Velo Italian Bar & Grill

營業中

休息中

K11 Musea商場高級程度唔洗多講用藝術角度去睇室內外設計 連餐廳店舖全部都選擇過今次就試下呢間Velo Italian Bar & Grill 佢好聰明地將自助海鮮放喺門口位置😆人哋未入到去都已經睇到有咩海鮮可以食但我就覺得佢哋嘅前菜同甜品先至係精華全部你諗到嘅意大利前菜都有包括ratatouille🤤同埋水牛芝士蕃茄 Parma Ham Cous cous 識食嘅人食佢哋嘅前菜同海鮮就已經可以回本👌🏽但係要講埋佢哋嘅甜品全部都極度高質 每個份量精緻小巧 可以試晒所有食得出佢哋嘅朱古力用料唔係平價朱古力主菜咁樣比起上嚟就稍為失色 😓雖然魚肉夠嫩滑 但係因為前菜同甜品都太出色 所以有比較有對比 😬呢個價錢食到咁高質嘅午市自助餐一定回本🫰🏼另外要一讚服務員收碟速度極快加水亦都照顧無微不至環境乾淨唔會太嘈

7月24日星期日 行開K11 就去咗食 ，終於可以試到這間意大利餐廳，每位五百幾蚊晚上， 如加任飲紅白酒 香檳 及 氣酒 只多200元 就可以，講起任食啲燒牛肉和羊肶 ，燒牛肉就好硬，羊肶都硬 但可食到，其它配料任食沙律好好味，長腳蟹可以，蠔細隻咗少少但唔錯以下是三人主菜 主菜 三文魚朳煎得好味… 主菜通粉就麻麻哋不太好食… 主菜薄餅好好味12吋，三款酒類每位加多200元都可以，另有有朱古力噴泉，甜品不太甜，員工好有禮貌，收碟又快……正 這些個人意見 唔食唔知

星期六約朋友尖沙咀下午茶，心想只預早一星期訂應該冇乜好選擇，果然sort完只剩2間，Velo係其一，參考過食評、提供嘅買二送一優惠、餐廳位置地段，諗緊都係伏嘅多，幸好朋友話值得一搏前一日有sms confirm ，用餐時間同OpenRice 寫嘅有出入，溝通後確定訂位⋯到場見餐廳觀感幾好呀，冇人講嘅擺位太密、燈光太暗，侍應態度亦可以呀，正正常常有禮貌的食物呢，選擇唔算好多，3點半先食第一餐太餓了，食到最後先記得影相記憶中有餐湯餐包、沙律🥗冷盤大概十幾款（好食！沙律菜新鮮，意式冷盤材料十足）、熱咸點比較弱好似只有春卷、幾款酥餅（春卷好食），甜品有cut cake(兩三款併成一個whole cake)質感味道都幾好，五六款迷你 cut cake，四五款杯裝迷你甜品，生果、朱古力噴泉（呢個太稀唔得）⋯ 原先以為下午茶主打甜品，見真身得咁少有啲啲失望，但原來貴精不貴多，雖然冇試哂全部但基本上8成食過的都好食，甜度適中，又有質感有真味，朋友都話嘩你點搵到呢間㗎最後餐飲叫了咖啡☕️都係香濃好味呢個價錢今次真賺了唯一美中不足嘅係用餐時間，不是OpenRice post嘅 3:00-5:30，而係3:3

好友生日慶祝，吃意大利菜最安全。選址Velo，座落於K11 Musea，吃飽還可以出去行海傍。雖然Velo以半自助餐聞名，晚間可選$468的半自助晚餐，但朋友不好海鮮，所以 à la carte點餐。蟹肉牛油果沙律 (💰$188) 蟹肉牛油果比例為 6:4，蟹肉厚實，份量足料。一匙一口，上層絲絲蟹肉，下層軟滑牛油果。檸檬醋開胃提鮮，可平衡兩者口感，好吃。視覺上，以砌疊的方式擺盤，精緻高級。黑松露野菌湯 (💰$138) 蘑菇湯以杯承載，感覺像cappuccino一樣。表面有一層泡沫，再加上新鮮黑松露片，賣相非常討好。湊近已聞到香氣十分濃郁，細味一口，口腔充滿菌味。口感濃郁，材料十足，容量比一般蘑菇湯份量大。溫度亦比一般湯熱，非常欣賞這細節。US Prime Ribeye 350g (💰$368) 炭燒風味十足，肉眼熟度準確，伴菜有新薯和菠菜。吃美國牛，當然是吃牛味，正常發揮。炒蘑菇 (💰$68) 蘑菇調味充足，份量蠻多，配牛排一流。香蒜海膽意粉 (💰$268)這道意粉非常濃味，海膽貫穿整個醬汁，還有表面鋪上的一塊海膽。Pasta沒有其他豐富的材料，所有的味道只來自：蒜跟海膽，所以稍嫌單調

