URBAN Café Commune (形點 I) (已結業)

見到urban個餐牌有豬手食，張相都幾吸引下，就打算同我男朋友入黎食。自入門口開始，就有一位女侍應目無表情咁「招呼」我地，仲用一種唔禮貌唔客氣嘅語氣同我地講嘢。到叫餐，問佢個豬手可唔可以由薯條轉蕃薯條，佢都係用一種好強硬嘅態度講「唔可以」就算加錢都係唔可以，咁都唔緊要，食薯條都無所謂嘅。之後同佢講我地想要水牛城雞翼，佢竟然話辣架喎，我話唔緊要照要（因為我相信餐廳唔會出到地獄級辣俾啲客食）。到佢俾餐，由俾湯俾野飲到俾主菜，佢都係唔情願唔留力咁「劈」落張枱到，當下我地對尼位員工嘅嘅感覺都好差。食到最後，等左咁耐，份雞翼都係無上到枱，我地深信尼位齋聽唔駛寫簿落單嘅侍應一定係漏左單，最後，張單都真係無落到水牛城雞翼，我地亦無再落單追碟雞翼就埋單走人。「豬手跟嘅薯條，部分壓左係豬手底痴住，又散開哂望落得幾條咁，賣相麻麻，食落不過不失。另一份叫左fish and chips 配左一款橄欖醬，味道一般，個人認為如果配返白色嘅魚柳醬會好啲，不過佢地杯桃茶唔錯」*尼間餐廳嘅員工態度要好好改善，前提間餐廳仲有好多空位，相信唔係因為好忙而唔客氣咁招待，價錢完全唔值配有咁嘅服務態度同食物。

呢間嘢間中有嚟，多數星期日，兩位去、一向都係食All day breakfast呢排疫情，都唔知係咪轉哂制度，冇人做 Service,全間廳面得兩個人，公司係咪咁窮？入門口，一個掛住做送餐，一個掛住執枱，有客企門口唔知，叫嘢食All day breakfast 炒蛋轉煎蛋，佢竟然話冇🤣🤣咩事會冇煎蛋？我嚟過食係有煎蛋，今次話冇，原因係唔係早餐..all day breakfast 唔係早餐？係咩？廚房唔識煎蛋？呢個基本嘢。即係$158 一個All day breakfast,係咪應該有個合理選擇？連蛋都冇得要煎蛋？會唔會過分咗啊？咁我同佢講我對奶類產品有敏感，叫佢唔好落牛油或cream.好喇叫完嘢，唔該比啲水，服務員真係可愛，比一杯我哋兩份飲？點解咁攪笑？😒😒😒原來個All day 有湯，都講咗奶類食物敏感，個湯都有加cream,店員今次好好，見到我唔飲，佢話轉沙律比我，好味😋、但個碗係熱架！叻

第三波疫情總算回落，可以出去食返餐好既，不過就係限制左二人一桌，所以大家都要自行決定出唔出去食啦。因為九月係我既生日月，所以一定要出去慶祝一下既，最重要自己保持個人衛生就可以了。生日一定要食返一餐西餐先有代表性，所以就近近地簡左一間地理位置方便既西餐廳。我地個日訂左六點，怕多人要等位，實情就冇咩人，可以唔洗book位都得。之後我地叫左兩個餐，圖片如下:我地叫左兩個餐，所以就送左兩碗餐湯，忌廉湯加幾隻蝦，幾濃郁。All day breakfast ($138) 其實都好多野食，有腸仔、蘑菇、牛角包、蛋等等。十分豐富，而且都非常夠味，岩曬重口味既你。如果晚上唔想食太過澱粉質，呢個幾岩你做晚餐。三文魚燴飯($168) 近排知道三文魚非常有益，所以都會特意選擇返有三文魚既菜式。味道唔錯。另外見到佢地既飲品非常出色，所以都特登來試一試味。雜莓沙冰($48)酸酸甜甜，幾開胃。牛油果沙冰($48)健康之選，岩曬鍾意健康既你。呢間西餐廳不過不失，份量都幾多，而且環境舒服，岩曬朋友聚一聚。

