Twinkle Baker Decor (K11購物藝術館)

營業中

休息中

這間蛋糕店的蛋糕造型不嬲也好出色，好靚，之前都食過佢cup cake同蛋糕，今次見佢出了蛋黃哥蛋糕，個造型真係好正，咁啱個商場又做緊優惠，商場會員有50蚊現金卷，指定商戶外賣滿一百可以用，之前行過這店也唔見有蛋黃哥蛋糕，今次終於見到了，當然唔可以錯過這次機會，加上本身係會員有九折，減減埋埋都要$263，其實我覺得也幾貴🙈，不過個造型實在太可愛了，忍唔到手，雖然唔太甜，但味道我覺得好一般，而且個蛋黃哥公仔好硬，想試吓係咩味也唔得🙈

Twinkle Baker Décor 大家都應該唔陌生，他們以獨創的茶餐廳口味，將香港文化融入西式甜品當中，製作出創意多變的蛋糕。店內真的有各式各樣可愛創意蛋糕：壽桃、招財貓、扭計骰等，真的活在眼前。剛巧正作快高長大新推介：益力多恐龍仔🦖、長頸鹿高高🦒，非常得意可愛。除了在店舖直接出售各式蛋糕外，Twinkle還可以根據你的要求，提供蛋糕自訂款式服務，而翻糖公仔更可與其他蛋糕配搭。我當然要試新產品：長頸鹿高高啦。可愛得意既賣相，開心開心帶佢回家啦！(原路都好多人望住你，睇蝕哂啦～高高)長頸鹿高高 - $368長頸鹿高高主要由芒果海綿蛋糕而成，再配上朱古力斑紋，真的活像一頭長頸鹿，可愛。高高內裡更有芒果乳酪慕絲、芒果爆珠、士多啤梨朱古力薄脆，味道相當豐富。芒果海綿蛋糕入口清甜可口，而芒果爆珠令芒果味更有層次，口感更佳。當中慕絲夾住兩層牛油蛋糕，配上的士多啤梨朱古力薄脆鬆脆香甜，甜而不膩。最後回想起小時候都想長得高高，又打籃球、又跳繩、仲不斷作拉筋運動，每天都堅持做一至兩回，到最後...可能有點幫助掛：）。

朋友生日，買左個蛋糕同佢慶祝。今時今日，好多連鎖西餅店都唔想再幫襯，所以今次就揀左呢間twinkle baker decor。呢間有好多蛋糕個款都勁靚！！！今次就揀左個細細個既蛋糕，個名叫「星與心願 」，有少少文青少女feel, 蛋糕係3.5吋既mini size，非常啱兩三個人share！蛋糕用左粉嫩既配色，面頭有星星糖，勁girlish！切開蛋糕之後就見到入面係雙色蛋糕，分別係士多啤梨蛋糕同埋朱古力蛋糕，好睇又好食。蛋糕鬆化唔太甜，朱古力都幾濃，朋友都非常滿意啊！下次會再試下其他款式。

通常搵蛋糕都會去啲連鎖嘅餅店度買，咁呢日經過尖沙咀K11呢間餅店，見到個廚櫃嘅蛋糕全部都好靚，就吸引左我埋去。以往我都好少買啲賣相好靚嘅蛋糕，因為通常都係好睇唔好食，但我買嘅呢個蛋糕真係有驚喜！➡️ 富士山下 ($368)離遠已經俾個蛋糕深深咁吸引住，實在整得好似日本嘅富士山！頂部嘅係白色朱古力，藍色嘅應該係白朱古力慕絲，而最底嘅係抹茶牛油蛋糕。我最鐘意就係最底層，好濃郁嘅抹茶香味，而且做到唔會太硬又唔會太甜，整體黎講好有層次，又睇得又食得！Twinkle Baker Decor地址📍: 尖沙咀河內道18號K11購物藝術館B1樓101B號舖.............................. 味道😋: ⭐️⭐️⭐️⭐️抵食💰: ⭐️⭐️⭐️

實物比網頁上嘅相更靚！👍🏻一定會再次回購🤘🏻另外喺美麗華拎蛋糕時，發現汽球只係插喺櫃度，冇任何包裝封好汽球🤭有d唔衛生喺呢家疫情咁緊張嘅時候，我覺得最好搵一個袋包好汽球，再放入密封嘅櫃度，等客人拎蛋糕果陣先拎出黎會好d，畢竟個汽球要插入蛋糕😂

