Woofy (已結業)

以 hea 食同坐下 hea 下嘅角度，個人覺得環境都算ok！唔太嘈，係好坐嘅！不過，食物選項唔太多，睇 menu 似輕食為主。果晚同朋友 hea 食，等睇戲，又唔特別肚餓，所以兩個人點咗一份牛油果大啡菇芝士漢堡 同 一份西柚鵪鶉沙律 share 就算。牛油果大啡菇芝士漢堡好味，佢配咗炸蕃薯條，所以會好飽肚。另外，西柚鵪鶉沙律，個人覺得整體上ok。不過鵪鶉有啲騷同有啲疑似雪味，以肉質就唔算鞋但又唔到滑嘅程度。總結係。。。hea食同為搵個地方坐下等時間過，呢度會係一個選擇。但如果想為食物嘅話，出邊會有更多選擇。

琴晚睇戲之前去搵食，見到間新開嘅就試吓啦～佢係間pet friendly的餐廳，如果有養狗嘅可以帶埋佢一齊食飯，整體來講間餐廳嘅裝修係舒服嘅，夠光同埋坐嘅位置都舒服。不過佢可以揀嘅嘢食唔多，主要都係輕食為主：意粉呀沙律啊漢堡啊嗰啲咁樣。飲品list上面嘅嘢都係普通Cafe可以搵到，款式唔算多（我自己覺得嘢飲價錢偏貴）。如果帶狗狗來就可以試吓佢哋嘅寵物Menu～兩個人食我哋就叫咗一個沙律一個burger漢堡。《大啡菇牛油果芝士漢堡》拎上枱嘅時候，係俾佢個presentation帶來驚喜。佢哋好叻咁樣攤開晒每一件嘅食材，大大份，疊高高，影相打卡一流。但係喺處理食嘅時候有啲麻煩😂味道其實幾好，揀嘅牛油果熟成剛好，大菇又夠新鮮，配埋成個包底咬落去好好食，份量夠大兩人 Share啱啱好。《橘子西柚烤鵪鶉沙律》我都唔記得個名係咪咁，不過拎上嚟大大盤份量都夠。驚喜嘅係佢哋唔會好行咁樣用普通嘅沙律菜，所有啲菜咬落去都食到好新鮮，柚子同埋橙都好甜，配埋啲菜食真係好正。我自己嚟講就唔係好受到鵪鶉嗰種腥，啲肉OK但是真係好腥所以我後尾都give up 咗。總體來講如果唔食啲肉嘅話，個沙律係好食😂美中不足係佢

九月份是羅車車的22歲冥壽，不經不覺牠離開了我已經五年之久！不知道他在彩虹橋生活是否快樂呢！自從車車走了之後真的很久沒有跟毛孩接觸了！得知沙田新城市廣場開了一間全新寵物友善餐廳Woofy，而且由知名意大利餐廳Palco Ristorante及意法料理餐廳PANO的行政總廚Chef Ken親自主理，心思思就想去試一試於事便約了好友陪我一起去吃頓晚餐。寵物餐廳的裝潢當然少不了毛孩的裝置，再配以日式簡約風格及柔和燈光，毛孩跟主人們也坐的非常舒適。店內更貼心地設有洗手設施及提供對寵物無害的清潔用品，而且餐廳分為室內用餐堂食區給沒帶寵物的客人安座，另外木製台階及室外雅座則供給自助外賣享用。Woofy最大特色就是由Chef Ken親自設計的寵物及客人的餐單，供應一系列以健康美味的寵物及客人菜式。寵物菜式當中包括有紅菜頭蛋糕、野菜豬肝法式凍批、慢煮美國極黑牛肋骨、紫薯三文魚批、狗仔啤酒蟲草花杞子燉鴨湯等特色美食，相信毛孩們必定會吃得非常開心。至於客人的美食Chef Ken當然也落足心機來設計，他將最擅長的意法料理融入菜式之中，大家便可以用親民價錢品嚐一系列美味菜式了。飲品我跟好友各自選上了凍青檸烏龍

好開心見到寵物餐廳，自己有狗狗但今次無帶黎！今次只係同朋友黎坐下。啲員工好細個似學生，多數企係度唔郁😂叫左2杯柚子茶再加炸番薯條，無諗過$4x 係勁細杯，個紙杯係靚既，但紙杯裝唔環保。味道就普通啦無特別。我哋平日黎成間舖得3-4枱客，但坐左唔夠60分鐘就叫我哋埋單，張單明明寫繁忙時間90分鐘，我哋好奇問員工，佢話門口寫左繁忙時間60分鐘！但入坐果陣未提起過😅其實平日下午無乜人都叫繁忙時間？完全唔明白！仲要未食完未夠60分鐘就叫人埋單😅我哋應該唔會再黎，無諗過啲食物同服務態度係咁😳

