Tuen Mun Baguettes

營業中

休息中

包係我至愛，咩包我都鐘意食。我家老闆見到有人介紹屯門區有間越南法包，當然要帶我去試吓啦。去到見到已經有一埋人在鋪前面，心諗唔係掛咁多人嘅，會唔會等好耐呢但都黎到無理由唔試吓啦！這店沒有堂食，只有外賣。本來想食春卷，點知今日賣晒，咁我哋就叫左「越南雞肉法包、香茅豬肉法包、雞扒飯同香茅豬扒撈檬，凍咖啡+薄荷葉青檸梳打」外賣回家。兩款越南法包，賣相相當吸引，脆卜卜嘅包面唔會好似一般法包咁食到上顎損晒，脆而鬆軟包入面有大量紅白蘿蔔絲，兩款嘅肉都好軟熟，香茅豬肉比雞肉野味好多，兩個包嘅餡料相當鼎誠。雞扒飯原來有隻煎蛋🍳，滿滿嘅雞扒加上煎蛋飯，睇到都相當滿足。香茅豬扒檬一樣相當大盒，份量相當多，豬扒仲切碎上，食起來非常方便，可惜…..可能店舖太忙，竟然比漏咗檬粉嘅酸汁，撈檬變左乾檬失色越南咖啡非常好飲，而這杯薄荷葉青檬梳打又無左塊薄荷葉，最後又變左一杯梳打水雖然第一次食，店舖有少少甩漏，但食完已經想食第二次，因為個法包真係好好食又好抵食未夠一星期已心癢癢又再食第二次，今次終於食到春卷第二次就食左春卷檬粉、香茅豬扒飯、豬肉同牛肉法包加越南咖啡。原來春卷真係好好食嫁，大條又脆今次檬粉無漏酸汁喇法包試左

禁堂食搞到夜晚想出街食都只可以買外賣/嗌外賣平台🥲今次就嗌咗一間大件夾抵食嘅越南法包！！！！原來都幾出名㗎喺屯門🤣雖然係小店經營😝不過性價比好高😍🟠今次嗌咗越式雞肉法包同香茅豬肉法包😚睇相都見到好大件啦😌好足料😋基本上每食一啖都會滿口都係餸🥹啲肉全部都好香口而且保持到肉汁🤭入面除咗肉之外仲有青瓜，醃蘿蔔絲(越式泡菜?)，肉醬，芫荽🤣全部一齊食口感勁豐富🤣個口細啲都食唔到🤭

喺屋企食飯食到悶，有時都要買下外賣食😂今次食屯門出名法包😋😋喺社交平台屯門友個group真係好多人介紹👍香茅豬扒法包 $36法包即叫即烘，一拎上手熱辣辣，即使拎到返屋企都仲係微熱，而且好脆好鬆軟😋😋豬扒好香香茅味，配合左好清新嘅青瓜同小小酸既醃蘿蔔絲，食落唔會覺得個豬扒好油膩，反而好fresh😋個包超級大個👍即使大食既👧🏻都好有滿足感，$36好抵食🤣🤣疫情下大家都可以幫襯下啲小店，外賣返屋企🥰🥰反正而家買餸咁貴，當幫小店渡過難關啦❤️❤️

唔知大家鍾唔鍾意食越南法包呢🥖之前去屯門見到呢間食越南法包嘅小店‼️原來呢間越南法包係由越南人開係街坊之間都稍有名氣店舖細細 主要做外賣除咗招牌嘅越南法包🥖仲有撈檬、豬扒飯、春卷雖然選擇唔太多 但價錢算幾平😍香茅豬肉法包法包真係好大個大約6-7吋左右‼️啲料真係塞到幾滿下！法包烘過超級脆😍就算拎到返去隔咗成半個鍾先食都保持香脆 呢個真係好驚喜！質感軟熟得嚟帶啲煙韌落足本搽咗啲肝醬係法包入面再夾豬肉、青瓜、醃蘿蔔絲、芫荽豬肉份量好多燒到好香 帶香茅味肉質又唔會太過嚡個調味又幾正🤤個醬汁酸酸甜甜帶微辣有啲似是拉差醬但整體好夾！越式炸春卷春卷即食係最正🤩炸得超級脆口❗️都算幾大條 包住滿滿嘅餡！大概有蘿蔔絲、冬菇、豬肉等等仲會附上醃蘿蔔絲、青瓜、生菜一齊食就可以解膩仲有魚露汁可以點酸酸甜甜幾開胃🌟不過整體都係比較油🧐 -好抵食又好足料嘅法包🥖估唔到帶到返都仲脆脆地🤤下次有機會再試吓即食應該更正❗️