契女10歲生日，唔再鍾意Elsa公主喇，於是就想搵啲少女啲嘅蛋糕，襯番佢開始散發嘅少女味道☺️朋友推介呢間Twinkle扮清糕，上網見到款式確係幾靚，仲有個好少女味嘅款式添，於是就決定訂呢間。呢間cake shop仲專設散水餅嘅餅盒，好靚呀😍仲有好多唔同款式嘅蛋糕，男女老幼都啱買！日本主題就有「富士山下」同「櫻花樹下」我就揀咗呢個櫻花樹下俾契女，真係靚到不得了佢收到真係開心到錫咗我幾啖呢個蛋糕真係好睇又好食，海綿蛋糕加入忌廉同白桃肉，忌廉幼滑，而且做到少甜，老人家食都好放心呢間cake shop真係真心推介，下次我轉工都要喺呢度買佢嘅散水餅

媽媽是一個唇膏控，適逢母親節，我都會送上媽媽心頭好，不同唇膏給她。當然精美蛋糕和晚飯都少不免。Twinklebaker 的蛋糕一向出名賣相出色。到店選購時，蛋糕櫃各式各樣，外表同樣很精緻的蛋糕。但一看這個母親節限定，盛宴迷唇👄，便知必定合媽媽心水，就二話不說把它買回家，提早慶祝!◍ 1. 盛宴迷唇不出所料，媽媽十分驚喜，看見蛋糕時被它賣相感動了，果然作為一個「唇膏💄控」必定很喜歡這蛋糕！ 雙色的唇吻很奪目，大熱的藍白雲石紋加上金箔再配搭，簡約有帶點高雅。這麼美的蛋糕很適合打卡之用，我和媽媽不停和蛋糕留倩影。拍照一番後，當然要有許願吹蠟燭的環節，不得一提，twinkle提供的蠟燭是精美的，插上蛋糕時不帶一點違和感。平時美觀的蛋糕，味道口感通常差了一點的，有時還很甜的。很驚喜地，這個蛋糕一改我原有看法！甜度適中，口感豐富好有層次，先食到最面層的梨蓉慕絲，與其他店的普通忌廉慕絲不同， twinkle 用上了梨蓉，甜甜酸酸的慕絲香滑又不黏口，好有新鮮感。內層以蜜糖向椰汁杞子奶凍作平衡，為原味牛油蛋糕和最底層的班蘭牛油蛋糕分隔。淡淡的杞子味加入濃濃牛奶味奶凍，多了一份補身的感覺。原味牛油蛋糕和班

情人節明天就到了😆 但各位朋友準備好了沒有?雖然面對疫情令到氣氛有點差 商場也沒有新佈置但日子總是要過的 為何不去過得開心一點呢?😆😆這次在K11看到Twinkle Baker推出了兩款情人節蛋糕看到粉紅色心心就覺得很美 就決定是你咯~幸福菓子❤雖然另外一款是一對小天鵝也很美 但粉紅色真吸引呢~·幸福菓子 HKD$298此款蛋糕為3.5吋細款蛋糕 看似細小的蛋糕但份量十足多糕外表比較硬身 所以不怕容易弄花其外表值得一讚面頭還有可愛的小花花裝飾/粉色系的食用小珠很漂亮另外有一大個粉紅色心心朱古力來代表“你/妳”的心❤相信另一半看到這個會很開心☺ 與另一半食更開心吧切開裡面絕對是驚喜十足❤ 裡面充滿很多朱古力心心一切開像山泥傾瀉般倒下來 靜靜感到很治癒的感覺☺除了朱古力心心外 裡面是朱古力牛油/朱古力牛油蛋糕蛋糕質感很Creamy滑身帶點甜味 感覺像朱古力慕絲~蛋糕表面的是粉紅色漸變糖霜牛油忌廉 很吸睛的賣相是一個賣相/打於一流蛋糕📸 家人很快就食光蛋糕🤭 情人節甜一點開心過一天🤩 一起甜甜蜜蜜開心一下😊

