Velo Italian Bar & Grill

營業中

休息中

生日點餐，選上book mark 已久的餐廳，午飯時段，早食早享受，果然係食得舒服。半自助好處係在可控制的範圍內食得多，海鮮及牛扒羊架都係值回票價的，沙律菜也十分新鮮，甜品更是亮點，特別係蘋果mouse pie. 有蘋果片，又有mouse, 口感豐富。主菜點了煎三文魚，皮脆肉嫩。如果餐牌冇更改，大家一定要試。整餐飯算唔錯，唯一係服務態度差，生日有生日蛋糕碟，友人問侍應，於訂枱時未有著名壽星名字，侍應望回答”咪寫Happy Birthday 囉”, 真係打攪哂，所以生日的話，可以唔駛去呢間餐廳！

食物大致上ok, 除甜品一向好一般外，長腳蟹，燒牛肉好食，沙律菜新鮮，尖沙咀而家好少有semi-buffet, 但服務有待改善，服務員沒有笑容，說話木冇表情，比人感覺有啲不耐煩，之前去過幾次，有兩個男服務員都好好，好nice, 跟今次去差很遠，可能係減了價，服務冇了。

小編今日來到尖沙咀一間意大利餐廳「Velo Italian Bar & Grill」🥂主打正宗牛扒、手工製作意粉、海鮮等意大利料理，餐廳裝修以精緻小酒館為設計，木色牆身和天花加上沙發座椅🇮🇹 環境夠舒適，適合與朋友輕鬆chill下或情侶浪漫聚會☺️「和牛斧頭扒 Bistrcca do Wagyu Tomahawk」🐮 上枱視覺效果澎湃🔥 重1.2公斤的斧頭扒經慢煮數小時再以煎封及烤焗烹調而成，煎至外香內嫩，牛肉中心呈嫩粉紅色，散發出陣陣牛肉香🙌🏻 滲雜了牛脂風味，極級豐盈口感，肉質軟嫩，配菜包括焗馬鈴薯及菠菜，蘸上紅酒煮成的燒汁🍷 份量適合4-5人分享，提前一日預訂，與親朋好友吃分享美食✨「波士頓龍蝦蕃茄意粉」以龍蝦汁、蕃茄醬、香草、蒜蓉等製成的醬汁香濃🧄🌿 帶少辣更惹味🌶️ 烤焗波士頓龍蝦爽口鮮甜，加上新鮮即製手工意粉，令麵身更為彈牙，蛋香味較為突出，而且更易掛汁，必食之選👍🏼「香草焗春雞」🐔 春雞以煎封方法鎖住肉汁，切開時候肉汁流出，香脆雞皮和嫩滑雞肉味道層次豐富，散發出淡淡香烤風味，加上檸檬汁減低油膩感，配上焗馬鈴薯和燒汁🥔 味道一流🧡「慢煮西班牙八爪魚」🐙 原條慢煮八爪魚觸鬚口感軟

我們於7/2在K11 Musea, 看到Velo 下午茶時間由3-6pm。我們大約於4:15到達餐廳，坐到5:30左右，有侍應叫我們結賬，查詢後，侍應才告訴我們下午茶有限時，她說我們最遲可於5:45pm 離開，我們說餐廳在我們入座時沒有提及，我們再問可否坐至6pm, 再有一位較高級的女職員，她用機械式的態度重申餐廳有限時規定，最後我們只好離開。不滿的是餐廳沒有事先通知客人，而該女職員態度惡劣。不明當時餐廳內只有一兩枱客人，我們只要求多留15分鐘也被狠狠的拒絕，這餐廳收費一點也不便宜，加上食物質素不佳。

啊噢！就嚟到我啦～ 今次我去咗間話說好出名嘅餐廳，內心小小期待又怕失望。不過，啱啱坐定，眼前就逐樣逐件嘅食物震撼住我啲味蕾。🍽實不相瞞，我對佢嘅Baked Lobster with Cheese 嗌到停唔到口，個龍蝦肉鮮甜，同埋係啱啱好嘅火候熟成，芝士焗得金黃色，香濃得黎唔會覆蓋咗海鮮嘅鮮味。緊跟住嘅係 Seafood Paella，啲飯粒吸滿咗海鮮嘅湯汁，每啖都係香味滿溢。呢個環節最勁就係Peking Duck，皮脆肉嫩，加上甜嘅海鮮醬，真係滋味之至！啲鴨皮同臘味扣肉包爆炸脆，內裏啲肉多汁，啖啖肉嘅感覺真喺正！咖啡肉骨茶咋，稱得上係濃郁中帶點苦澀，巧妙平衡咗啲肉嘅油膩，令人回味無窮。至於個Dessert，啲Mango Sago 入口即溶，香甜過癮。🍮跟住嚟嘅服務質素仲要稱得上係得意！整體黎講，呢度嘅食物質素、環境同服務都算係頂尖，下次有機會，我定必再嚟捧場！希望下次再去，呢間餐廳嘅美味可以延續到永遠啦！👏👏👏

