V.W Vegan Cafe (已結業)

第一次去試新店大埔有素食餐廳，好開心🥳我也是素食支持者。 店內坐位不多，裝修是自然文青風格👍🏻✨叫了一份全日早餐，賣相都好一般，有改善地方。包括以下食材：蕃茄、蘑菇、茄汁豆、薯餅、果醬面包、炒蛋、未來香腸（素腸）素腸是肉的代替品，食得健康對客人都是好，大埔有多個素食選擇。 咖啡☕️ 好飲！ 賣相精美以下有些改善地方： 1. 所有食材沒有味道，應該沒有落調味、鹽。 你可以說是很健康，但的確是無味道。 2. 所有食材都不夠熱，全部是凍的，希望下次有改善。3. 上菜時間比較耐，我不介意等候，不趕時間。但趕時間的客人，就要留意呀！ 4. 菜單上有些菜式，改了特別的名字，但睇唔明是什麼。應該要有文字說明有什麼食材，讓客人明白。 價格： 早餐加咖啡 $125 對大埔居民來說，會有點偏貴。 店員很環保，支持環保，新店加油！

作為大埔居民咁多年，市內都無出現一間可以慢慢坐底同朋友傾計放鬆既cafe。最近俾我發現終於出現左係寶湖！😮竟然仲要係純素架！店內佈置充滿大自然感覺，用左大量木製品同乾花裝飾💐🌾，影相打卡簡直一流。menu同傳統素食唔同🥦🥕🥬，不乏有素肉既選擇，而且午餐餐牌日日都會轉，除左有西式都有中式既選擇，仲有每日特選既手製蛋糕🍰。今次我就揀左有星星推介既芝士魔魔餃子🥟🧀，同夏日最岩既芒果沙冰🥭。店員話餃子係佢地用素肉同其他材料自己包，唔同一般現貨素餃。餃子用左日式既煎法，有脆脆既網底，睇落去粒粒都咁飽滿，食落去芝士味好香，素肉口感好神似，好似食緊真既肉咁🍖。另外，問店員拎左個自家製辣汁🌶（本身菜餃類先會附上），帶啲泰式風味，酸酸辣辣好開胃，但同本身濃味既芝士餃又真係唔係咁夾，但好值得一試✅。重要既事要講好多次！芒果沙冰真係好好飲😋！本來以為cafe都係以咖啡、Latte為重點，估唔到又咁有驚喜！比好多泰國菜餐廳更加優勝，🥭芒果味超香濃，入口好滑好涼透心，唔似平時啲鞋口沙冰，鐘意芒果既朋友記得要試。總括而言，我一定會再返黎。但盡量避免午飯時間，因為超多人等阿。😖

早兩日見到網上有人介紹我大埔有一間素食，好似唔錯，我食咗個漢堡包同埋肉丸意粉我覺得有驚喜，因為佢個素牛肉係有肉味，咬落個質感好似真牛肉同有肉汁，至於肉丸意粉嗰個茄汁都唔錯。我見佢舖頭有甜品，但係今次食唔晒所以冇叫到甜品。下次會試埋佢個甜品再寫評價

大埔除咗美心美人魚咖啡店終於有間咖啡小店可以chill吓！佢哋係一間素食咖啡店所有食物同飲品都選用素嘅食材連雞蛋同牛油都唔會用適合唔同嘅人士進食❤️.今次試咗佢哋嘅signature bagel with avocado🥑($68)感覺非常清新 bagel烘得啱啱好 Avocado嘅成熟程度亦啱啱好好驚喜佢哋唔係用原片牛油果反而將牛油果肉整成cream之後再加少少鹽做調味連埋bagel一齊食口感冇得頂👍🏻.飲品方面 今次試咗佢哋嘅Matcha Latte ($48)同Flat White ($45)因為佢哋係一間vegan餐廳所以唔會用任何牛奶你可以選擇豆奶或者燕麥奶水準唔錯 特別係matcha味道非常濃郁 有別普通green tea latte.整體來講餐廳環境舒適 開放時間亦比其他咖啡小店長開喺大埔一個咁缺咖啡店嘅地方真係一個明智選擇👍🏻😆📍 V.W Vegan Cafe (大埔)大埔寶湖道3號寶湖花園商場2樓227F-06號舖

星期日想食個下午茶，諗起寶湖商場新開左間咖啡店 就即刻黎試下，下午茶時間唔算人多，有位 唔洗等 order左tea set , 牛油果toast + Ice latte 。最近好鐘意牛油果，而呢個toast亦都十分清新～ Good! 咖啡好飲 店員又nice , 好有禮貌，戴住口罩都feel到有笑容。細問之下原來咖啡豆係本地小店出品，豆都係香港炒既～ 當然要支持下香港出品，可惜錯過左Lunch time 試唔到日式mama ，唯有下次再黎試

呢間新開嘅V.W. Cafe開喺大埔一個舊式商場裏面，但係可能佢開喺個比較靜嘅角落，而且有大量自然光，店內陳設走田園風，俾人有一種遠離繁囂嘅感覺🌱🍱 Japanese mama 哦卡生日式便當 $98日式便當有腐皮·炸豆腐·秋葵，漬牛蒡，麵豉湯，芝士新豬肉餅，同豆乳奇亞籽杯～腐皮好滑，新豬內餅加咗daiya cheese，幾有新鮮感，整體味道唔會過濃，果然好お母さん，好有家嘅味道🍔 The Impossible burger with chips 不可能漢堡 $128不可能漢堡味道唔錯，但較為乾身，配菜係好粗嘅薯條，呢種薯條出邊好少見，口感幾好🧉Iced latte咖啡用咗危地馬拉豆，香醇帶酸🍵Hojicha latte焙茶味幾香，夾埋minor figures oat milk，味道唔錯後尾有機會同店主傾計，原來店入面嘅咖啡係用fair trade嘅豆，而燕麥奶嘅牌子亦細心揀過(你懂的)~欣賞店主嘅堅持P.S.我哋去見到店入面仲未開燈，好在店主都俾我哋入去，仲同我哋講佢哋今日先正式開張，就係咁我哋就有幸成為佢哋第一個客人喇🥰