身為甜品控嘅我，又口痕走去買左3件Cake仔🤤淨係睇個樣已經吸引左我😍Size 又好，細細件，最啱兩公婆一齊開心Share😎🔹雪絨天鵝$52 ：天鵝造型好吸睛😍上層係士多啤梨乳酪慕絲，而蛋糕同慕絲中間有一層薄薄嘅士多啤梨果醬🤤而果醬先係靈魂所在❗️帶出晒成個Cake嘅味道出嚟👍🏻🔹玫瑰蜜語$48 ：牛奶配蜜糖慕絲，甜而不膩😌入面再加埋玫瑰軟心慕絲，成件事就好似飲緊玫瑰latte咁😆上面插住果枝其實係蜜糖，嫌唔夠甜嘅朋友，仲可以自己再加😎不過如果唔鍾意花味嘅你，就唔好試🙁因為玫瑰味都重㗎！🔹櫻花樹下$48 ：上面插住嘅其實係棉花糖😌造型可愛之如又食得😋而入面就係白桃慕絲同白桃果肉🤩白桃味清甜👍🏻愛桃人士必試❗️3件Cake嚟講，入面嘅蛋糕都好鬆軟👍🏻除咗蛋糕之外，其中兩款最最最底層仲會有餅乾底❗️口感即時提升👍🏻評分味道：4/5服務：3/5性價比：4/5回頭率：4/5

Celebrated a birthday with this cute cake, it’s made to imitate the Chinese bun (壽包) in a dim sum rack, which was traditionally served on a birthday celebration occasion at a Chinese restaurant. First time seeing this kind of cake design in Hong KongThe rack was made with white chocolate, a sponge cake base, the peach 🍑 at the top is a peach mousse. Flavour is nice, has a very strong peach taste to it. For it’s presentation and size, it’s well worth the money, although I would not get this cak

朋友生日喺尖沙咀慶祝，本來有朋友自己整咗蛋糕，點知出咗少少意外。。蛋糕爛咗咁唯有臨時臨急去買一個。好在尖沙咀商場多，蛋糕店多我哋行咗好多間，想找個特別啲嘅蛋糕。最後選咗喺k11呢間蛋糕舖Twinkle Baker Deco，見佢哋啲蛋糕造型幾得意，未試過，即管試下啦！款式太多，眼花撩亂最後我哋簡咗呢款紅鶴樂園其實個人不太喜歡上面嗰兩隻唔鶴唔雀咁嘅樣嘅生物純粹個人喜好。除了嗰兩隻奇怪生物外，整個蛋糕嘅配色都唔錯，夠鮮豔奪目。會簡呢款蛋糕原因是因為生日嗰位主角同我都一樣，喜歡食紅絲絨蛋糕蛋糕裡面首先係軟芝士忌廉然後係洛神花啫喱，洛神花酸酸甜甜，好好味最底就係我最喜歡嘅紅絲絨蛋糕啦第一次試呢個牌子嘅蛋糕，味道唔錯。下次有朋友生日會再考慮簡佢哋。不過價錢上5吋嘅蛋糕唻講貴咗少少。但係最緊要好味

今日陪同事黎到K11商場，主要係黎到B1樓層陪同事睇散水餅，睇左咁多間，最後都係決定訂呢一間，扮清糕👍🏻其實呢間鋪既蛋糕種類都多，又有卡通，又有主題，都幾吸引，但話到明要搵散水餅，梗係要搵啲細細件而又特別既，價錢又合理既最好啦😂同事睇中左佢個cupcake系列，又細件又有茶餐廳口味，都幾特別！仲有買五送一優惠🤩

老婆生日,個女去訂咗個蛋糕. 個款就真系幾靚,但一個鐘後返到屋企已開始溶 (其實系已經晚餐後先去攞,都成9點後). 味道又好普通,無特別,唔好話驚起. 🤷‍♂️ 我相信日後再去買機會唔大.

呢間蛋糕店好似有好多間分店，每次經過見到個蛋糕櫃都心心眼😍 佢啲蛋糕真係好靚呀！今次咁啱同屋企人係尖沙咀慶祝生日，我即刻諗到要試呢一間蛋糕店🍰佢呢間喺K11嘅店好似最近搬咗入鋪，裝修有啲唔同咗，但啲蛋糕依然係好吸引我 今次買咗佢個富士山下蛋糕，因為屋企人個個都話好似日本個富士山咁精美，影相真係一流！個蛋糕入邊有士多啤梨脆珠同流心，配埋底層嘅抹茶蛋糕，唔單止賣相好得，就連味道都比屋企人大讚 下次有朋友生日一定會再幫襯呢間蛋糕店

知道呢間cake shop之前喺樓下. 都幫襯過1-2次, 今日行過估唔到佢搬左入舖! 間舖裝修得好有style, 同一般cake shop好唔一樣呀~今次買左佢地新出個扭計王, 個造型好特別, 大人細路見到都好surprise!真係好少喺出面見到呢款蛋糕架! 蛋糕入面係阿華田味, 好好味呀!又唔會太甜...只係上面個lego太實的的啦, 要慢慢食. 不過剩係影相都呃哂Like!!!整體都好滿意!!!