影片
營業時間
今日營業
10:00 - 22:00
星期一至日
10:00 - 22:00
以上資料只供參考, 請與餐廳確認詳情
平時好少係依邊lunch,因為今日同同事攞完文件,就係附近食埋lunch,但因為趕時間關係就直接搵就近嘅,同唔使等位,因為觀塘食lunch真係四周圍都好多人,UCC聽得最多就係咖啡☕️估唔到除咗coffee☕️,有埋cafe.🍝茄汁鮮蝦帶子意粉 $119味道正常,帶子有d扁身細小,毫無口感,鮮蝦好彈牙,不過唔太入味,如果要轉沙律有湯有咖啡要upgrade🥗 ☕️整體黎講~價錢都唔平,食物質素正常,食物性價比唔高
繼續閱讀
今日同朋友諗住食個下午茶，幾年前食過呢間餐廳啲嘢食都唔錯，冇諗過今日再去食啲食物竟然差過一間普通餐廳，叫咗一碟蒜蓉包，一個意粉，一個沙律，一杯焦糖咖啡，蒜蓉包竟然係又凍又硬，我咁鍾意食蒜蓉包，食過好多間，冇食過一間好似呢間咁難食，我諗麵包舖買既蒜蓉包好食過佢，問個侍應點解會凍嘅？佢話可能喺吹風機底下吹凍咗，佢唔係應該換一碟俾我嗎？佢嘅答覆竟然係咁樣，當冇事發生一樣，亦冇講唔好意思。咖啡杯仲細過茶餐廳嘅奶茶杯。意粉啲汁又唔夠又乾，性價比超低，呢間餐廳以後都唔會再去。唔怪得香港咁多餐廳做唔住。
繼續閱讀
今日喺觀塘APM食lunch，屋企人話好想去一個有咖啡飲嘅地方，喺我嘅觀塘飲食地圖裏面，如果想飲咖啡的話，我就一定會去UCC，因為UCC啲咖啡真係好滑好香，每次我都唔會失望。今日所選午餐：菠菜三文魚豆奶湯意粉 $106套餐（沙律加咖啡） $41意粉好驚喜，豆奶湯底真係好香，意粉軟硬度剛剛好，配上三文魚和菠菜，簡直一流👍🏻不過可惜座位有點窄，枱和枱之間有啲密，感覺有點侷促。如果將來座位可以疏落啲，令人有番少少空間感，咁就完美。
繼續閱讀
食物最基本質素都冇，仲竟然可以開咁多分店意大利燉飯變成爛飯仔鵝肝無油香而羶腥；意粉又乾又柴份量少又難食，奶茶仲差過茶記！咁都好意思開餐廳收百幾蚊一碟野！間咁既野都冇差評價！超奇怪成日覺得周圍啲餐廳送小禮物叫人比讚，不如請真正既廚師、買正常的食材做好啲啦！冇人話佢、害到周圍咁多垃圾餐廳仲開曬分店咁！食唔落！食幾口掉左！一下比佢厄到幾百蚊生意！食物質素差，廚藝差到冇常識既級數！拎啲咁既爛飯仔出來話係燉飯！你有冇食過燉飯？用厄我啲錢夠出去買個真正既食啦！仲要煮到臭既！地獄廚房開餐廳！
繼續閱讀
9 April 於5:30pm 入座下午茶。整間餐廳都坐唔滿人，只有約七成。到7:00, 現場只有約兩枱人，當中包括我們一枱兩人。其中一位女侍應竟然機械式咁走過來話下午茶時段已結束，須要交枱。現場大把吉枱，亦冇人在外等位或陸續入座。根本過完下午茶時段就已經係靜過鬼，你要我交枱做乜呢？有冇用腦嘅呢？我坐多十零廿分鐘根本就阻唔到你做生意，諗深一層其實幫到你成間野睇落去冇咁冷清唔好等人以為唔好食𠻹。再講一次，其實你有冇用腦嘅呢？唔怪之得啲人寧願上大陸消費都費事喺度受氣！
繼續閱讀