Triple O's by White Spot (已結業)

12月28日, 聖誕過後, 尖沙咀依然多人… 今晚諗住同呀比去尖東睇燈飾, 於是先由起點海港城開始開個餐先~ 夜晚食飯時間又無book檯, 去foodcourt開餐就最方便! 不過呢度嘅foodcourt長年都人來人往, 好難得先搵到個位開餐咋…::: Mushroom Burger Set ::: $78幾乎食親Triple O都一定係食mushroom burger, 因為個蘑菇醬香濃得嚟又可以為個漢堡扒加添幾分肉汁~ 隔咗一排無食, 今次一打開個包, 實在有d失望… 因為成個漢堡都好似縮咗水咁, 上下兩塊麵包夾到扁一扁, 中間餡料亦求其疊埋一pat咁… 老實講個賣相真係好唔過麥記好多… 以前食半個包已經覺得飽飽地但而家食晒成個都唔係好夠咁, 味道亦無以前咁好味… 薯條就ok啦都脆嘅只係份量亦少咗… 質素比以前退步咗好多…雖然Triple O都仲係比麥當當好味嘅, 不過絕對唔值呢個價喇… 坊間有更多新興漢堡小店價錢平少少但起碼製作會認真d~ 不過原來呢間Triple O已經執笠大吉, 可能都諗住執啦出品都求求其算數啦…

手拿着太座前陣子從網上購買的優惠卷，重臨這所久未有光顧的漢堡連鎖店....抬頭看看價錢牌，一個普通原味的也要差不多四十多大洋，套餐一客連薯條及招牌奶昔竟要索價接近八十塊錢，實在太嚇人了...要了一個煙肉芝士漢堡。驟眼睇落件頭是比以前縮了水，賣相又是東歪西倒的接近零雞蛋；麵包熱度不足亦不甚軟熟；煙肉是又硬又乾又嚡口有如在食着柴皮；牛肉多汁的程度遠遜從前，而且最大的問題是同樣不太夠熱；醬汁除了慣常見的茄汁以外，還一口氣下有salsa及普通的奇妙醬，味蕾在受到各方醬料攻擊底下是感到極疲倦，由此身為主角的牛肉應有的滋味可謂付之如厥...粗薯條份量十足食完後嬴在的飽肚，不過本身卻是因已炸好了一段時間之關係，外皮是不太夠熱及脆。滋味當然又是打了大折扣....以往最吸引人的奶昔雖依舊奶味香濃且夠滑溜，但要了一個之前未曾試過的藍莓味，喝完後卻是嗒不出甚麼味道來，感覺上跟平常飲開的呍呢拿味根本無大分別....說老實，如不是有coupon的話，小弟早就逃之夭夭了....

來自加拿大溫哥華的Triple-O's, 自1928年開始提供即叫即做的Juicy漢堡... 多年來不少食家也曾推介, 但我今天才第一次嘗試...看到別人吃著淋上芝士醬的薯條, 但不知怎樣Order, 最後吃了薯格...BC Burger Combo $75100％純牛肉漢堡扒, 即叫即煮, 肉味香濃, 肉質柔軟Juicy, 配上冶味Triple-O's醬, 煙肉香脆, 芝士香濃, 還有新鮮的生菜及蕃茄, 這個漢堡很多吃呀... 將酸青瓜放在漢堡頭上, 還是第一次見, 又幾貼心, 不喜歡酸青瓜的人很多, 這種放法, 客人可輕易將它拿開...Combo 包薯條及大汽水/茶, 我們加了$4轉為薯格...薯格很熱, 炸得香, 薯肉粉軟, 味道略淡...檸檬茶是汽水機貨色, 即酸味糖水...其實價錢頗嚇人, 幸好食物質數好, 份量大, 2個人Share來當下午茶也剛好...在人山人海的Food Court內, 客人流轉超快, 如欲促膝詳談, 不適宜來這裡......