第一次黎朝聖，36蚊一個法包，好大，叫咗香茅豬肉同埋雞蛋，一人食可當一餐。嘢飲同樣係即叫即整，8蚊一杯，叫咗凍咖啡同青檸梳打。見到法包即叫即烘，好新鮮。法包好脆又唔乾，裡面有魚同豬肝混合的醬，有醃蘿蔔的酸甜味（覺得比本地醃蘿蔔更甜），醃蘿蔔絲令口感爽脆，甜酸味也更開胃，令口感好清新。雞蛋嘅法包有青瓜，口味清新，香茅豬肉包香茅味十分特出。越南凍咖啡好濃郁，以8蚊黎講十分抵飲。WFH期間會繼續多多支持本地良心小店

知道呢間越南法包係屯門好出名，今日終於有時間去食喇～我哋叫左1個香茅豬肉🐷1個香茅牛肉🐮加蛋🥚小辣🌶自我有記憶以來對法包嘅印象都唔係太好，通常食到都係硬到牙痛。。但呢個法包係顛覆我嘅印象🤩外層好脆，一點都不硬，而內裡係軟熟❗️香茅豬肉和牛肉好入味，而且燒得好香口🍖牛肉保持到肉汁，不過豬肉就乾左少少🤏餡料好豐富👍🏻有d肉醬、青瓜🥒香菜🌱同越式泡菜，越式泡菜我覺得似係醃左嘅白蘿蔔同紅蘿蔔絲🥕食落酸酸辣辣🌶好惹味😋😋雖然豬肉有啲乾，但整體我覺得香茅豬肉好食d，同埋唔加蛋好似夾d😂一個只要$36，我食左2/3已經飽，真係好食夾大件❗️據聞餐廳賣晒就收舖，我地都幾好彩，一去就食到。不過買左建議要即刻食，我食野好慢🙈食到最後會令到個包唔再脆架～📍#TuenMunBaguettes地址: 屯門青山公路97-107號好運洋樓地下15號舖🗺#屯門 #tuenmun💰💸⚪️⚪️⚪️⚪️😋❤️❤️❤️❤️🤍#屯門美食#越南法包#越式法包#tuenmunfood#baguettes #BánhmìViệtNam#banhmi #香港美食#hongkongfood🦄 #kelly_discovery 😋 #kellydiscove

呢間比屯門街坊力讚嘅越式法包小店成功吸引到一向對法包冇乜興趣的我嘅注意力，除左價錢夠平亦令我好奇有幾好食先會個個有讚無彈😂除咗法包，小店仲有賣一兩款撈檬、撈麵、飯類，選擇其實唔太多。-🥖香茅豬肉法包 $36🥖越式扎肉法包 $36🥤越式凍咖啡 $8🥤青檸梳打 $8-法包足料大份，有2-3個拳頭咁長，餡料塞到滿曬，有青瓜、蘿蔔絲、芫荽、越式泡菜（佢話，我食唔出🤣），最重要係個越式肉醬😍搽一層係底勁好食🤤扎肉亦係厚切👍🏻豬肉份量都幾多，絕無欺場👏🏻-總結：有驚喜之作，呢個價錢真係十分抵食😍可以再幫襯😋

本身住附近平時行過都冇留意到有依間越南店，因為太細間同喺角落頭位，有次放工同事同我講依間店嘅越南包好出名，所以就試吓，一食就覺得好好食，個麵包整到好脆同埋啲肉燒到好香，佢入面仲加咗好多醬汁好好味！我都推介朋友嚟試吓佢啲包！我最鍾意食佢嗰個香茅牛肉法包，30幾蚊食完好飽可以當一餐！

