ULURU

營業中

休息中

呢間打卡一流嘅餐廳 就响灣仔地鐵站附近，一入去就係條長長、鋼琴琴鍵嘅樓梯，已經忍唔住影影影🤭 入到去整間餐廳都係以黑白手繪圖畫做設計，而且仲係pet friendly添！我哋點咗兩個前菜，酥皮焗田螺 同 自家制墨西哥焗脆薄片Nachos 作為開胃小食。有酥皮包住田螺焗，一口size又超香脆！而nachos，有層厚厚嘅芝士鋪上面焗，佢當薯片咁食。我就狂點牛油果同cream cheese醬，正！另外嘅main course我地都top up咗沙律、餐湯加drink嘅set，好豐富！西班牙紅花海鮮意大利飯 份量超大，有鮮蝦同帶子，risotto 汁夠creamy。 紐西蘭西冷牛扒 我只係叫咗medium rare，因為家姐細妹都想share，肉質夠tender，火喉控制得幾好，肉汁都鎖住响入面。小朋友嘅重點就梗係甜品，兩個異口同聲都話要食waffle同雪糕。見到餐牌有新甜品，就試吓港式style嘅 奶茶味麻糬waffles ！旁邊有奶茶味雪糕，而窩夫上面鋪滿咗奶茶味麻糬，嘩，好有質感呀！配埋充滿蛋香嘅原味waffle，食得好滿足！打卡又點會無杯drink？呢杯 Signature drink

成日都係社交平台見到好多人打卡，最常見係黑色衫甘去打卡，仲有D甜品超得意！食完覺得性價比超高！🍗慢煮羊膝伴野菌意大利飯羊膝係mega size~未見過甘大份，兩個人食呢個都飽左一半！羊膝不會酥，味道不錯。🍔和牛漢堡配薯條薯條係好大條，熱辣辣點茄汁真係好正。和牛漢堡都真材實料，厚身多汁、肉質鮮嫩。🗻富士芝櫻祭 丸久小山圓抹茶Tiramisu富士山既外型超可愛！！個 迷你鳥居造型 ⛩️又惟妙惟肖！以爲好睇吾好食？呢個甜品令我喜出望外，底層的抹茶味Tiramisu 茶味非常之濃郁，質感非常creamy。而周邊的Oreo 碎令層次更豐富。必叫！🍄Dream Wonderland蘑菇造型好精緻。成個蘑菇殼係白朱古力做成，但又超級薄喔！内餡有海綿蛋糕同草莓茸，酸酸地好開胃，加埋oreo好有咬口。超級推薦♥🍎Apple Crumble呢個又係不得了~~~首先$78呢個份量同造型係無得輸。味道方面更加取勝，杯入面有好多蘋果片，不會酸，配上奶茶雪糕同脆脆超有口感！好抵食！！🍹🌹Uluru Rose Tea真係有玫瑰碎花，顔色好鮮艷，不會太甜剛好，好適合打卡。餐廳仲有好多打卡位📸

由大門開始，沿路所有牆身都係手繪黑白牆，好有心思👏🏻 餐廳比我想像大同闊落😋 我地坐最入入，仲要經過滿滿手繪走廊，好似真係去咗第二個空間甘，去完廁所出嚟差啲蕩失路😂 係環境好既地方用餐🍽 心情好啲食得更滋味！除左好多創意料理，例如酥皮焗田螺、北京烤鴨Pizza 、海鮮冬陰功年糕，仲有好多甜品選擇！最出名係佢哋二次元立體夢幻蛋糕（幫朋友仔慶祝生日都好適合！）最近喺下午茶時段兩點至五點，仲有麻糬窩夫！我哋一口氣食咗兩款！綠茶味同埋好特別嘅港式鴛鴦味，本身窩夫已經好正，入邊仲有麻糬，就算食飽左，仲係一啖有一啖忍唔住係咁咬😂 鴛鴦味重配有焦糖香蕉，同奶茶雪糕！呢個很值得一試🤤🤤墊枱紙，飲管都係黑白色😆 欣賞餐廳小巧思，用心既商戶值得支持👏🏻餐廳喺灣仔地鐵站附近喔！

