Wolf Den Cafe

營業中

休息中

我11:10am到，11:48am就走嚟催我走話一個鐘用餐時間limit，一間chill Cafe 唔係咁囉，仲要我唔係叫個toast，我係叫咗個Whole English Breakfast 加杯Americano Tall，用咗十分鐘出餐，大家想像吓我坐咗幾耐，我覺得你有熟客嚟咗都唔係咁趕我走，我係今朝（二月十九）嚟嘅，我真係好失望！我只能講，我嚟係想有個chill 環境嘅Cafe，唔係茶記，你哋咁樣幾好食都冇用，江湖不再見！

#美孚 #wolfdencafe 好有外國feel同好chill嘅感覺，名付其實係一個wolf den,入面好多狼嘅擺設，好細緻👍不過人流係香港人流🤣要預坐唔得耐，因為入面唔多枱，4-5張，食完就要走，唔好阻人做生意😄繁忙時間仲會爆場，不過好似有得book枱🤔首先登場嘅係#rosetealatte 超好飲，勁重玫瑰味，茶底仲要係烏龍茶，好好飲，又好#igable 😍再叫咗#wolfdencrispboxbreakfast 好靚，同估唔到係飽肚嘅，佢將炒蘑菇，茄汁豆，煙肉，黑松露炒蛋，火腿，焗蕃茄，香腸同薯蓉都依次放係酥盒入面，每一啖係連埋酥盒一齊食，加多重香脆口感❤ 個薯蓉同黑松露炒蛋好鬼正🤤味道: 8/10味精: 6/10價錢: 6/10環境: 8/10服務: 8/10#vinainmeifoo #vinafood #cafe #hkcafe #美孚黃店 #美孚美食 #alldaybreakfast #玫瑰奶茶 #blacktrufflescrambleegg #potatomash #foodporn #foodie #hkfoodie #f4follow #f4f #likesf

今次要介紹的黃店，位於美孚站D出口行3分鐘路程，地點非常方便。店內有5張2～3人枱，室外亦有3枱，位置不多，但環境好chill走英倫風。.食物方面，非常有誠意和創意☺ All Day Breakfast 這個擺盤還是第1次見，一個一個小兜裝著美食整齊排列，款式多，而且每樣都可口。當中的黑松露炒蛋，多士，薯格都特別出色。另一款，酥皮韃真係好驚喜🤩 韃皮酥軟香脆，內裡的餡料有薯蓉、茄汁豆、煙肉、黑松露炒蛋、蘑菇、腸、火腿、香蒜蕃茄仔。推薦👍 今天趕時間，未有點飲品，聞說質素都好高，下次試下。.🦊 狼穴英式早餐 $108🥧 精品早餐 $108

竟然俾我係美孚搵到間隱世Cafe🌿梗係要即刻去試下啦！位置都算方便，鄰近美孚地鐵站D岀口，行5分鐘左右就到👍🏻舖頭係用木系佈置，都幾有style幾舒適！ 雖然係細細間cafe，但食物飲品種類都算多，有唔同種類嘅burger🍔、All day breakfast🍳, Toast🥪,etc… 我哋今次就揀咗Bacon Cheese Beef Burger + Portobello Mushroom Beef Burger, 兩款Burger都大大份👍🏻各有特色，我個人比較鍾意bacon個隻，比較香口！ Mushroom嗰隻就夠哂特別，個大啡菇真係好巨型👍🏻 飲品就叫左法式焦糖咖啡☕️+冰瑤焦糖咖啡 🧊法式焦糖咖啡既面層有一層焦糖，有d食左焦糖燉蛋嘅感覺😂👍🏻值得一試！

