ULURU

營業中

休息中

這間二次元餐廳一踏進去感覺整個氛圍都變得不一樣😆很多打卡拍照位📸整個室間充滿藝術感🌌樓梯還很有創意地幻化成琴鍵🎹自家製墨西哥脆薄片$88墨西哥脆薄片一上枱鋪滿半溶的芝士吸引🤩薄片芝士味濃，下面薄脆就帶點辣味。另外配有牛油果醬及蕃茄醬，令濃味薄脆多一份新鮮蔬果味，很清新🥗黑松露海鮮雲吞脆寶 $108第一眼被燒賣賣相吸引，外表是薄脆包裹成燒賣造型，入面是十分creamy 的黑松露蘑菇醬汁，外脆內軟，很特別的口感。日式西京燒比目魚扒 $208煎得外層微微焦香，入面的魚肉柔軟滑溜，醬汁甜甜的，很惹味。慢煮羊膝伴野菌意大利飯 $308羊膝份量很大，肉質柔軟，慢煮的羊膝完全吸收了醬汁，十分入味。再配上口感軟糯的野菌意大利飯，兩者味道很夾。夢 森之家 $128很可愛的蘑菇外型🍄‍🟫由草莓乳酪、果蓉及crumble砌成，味道不會過甜，略帶微酸，一解之前的飯氣🍓Popcorn Latte又是很可愛的一杯咖啡，咖啡上面有爆谷，再配上可愛熊仔🐻喝下時令人心情開朗！Lava Dream(Ice)又是一杯賣相吸引的飲品🍸果味十足的一杯飲品，很清新。

【 走進黑白風的夢幻餐廳 】 🎹以黑白手繪壁畫設計的「ULURU」，真係一間勁靚的打卡餐廳，一進門就沿琴鍵樓梯上樓，上到去就見到每幅牆都係黑白色的手繪畫，每個角落都係打卡影相位，好有創意。🎂老公仲俾咗驚喜，安排了二次元立體夢幻蛋糕做生日蛋糕影相，黑白色的蛋糕再配搭可愛有趣的草莓精靈，勁靚呀！我好鍾意呀！🥗除咗裝修環境特別，食物都好精緻美味，為大家推介 :💕酥皮焗田螺田螺大大粒，厚肉軟淋，配搭鬆化酥皮包住咁一口一粒，口味層次豐富，勁好味！💕芝士焗大蝦意式香草茄茸意粉新鮮大蝦焗得好香口，配搭半溶芝士一齊食，好夾好好味！💕流心溫泉蛋卡邦尼意粉芝士意粉充滿濃郁奶香，配上半熟狀態嘅溫泉蛋，好creamy呢！💕京式烤鴨薄餅 烤鴨肉質鮮嫩肥美，配上秘製烤鴨醬，大人小朋友都鍾意食。💕富士芝櫻祭 - 丸久小山園抹茶Tiramisu甜品造型又靚又精緻，抹茶Tiramisu好軟好滑。🍹最後飲番杯Rose Tea ，造型好靚又夠大杯，有濃濃嘅玫瑰花香，唔會太甜，幾特別。🍓ULURU HK📍地址: 灣仔春園街1-11號春暉大廈1樓

終於到訪Bookmark左好耐嘅Uluru，呢間除左適合打卡之外，食物質素都幾高，尤其係麻糬窩夫真係好好味，有奶茶、鴛鴦、綠茶口味，款款都好吸引呀🤤🧀芝士拉絲一口豆腐🍽️蒲燒鰻魚.櫻花蝦意大利飯🧇港式奶茶味麻糬窩夫-🐻comment:👍🏻芝士拉絲豆腐好有驚喜！豆腐外皮唔會炸到好脆，調味得好惹味，加上大量的芝士醬好邪惡，真係道滋味前菜😗Risotto，有完整的一塊蒲燒鰻魚，櫻花蝦嘅份量唔多，飯嘅份量都唔算多，但risotto唔會硬，亦都幾多汁，唔錯～😍呢個麻糬窩夫真係必點！窩夫好大份，有大量水果同麻糬，而且形狀亦好適合打卡，切開4份剛好係4個心型，配埋雪糕又凍又熱好過癮，雖然奶茶味唔濃，但係有機會食到其他cafe比較少見嘅奶茶味窩夫，都幾開心💁🏻‍♀️可能因為當日多人的關係，上菜速度比較慢，要食就要預留返多少少時間比餐廳啦