想去一間比較特別嘅餐廳可以選擇灣仔地鐵站附近嘅Uluru設計係用上簡約黑白色牆上全部是手繪嘅畫作非常有創意又值得打卡而且空間感大坐得舒服我地5:30pm 到食晚餐之後陸續見到好多人嚟仲帶埋貓貓狗狗🐱🐶好熱鬧係一間好pet-friendly既餐廳😎🌮自家製墨西哥焗脆薄片 $88平時我哋都好鍾意食Nachos！呢度有三款而家製醬汁：蕃茄醬、酸忌廉醬、牛油果醬，小食一流！🦐 阿根廷紅蝦刺身配蕃茄沙沙多士 $138隻紅蝦非常大隻，好鮮甜，配埋薄薄地脆脆地嘅多士，完美配搭！🍝 流心溫泉蛋卡邦尼意粉 $128我個仔大贊非常好食，醬汁濃郁，奶香味十足！食落啖都好creamy！佢一個人已經清晒成碟😋🍱 蒲燒鰻魚、櫻花蝦意大利飯 $158超大份嘅鰻魚鋪咗喺飯上面，仲有好多好多蛋碎！🍕 京式烤鴨薄餅 $148烤鴨做嘅薄餅第一次食，食到有京蔥和甜醬，口感幾特別，啖啖肉，略嫌有少少太咸。🍰 富士芝櫻祭 - 丸久小山園抹茶 Tiramisu $118賣相非常精緻，富士山造型刻畫細緻，靚到唔捨得食！用上小山園綠茶、Mascarpone 芝士、焙茶手指餅，鐘意抹茶既一定唔好錯過！☕️ Tiramisu coffee

家姐哥哥終於考完試啦🎉妹妹又派到好學校📚仲記得5️⃣年前，家姐派到好學校，我哋都係去 ULURU 慶祝🎊今次都唔例外🥳餐廳牆面、家具同裝飾大多以黑色同白色為主⚫⚪形成鮮明對比✨空間時尚而簡約🪑營造出一種優雅用餐環境🍽️🌟🥗 挪威三文魚凱撒沙律新鮮挪威三文魚搭配經典凱撒沙律，融合生菜、脆皮麵包同特製凱撒醬，口感清新🧀 芝士拉絲一口豆腐外脆內嫩豆腐，搭配濃郁芝士，輕輕一咬，芝士流出🍢 蜜味沙嗲醬雞肉串燒雞肉串燒浸泡蜜味沙嗲醬中，香甜可口，烤至外焦內嫩🌮 自家製墨西哥焗脆薄片自家製脆薄片，搭配香濃墨西哥醬汁，口感酥脆🍔 和風芝士玉子和牛漢堡和牛製作漢堡，配上滑順芝士同特製日式調味🍤 芝士焗大蝦意式香草茄茸意粉新鮮大蝦與意大利香草茄茸醬完美搭配，芝士焗至金黃🐟 日式西京燒比目魚扒比目魚扒經典西京燒醬醃製，肉質鮮嫩，搭配清爽配菜🧇 港式奶茶味麻糬窩夫將港式奶茶風味融入麻糬窩夫中，外脆內軟，麻糬韌性同窩夫餅鬆軟互相結合，形成獨特口感🍓 夢-森之家磨菇外型，草莓乳酪、草莓果蓉同香脆Crumble層層疊疊，美觀又美味ULURU📍春園街1-11號春暉大廈1樓#uluru #uluruhk #chill #ca

同朋友起灣仔行街見到呢間好靚的餐廳，於是去試試💃🏻店內裝潢以黑白二次元空間為主題，好似去左藝術館咁～而且室內室外環境寬敞坐得好舒服！🌟店家最特別係可以提早三天預訂脆脆乳豬仔慶祝生日等或聚會，呢隻豬仔有三種口味（芒果、荔枝、香蕉味），記得提早預訂呀！主食京式烤鴨薄餅薄餅外皮香脆，內裡的鴨肉鮮嫩多汁，搭配甜麵醬和蔥段，每一口都是滿滿的油脂香味，好似食緊北京烤鴨咁🤤🤤川味雞肉炒意粉這道菜式很新穎同驚喜，辣味與中式調味相結合，帶來了別樣的風味，雞肉軟嫩入味，滿滿川辣風味🤤😍甜品「富士 - 芝櫻祭」外型是靚靚的富士山造型的tiramisu，味道清新自然，甜而不膩，真的很驚喜❤️2D cake 造型非常可愛，好濃郁的cream cheese味道，內裡包全軟熟的海綿蛋糕，每一口都好滿足😍☺️飲品Uluru Rose Tea 帶有淡淡的玫瑰香氣，加入香草特調，口感十分完美！🍸Popcorn latte 爆谷的香甜與咖啡的苦味完美融合，絕對能夠圈粉的飲品🥳Lavender Dream 薰衣草的香氣一口喝下令人放鬆，口感層次豐富，很特別❤️小食自家製墨西哥焗脆薄片酥脆可口，加上滿滿香濃的芝士再搭配自製的醬料，讓

