Tom N Toms Coffee (已結業)

在香港，有不少來自韓國的Cafe，當中最有名的一定要數Tom N Toma Coffee 。最近，在某網站就見到可以購買半價現金券，就買了4張價值38元，以及3張價值57元。今晚，在The One附近食完飯，便去The One 的Tom N Toms 飲咖啡，食多士及薄餅。4杯飲品，兩份多士及一份薄餅。飲品，當然有質素，焦糖咖啡，焦糖牛奶咖啡，藍色檸檬湯姆梳打及薄荷朱古力星冰樂，每一杯都調得不錯。多士，蜂蜜堅果吐司及蜂蜜蒜泥吐司，前者有很多堅果，後都每一小塊都充滿蒜泥牛油蜜糖的味道，很香很邪惡，但亦很美味。黑松露雜菌簿餅，黑松露很香，很明顯，餅底亦很簿。原價3百多元，現在只需一百多元，真的很抵！Tom N Toms Coffee (尖沙咀)尖沙咀彌敦道100號The ONE 1樓L121號舖簡單的飲食隨筆

I love T&T as they have the taste of Korean cafe and also a wide range of Korean light eats. I brought my friend along tonight to their tst outlet to try out their pizza and toast. We ordered a few dishes: chicken pizza, garlic butter toasts and Korean cheese dumplings. the toast first arrived, which actually surprised us as the portion was big and we didn’t expect there will be cheese within the toast! It was delicious and the butter was melted perfectly on top as a layer, along with cheese as

第一次幫襯，平日加上呢個時勢，無咩人，所以入左去。叫左蜂蜜芝士吐司同triple chocolate吐司～正常，味道ok。Triple chocolate～失望，比茶餐廳差。一攞上手係暖嘅，但明明係iced triple chocolate喎。攪動時，見到有一層水係朱古力同cream中間，而啲cream係高度美感都同之前睇食評有落差。飲落唔係好重朱古力味，但唔甜，可能同層水有關。唔知係咪用coupon關係，定係無涷朱古力底呢？環境同之前呢個位嘅cafe差唔多，座位唔多，因為梳化位係相對多，係舒服嘅。

行經尖沙咀 The One，突然之間想 Hea 下、休息一下，就來到這間韓式 Cafe 「TOM N TOMS COFFEE」Chill 下。呢間 Cafe 位於商場內，裝修都幾靚，樓底又夠高，空間感十足，同朋友吹下水，或者一個人坐下都好適合。我點了一杯士多啤梨乳酪沙冰。感覺很 Fresh, 士多啤梨味道剛剛好，唔會太酸。再另點一份焦糖忌廉吐司。吐司係厚多士，切開有九件，焦糖味滲透整件吐司，十分入味，唔錯。外脆內軟，忌廉味香濃。肉桂粉夠晒香。價錢唔貴，環境輕鬆。值得再試。

Starbucks say no ! Pacific Coffee say no! 在尖沙咀可以考慮下韓國咖啡店 Tom n toms coffee 係韓國名氣高的連鎖咖啡店~招牌多士有鹹有甜，最多人推薦-蜜糖芝士多士，聽來又鹹又甜咁， 外脆內軟的厚多士配上幾款不同的芝士已經好吸引，一點點蜜糖甜讓味道多加一點變化麵包控的我不知不覺已經食曬成份多士！ 咖啡店位置係 the one都好方便，如果想飲咖啡食d輕食，同朋友行街行到攰想抖下都係一個好選擇

再一次光顧Tom and tom， 感覺依然好似返咗韓國咁， 記得以前喺韓國工作， 都係成日去類似呢類型嘅coffee shop chill下。今次試下呢度嘅招牌湯姆冰樂， 係用家樂氏三重黑朱古力製成， 另外仲有大受歡迎嘅 焦糖脆， 令到成杯飲品集味道，口感，賣相於一身。另外我點做一個藍莓鬆餅， 呢個鬆餅 同啱啱嗌個杯嘢飲係一款絕配， 甜甜地裏面真係有 藍莓！ 呢個鬆餅係真材實料！就係咁，又度過咗一個悠閒 嘅下午， 充滿能量繼續工作。