喺海港城行街行到攰攰地, 又未夠鐘食晚飯最好就係搵個地方坐低食少少野~Triple O 一直比人印像係勁勁勁勁大份...但叫一個薯條就啱啱好~~見佢新出呢個芝士薯條配 gravy~ 好似好正咁!!決定坐低試一試呢個"小"食~外脆內軟既粗薯條~加上香噴噴既芝士~~~仲有香濃既牛肉汁~~~~~薯條唸左加上gravy就好似食薯蓉咁脆既地方加埋芝士同少少gravy又係另一種正~~

這家在超市、精品、美食廣場的金三角位置，路過的有時也忍不住要吃一吃，因為粗厚的薯條每次都熱辣滿薯蓉，雖0然價錢上較高，不過往往覺得一分錢一分貨的今天決定晚飯前很頭痕，小比想吃漢堡，大比又想吃小籠包，結果在無限胃納下提議兩邊都吃的Crazy Idea，點了鱈魚堡餐，可惜今天「即製」的薯條又油又軟弱，與平常吃到的大不同，點了白醋都沒有幫助，很頹。鱈雪堡總算守住陣腳，中規中矩，他他醬尤是醒胃薯條的失準令這餐失色太多，決定再吃餐豐富的上海菜安慰自已

本來想給 Triple O's 笑臉，因平時食開 Elements 那間的 Roast Beef Burger 真係好好食，但這間海港城的 Triple O's 除了 Burger 還能保持水準外，其他配套都下跌了，如服務我覺得真係麻麻，不像 Elements 或以前中環咁有專人把餐送上。這次因聽不到 number 所以要求個服務員再講多一次時，那個沒精打采的服務員不理會。加上，叫了個平時飲開的 Chocolate Milkshake (套餐加 $18)，都預佢無朱古力味的，但今次每一口都有冰粒，唔 Smooth，唔惦，麥記的奶昔仲好過佢! 所以這間 Triple O's 我只比 OK。今次新嘗試，加 $11 將薯條 upgrade 為 Poutine ，即係 Gravy 加芝士，Gravy 係平時伴開薯蓉食果隻味，伴薯蓉食就還可以，但伴薯條食始終都不及茄醬，太多汁反而令到整個 dish 有點溜、有點鹹，加了芝士係好的，煙煙韌韌咁，有咬口，可惜芝士唔多。整體來說，下次不會再叫。 到咗重點推介就係個包了，個麵包夠鬆化，好像加了牛油再煎過咁，牛肉亦都好嫩，肉汁夠多，味亦調教得好好，醬汁唔

這一間水準一向穩定(其實個人來說做得最好的是沙田分店吧)，無論Mushroom Burger或BC Burger一樣好味，今日仲將個Mushroom Burger餐加錢轉了Orange Juice,好多果肉，酸酸甜甜咁好醒胃呀！(唔知會唔會係鮮榨的呢?)不過今日老公叫了原味漢堡，材料有新鮮生菜蕃茄同漢堡扒，論味道一定不及其他款式漢堡了，但佢話都ＯＫla…

係咪正宗我唔知, 不過真係好好味呀~叫左2個SET, 一個芝士煙肉算普通, 但另一個MUSHROOM就好正喇!原本驚ONLY得MUSHROOM, 但原來都有肉既, 仲好濃味TIM ! MUSHROOM BURGER好特別 FRENCH FIRED係厚著條, 要熱食如果唔係會LUM啊雖然唔平但ONLY食MUSHROOM BURGER都抵呀!

終於逼到嚟尖沙咀海港城, 喺12月31日的晚上要清一清早前買的團購券(deadline 嘛~)今次我就要試試Triple O的All Day BreakfastThe Champ Combo $62看那熱烘過的麵包, 香軟得來帶脆身漢堡內以炒香的鲜蘑菇、溶芝士奄列、新鲜蕃茄片及Triple O sauce合併而成, 鲜蘑菇和溶芝士奄列的味道是非常夾, 可惜芝士唔夠多, 鲜蕃茄片及Triple O sauce兩樣加埋會顯示出酸中帶鹽的sharp味道。 炸薯餅炸得很透, 油被完全吸收, 所以特別好味。吃飽飽便往觀賞煙火集合處去參加晚會來迎接2012