打卡感滿滿既一開cafe整間餐廳都系手繪圖畫由門口，樓梯，牆壁，枱紙都系重要以黑白配色，藝術感勁強食物方面價錢實惠重有啲幾特式添今日試左好多野前菜-三文魚凱撒沙律，正常發揮小食-雞肉串燒，燒得香，有6串份量幾多-白酒忌廉青口，味鮮 汁又香濃，配左個芝士多士，更要一讚Pizza-京式烤鴨薄餅，相當特別，味道唔錯主菜-紐西蘭西冷牛扒，好厚身，牛味都幾濃重有好多配菜主食-西班牙紅花海鮮意大利飯，飯煮得煙韌，海鮮一樣好足料甜品-富士芝櫻祭，一個造到富士山咁，抹茶味既tiramisu，打卡一流

已經係光顧咗幾次，地方環境打卡一流，每一個角度都係好上鏡。好鍾意食嗰個墨西哥薄脆，因為佢背嘅三個獎我都好鍾意。最近試咗個芫荽意粉有驚喜。每一次都坐得好舒服，佢三點至四點基本上冇人理你，你可以任坐，同朋友去傾偈傾咗三個鐘，非常之奢侈。

一入去就置身於畫廊及餐廳於一身，黑白交錯既畫風裝修好有特色!頭盤酥皮焗田螺，香口酥脆每粒都一口size，方便開胃主食同主菜係焦點所在:招牌京式烤鴨薄餅和西冷牛扒兩樣都好充滿肉感！肉質豐厚，性價比超高而且中西元素都集於一身，第一次嘗試烤鴨薄餅又幾驚喜，蔥香配上薄脆餅底，有一種食西式片皮鴨既感覺，強烈推薦！西冷牛排方面分量十足，如果女士們黎食就小心啦，可能要2個人合力先食得曬成塊巨型牛扒🥩而甜品方面有精緻造型既富士山🗻&森林之家🍄，森林之家係由士多啤梨朱古力 + 白朱古力搭砌出來，非常有童話氣息；富士山則是抹茶芝士蛋糕，甜度適中，而且打卡美觀，好岩中意健康既香港人！配上無酒精青檸🍋‍🟩Mjito，整頓晚飯田園綠林氣氛好強，超級Refresh~🍃生活忙碌中同屋企人放鬆下，享受下美食先可以有動力繼續努力落去

上星期與同事4人午餐，本來覺得ok，於是本，星期三又再與朋友二人共進午餐，但今次就出事了，12:15 叫咗一杯凍O茶及一杯熱O茶，13:20 也未能送到我倆手上，前後查問了3至4次，waiters 也只回應整緊整緊，請究竟要整幾耐，最後我哋無飲埋單離開了，好嬲！！

今日同Ellie試食灣仔呢間黑白🖤🤍手繪主題打卡Cafe「ULURU 」，全間餐廳都係黑白手繪畫佈置，好似置身於漫畫世界中，打卡真係一流📸，點影都咁靚。另我意外嘅係啲嘢食都好好食😋🐤川味雞肉炒意粉 $138呢款係朋友order嘅，聽個名唔多吸引我，但食落覺得有驚喜，辣度適中好惹味。食完想再食。🐙海鮮冬陰功年糕 $148推薦大家食呢個配合得好好嘅年糕 冬陰功嘅味道同年糕好夾好開胃 加上青口、大蝦、帶子等豐富海鮮🍔美式艺士煙肉和牛漢堡 $168配沙律及薯條份量好足，漢堡外脆內軟，正👍🏼薯條就係Ellie最鍾意嘅。🦐芝士焗大蝦意式香草茄茸意粉 $138茄汁味道啱啱好，唔會太酸，Ellie自己都食左半份😂🎂ULURU 二次元立體夢幻蛋糕 $138個蛋糕真係超吸晴，2D設計影相呃like最適合。而且唔太甜，好食。🏔️富士芝櫻祭 - 丸久小山園抹茶 Tiramisu $118富士山造型同山頂上嘅鳥居都好吸睛，超多香濃抹茶粉，滑溜口感有啲似慕絲，睇得又食得。#灣仔好去處 #香港好去處 #uluru #打咭cafe#hkcafe #QQellie 36M

同朋友聚會，地點定係灣仔，佢推介呢間餐廳，話好多人like, 而且打卡一流，咁就去試下啦!要揾佢嘅入口有啲難度，唔係大街，係眼鏡鋪嘅後面，有啲複雜。入到去，個feel幾特別，以白色為主嘅設計，有啲似鋼琴鍵。入座後客人唔算多，最多一半滿座。我地試左煮青口同埋大蝦意粉，煮青口係好食嘅，但份量真係唔多，而且價錢唔平，要成200元。至於意粉就正常發揮，唔算話好好食，不過不失咁啦!至於最令人難忘嘅係佢嘅『花見』甜品，一拎上嚟真係覺得好靚好吸引，食落又多層次，真係唔錯。呢間餐廳收費偏貴，而且份量少，我地2個女仔食左3樣嘢，係覺得唔夠喉!