早前一個人搵下午茶時，係The One無意中搵到呢間韓式coffee，一試就愛上，大推呢間韓式cafe~所以第二日又帶埋朋友仔一齊去食愛上蜂蜜蒜泥吐司($50)，本身個人超喜歡食蒜蓉包，但呢個吐司除左係好香蒜泥味之外，包又軟熟，中間再加左d蜂蜜甜甜地，成個吐司好夾，一個人都可以吃光光。當然朋友去食一個吐司未必夠飽，所以另外都叫左個黑松露雜菌薄餅($55)，都是我的最愛，黑松露香，加上菇粒，餅底好薄好脆。由於好肚餓嘅關係再叫多咗個焗肉醬意粉，味道都不錯，面頭鋪了滿滿的芝士。食哂三樣食物再加兩杯野飲都好飽了，幾中意佢份量唔算太多，岩哂女仔可以試唔同野食

行街行到好攰，同友人經過The One，記得一樓有間未曾接觸過的韓國咖啡店 Tom n Toms Coffee，就進了店鋪找個位置嘆美食休息下。 店內位置不少，裝修走文青的風格，見玻璃櫃內有冬甩蛋糕，餐廳又有不少款多士選擇已經食指大動。同友人三人商議好後就點了朱古力忌廉吐司，蜂蜜蒜泥吐司，果仁奶油夾心冬甩，凍鮮奶綠茶，凍甘薯鮮奶等等。兩款吐司即叫即焗，好味度爆燈，其中朱古力忌廉吐司的忌廉又多又輕身，食完後不會有過膩的感覺，而蜂蜜蒜泥吐司的蒜味超濃，食完會令人再想食多一粒，至於冬甩的夾心注滿在內超美味。另外，甘薯鮮奶中的甘薯味好突出，似在食了整個甘薯，至於鮮奶綠茶問了友人意見亦說不錯。整體而言，這間咖啡店地方大，食物美味，又坐得好舒服自在，比其他連鎖咖啡店更好，值得推薦一下。

呢間tom n tom coffee位於the one，採用落地大玻璃，自然光線十分充足，有室內室外既位置，亦有小高枱，係呢個過一個輕鬆既下午，真係好舒服！白色紅乾果蛋糕呢個蛋糕🍰好網紅打卡嘅感覺，有乾果鋪滿白色的蛋糕面，梅紅色，蛋糕亦十分鬆軟，有多層感覺！焦糖忌廉吐司🍞 $55上枱已切成九等份，會一舊都充滿着焦糖漿同和忌廉，細細舊好方便食，好食過台式個個多士好多意式牛肉蕃茄薄餅 中size $50呢個pizza是一個薄批，批底非常脆口，蕃茄味勁濃厚，芝士佈滿pizza面，而且是半溶狀態，平時唔鍾意食厚批嘅我對住呢一個真係停唔到口！水蜜桃冰茶味道十分清新，冰茶更可以中和甜品的甜味，消暑解渴呢接骨木花比較少地方有，令伯爵茶味道更加突出依家做緊既特飲

商場無乜人，行完街見到cafe有空位，諗住坐低歇下飲杯咖啡。我地買左—人—杯飲品，本身朋友行街時買左—球雪糕食緊，職員見到就叫我地唔准食外來野，係咁望住我地，我地知係cafe規矩，所以都攞住杯咖啡走左。我地走時係無客等枱，反而有好幾張吉枱。其實我地唔係空佔座位，食嘅野cafe又無賣。職員叫我地唔准食，但佢明明見到係雪糕會溶，變相係趕客走。 我明食客應該守規矩，但呢種做生意既手法實在太不近人情，令人唔想再幫襯。

