Triple Cafe

營業中

休息中

終於食到呢間喺太和都幾有名氣嘅Cafe 呢間鋪11點開門 上一次11:30到已經要等位 最後等唔切走咗 可能係星期六日關係所以今次決心係佢一開門就黎食平日比較多位！店舖設計好文青簡約 座位都幾舒服出邊嘅陽光都透到入店內 ！明太子蟹肉意粉 $68意粉好食 分量比其他Cafe 多 明太子份量都幾多 意粉掛到汁 入口creamy 意粉煮得有口感唔會太過熟 調味啱啱好唔會太咸 蟹肉幾鮮味 呢個價錢性價比都幾高 !牛小排飯$88呢個用咗珍珠米而且嗰日煮得偏林同意大利飯有啲出入 食落冇乜口感 個飯有啲失望個汁係蕃茄汁為主 酸酸鹹鹹 黑椒味都幾濃牛柳大約有四舊 入口幾嫰口 同牛味都幾濃 牛肉可以彌補到飯嘅缺失！跟餐加嘢飲可以減$10 $25嗌咗個焦糖latte cold嘢飲好好飲 嗌咗少冰少甜 咖啡豆味好濃好香上面有cream 令個口感豐富左 飲到一半味道仍然冇比冰沖淡 好smooth 咖啡同奶嘅比例相對係6:4 好好飲！唔想飲咖啡嘅話可以飲青檸茉莉 $25呢杯又係好有驚喜 佢個西柚係新鮮整 唔係用嗰啲現成果汁 食到一粒粒嘅西柚肉 青檸味都幾突出 整杯嘢飲好清新解渴 淡淡的茉莉茶香味 西柚青

Charm隔離關左間新cafe，Triple Cafe~環境幾舒服見佢地仲有賣咖啡豆同茶類，有機會會買嚟試！入去叫左個慢煮牛小排配新奧良燴飯，份量有啲少，牛小排嘛得3塊，但煮得好味嘅！牛肉嫩滑，茄汁燴飯惹味！如果可以多啲牛就好飲品我叫左個青檸西柚冷萃茉莉茶，呢個有驚喜，原先以為青檸西柚咁酸會蓋過茉莉茶嘅花香，但又冇喎佢另外有個檸檬菠蘿冷萃茉莉茶，下次可以試吓服務方面都唔錯，店員都有留意食客嘅需要，適時作出支援。但冷氣就好似唔係好夠，食食下都覺得熱

少有嘅高質咖啡店！呢間係太和附近嘅新店開業無耐已收到好多好評，難怪平日夜晚都咁多街坊幫襯😆 一入門已經見到大大個牌「咖啡哪有上班苦」，即時好有同感 晚餐由ᴴᴷᴰ 75 - ᴴᴷᴰ 248不等，奉送跟餐飲品；有齊飯/ 意粉/ 扒/ 漢堡/ ADB選擇，飲品方面都有好多特別嘅選擇，例如我叫嘅芝士開心果奶蓋咖啡！𓂅 慢煮生小扒配新奧爾良燴飯 ( ᴴᴷᴰ 98 )意外好吃😍 牛小扒烤到半生熟，沒有街外慢煮牛扒的嚡熠熠，口感夾雜係！燴飯醬底有濃濃的茄香但吃起來不濕，再加上拌碟的辣粉來吃更是香上加香𓂅 芝士開心果 ˙ 大地 ( + ᴴᴷᴰ 35 )我對呢到嘅四款特調咖啡都有興趣，不過最尾都係叫咗呢款最Igable嘅奶啡，上層嘅開心果芝士奶蓋頗厚重，開心果味濃郁；底層奶啡帶黑巧克力堅果香，十分配襯！

今天開車剛好經過，看到有間新咖啡店，剛好要吃點東西，就試試看吧！侍應態度好，有禮貌，都很年輕有活力😆點了all day breakfast and tiramisu, 另外點了一杯Latte👍🏻喜歡這家咖啡的味道，為了咖啡可以再來，哈哈。全日早餐，炒蛋，蕃茄，香腸，煙肉和沙律，還有少見的菠蘿，我喜歡吃菠蘿所以很好😂但炒蛋可以進步一點，可能是想炒出有嫩滑的感覺？但效果很水，不夠creamy。有心思的擺盤，個人建議蛋糕體可以濕潤一點，吃起來有一點乾，或Mascarpone cheese層可以厚點，吃下去會感覺更豐厚。咖啡很不錯，服務也很好，期待餐點可以稍作改進👍🏻