今晚同靚靚表姐慶祝生日，幾日前在 openrice買了 $498的1人半自助餐券2張， 自助餐有沙律吧，海鮮吧及甜品吧，又包前菜主菜及餐飲， 價錢又包了加一服務費，感覺好低服務好貼心，之前訂位時要求座的窗口位及寫生日祝福語都一一做到 我們share食物時，侍應看到還主動幫忙分菜，又主動幫忙影相，而且 收碟又快，大部份侍應服務態度都好好自助餐有：沙律吧有各款ham，沙律菜，菇類等等，每款都好好食而且沙律菜夠新鮮食落爽脆清甜 海鮮吧有凍蝦，翡翠螺(大隻啖啖肉)，長腳蟹，青口，蜆。 每款海鮮都鮮甜肥美 是日餐湯羅宋湯夠足料，味道酸酸甜甜，開胃 麵包鬆軟但又有口感，還可以配意式醋食 。 手切牛肉， 但每人只可以拎一次! 不過我不太慣食比較生的牛肉。 甜品吧有朱古力噴泉，各種水果及蛋糕。蛋糕賣相吸引味道不會一味死甜，吃完不會太膩，不錯套餐有：前菜二選一， 我們揀了每款一樣。 意式煙肉帶子卷 ~ 煙肉包住大粒帶子，煎得好香，煙肉味道好出，將帶子提升到另一個層次 ，好好食意大利紅蝦他他 ~ 紅蝦細細隻但食落蝦味好香主菜八選二， 其中有五款要另外加錢。 香辣波士頓龍蝦扁意粉(+$98) ~ 扁意粉口感

晚餐有semi-buffet不過當日見唔係好岩食 所以單叫Velo Musea限定薄餅 ($238)Five cheese pizza 超薄底都幾多芝士 上面有啲好似薯片咁嘅嘢唔係話特別好食 但係都唔難飯普通Pizza 呢個質素嚟講價錢偏貴蒜香蟹肉意粉 ($268)份量唔多 但係個意粉口感幾好蒜味就唔係好有 反而有啲蕃茄味蟹肉都係好少吊下味咁 一般撒丁島式焗海鱸魚 ($378)都煎得幾香 不過都係份量偏少下面有啲薯蓉薦底 都幾好食整體食物質素正常 fine dining預左唔會好飽😂

一直都考慮緊要唔要試下Semi Buffet，始终諗住慶生日，而且呢個價錢仍有好多選擇，雖然有長腳蟹，但我冇機會拎到及嘗試到， 因為有一家人坐正喺個海鮮區附近，一出就畀佢哋攞曬，行了俩次出去都仲係度食緊😳😳如果可以係送上就好了，蝦食到新鮮不過有些過熟😅調配好嘅沙津新鲜好好食，外面可以拎嘅牛同羊都剛剛好，唔會過生或過熟，食落好嫩滑😋😋😋主菜叫了Pizza 同魚，Pizza 正常發揮，不過魚就唔係好啱我口味了，唯一令我好 驚喜嘅就係佢出面嘅香芋揶子蛋糕，真係超好味， 因為係慶祝生日所以餐廳都有甜品送同埋寫生日牌， 但其實佢都係喺出面甜品區取。。。 如果我知道個香芋蛋糕咁好食我會要求用椰子香芋蛋糕加生日字牌😄😄😄 員工都好有禮貌，可惜餐廳人手唔係好足夠， 要示意好多次先至會有人回應。。 因為只係二人用餐， 所以安排嘅座位同隔離檯好近就冇乜私隱。。 其實整體上唔錯的 ，下次會自已來食😄

家人選了這間餐廳，與我慶祝生日。這個是半自助餐的晚餐，頭盤有沙律、煙三文魚、Parma Ham、吞拿魚、以及沙律配菜。煙三文魚與parma ham也不錯，沙律菜都好新鮮。海鮮有長腳蟹、青口、蜆、蝦..等等呢個海鮮真係好正，長腳蟹先幫你打開少少等你唔使整得咁辛苦。而且所有海鮮都好新鮮，你唔會有一種覺得佢好霉嘅感覺。也有烤牛肉同埋烤羊肉…整得比較熟。甜品方面呢我覺得佢都唔差嘅。主菜啦，佢有Pizza，意粉，rissoto等等佢啲Pizza好薄亦都好多cheese所以覺得都唔差。總括而言，呢間餐廳真係可以一試再試。