【灣仔二次元餐廳｜帶你走入高質美食童話世界】🐨京式烤鴨薄餅 $148推薦度：⭐️⭐️⭐️⭐⭐京式烤鴨鴨味濃肉嫩、大蔥味強，上面加咗滿滿嘅芝士，配埋薄餅嘅薄脆，令到整個薄餅層次更加豐富！.🐨韓式部隊鍋芋絲 $148推薦度：⭐️⭐️⭐️⭐⭐部隊鍋認真足料，有午餐肉、大量芋絲同年糕、豆腐同香腸，一個食幸福感滿滿、亦可同人分享，比起坊間用辛辣麵，用芋絲更加健康入味！餐廳諗得認真周到～.🐨蜜汁沙嗲醬雞肉串燒 $78推薦度：⭐️⭐️⭐️⭐⭐雞肉串燒燒到雞肉好嫩滑，外皮香脆，有焦香味～另外沙嗲醬花生味強，令到整體更加惹味。一碟有六串咁多，性價比極高！.🐨自家製墨西哥脆薄片 $88推薦度：⭐️⭐️⭐️⭐⭐墨西哥脆薄片一上枱已經非常之震撼，最緊要就係薄片上面灑滿咗芝士，上面薄片芝士味濃，下面薄片就保持到少少辣味！！另外牛油果醬、蕃茄醬會令到濃味嘅薄脆片，多咗一份新鮮嘅蔬果味，變得更清新🤩一個菜式五款口味～.🐨ULURU二次元立體夢幻蛋糕 $138 推薦度：⭐️⭐️⭐️⭐⭐立體夢幻蛋糕配合埋成間舖頭嘅裝修超級打卡able，白色嘅部份主要以芝士為主，芝士味濃，入邊蛋糕嘅部份亦都鬆軟、蛋香味出，中間夾住一層層嘅士多啤梨醬，可以減去芝士嘅油

本想跟愛人到此慶祝生日，因有朋友推介就帶著滿懷希望去試吓，我哋點左兩個頭盤都吾錯，期待主菜必定有驚喜，當我仲食緊個頭盤時，我點既豬鞍到左，但侍應一手拎豬鞍一手拎第二度菜，根本無手亦無意識想幫我拎開面前既餐具，直接想將個豬鞍比我，即是叫我自己執開啲野，個刻我極度唔滿意，就望住個待應示意點解要我做呢？你吾係應該等我食完頭盤先上主菜咩？仲有幾個新黎既侍應，一個小朋友咁行行企企乜都吾識做，另一個問佢今日餐湯係咩又懵查查，跟住到我愛人個羊鞍完全係overcooked，最後甜品應該要寫生日字，因為我訂位時已講咗，但完全忘記哂，就咁上甜品，我嬲爆問個待應有冇睇booking remarks! 最後，我覺得依個地方係適合一班朋友去食飯，因為full house會好嘈，情侶想靜靜地慶祝實在吾適合，以咁既價錢可以去更好食更好環境既地方，的確無第二次機會！食物方面好一般待應方面好一般整體來講好一般

