時以電子消費模式付款，非常方便👍🏻

202208屯門區食漢堡包除咗麥當勞都幾難搵到第二間，今次呢間係屯市三樓，即舊時無印嗰度，入去之前員工話可以先登記成為會員，再掛埋信用卡等交易工具才可以二維碼落單，唔係就行出去台面落單，我選擇咗後者。叫咗漢堡，真心老麥好食啲啲。😑薯條，煮過龍，好硬。😣😣😣😣😣雞亦，都係煮過龍，非常之硬。😣😣😣😣😣沙律，有爛菜，唔新鮮。🦠🦠🦠🦠🦠咖啡，水一樣淡。😑服務態度嚟講，無服務，自助的總結：🙅🏿🙅🏿不建議試食，一次都多🙅🏿🙅🏿

假日兼消費券首日，到處都多人想洗錢。我純想醫下肚，解決生理需要。12：15商場暫時不太多人，未周圍要排隊就先搵食。選擇唔係好多，以配搭加選再逐項計算，價錢不貴。主食後加左$18 試下杯 Flat white ,諗住無咁厚奶，出黎睇落奶都厚。豆味深焙，有啲過燶。加$12 辣薯條，薯條粗身連薯皮，辣粉適中，其實只是少少少少辣，如食慣濃味可能會覺得不夠咸尼🤣,我食覺得剛剛好👍🏻最經典芝士牛肉漢堡，無期望無驚喜，都無驚嚇，就是$49 嘅漢堡包。海鮮意粉個蒜香法包好大件，意粉口感ok, 上菜時已有海鮮醬味道，有蝦，魚肉，魷魚都唔錯。整體環境整潔，餐具，開水自助取，都算不錯，我應會再黎試其他🤗

特別的名字 &tmr ，位置 屯門市中心 屯門市廣場一期😊喜歡這店，簡單裝潢、靚靚湖水藍 粉藍色，木椅子 、、大大間 寬濶，坐得舒服，冷氣勁凍，🔥炎熱天氣 …. 爽可以在門口㸃吃付款或 坐下 自行掃瞄 code 落單餐具、白開水、隨便拎 😀漢堡、意大利粉、小食、飯加 $12 😊 沙津、湯、薯條或者 午市套餐 餐湯、茶、咖啡、汽水 （選一）原來有焗薯 …. 牛油果🥑燒雞漢堡 $47嘩啦啦😊 細細個包，料多多新鮮番茄🍅、爽脆生菜、軟滑牛油果，都好多喎重點： 大大塊燒雞，煎香，張開口😋狼吞虎嚥😂賣相真係唔錯喎

信箱收到coupons先知屯市開咗呢間新野，送兩坏特飲，於是去試下環境幾好，座位唔逼，坐得幾舒服，可以係門口或者qr code落單，半自助式，餐具水要自己攞，不過免加一又ok嘅 👌🏻先叫咗個海鮮意粉，68蚊，都幾足料好味，不過蒜蓉包唔夠熱就差dd... 比4⭐雞扒burger，48蚊，即做夠熱，足料，不過雞扒鞋身咗d，唔夠入味，比3⭐另外加12蚊可配薯條，呢個必點，即炸夠晒新鮮，仲平過M記，比5⭐Free drink 就點咗fruits tea同橙味咖啡湯力，呢個味道好特別，好似橙味朱古力咁，我就十分喜歡，比4⭐總結，屯市要食類似有urban, outback, california pizza, 不過呢3間價錢都貴成陪，想輕食個burger，焗薯，又坐得CC服服，呢間都係唔錯嘅選擇

無目標地搵間餐廳食個Lunch，見到呢間新開既餐廳就係門口睇下餐牌都Ok，就入去。可選自助落單或在門口Cashier落單。蒜辣海鮮意粉$73：海鮮唔算多，但蝦爽得嚟有蝦味，贊。意粉係我鍾意既，口感煙韌，好食過“X羊X年”或者“Uxbxn”，贊。缺點係，對我嚟講有點辣。追加+++凱撒沙律+$12：果3粒麵包粒鬆化到呢，唔係死硬果隻，我超贊，羅馬生菜清甜爽口。缺點係多醬左D。炸薯條+$12：上枱已聞到好香，攞上手好熱，好明顯係即炸。無油益味，炸到外脆內軟但唔係死硬果隻，份量夠兩個人食，太熱氣太邪惡喇，贊。凍花香咖啡湯力+$18：之前係第二度都飲過，呢間都唔錯，真係有清淡既香味，似啤酒既麥香，入口如飲放左一陣無嘜氣既啤酒，但之後會有咖啡味出嚟，真正既after taste。但呢杯飲品一定要夠凍時飲，贊。總結：*性價比高*環境食物都唔錯*無限時

這間新開張嘅漢堡飽店, 地方光猛關落, 尤其旁邊二人卡位。飽餐加錢選配蕃茄濃湯和凍奶茶。蕃茄濃湯非常濃郁, 啖啖鮮味蕃茄肉, 酸度啱啱好。牛油果燒雞漢堡即叫即製, 飽身甜軟, 燒雞肉汁豐富, 又有牛油果香滑, 非常可口。加上凍奶茶, 清甜涼快,份外滿足。

原本諗唔到食乜，就諗住同朋友入去試下呢間TMR，一開始職員叫我地QR點餐，點好餐先發現原來要入埋visa卡號碼 比埋錢，搞一論先整到，因為我部電話好容易彈app，期間想搵個人幫手都冇，啲樓面淨係識同廚房吹水傾計玩電話跟住都算喇，先黎杯奶茶冇甜味冇茶味冇奶味凖確d黎講果杯只係似奶茶色既水，杯奶茶水黎既時候冇飲管，我就問佢有冇飲管可以比我，佢話：自己出去拎（已經覺得佢態度好有問題）之後飲左淡杯野（完全冇味），問職員拎糖漿，佢答完好只見佢拎完啲外賣比其他客之後好似失憶症咁，喺廚房前面玩手機叫佢幫我拎個糖漿，前後都冇1分鐘完全冇打算拎比我我果刻唔覺得佢係唔記得，只係唔想拎然後我直接拎杯野行過去佢身前，要廚房既職員嗌佢先捨得放低部手機佢之後成杯野另加一個糖漿送返過黎，佢d態度真係十分差，完全冇講野，擺低就走佢態度冷漠，好似我欠左佢 要麻煩佢幫我做野咁食物都OK既但果兩位女侍應要檢討一下咁鐘意玩手機，其實大可以喺屋企玩做服務行業要有應有既態度或者管理層都應該注視下服務員既操守