今日去左尖沙咀買禮物比朋友慶祝生日，經過the one即刻諗起有間韓式cafe我一向都好鐘意。今日一人行黎到tom & toms，我叫左幾款食物試下啦。我叫左一杯紅豆latte，紅豆味好突出。入口豆香豐富好香濃，豆味香濃，奶香好滑溜，入口幼滑。奶底好濃，夾上豆味，非常滿足。我叫左韓式熱狗，大量肉醬和芝士，入口好惹味，腸仔好juicy，加上咸香芝士。我叫左韓式餃子，大量芝士和蕃茄醬，茄味重，餃子好軟綿，肉餡好豐富。

晚餐.光顧過幾次Tom N Toms但都只是試了飲品這次試一試熱食.1) 黑松露醬雜菌薄餅薄餅是薄底的烤得剛剛好 不會太硬太燶黑松露醬很香 不怕味道太濃烈上面鋪了滿滿的芝士和雜菌一份兩人吃 份量剛剛好.2) 蕃茄芝士牛角包這是個超出預期的牛角包餡料雖然簡單可是牛角包烤得剛剛好暖暖的而且外皮帶點脆脆的非常美味.3) 芝士焗韓式餃子想不到餃子也可以這樣烹調雖然是焗但餃子還是軟身的不過醬汁有點辣不吃辣的人要注意了.4) 左:接骨木花伯爵茶 右:蜂蜜美式有氣咖啡接骨木花伯爵茶喝過了幾次味道真的很喜歡蜂蜜美式有氣咖啡則是第一次試氣只是剛開始時有之後便沒有了喝起來就是有點甜的美式咖啡不算太特別但味道是頗易入口的

想找個地方坐一會，辦點事務，到連鎖咖啡廳，是不二選擇。TOM N TOMS，一所來自韓國的咖啡廳。對韓國的咖啡廳一向有信心，飲料及輕食的選擇較多，場內都是真，食客，沒有光坐的客人。暫時香港只有三間分店，真希望能多進駐更多地區。瓶子，是為了，全日三文治而來的。韓國的三文治，總是令人著迷😍記得想當年漫遊泡菜國時，當地的吐司更是百吃不厭。如今竟能在這裡吃到了🤩韓國全日三文治吐司烤得金黃可口，麵包口感鬆軟，塗上了牛油與沙律醬，入口不過乾。內餡很豐富，火腿芝士生菜絲，再加一塊漢堡排，賣相很治療。每咬一口，就是滿足的感覺。更欣賞的是附上的nachos chips，看到nachos已經是心心眼😍😍芝士焗韓式餃子看上是滿滿的芝士，上撒香草。韓式餃子皮較薄，但很易散掉，餡料就是菜肉與粉絲。配上番茄醬與芝士後，像在吃肉醬意粉般。蜂蜜有氣美式咖啡不想喝奶啡的選擇。美式咖啡不額外放糖，以天然蜂蜜稍作調味。

第一次食呢間咖啡，一直都聽朋友講昵間野食幾好味，今日正岩要在尖沙咀等個客，見時間未到，就行過來攝時間。韓式輕食，潮流興食韓式土司，韓式三文治，野飲都咖啡，鮮奶，茶，冰沙...咖啡店的座位休閒，我點完餐就是旦搵左個位坐低，店員會送餐過來。韓式蜜糖芥末火腿芝士土司，超喜歡佢既蜜糖芥末醬，味感一流，非常惹味。火腿芝士系絕配，加上芥末醬，口感層次豐富，土司夠脆夠香口。甘薯鮮奶有淡淡的甘薯味，可以要求少甜，口感綿密。

一個人的下午茶，在尖沙咀行左一會，想坐下抖抖，來到the one 見有呢間幾得意既cafe 就入去試下。主要係俾杯三重朱古力飲品吸引，所以就即刻入去買了杯凍既。好靚仔，而且不是用膠杯，望上去即刻高檔左好多。忌廉好正，上面加有朱古力脆片，真是好幸福。不過飲料中略不太夠濃，我覺得可以再濃啲食物點左個黑松露雜菌pizza ，一個人剛好的份量，是薄批，所以不會太滯。而且好多芝士，勁正，好香而且好味，不會太咸，超正。