灣仔的打卡餐廳Uluru每一個角落都係打卡位今次點了2份套餐,包湯,沙律,主食和飲品。今日的湯是粟米湯,粟米味都好香濃,熱呼呼的很不錯牛排分量十足,大大塊,肉質比較厚實,岩晒鐘意有咬口既朋友。泰式燒鹹豬手,上檯都是大大件的,肉質好紮實,外皮好香脆。入口皮脆肉嫩,很好食,可以配泰式醬食,更好食富士芝櫻祭丸久小山圓抹茶Tiramisu,富士山既外型超靚又吸睛,而個迷你鳥居造型真係好靚,而味道都好正,底層的抹茶味Tiramisu 茶味非常之濃郁,食入好creamy, 甜度適中,而側邊既Oreo 碎令成個甜品口感更有層次另外值得一讚的是呢度既飲品都很好今次點了Tiramisu coffee同 Lava DreamTiramisu coffee 上面既圖案今次畫了食鬼卡通,很有趣。而咖啡味好香濃,真的一流而Lava Dream主打是薰衣草香味的茶,飲入口淡淡的薰衣草滲出來,真的令人好relax,愈飲愈舒服呢間餐廳除了打卡一流外,食物質素都好高,好值得再來

星期六中午12:30pm上到去，一坐低即刻叫兩杯嘢飲，一杯Mocha，一杯黑咖啡，另外先再嗌一份午餐，到到1:10 ，食完個餐，兩杯嘢飲仍然未出現，中途追過三次，都叫我等一陣，完全唔知發生咩事，最後我埋單走，兩杯嘢飲仍然未可以出，最終都係cancel咗！嘢食嚟講，叫咗個all day Breakfast，啲嘢食係凍嘅，完全不明白為什麼有咁多好評，我都係睇到OpenRice有咁多人比like先至上去，點知覺得好伏

去演藝學院睇舞台劇，又要去灣仔搵食，知道呢間餐廳好耐，但一直未去，今次終於去咗。開門就見到一條長長靚靚樓梯，未坐低已經要打返個靚卡。店員好nice好有笑容，仲同我哋傾偈，感覺呢度自己一個嚟chill下又得，同姊妹們打卡閑情一下又得，飲品都好靚靚，食物都唔錯👍🏻

好耐之前食過一次都幾好食，今次朋友早到叫咗黑松露雲吞同海鮮意大利飯，我一去到坐低睇緊Menu嘅時候就有得食，好在佢上菜快立即唔想嗌其他嘢食，味道好一般個飯直程唔好食， 兩個人食兩碟野有半碟飯剩咗係度黑松露雲吞冇乜黑松露味，唔知自己食緊乜味道唔係話難食，但係唔會覺得好食囉口感其實唔錯嘅，雲吞皮炸到鬆脆入面嘅餡好彈呀意大利飯真心唔掂， 飯嘅質感有啲差，醬汁嘅味淡茂茂冇乜味，海鮮質素都唔太好， 青口有啲腥好似未夠熟， 大蝦無蝦味啱啱好每人一隻，帶子得一粒要自己cut 一半share可一不可再，去利東街有間差唔多價錢嘅crepe dxxxxxxx 嘅好食好多好多， 冇咩事都唔好去食

我和同事一行4人經平台預訂了1點午飯，上到餐廳獲告知要等15分鐘；我們告知餐廳我們已訂位，但餐廳只說當天比較多人。這解釋很令人傻眼，就是知道灣仔區午飯時間大多數餐廳都會滿座，才須要預先訂座，才要餐廳預留位置吧！！可是當天除了我們之外，後來的兩組已訂枱的客人都同樣要等，如果不想等就要搭枱。這是一間西餐廳，但竟如快餐廳一樣要搭枱！！！最後在我們不斷催促下仍等了差不多半小時，有枱埋單才能入座。30分鐘是午餐時間的一半，搞得大家都只顧吃，不用說慢慢傾談了。這餐廳很明顯是不會為任何訂位留枱的，我們不是個別例子，因為所有訂枱的都要等，等那張枱埋單就去那張；當我們入座時經過其他枱，見有一張4人枱只坐了2個人，估計是他們沒有訂枱，是walk in客，上到去沒有2人枱，就給他們4人枱；到後來訂了枱的客人，如肯搭枱，就是跟這些相信沒有訂枱的客人搭。既然餐廳不會為訂座客人留枱，那絕不應該接受平台的訂座服務，又要用平台的訂位系統，這樣做沒有誠信，亦不專業。此外，餐廳枱與枱之間很逼，樓底又低，午飯時間坐滿客時嘈吵得令人不想交談。我見平台的好評，大多數都是說裝修特別，適合打咭（其實坐滿人時地方逼狹，望到的就是人）