We purchased the deluxe dinner set on openrice for $880 a person which features wagyu steak. After the dinner, we found that the food is worth this price at all. First, when we are seated, the waiter asked us to have still or sparkling water without mentioning it costed $86. Since we full paid eveything on openrice, they should have clarified it if it required extra costs. The drink menu they gave me did not show the price of water. I only knew about it when I asked the waiter after the meal

小弟於9月一個週末預訂了Velo semi-buffet dinner慶祝屋企人生日。6點入座，坐位舒適，燈光略暗。點完主菜後就出去自助餐區攞野食，有大量健康及高蛋白質前菜 (包括生蠔) ，適合健身/瘦身之人。主食份量適中，比以前細份左。細份左係好事，因為以前食過Velo，大大份主菜，但事實上食完前菜都無咩位食主菜，搞到浪費😅甜品幾多朱古力類別選擇，濃郁朱古力味！另外入座時同店員講左有人生日，店舖都安排左一碟簡單，寫左字既慶祝甜品。下次會再黎😊

琴日去咗K11 Musea食半自助晚餐環境一流…枱同枱之間亦都有適當嘅距離一班朋友傾吓偈、飲下酒食吓嘢一定係一個唔錯嘅選擇自助區款式、種類超多…有好多冷盤沙律..Parma Ham😍又有海鮮…有蠔、蝦、蜆、青口等等又有湯飲…仲要係龍蝦湯啊仲有烤羊肉同烤牛肉當然甜品區都唔少得啦但係我哋都有照叫到一個前菜就係香煎西班牙八爪魚配檸檬酸瓜柳汁完整一條上係好值得打卡😂😂口感非常之爽…表面燒得好香絕對唔會太”un”配上檸檬汁…亦都十分開胃跟住我哋每人一碗黑松露野菌湯眼見已經見到非常之濃郁表面有一層泡泡…同埋有啲黑松露片味道係超級濃…所以真係非常之足料今次照舊叫咗白酒蒜香大蜆扁意粉亦都係我係Velo Top 3鍾意食嘅照舊都係放得好整齊….仲叫咗波士頓龍蝦蕃茄意粉係連殼嘅波士頓龍蝦放上意粉上面個個都即刻攞手機出嚟影低🤪🤪意粉入面都仲有龍蝦肉㗎兩款意大利粉煙靭到啱啱好順帶一提..真係想私心推介一下有個叫做Five Cheese Pizza真係好好食😂😂😂同埋佢哋嘅煎鵝肝…不過咁啱今日已經冇晒😭😭下次要再叫😝亦都覺得好適合生日、周年慶祝或者聖誕節呢我覺得係更加有氣氛🥰

幾個月前來食過一次海鮮拼盤質素好差，今次半自助餐感覺良好， 冷盤沙律質素幾好，芝士火腿有多種選擇， 好適合開翻支紅酒！ 海鮮區有蟹腳，青口， 海虾新鮮啲更好，服務態度亦唔錯！ 餐廳環境氣氛非常 寧靜，愉快！

自助的食物水準好一般，選擇款式好少，而且服務的態度都非常一般！我哋用餐到九點後，明明都有好多空檯，外面又無人等位，但服務生就不斷催我哋埋單走人，完全無法理解！想跟朋友傾一下計，但不停被人催的感覺，就真係有種高級的裝修，但只係一個貴價的茶餐廳服務水準！

途經Velo Italian Bar & Grill，看到這裏漂亮的裝潢，就想吃一下這裏的半自助餐，於是就前去光顧，去店門前的櫃枱服務員帶位，坐了座位後就點了半自助餐包括在內的飲品和主菜，這次點了凍檸檬茶和香煎比目魚，點了菜後就出去自助餐枱取食物，食物有海鮮，例如有鮮蝦，蜆，蟹腳，青口，海鮮杯，熟食有烤牛肉，烤羊肉，甜品有各式各樣的糕點，朱古力噴泉和水果，配料桌上也有很多配料，可以用來配搭燒牛肉和燒羊肉，還有煙肉可以取得，食物款式貴精不貴多，但全都好吃，就這樣來來回回地取這些食物來吃，鮮蝦夠鮮甜彈牙，蜆夠大粒身厚鮮甜，青口也夠肥大鮮甜，海鮮杯是蒜蓉焗八爪魚，全都很新鮮好吃，燒牛肉夠多汁燒得很香口，軟韌適中很好吃，甜品的糕點賣相精緻好吃，水準和文華快船廊差不多，吃了一會主菜香煎比目魚到了，比目魚煎得很香口和有魚的鮮味很好吃，店內環境裝潢雅緻，坐位夠寬鬆和舒適好坐，冷氣夠涼，服務員的態度也很好，下次再來光臨