Wolf Den Cafe

營業中

休息中

周末，此店的氛圍與平日截然不同。今早的顧客，大部分都是年輕父母帶著年幼的子女。今天的特色菜有兩個選擇。煙腩肉、薯格，有點不健康，因此選了個自家製煙三文魚慕絲配黑魚子醬比高圈。蔬菜沙律非常新鮮，急不及待的先品嚐了。清新了口腔，拿起一邊烘脆了的比高圈，抺上煙三文魚慕絲，加一點點黑魚子醬，一口咬下，鹹甜度恰到好處，不濃不淡。慕絲醬的份最不少，足夠厚厚的塗在比高圈上。配一杯美式咖啡，這個早餐不便宜，但享受。

中午行完荔枝角公園，又落起雨，就去呢間cafe坐下。可以食少少野同埋飲杯野休息一陣等雨停☕️叫左杯加大嘅latte（跟餐加四蚊），同埋一杯蜂蜜玫瑰花茶黎飲。杯latte都幾夠咖啡香，比出面連所咖啡店優勝。而杯蜂蜜玫瑰花茶更有意外驚喜！雖然係蜂蜜，但覺得唔太甜，而又好有蜂蜜香！加埋玫瑰花，配合得岩岩好難怪呢杯唔可以跟餐叫，只可以散叫。食物就叫左狠穴英式早餐，分別有多士、薯格、香腸、黑松露炒蛋、茄汁豆、餐肉加煙肉、蘑菇、蕃茄最有驚喜係個蕃茄！超甜！😍其他食物都不錯吃😋其實間餐廳個環鏡都好靚，好有特色。好多以狼為主題嘅擺設。加上好多傢私都係木造，都幾岩文青人士黎影相打卡

有咩幸福得過可以悠閒相約朋友一齊歎早餐??今朝,我地揀咗wolf den美孚街角小店唔係太多人,邊chichat邊享受full breakfast...絕對cheer up our Friday morning~~~

今日想同大家分享上個禮拜去行山之前喺美孚嘅啲間小型Cafe。喺美孚好少cafe,但係咁啱又上網俾我search到呢間all day breakfast Cafe. 呢間餐廳細細，但係麻雀雖小，但五臟俱全，而且裝修都非常之特別，有好多狼嘅特別擺設。嗰度用餐係半自助形式，自己睇完個餐牌，再去前枱叫餐。我同我媽咪就叫咗兩個餐，一個WolfDen All Day Breakfast 同 一個Vegetarian Breakfast。我非常之欣賞，佢有為素食者嘅而設嘅all day breakfast，因為唔多餐廳有。佢哋嘅食物都非常之精美，同味道都唔錯。尤其是個蛋都炒得幾滑。個牛角包都幾香脆，而且個latte都唔錯。總括嚟講都ok,真係可以去試吓架。

5:55pm去到打算食dinner, dinner 6點開始，職員話6點先可以落單，之後即改黑板的價錢，A，B餐各加$10。 6點即落單，6:05同我講「今日餐湯無哂」，餐湯可轉沙律。6:00開始晚飯時間，場內得我同老公加食緊下午茶的一對男女，咁快就無哂餐湯😒😒。老公叫漢堡薯格餐配cappuccino，薯格有燶味，沙律唔新鮮，cappuccino唔好飲，漢堡可接受。我的白酒蜆肉意粉，好乾好咸，沙律都係唔新鮮。另外叫了一碟雞翼，餐牌無講係辣的，好彩唔係大辣，我仲食到。呢間都係all day breakfast比較正常，其他就......

見到佢裝飾佈置精緻，以木為主嘅咖啡店，好想入去一試😍😍當日一行6人點左6個餐，最經好味係漢堡包，漢堡肉汁多，好美味😍😍薯條、大磨菇亦不錯👍👍嘆埋佢哋嘅咖啡👍👍店子雖小，但卻給人舒服休閒的感覺，不錯的咖啡店😍😍

平日的早晨，三兩客人，多是單人匹馬，都可獨佔一桌，氣氛相當輕鬆。店內養了一只鳥，總是在吱吱喳喳地起勁唱歌。早餐選擇不太多，雖不知煎蛋法式多士是啥，但見是廚師推介，就要了一客。主角法式多士，只有一般去皮方包一半左右的丁方。製作似飛碟，饀料是簡單的芝士和火腿。芝士熔化得有點流心，跟火腿這位老朋友如膠似漆地黏在一起，暖暖的，非常美味。不知道煎蛋會是太陽蛋，不然會叫師傅反一反。伴碟的沙律和黑醋醬汁，在這種檔次的店都會有合理的水準。咖啡雖為餐飲，但以咖啡店自居，不會壞自己招牌啦。

最後一天假期，和愛人睡到日上三干，充滿能量，不想食快餐，想起有一間家庭式經營的西餐，好朋友常常光顧，便去試下brunch一brunch。我們選了坐室內，之後有點後悔，位置比較迫窄，圓枱會自動旋轉，店外雅座配合廿五度的溫度似乎很舒適不過!室內裝潢以家屋設計，wolf係店名為題，很有家的感覺。牆上放滿特色裝飾，櫃層上擺放了像是家屋物品，有點刻意的凌亂美。一杯泡泡咖啡，襯以美麗的心型拉花，加上窗外青綠的公園景，心情上好起來。愛人點了個 黑松露炒蛋餐，包括有沙律菜，多士，黑松露炒蛋，炒蘑菇和煙肉，食物用小圓器皿上，味道常可，分量偏細。我點了wolf beef burger with bacon and cheese。牛肉鮮甜多汁，加上煙肉和香濃芝士和生菜，漢堡包上滿佈芝麻很香口，整體達到我的期望。黑板寫上店主現提供晚市服務，不過只是營業到晚上八點，我想我放工點來這餐廳已關門了。

I have been visiting this cafe for few times. The food is the only reason brought me back. The environment is comfy but too crowd. The space issmall and cosy. However, the service is not excellent. They were quite arrogant. 