今日特登過海食近期大熱嘅黑白二次元風格餐廳 一入門口個裝修已經勁有格調🤍成間店嘅風格都係黑白為主每一個角落都係打卡位🖤🐏慢煮羊膝伴野菌意大利飯羊膝肉質嫩滑多汁，仲好大隻，意大利飯吸收細羊膝汁，再搭配惹菌味，好香口🍕京式烤鴨薄餅 好特別嘅薄餅 第一次食有烤鴨 口味幾特別 鹹之餘又有啲甜甜既味道🌮自家製墨西哥焗脆薄片有三款醬汁，蕃茄醬、牛油果醬、酸忌廉醬小食必選！每次去餐廳見到有呢款都一定會嗌⸜(* ॑꒳ ॑* )⸝🇰🇷韓式部隊鍋芋絲有海苔、芝士、芋絲、午餐肉、香草腸，加埋湯汁一齊食，非常入味！🍝流溫泉蛋卡邦尼意粉滿滿嘅醬汁，好creamy，搭配溫泉蛋一流！再加埋煙三文魚提升風味👍🏻🍄‍🟫夢-森之家 咁靚嘅甜品唔捨得食( ˊ̱˂˃ˋ̱ )佢係有草莓乳酪、草莓果蓉、Crumble🍮食落去酸酸甜甜好開胃，一啲都唔漏！打夠卡之後再忍心食晒😛📍ULURU (灣仔)灣仔春園街1-11號春暉大廈1樓#灣仔美食 #打卡餐廳 #uluru

我網上一直留意到灣仔有間黑白二次元空間嘅餐廳，全間餐廳黑白為主，真係勁靚勁特別😍知道好多人談論同慕名而來，今日過海黎灣仔會展順路一家人黎打卡食飯。餐廳門口好有歐陸風格，一條樓梯畫上琴鍵🎹全店以黑白壁畫設計，舒服休閒感覺，餐廳每個位都係打卡點，可以消磨一整個下午或晚上🤣另外餐廳歡迎食客攜帶寵物是另一個賣點！服務員亦值得稱讚，十分友善及樂意幫助顧客❤️餐湯南瓜湯+沙律+檸檬茶蜜味沙嗲醬雞肉串燒雞肉沾滿蜜糖再沾沙嗲醬入口香甜可口主食京式烤鴨薄餅薄餅底香脆，鴨肉質豐原，鴨肉香蔥薄餅底好有驚喜，中西元素都集一身，誠意推介👍🏻流心溫泉蛋卡邦尼意粉醬汁夠Creamy，味濃再流心蛋汁一絕😋西班牙紅花海鮮意大利飯Risotto煮得恰到好處入口好有咬口。日式西京燒比目魚扒比目魚扒經由西京燒醬汁醃製過，令魚肉質更鮮甜，再配薯蓉雜菜👍🏻甜品夢-森之家賣相已非常吸睛很有童話故事氣息，呀女愛不釋手，由士多啤梨朱古力加白朱古力堆砌出來嘅蛋糕，超好味😋