💛 搵了又搵 終於俾我搵到 #美孚 呢間隱世cafe 呢間outdoor都有位 所以見帶著🐶🐱尤其大狗嘅竉物主人 好鐘意～由於weekend過嚟，所以今日冇set 要散叫#cappuccino $36飲品價錢合理 咖啡都唔錯 #frenchtoast $60會配埋沙律菜 同有碗湯 是日 #忌廉粟米湯 份toast 就cheese & ham 同埋食到係用咗兩款cheese 令口感同味道層次更豐富呢間好明顯做開街坊生意 聽到佢到熟客傾計熟客仔問老闆做咩平日咁少見到佢原來老闆full time 係做 #炒咖啡豆 所以呢間cafe啲豆都係佢炒架😎大家飲完覺得咖啡有質素 仲可以買返屋企太慢慢嘆😌有掛耳咖啡包賣

位置有點偏僻，座位、枱較細，只可容許三人一桌，要先到收銀自行下單付款。餐廳播著悠揚純音樂，裝修有很多狼的佈置和圖像，很適合消磨時間，嘆幾個鐘咖啡的非上班族。每日午餐只有2 款，固定menu 中All day breakfast 有3-4 款，亦有burger 薯格和不同種類的沙律選擇。Simple All day breakfast ， 沙律菜新鮮配上特製沙律汁，非常開胃。香腸比較油膩，香煎蕃茄肉厚多汁。蛋眼看已知很creamy而且法包香脆。素all day breakfast 健康人士之選，適合沒有肉類的green Monday牛肉漢堡配薯格，個包應該燶了，所以有一邊不完整，但份量十足。

鋪頭喺一個比較角落嘅位置，附近係街市，所以通常嘅客人都係住喺附近居多。鋪頭店面比較細，店內都係2人枱，除咗室內，亦可以坐喺室外。鋪頭內所有擺設都係同狼有關，真係好似入咗狼穴咁。可能因為平日關係，人唔算多，上次周末嚟就需要等一陣先有位。 餐點選擇方面，除咗menu上嘅固定餐點，每日晏就都會有2至3款當日午餐。之前同朋友嚟有食過當日午餐，今日自己一個人嚟所以試下menu上嘅餐點。 本來係想試下all day breakfast, 因唔算太餓，但想食多唔同種類嘅嘢，但係決定個下見到另一個都係寫住all day breakfast，但係叫all day breakfast box,出於好奇下就嗌咗。本以為係用一個個兜仔裝住，但上到嚟真係好驚喜，係用酥皮包住all day breakfast每種食材，十分精緻，擺盤靚又好食，不過可能對大食嘅朋友未必夠食，但對我食開正常份量嘅女仔嚟講都好夠食。最鍾意係小蕃茄餡，因為其他都係咸嘅，突然食到個甜甜嘅,覺得好refresh。 因為我唔飲咖啡，所以冇嗌到飲品。但上次同朋友嚟，佢表示值得一試，鍾意飲咖啡朋友都可以試下。 鋪頭亦有賣甜點，望落都好吸引，有機會都

一間較清靜既Cafe ☕️細細間 坐得舒適 👍🏻👍🏻👍🏻周圍有好多唔同嘅裝飾品同埋得三張枱如果住喺呢度附近嘅人嚟呢度Hea下都唔錯😃我見基本上應該都係街坊好多都係着拖鞋落嚟🤣🤣食物及飲品方面就都幾一般 唔會太大驚喜 ☺️叫咗個漢堡包🍔不過唔知係咪小人食呢還是未解凍好就煎入面比較生仲有血水絕對唔係Juice嘅感覺😅所以即刻叫佢再煎多煎到第二次個包嘅中心依然都係生😅😅😅我唔好意思再叫佢整Lu 唯有唔食啦🤣🤣

📍美孚 𝐖𝐨𝐥𝐟 𝐃𝐞𝐧 𝐂𝐚𝐟𝐞即興Tea Time難得的喘息空間💛/香蕉焦糖Pan Cake🥞嗜甜朋友的選擇香蕉 • 溫暖的熱香餅 • 餅上的脆脆 • 忌廉四重口感 層次豐富如果加上茶味雪糕球應該更精彩/黑松露炒蛋配牛角包🥐完美配搭鬆脆牛角包夾住黑松露滑蛋滑蛋份量是足以塞爆牛角包伴碟配沙律菜🥗/玻璃窗透入自然光面向西鐵站公園區內少有有view既餐廳/户外位置為寵物友善區值得三訪♥️留意：5pm Last Order！5:15pm 清場🖐🏻