呢間打着特色西餐嘅樓上舖，食物嘅質素好比一般嘅港式茶餐廳。午餐時段環境極之嘈雜，由於樓底低，噪音之大，好比在一間大酒樓內食午餐嘅感覺。枱與枱之間十分逼夾，本人的餐枱與牆之間嘅距離不足兩尺，侍應在旁邊不停走動送餐，全程直接影響客人嘅飲食體驗。講到食物質素，絕對與正式嘅西餐有天淵之別。賣相看似西餐，但實質與港式西餐分別不大，但價格相比之下卻十分昂貴。首先餐湯係西蘭花忌廉湯，但個湯一啲都唔熱，亦唔夠濃。餐包乾如柴皮而無味。主菜係炆豬肉配炒飯，炒飯尚可以，但豬肉好似係煲湯肉一樣, 乾而且韌，絕對唔似係炆出嚟嘅，而且食得出舊肉本身係好鹹，絕對唔似係炆嘅過程入到嘅味道。另一道主菜係四川風味海鮮意大利飯，結果同炆豬肉一樣，都係十分之鹹，鹹到難以入口。理論上兩道主菜嘅Sauce應該係唔同嘅，但好明顯食得出兩道主菜都係用同一個sauce，只係個意大利飯加咗啲辣椒落去，所以可以睇得出呢間所謂嘅西餐廳一啲都唔專業。最後order咗凍咖啡，但係好不幸，要吹咗三次，最終要20分鐘先上，過程中侍應態度欠佳，而咖啡亦欠水準。總結，呢間係打着特式西餐旗號嘅劣質西餐廳，絕對唔值得幫襯。

臨近中秋 約朋友去灣仔南屋賞花燈灣仔這邊有一家裝修讓人眼前一亮的餐廳- ULURU🎨入到餐廳猶如進入左童話世界👑牆上都是以黑白色手繪畫作作設計✍🏻每個牆壁角落都可以打卡影相!這裡不僅是打卡天堂，,更是寵物們的樂園主人可以帶毛孩前來享受美食，擺拍🐶🐾🐾✨烤焗美國豬鞍扒$258豬鞍扒配蘋果蓉、焗薯、車厘茄等伴菜豬鞍厚身 咬落好腍👍🏻調味方面 師傅重手左以致口味偏鹹🥲✨流心溫泉蛋卡邦尼意粉$128半熟狀態嘅溫泉蛋 配上濃郁奶香、芝士🧀️意粉煙煙韌韌每一條都掛上醬汁好creamy !!😋✨蜜汁焗雞中翼$88雞翼表皮香脆，沾滿蜜汁，好惹味😋✨西班牙紅花海鮮意大利飯$158青口濃濃海水味 好有風味 飯粒粒粒分明🍚👍🏻

今日放假想搵間特別嘅餐廳打卡，記得有間在灣仔春園街嘅餐廳一直想去，但都沒時間探店，於是今日就扚起心肝來探店。全間餐廳都以黑白手繪畫為主題，入口已經充滿著黑白兩隻顏色，每幅牆都是全部手繪畫，充滿創意，營造到每幅牆都是打卡位。➰ 銀鰽魚柳配尊蒔蘿忌廉汁兩件銀鰽魚柳煎到好香口，夠曬外酥內嫩，配搭埋濃郁絲滑的忌廉奶油汁，食落去啖啖都好creamy。➰ Dream Wonderland 呢個甜品造型和擺盤都好靚，亦是餐廳嘅推介甜品之一，個蘑菇靚到有點唔捨得切開嚟食，磨菰外層係厚厚嘅朱古力脆，而裡面係士多啤梨乳酪同果蓉製成，整個味道酸酸甜甜，都幾好味。➰ Popcorn Latte呢杯Latte上面放咗幾粒朱古力爆谷，外型上都幾吸睛，但飲落去略嫌有啲普通，而且爆谷可能放耐咗，有點唔夠脆口。