遠一遠就望到餐廳，事關由大門開始，沿路嘅樓梯同所有牆身，都手繪上黑白圖畫，好似去咗平面繪本咁，滿滿漫畫世界感覺🖤🤍除咗二次元裝潢外，餐廳甜品都好有創意～🗻富士芝櫻祭 丸久小山圓抹茶Tiramisu富士山造型吸睛，山頂上仲有個迷你鳥居造型朱古力牌⛩️，山腳鋪滿Oreo碎、香濃抹茶粉同焙茶手指餅碎，靚到唔捨得食！靚靚嘅富士山其實係抹茶味 tiramisu，用上小山園綠茶、Mascarpone 芝士、焙茶手指餅製作，滑溜口感，有啲似慕絲，非常creamy💋🌺花見甜品上層嘅Rose jelly晶瑩剔透，味道清香，下層lemon cheesecake濕潤香滑，仲有真玫瑰花瓣伴碟添🥚法式焦糖燉蛋雖然只係$68，但唔只法式焦糖燉蛋，仲配上豆腐味雪糕，性價比極高🌹Uluru Rose Tea餐廳用上玫瑰食材嘅食物，都值得一試，其中一款必點就係呢杯玫瑰茶～ 玫瑰加埋士多啤梨味同香草特調，淡淡嘅花香又帶有少少微甜，非常特別🪻Lavender Dream薰衣草茶加入好多真嘅薰衣草，層次豐富，而且口感相當特別🐷烤焗美國豬鞍扒餐廳嘅主菜同樣出色，豬鞍扒好厚切，有少少肥膏，煎香後嘅肉質仍然好有彈性伴碟嘅蘋果蓉醬汁

由大門開始，沿路所有牆身都係手繪黑白牆，好有心思👏🏻 餐廳比我想像大同闊落😋 我地坐最入入，仲要經過滿滿手繪走廊，好似真係去咗第二個空間甘，去完廁所出嚟差啲蕩失路😂 係環境好既地方用餐🍽 心情好啲食得更滋味！除左好多創意料理，例如酥皮焗田螺、北京烤鴨Pizza 、海鮮冬陰功年糕，仲有好多甜品選擇！最出名係佢哋二次元立體夢幻蛋糕（幫朋友仔慶祝生日都好適合！）最近喺下午茶時段兩點至五點，仲有麻糬窩夫！我哋一口氣食咗兩款！綠茶味同埋好特別嘅港式鴛鴦味，本身窩夫已經好正，入邊仲有麻糬，就算食飽左，仲係一啖有一啖忍唔住係咁咬😂 鴛鴦味重配有焦糖香蕉，同奶茶雪糕！呢個很值得一試🤤🤤墊枱紙，飲管都係黑白色😆 欣賞餐廳小巧思，用心既商戶值得支持👏🏻餐廳喺灣仔地鐵站附近喔！

想去一間比較特別嘅餐廳可以選擇灣仔地鐵站附近嘅Uluru設計係用上簡約黑白色牆上全部是手繪嘅畫作非常有創意又值得打卡而且空間感大坐得舒服我地5:30pm 到食晚餐之後陸續見到好多人嚟仲帶埋貓貓狗狗🐱🐶好熱鬧係一間好pet-friendly既餐廳😎🌮自家製墨西哥焗脆薄片 $88平時我哋都好鍾意食Nachos！呢度有三款而家製醬汁：蕃茄醬、酸忌廉醬、牛油果醬，小食一流！🦐 阿根廷紅蝦刺身配蕃茄沙沙多士 $138隻紅蝦非常大隻，好鮮甜，配埋薄薄地脆脆地嘅多士，完美配搭！🍝 流心溫泉蛋卡邦尼意粉 $128我個仔大贊非常好食，醬汁濃郁，奶香味十足！食落啖都好creamy！佢一個人已經清晒成碟😋🍱 蒲燒鰻魚、櫻花蝦意大利飯 $158超大份嘅鰻魚鋪咗喺飯上面，仲有好多好多蛋碎！🍕 京式烤鴨薄餅 $148烤鴨做嘅薄餅第一次食，食到有京蔥和甜醬，口感幾特別，啖啖肉，略嫌有少少太咸。🍰 富士芝櫻祭 - 丸久小山園抹茶 Tiramisu $118賣相非常精緻，富士山造型刻畫細緻，靚到唔捨得食！用上小山園綠茶、Mascarpone 芝士、焙茶手指餅，鐘意抹茶既一定唔好錯過！☕️ Tiramisu coffee