Book 咗位，所以唔使等，裝修似酒吧，燈光有啲暗(其實成個商場都好暗)😅，所以感覺有啲眼瞓，冷氣好大，6月著上長袖衫都覺得凍，檯有啲細，點咗兩款食物差啲擺唔落雪櫃放用餐區，打開會發岀Vivi 聲，感覺有啲騷擾， 唔舒服😓黑松露pizza 共八件，大量菜同芝士，Pizza 焗得幾好，個邊好脆😆。燒海鮮併盤 HKD488有蝦，蜆，青口…..用料一般，唔特別新鮮，小龍蝦無乜肉，啲刺無磨平，會刮倒手，無主動提供工具食鉗😓，帶子大隻， 燒得香口。

Velo位於K11 Musea，有做半自助餐同埋單點。我去過兩次，一次食下午茶三層架，另一次食單點嘅晚餐。三層架賣相精美，味道唔錯，甜品唔會過甜，配上飲品，HK$388兩位，定價合理，上klook預先買定現金券，仲有得平啲。我哋入座嘅時候，見到侍應就咁倒走喺餐墊上面嘅食物碎，就俾我哋用，感覺唔係太良好，但係除此之外，所有嘢都OK。單點嘅晚餐樣樣嘢都幾好，特別推薦蟹肉牛油果沙律(第四張圖)同埋松露和牛薄片配火箭菜沙律(第五張圖)。第六張圖你以為係cappuccino？其實係黑松露野菌湯！有驚喜😝💰: HK$388 for 2 (Afternoon Tea)💰: HK$500 pp (Dinner)💝: 8/10

去K11 Musea睇戲，快快係附近食個晚飯～ 呢間個環境都唔錯，見係openrice推介就去試下～前菜，包質感有點硬🤨 醬醋食都ok~波士頓龍蝦香辣蕃茄意粉色水幾靚，不過份量有d 少，都真係食環境為主。濃味重龍蝦，多肉唔錯👍🏻 D意粉都整得幾入味👍🏻他他小牛肉比我想像中無咁濃味，牛肉味還是新鮮的，醬汁可以調得再入味點會好點～意式紅蝦鵝肝Risotto juicy, 打卡一流，鵝肝好好味🥰 個汁濃👍🏻👍🏻 好食，不過價錢上有點高🙆🏻‍♀️🙆🏻‍♀️🙆🏻‍♀️

這是一個很特別的食評因為還未進入餐廳已經比果班冇禮貌既職員邀走左...當日是book了lunch buffet入場時我們展示早前購買的coupon職員說這些coupon不適用我們解釋買coupon 之前已經致電Velo問清楚才買職員說：- 冇可能！當時你同邊個staff電話對話?我哋唔會咁講㗎喎！(當然,我們又怎會知道那位接電話既staff叫乜名呢！)那職員再一次講：- 餐廳員工上下也冇可能告訴你可以用這coupon既！他再加一句：- 而家你冇証冇據！呢啲就是服務態度了...一怒之下,不吃了.走...

Good service冇得彈Buffet食物可以都夠新鮮，但主菜完全唔得-太一般！用Beans比較易比較，4個主菜都比Beans差一截。作為buffet hater，諗住semi buffet會好d點知都好失望。

食物質素還可以，不過唔俾打包食淨嘅main course 我覺得太浪費。。。有無諗過咁樣浪費食物係非常不要得，希望呢間餐廳可以改善。。。都唔講其實個main course 我係俾咗錢。。。我去cova 食semi buffet, main course 食唔晒都可以打包，點解呢間就唔得？細食嘅人諗清楚去唔去，以免間接浪費食物

即日訂位都有位，唔算好full , 之前試過Lunch Semi Buffet 都唔錯，試下佢個Dinner Semi Buffet Salad bar 好豐富，好多款菜揀。另外海鮮有長腳蟹、生蠔、蝦、青口。長腳蟹一般，味道偏咸，生蠔細隻左啲，但幾新鮮。燒牛肉好生，我唔太喜歡食咁生。甜品選擇唔多，味道ok。主菜叫左豬鞍，好淋好好食，整體尚算可以。