Triple O's 名字的由來取自英語「額外醬汁」(OOO) 的縮寫。價錢貴但物超所值, 更好的是當天有兩張各值$50的團購卷兩份餐, 分別是Mushroom Burger Combo 及 Roast Beef Deluxe其中一份薯條加$11upgrade為Poutine, Poutine 即是加上gravy 及 熱溶芝士的薯條, 薯條外層微脆內軟, 淡淡地的好味餐汽水加$18改為Blueberry milkshake, 原價都要$36, 喝下去發現有真正粒粒blueberry肉, 夠冰凍之餘也打得順滑, 不會啜極都啜空氣, 奶與甜味恰到好處酸瓜無一隻手指咁長, 有少少可惜(聽說是賣點嘛~), 熱烘烘的麵包內包着薄切燒牛肉、滋味蛋黃醬 及 辣根汁, 滋味無窮熱烘烘的麵包內同樣包着又厚又多汁的牛肉漢堡扒、香炒蘑菇 及 秘製「OOO」醬汁, 有蘇味的牛肉被十足菇汁的蘑菇中和, 所以不會太漏兩份餐加埋upgrade嘢, 原本要$179, 幸好有團購卷, 今餐多謝$79

今日行過此店令我即刻要停低嘆返下先,差不多半年無食Triple O's的熱辣辣Mushroom Burger同薯條了;Oh,佢地居然有我特別喜歡食的燒雞凱撒沙律哦?!!!,慘啦,令到我唔知如何選擇了,經過一番思想斗爭,決定試下沙律啦;嘩,有D意想不到雞肉是熱的,瘦得來又唔干又唔"鞋"新鮮即做的,D沙律菜再配上caesar醬汁咬落"索索"聲的清脆,好美味,我鍾意

女朋友聽人講話Triple O 好好食, 好想試下, 所以呢日就同左佢去尖咀呢間試啦~之前都食過幾次, 我對Triple O嘅印象就係「好飽」同「好多汁」, 次次都食到成枱都係汁~今次我地叫左有:蘑菇漢堡, 雞堡, 薯條同洋葱圈 + 忌廉同朱古力奶昔雞堡係女朋友叫嘅~ 幾適合女仔食~ 因為唔係好油同埋又唔會好肥~相比蘑菇漢堡就會比較飽d, 有d heavy, 男仔食都好夠飽~點解會話油呢~ 因為仲有個薯條同洋葱圈, 食埋飽到變左大肚dum呀!呢個價錢都算ok, 不過唔會成日黎食囉~ 一次兩次就好夠啦~最正正正都係杯朱古力奶昔~ 食burger飲milkshake真係就好似打邊爐食肥牛一樣咁o岩key呀!

首先咩都吾駛講...一定要試杯士多啤梨奶昔先啦!!正!!有少少士多啤梨果肉!!早前係團購BUY左COUPON!!終於可以用喇~叫左2個餐烤雞同MUSHROOM BURER烤雞飽配蜜糖芥醬, 個汁甜甜地!!但塊雞冇味!!個飽好大!!反而我覺得M記GE 板燒雞腿飽仲好味過佢呢個!薯條好正!!!好味過M記好多!!!值得再食!跟餐+ $18 轉士多啤梨奶昔! (原價$35)男友個MUSHROOM BURGER, 佢話麻麻地~跟餐+ $4 可轉洋蔥圈用左團購COUPON2人TOTAL $56!抵!!

雖然係食burger薯條 不過一分錢一分貨係真既叫左磨菇同埋original兩個set 加錢飲橙汁同士多啤利奶昔薯條又熱又香脆 而且唔會太咸 岩我口味兩個burger都好好食 漢堡扒好juicy 塊面包都好暖 而且幾軟熟奶昔都好正 雖然要加18蚊咁多 但係未試過既點都要試下貴係貴 但絕對值呢個價錢

因為團購網推出Triple O以$25買價值$50的優惠券所以決定同媽媽一試...去到睇餐牌...平均超過$60一個set,其實真係一個高消費,不過聽聞味道好,就點都要一試。去到個職員幫我點餐,見我拎q-point出黎,真係sell都唔sell下我,好似我冇錢俾咁....哩個真係一敗筆....請返正題,research 左話哩兩款最多人推,不過蘑菇漢堡真係令我失望,成個飽軟淋淋...肉又太鬆...感覺麻麻...而魚堡加檸,味道真係一流,新鮮整出黎,雖然係炸魚,但係裡面既魚肉仍然好滑,值得一推 ~~