早兩天放寛晚市就係yoho urban食晚餐。兩個人原本叫左個和牛扒同和牛包，而且兩個都加錢$25共$50做左set。食落都怪怪地，首先個和牛包係ok 嘅，到我差唔多食曬個和牛包，另一個餐先到（侍應放低咗個餐就走左聽唔到佢話係咩），個餐係有塊牛扒、一堆雜菇同係跟普通薯條（但我記得明明個和牛扒餐係有寫跟蕃茄、蕃薯條同大啡菇）咁我原本都問打算問下點解啲配菜唔同menu ，但食個個話由佢，咁我都諗住由佢，跟住同行者又話個牛扒好鞋唔好食同我個包夾個啲和牛差好多，咁唔食都食左，可以點呢。食飽係我地衰冇睇清楚就埋左單走左。但我就愈諗愈唔抵返左去問點解個餐冇跟大啡菇同蕃薯條（話曬個大啡菇同蕃薯條都值翻幾個錢），原來落錯左單、出左安格斯牛扒餐，我再問咁呢個餐唔係係包湯同飲品嘅咩，佢先退翻加錢個$25比我地，咁我都冇為意，但我翻到屋企發現都係唔啱數，佢冇退翻加一個$2.5比我地。冇錯$2.5 都呃，我冇發現就呃廿幾三十，發現左都退唔足。可能你地會覺得$2.5由佢，但係呢個呃下另一個又呃下就好多。垃圾餐廳，以後唔再食！

約朋友食早餐，好少聽尼？鐘情早起床嘅我，係會的。因為一日之計在於晨，唔好浪費自己時間向張床到呀🤣🤣🤣🤣要等位，都等左廿幾分鐘。但都趕到早餐，因我真的專登黎食早餐架😅枱與枱之間位置ok, 唔太迫早餐唔多款，但有我想要食就夠，煎雙蛋，香煎雞扒，仲要有杯醒神咖啡。最最最正係個牛角飽，外套趣架，又有咬口人食早餐，我食早餐，除左係因為需要飽飽肚去生存，仲要係為了獎勵自己有好好的生活。所以早餐係緊要嘅整體ok ge, 服務又ok 咁。

Yoho入面有唔同食西餐嘅餐廳已今日就試吓呢間urban Cafe. 今日就叫左三個main同一個side, 分別係經典肉醬寬扁面、Urban 慢烤肥雞、A4和牛肉眼扒同一份炸洋蔥圈！佢嘅份量都算多已經足夠四個人食，而且如果堂食嘅話佢薯條係無限供應😋佢個雞同牛扒煮得幾好，雞食落肉質嫩滑唔會好乾身，至於個牛又唔會太熟亦都相當重牛味，個寬闊面呢就一般般啦正常水平，而個炸洋蔥圈個人覺得就唔錯大家一定要試下！唯一美中不足係因為我嗌外賣返屋企，d嘢食有少少凍咗而且個炸洋蔥圈冇想像中咁趣，我估如果堂食會仲好味。值得一提嘅係如果大家諗住叫個烤雞，最好盡早話因為都有少少慢😅總結食物質素唔錯唯獨價錢就略嫌小小貴不過都可以一試

小編到貴餐廳用膳，覺得食物質素一般，稱不上十分出色，點了蕃茄芝士焗豬扒飯，味道有點酸，可能未必滿足本人口味。唯欣賞的是套餐包的龍蝦湯和飲品凍桃茶，味道很好，故希望貴餐廳可在主食方面改善一下食物質素。論服務質素方面，員工招呼方面一般，欠缺笑容和招呼，可能基於人手不足，令全間餐廳每位侍應臉上一點笑容也沒有，而且在出面門口等很耐時間才有人招呼，安排帶位入座，到點餐時又係要等一陣先有人回應，最後埋單收錢時也慢條斯理，等了很耐才有人找錢給我，故服務效率有待改善。如貴餐廳能改善一下食物和服務質素，相信本人下次也會來這裏用膳，享受悠閒、舒適的一餐。

今天想要吃個簡單的午餐到，於是來到了這家Urban，發現環境很有格調，食物也讓人喜出望外！點了Lunch Set 挪威三文魚意粉 及 煲仔番茄豬扒意大利飯，先來了一個蕃茄湯，還有冰桃茶。番茄湯是用新鮮的番茄打出來了，有蕃茄粒，很實在。冰桃茶是稠稠的有桃味。挪威三文魚意粉有着濃濃的忌廉很rich，意大利粉中加了煙三文魚，好吃！煲仔番茄豬扒意大利飯，濃濃的cheese加上番茄，豬排很軟，飯也沒有一般的意大利飯來的硬，味道也很不錯！