美孚除左麥當勞之外， 買漢堡嘅地方就係呢間。假期去呢，就成日都滿。今日係閒日唔洗等位，咁就可以去試下啦。佢係自助形式。首先賣飛，然後抿攞餐具，搵個位。到時佢哋就會送餐畀你啦。呢柸薑啡，薑味剛好。不太辣。另，嗌咗想試好耐嘅巨型菇漢堡。個樣都睇得下，但咬落去呢。。個包有少少乾，應該是超市有售嗰啲。茹，一般。淡淡地。漢堡溝咗粉，咬落去唔韌，但唔juicy, 冇肉味。 漢堡內容嘅係茄汁， 夾住生菜同番茄。 售價差不多$100。 以呢個價錢其他區有好多食店嘅漢堡選擇和味道比佢好，甚至平啲添。最終係有啲失望。伴碟嘅薯角都是一般，淡而無味。。

中午兩點幾黎到美孚呢間cafe 同朋友傾下計飲下野 內裏一睇就知行文青悠閒路線。我已經食左午飯，所以只叫左杯特飲---薄苛橙汁 朋友叫左個burgerPs 好快收你野 睇你點睇 環境係ok 因為非繁忙時間 如果繁忙時間我吾會過黎坐 因為真係細同 食物一般哀歌香港租太貴 想要一個舒服飲野既環境 除starxxxx pacificxxxx 其實真吾易

總係覺得美孚冇乜特別嘅cafe，呢一日褀袍話搵到呢間，所以就試試穿過街市，眼前有一間歐洲feel嘅小木屋，如果冬天坐出面都應該不錯喎！門口仲要有個真係有雀仔嘅雀籠！有趣.... 入到去第一個感覺似歐洲雪山上面嗰啲木屋仔，有好多狼嘅裝飾，雖然座位不多，但整體舒服蘑菇湯用新鮮蘑菇打成，會有啲好細微嘅蘑菇粒，口感不錯；不過個湯稀咗啲，如果杰身返啲會更加好；但非常非常鹹，鹹到我懷疑成樽鹽跌咗落去😣日本帆立貝蟹柳意粉presentation唔靚，似係亂咁炒埋一碟；帆立貝縮到幾細粒，不過都搵到大概有6粒，鮮味欠奉㗎喇，不過幾有口感嘅；蟹柳切到好幼細，差唔多食唔出；意粉非常乾身，軟硬適中又有少少al dente，都不錯Mocha有個好靚嘅小熊拉花，朱古力味適中，咖啡味道幾濃郁，應該夠我撐到今晚.....我欣賞呢度夠彈性，配菜可以選擇薯格或其它相同價值嘅食物。但$90一個lunch，食物唔係特別出色，性價比唔高，試過就算

已經來過這家咖啡店數次了.這家小小的咖啡店位於住宅區寜靜的一角.因在公園對面,所以從窗看出去是一片綠油油,好舒服寫意除了環境很好外,這裡的咖啡也是令我一再回頭的主要原因.這裡的咖啡芬芳濃郁,不苦也不澀,回甘味也重奶泡打得幼滑,拉花也很漂亮想要喝一杯香濃的咖啡,過一個休閒的下午,這家咖啡店是一個不錯的選擇.

今日自己食晏, 住美孚既朋友告知呢度有間CAFE幾好食, 就去試下啦~ 入到黎都幾舒服, 餐廳以木色為主調, 成間店都有WOLF DEN個LOGO. 仲個有蛋糕櫃, 款唔多但都幾睇得下 我叫左個LUNCH SET, 先黎個蒜蓉包同沙律, 包夠熱, 沙律菜都算新鮮.MAIN, 西班牙海鮮意粉, 聞落都幾香, 一食落, 嘩勁辣! 我覺得佢應該要係個MENU度注明囉! 再講, D海鮮一食就知係雪藏, 咬落去無口感之餘, 食落個醬汁都唔係太特別, 有D似BBQ醬. 我加左10蚊轉左杯玫瑰奶茶, 呢個都還可以, 玫瑰花味都算濃, 我鐘意佢個拉花埋單90大元, 美孚黎講, 唔太值呢個價囉, 我心諗個意粉我煮得仲好味過佢啦! 我諗都唔會再幫襯了, SORRY, 要比喊!

今日陪呀媽去醫院做 treatment ~由於個療程要幾個鐘~安頓好佢之後我就落去美孚食個早餐先~ 返工成日都係食中式早餐~突然想食個all day breakfast 咁岩又俾我搵到呢間小店 外面好多All day份量都偏少~但呢度份量都幾多下~剩係隻牛角包都好飽😂最重要係好味！好耐冇食過口感外脆內軟既牛角包啦~另外沙律菜都幾新鮮，冇苦味~我鍾意個沙律醋好開胃~至於蕃茄同菇就正常啦~大菇好厚肉😍飲品我加左$14飲Ice Caramel Latte~Caramel味濃又唔會得個甜字😀呢個早餐大滿足