今晚同朋友仔試新野，大埔新開cafe- Triple cafe，位置近太和站。星期五嘅晚上都幾多人等位，我地大約20：30入座，都等左兩張枱。餐廳裝修得幾有特色，有d位置都幾啱打下卡。座位都幾闊落，坐得舒服。我地叫左兩個主食share。經典手打和牛煙肉漢堡配薯條。份量都幾大份，手打和牛食落都幾香牛味。不過問過店員，本身set好扒外面煎熟，裏面會保持生生地。唔太食到生野嘅食客可能就要預早同店員要求煎至全熟啦~煙肉煎得香脆，配上芝士蕃茄，漢堡包軟熟，咬落包身都帶少少甜味。薯條新鮮炸起，炸得啱啱好，唔會太油，不錯。沙律菜配醋汁，新鮮爽脆。香蒜咸蛋黃海鮮意粉。咸蛋黃配意粉都幾特別，食落又覺得配搭得唔錯。份量都一樣幾大份，咸蛋黃味唔會重到蓋過蒜香味，咸蛋黃醬汁都比較稠身，每啖意粉都會平均掛到醬汁。一個人食就可能會多，兩個人share較為適合。海鮮有蜆，青口，大蝦等，味道不錯。飲品一杯朋友叫左髒髒提拉米蘇，試左一啖，調教得好好，做到飲落同個名一樣，係飲得嘅提拉米蘇~另一杯叫左日落黃昏-酒鬼，咖啡配上紅石榴，橙汁。如果鐘意試新野或者特別嘅調配可以一試，飲落味道酸酸地，但又不失咖啡嘅香味。比較晏嘅時間

黎開太和依頭玩就同朋友係消防局對面街附近行下睇下有咩食一望見到有間新開仲痴緊紅紙又好爆場咁既CAFE就想試試佢 係點解咁多人排隊好有心既設計 好多野都係佢地自己既LOGO仲會貼心到比牙線蔥鹽慢煮牛小扒 黑松露馬玲薯温泉蛋 $188牛扒煮得啱啱好唔會太生太熟而且入面完全可以鎖住牛肉汁將牛肉加埋沙律浸一浸温泉蛋再連埋個多士一齊食簡值係一大享受 個味道非常有層次黑松露味十分之香食到停唔到口呀!Triple沙律配煙三文魚 $88三文魚有少少煙燻味好香 但又唔會太濃仲有沙律,蟹子,菇,青蘋果,蕃茄撈埋一齊食撞出黎好有口感同好夾而且三文魚份量都好多超值法式焦糖燉蛋 $35擺盤好有心機賣相好好睇焦糖脆皮鋪滿成個表面側邊仲有d生果做點綴好食又好睇檸檬菠蘿冷萃茉莉 $25超好飲!! 入面有大大塊脆既菠蘿乾外仲有好多新鮮菠蘿係杯野飲入面同埋檸檬再令個味更出視覺同味覺完全滿足到真材實料雜莓牛油果鮮奶 $35草莓乾夠脆甜甜地配新鮮草莓果肉仲有藍莓等 加上香滑既牛油果鮮奶以想不到的滑同好飲呀!啱晒我依d牛油果粉絲埋單只需$408就食到咁高質既野食

好少寫食評，覺得開心果咖啡好好飲！另外食過冬陰功意大利飯、三文魚黑松露意粉都好食。可能去得太多嘅關係，佢今日仲送咗焦糖燉蛋俾我同朋友share食！開心~希望佢地可以keep住水準，繼續成為我喺大埔最鍾意嘅西餐🫢

大埔又多一間cafe啦！呢度裝修精緻，落地玻璃令餐廳感覺開揚舒適。不過餐枱較細，啲碟卻很大😂明太子蟹肉意粉（$78）足料蟹肉，味道尚算新鮮。特別欣賞有洋蔥同青椒係入面，唔單止有啲纖維提升口感，而且中和忌廉汁嘅油膩感。擺碟亦擺得好靚😚香蒜咸蛋黃海鮮意大利飯（$138）十分之足料，啖啖食到蛋黃香咩，不過可以咸啲。海鮮包括青口、蝦、魷魚、蜆、蟹籽Triple Salad ($78)材料豐富，有4片煙三文魚！粟米燒過，又甜又多汁。仲有杏包菇同青蘋果，有用心整作！ 黑松露薯條 ($28)薯條好味，但黑枱露沙律醬冇黑松露味。