這間cafe佈置有風格，各枱客人之間有充足距離，環境舒適安靜，之前跟友人試過咖啡都幾好，今天下午茶我想試甜品，便揀了mini apple pie with cinnamon and caramel cream, 但就中伏了。不是個批太細的問題，係個批身勁厚勁硬，翻熱後烤得更乾更燶，要靠食住cream來食才入到口，最慘係話明係萍果批，只係得薄薄一層萍果醬的物體!以這個價錢，給一個迷你批絕對可諒解，但不能接受少到差點嚐不到萍果餡的萍果批。

鍾意小店用木系風格，入到去感覺好cozy好舒服，同埋店內比較寧靜，有好悠閒可以chill chill 休息吓嘅感覺。🔺Wolf Den All day breakfast $108賣相同平時其他地方食嘅all day breakfast唔同，只不過係display食物方式唔同，其實食落味道都係一樣，唔係太特別，性價比唔高。🔺百里香炒蘑菇多士，配蘑菇湯同沙律 $68呢個有少少驚喜，中間嘅蛋係流心嘅，味道唔錯。蘑菇湯入面嘅材料都好足，有好多蘑菇蓉喺入面，味道濃郁。🔺Latte $36咖啡味道還可以，不過略嫌奶泡太厚，變咗好似cappuccino咁。整體環境同食物都唔錯，不過員工態度有待改善😅

遠處看見美孚呢間好像好特別嘅咖啡小店，決定一試, 推開店門，原來細得只有三四張小圓枱，隨意坐下後，發現原來要上前到收銀處自行點餐，我絕對樂意。可是，點餐流程及負責點餐的那位職員十分有改善的空間，整個點餐經驗不太順暢，明白小店人手唔夠好難兼顧咁多，希望老闆可以諗計搞搞佢。食品方面，漢堡包嘅質素是OK的，牛肉漢堡夠Juicy，漢堡包嘅包亦都夠香口，下次試埋佢啲咖啡先。另外，餐廳嘅擺設好像好耐都冇人打掃過般，而且入到去感覺昏暗，坐得不太舒服。

服務態度已入了黑名單, 不會再去。明明間店又不多人, 我朋友已先比了錢落了單是咖啡+漢堡包, 先來了咖啡; 20分鐘後見包仲未到, 問店員時仲大大聲話;我朋友只落了咖啡, 其實張收據都印住收左咖啡同漢堡包錢的啦! 本來講句唔好意思漏單了; 就可以。為什麼還要語無論次咁推落客人到?什麼心情都破壞曬。咖啡店通常都很重視服務質素的, 很少像這間咁樣的。

今日黎到美孚呢間wolf Dan 試左呢間cafe 環境好好 坐得好舒服 唯一係關門關得早, 講講野食先 芝士公仔面好好食 雙重芝士黎 充滿芝士味 面又有彈性 漢堡薯仔都正 特別係個薯條好好味！我叫左個Latte 老實講 苦味太重 但係個奶打得好出色 下次一定會再黎幫襯

疫情關係，常常在家工作，連平日阿媽在家打掃的時間，阿媽都覺得我阻埞，所以把我趕出街。我慢悠悠的走到這間文清小店，中午12點多到，因為沒有訂位，被安排在在外面。本來只想學一杯咖啡和一份多士，但看到午餐海膽burger包了薯條，好像好吸引，於是點了。喝著香濃的Cappuccino，吃著脆脆的薯條配芝士煙肉醬，感覺猶如置身在中環，好Chill！打包了海膽漢堡包給老竇吃，老竇說很好吃，麥當當沒法比。價錢真的不便宜，但可以在家的附近，有一個地方，可以吃到這麼有水準的西餐，也是疫情下的小確辛。