山長水遠特登入屯門拜訪佢，3次去第一次朝早去，第二次去收工時間去，第三次星期日5點去。 3次都無法包⋯⋯ 第一次係我唔好彩，一而再再而三都無包係咩玩法？ 好鬼慶，哂人時間，明明見到open rice 佢有開先去，（睇上個留言知佢唔接openrice單，咁唔知佢開通呢個service做乜）仲要揸車去個頭熟都知好難泊車⋯⋯幾好食都無用，永久black list 佢 ⋯⋯ 特登黎都要睇你好唔好彩食到，食個包搞到成肚氣⋯⋯

食物質數不錯，地點尚算方便，可借店員態度欠佳。店員態度有待改善。另外，詢問後才發現原來不接受OpenRice下單。現在要等7-14日退款🥲希望下次光顧會有改善 😊

眼見openrice常有優惠項目，今次特經openrice下單幫襯此店外賣自取兩個包，在乘車回家途中先下單，後下車即到店領取，超級方便又快捷，既省了很多時間又慳了幾元👍🏻今次兩個包都勁足料，成個法包塞到脹卜卜，咬時外皮鬆脆香口，肉質嫩滑，紅白蘿白絲爽脆酸甜惹味，今次個包都搽了很多肉醬，真的超級好味，祗需用一個字來形容 ，就是‘正’💯。一豬一雞，兩個都好足料我每次都要切開個包才食到，真係餡料爆包的😋

呢間法包幫襯了不下數十次了，味道真是頂呱呱，店主是越南人，媽媽跟年青兒子齊心經營。價錢很大眾化的，如果有食開，每個星期例必心癢癢要幫襯👍🏻👍🏻👍🏻佢地出包個水準唔係好穩定，餡料時多時少，每次都可能有驚喜😅有齊三大名物，豬/牛/鷄梗有一款啱口味，如果唔食得辣的人，下單記緊唉no spicy, 佢哋好似自動模式咗一定吱辣醬的🌶，初初領教過現學精左了😉牛肉法包至抵食$36法包外皮很鬆脆，酸味味紅白蘿白C很惹味，內藏青瓜片及肉醬，完全係食緊越南檬粉配料嗰種感覺，店主好似唔多懂中文。所以以下想remind下佢地：please keep and stable the food standard and must take care the hygiene.💪🏻

屯門友個個都推嘅越式法包未搬鋪已經想食但成日唔經個邊搬左好彩都係附近行開個邊就試下😚🥖香矛豬肉法包(小辣)🐷$36越南凍咖啡 $8癡線原來真係好好食🙈個包搽左一d肝醬極重本將成個包嘅鮮味提升左🤤香矛豬肉好淋好入味又唔會太重果仲有d應該係是拉差，所以辣辣地但超級惹味👻又有酸蘿蔔絲同青瓜加強左口感有齊鮮酸咸辣嘅味道🤩唔怪得個個大推除左佢有加一個莞茜之外🙃呢個包真係無得彈~~又平又大份(18cm長到) 又足料咬到最後一啖都有肉真係好正🥰咖啡係直接雪櫃拎岀黎倒唔係加冰🧊已經好甜香濃得黎唔酸已經好岩我利申唔係咖啡lover 不過都會飲下🥖地點都算方便基本上係 #隱啡 #hiddencoffee&roaster 後面條街

之前喺越南都成日食呢種法包，先唔好講食物質素普通，職員態度完全唔掂，問多幾句好似嫌你煩咁樣好似貼錢買難受咁。仲要俾我見到佢哋入邊勁污糟，見到用同一隻手摸完部手機同錢再去整個包就算有手套都係都係極度污糟。先唔好講而家疫情，就算冇疫情都完全唔可以接受，唔係話價錢唔高就可以唔使理衛生同服務態度，兩樣嘢冇衝突，如果連呢啲基本衛生同服務態度都做吾好，就真係唔建議開餐廳，總之一句講晒只此一次下不為例，當買個教訓

屯門越南法包 好吃死了🤤$36 內容好豐富佢有啲越式泡菜、有莞茜仲有啲豬潤雞潤蓉試過豬肉同雞肉覺得都好食淨係比啲泡菜夾住食我覺得都夠我滿足$8 越南凍咖啡勁爽 勁好飲🥲