如果以2tea sets，第二份半價來講都OK抵食。不過佢嘅下午茶真係冇乜野好揀！相比起午餐，佢嘅下午茶對我來講唔係咁吸引。我哋兩個人叫咗一個雞肉沙律牛角包配薯條同cake set。雞肉沙律牛角包，牛角包係凍嘅，牛油味好香，不過唔係好鬆軟。雞肉沙律味道不錯，沙律嘅醬味道配得啱啱好，而且份量都多。薯條都係好食，熱辣辣，有外脆內淋🤪是日Cake係cheesecake(冇影相)，好麻麻，太過甜，又過硬！以前食過佢哋啲蛋糕好好食㗎，今次差咗啲！

在Yoho行走選今晚和朋友的晚餐， 因為痠情關係， 有點擔心出外食飯。遊走幾間餐廳， 最後來這間urban。驚喜的， 入門口量溫度和噴消毒劑， 更驚喜是每張枱都準備信封比客人除口罩後袋住。講到食物， 叫左三個主食 加了錢變有湯， 飲品和甜品（cake任選)。最特別是春雞薯條可以無限加薯條， 每一次加， 薯條都是新鮮炸出, 熱騰騰。yummy。三文魚咖哩濶條麵， 特別啊！ 放左一陣先食， 但還是熱熱的。 湯是龍蝦湯加蕃茄條。 唔太濃， 好飲。最後是甜品了， 最期待。 唔太甜， 好有口感。唔多cream.飲品， 蜜桃茶好味啊！但coffee就不是即磨了。特別多謝一位靚靚小姐（雖然只看到眼睛）， 每次攞食物都特別仔細介紹， 招呼有禮。 因早收， 還不段講唔好意。 👍👍

放假嘆早餐依度好，有我最愛的牛肉包香煎雞扒．煎雙蛋．牛角酥先講牛角包烘到金黃色層次分明，外層酥脆內層鬆軟，滲透出淡淡牛油香。雞扒多肉汁，煎得不太老，蛋亦很嫩滑。煙三文魚炒蛋．牛角包味道整體唔錯，加上餐廳坐得舒適，以後早餐又多一個好去處。

位置便利，特別推介千層麵～好好味😋另外值得一提的是服務好好～雖然佢哋有d忙，而且可能呢段時間較靜埸⋯⋯啤酒買一送一冇限時間～最啱同朋友食飯傾計～氣氛輕鬆丶冇壓力！

地點方便 地方舒適 適合同朋有聊天食物質素不錯 價錢不算太貴上餐都好快！當日中午去 不算太多人⋯叫左三個餐 龍蝦湯 好好飲 沙律菜好新鮮 都算大碟仲叫左個三文魚麵 個麵好好味個汁好食過出面其他好多個包好足料 好香口 薯條都係好食整體唔錯！有下次👍🏻

呢日放假早左起身就搵地方食早餐，商場大部分商店未開，但見呢間cafe開左就入去試下。早餐餐牌選擇唔多，都係雞扒煎蛋個啲大路野。煎蛋係煎雙蛋都煎得幾靚，雞扒比平時快餐店食嘅大塊，都有大一半。 煎得勁開，塊皮都幾脆，唔會鹹都幾好味。另外就係配番urban最主打嘅牛角包，牛角包🥐好香口，好酥脆，唔會硬！咬落去每一啖都係脆口嘅，香牛油味。另外跟餐可以揀桃茶或者咖啡奶茶。桃茶偏甜，但好香桃味，另外加水溝番淡少少會更加好！但呢個價錢，會寧願走番去普通快餐店用平啲嘅價錢食一樣嘅野😂😂😂

今日個個小朋友都返學，媽媽們就緊係見下面喇，我叫左個煙三文魚炒蛋，份量一般，大食既未必夠，牛角包好味，香脆，桃茶好飲，除左茶仲加左桃汁，夠曬香濃，而且環境舒服，適合傾計既好地方