第一次寫食評,因為幫襯完覺得太令人失望,所以不吐不快,要讓其他搵食嘅朋友參考吓。揀呢間位於K11 Musea嘅餐廳,係期望環境舒適寛敞,服務周到,食物高質,$398加一,當然希望符合期望。但事實令我們一行三人大失所望首先係座位比較迫,檯與檯之間很近,隔離講緊咩都聽到,由於半自助餐嘅關係,沙律,海鮮冷盤和甜品都要出去拎,進食時總是不停有人行來行去,感覺頗吵鬧,尤如去中式酒樓般嘈雜。服務員收碟都算快,可是叫人加水和拿餐具就叫了多次才取得。食物方面,海鮮只有4種:蜆,蝦,螺和青口,質素好普通,唔係好大隻,好在算新鮮嘅。有燒牛肉,都OK嘅唔韌。沙律算多款,都好新鮮。主菜有8款,不過得三款無需加錢。我地三個人就揀咗唔加錢嘅三款:牛肝菌肉腸燴飯香煎紅鯛魚配黃椒醬瑪格麗塔薄餅甜品就有點小家,切餅開頭係藍莓芝士餅,我地食完主菜先拎甜品,所以想拎時已冇晒,之後換上一款唔知係咩嘅cream cake ,我地冇興趣就再等下一款出,之後係有oreo嘅蛋糕,都OK 嘅,唔會太甜。其他甜品都係細細件/杯,但其中有些如焦糖燉蛋,tiramisu等,每次出三四個,我行了三次先至拎到。個餐包一杯咖啡或茶,想點 moch

公司大秘書召集當然要搵返間咁上下的餐廳先配得上佢身份於是在友人介紹下去了這間餐廳品嚐意大利菜的半自助晚餐在餐廳門口先被這個甜品櫃吸引住不過這是自費項目真正用餐的甜品是這些看似只佔一小角但他們會將不同款拼在一起所以款式不少而我食到最後已經好滿足所以只能挑兩三件試一開始用餐我當然唔放過海鮮四款海鮮我全部都有試樣樣都好鮮甜全枱無人有吃到任何一件有霉肉的情況而且他們補充得很快大秘書話第二轉拎到的蟹腳比第一轉的還要好吃前菜選擇都唔少燒茄子一向是我杯茶蕃茄芝士夠清新三文魚又唔會太濃味食多兩轉都可以另外仲有燒春雞同燒西冷牛扒為免食唔落主菜，我揀了牛來試牛扒燒得粉嫩肉汁豐富好想當成主菜一食再食不過係唔可以忘記主菜＿黑松露風乾豬面頰手捲意粉夠香香烤南瓜蘑菇芝士意式燴飯夠甜香焗藜麥三文魚夠嫩瑪格麗塔薄餅夠脆每碟都吃光光

又唔係唔好味 d嘢食一般般。唔係唔好味 不過係K11食未食之前會expect好味d。牛角酥 係一個好普通ge牛角酥 無咩龍蝦味。carb cake食落ok ge, 不過唔睇返menu唔會覺得出現過。煙三文魚卷個個都係,, 唔睇menu唔會知佢出現過。巴哈馬火腿蜜瓜多士同鴨肝多士個2塊多士,, 唔係脆 係硬 le個麻麻地。本身中意咸食多, 所以甜品同cake我普通。不過個提子鬆餅幾好味ge。朱古力mousse cake都幾好味 (長方形個件好味d, 係dark chocolate, 另外個件我覺得甜咗d漏咗d) (*個人中意dark chocolate多d,, 所以有偏好)。紅色donut形應該係raspberry cake,, 酸酸地 唔漏幾好味。Le個high tea無咩特別 不過唔係貴,, 下午茶輕輕食ok ge,, 但係就唔係話會係打卡/surprise 個隻high tea。

朋友聚會揀咗呢間位於K11 Musea嘅餐廳食飯，中午時間試咗佢哋嘅Semi- buffet，估唔到好高質，性價比超高🤩Semi-buffet指嘅係每人會有一份主菜，而沙律吧同埋甜品就會以自助餐形式任食。沙律都係大路野，不妨一試佢嘅南瓜湯，好飲👍 cold cut有salami同Parma ham。同埋都有即叫即切嘅牛扒同燒雞，唔洗驚主菜唔夠飽。主菜我揀咗Braised Lamb Flap（慢煮燴羊腩），羊腩上面舖咗火箭菜同芝士，下面有薯蓉，醬汁係迷迭香燒汁。整體好好食，羊腩好腍同入味，火箭菜平衡返油膩感。份量略少，只有五舊大約2cmx2cm大嘅羊腩，未夠喉😩另外朋友試咗Truffle Strozzapreti（黑松露風乾豬面頰手捲意粉）同埋Roasted Salmon （香焗藜麥三文魚）都大讚。甜品係一個大驚喜。好少自助餐甜品質素咁高，特別推介藍莓芝士蛋糕、蘋果金寶、朱古力撻。📍Velo Italian Bar & Grill尖沙咀梳士巴利道18號Victoria Dockside K11 Musea 1樓103號舖