9月4號去幫襯已經變曬外賣杯碟，雖然坐室內但係已經變曬外賣形式，明白概又係食環問題。但以下控訴就無關食環食啦。1: 既然由落單-付款-取餐 都一直要自助，而且收費亦無減過，點解仲有10%加一。🧐🧐🧐2: 用商場apps攞飛016，去到餐廳剛剛顯示叫到016，跟住show number, 點知個前檯竟然話有兩個016，所以比左另一檯，我問點解，佢答我唔到。 跟住叫經理出來，經理就賴商場個apps 同佢地店舖出飛重複左， 於是我提出咁你show翻你地店舖出個張016飛比我睇下我就認啦，點知個前檯扮穩垃圾桶又穩唔到，去搵返個客人，人地show係017。其實係人都會做錯嘢，做錯就認啦，又話前檯新來training唔夠，咁經理你唔係新人掛，未又係一個大話接一個，你地咁簡單概嘢都要講大話，食物或衛生如果出問題我仲點信你啊😡😡😡3: 一開舖就過來幫襯仲比左好多feedback希望做好d,仲不停介紹身邊狗友幫襯，畢竟可以讓有冷氣可以比狗狗入概餐廳唔多，但無唸過越做越差。4: 最後性價比就見人見智啦，無跟餐單獨叫杯髒髒咖啡$45 個size係一般咖啡概half size。 嚇死人咁樣做落去唔使食環啦，你

先講pet friendly餐廳餐廳標明Pet friendly, 但一點也不pet friendly。所有野寵物都只能綁起來，坐位之間又迫又窄，完全無空間。食物質素食物是自己落QR code order的，但又要主人自己去俾錢和拿食物，我地又要顧寵物又要拿食物，咁d staff負責做乜？最重要係想要杯水俾寵物飲，但竟然要俾錢！仲要28蚊一枝！食物唔平，但份量很少，寵物的食物是冰凍的，無甚驚喜，人類的飲品收五十幾蚊一杯，但只得m記的小橙汁的size！真心我出去出面買杯一芳都無咁嬲！掛羊頭賣狗肉的餐廳！一定無下次！

ᴡᴏᴏғʏ 🐶🐱 ⌒沙田新城市廣場開咗一間新既ᴘᴇᴛ ғʀɪᴇɴᴅʟʏ ᴄᴀғᴇ 平時行過都見到好多主人帶自己愛犬去食野∻餐廳入面分開咗兩個𝔸𝕣𝕖𝕒一邊係比有寵物既客人 一邊係比無寵物既客人餐廳裝潢木調風格坐得舒服同闊落。食物方面價錢較貴，份量亦小可能主打有寵物既客人所以定價較高∩但味道還不俗，環境搭夠🦭和風燒汁牛肉漢堡包🍔配蕃薯條 $148北海道牛奶軟雪糕伴香蕉榛子醬·窩夫牛角包 🧇 $118套餐配咖啡 +$18 ☕️

近期寵介人氣餐廳，立即去試吓先，星期六11:30到已經唔知排左幾多人係前面😮‍💨，今日一行4人2狗，裝修行日式非常舒服，仲有幾款為寵物度身訂造嘅食物，biru仔試左焗南瓜有機豚肉批$68，成個批好colorful，賣相好靚，biru仔三扒兩勃就已經食晒，我估應該真係幾好食😂，煎蛋布里芝士和風燒汁牛肉漢堡包配炸番薯條$168，人食嘅都好好味，上碟時仲熱辣辣有煙冒出，番薯條又甜又脆，再加支啤酒，立即唔記得晒嗰日出面30幾度😂

新城市廣場全新開🆕嘅寵物🐶餐廳🍴，絕對要搶先去試試🐶.餐廳🍴週末非常熱鬧，等位係常識，服務態度友善，大部分食客都係愛狗之人，而且仲有🅱️餐俾寵物享用，款式多很窩心🐶———————————————————————————🍽焗紫薯三文魚批🐶🦴💬先照顧咗小B🐶先，揀咗三文魚批配有紫薯，幾精美，睇到小B食得瘋狂應該幾好味😋.🍽和風燒汁牛肉漢堡🍔配炸蕃薯條🍠💬份量夠味道都很不錯，食材新鮮麵包🥯有塗牛油🧈同烘過，醬汁略濃帶鹹，蕃薯條炸得出色美味😌.🍽法式鵪鶉🐦香橙🍊西柚沙律🥗💬見到鵪鶉，二話不說即刻柯打，不常見而且燒得好食肉嫩其實好重要，這裡想不到做得不錯，反而沙律汁醬不太夠但新鮮，只是美中不足😌

6-8-2022 星期六，專程嚟試吓呢間新開特式cafe。12:00noon到達，已經坐滿，我哋四人，好彩剛好有兩張枱分上下層坐，一樣ok，大家都可以傾偈。我哋每一枱都叫咗沙律及意粉。燒意大利煙豬腩沙律，用沙律夾著煙豬腩食，甘香唔油膩😋燒法國鵪鶉香橙西柚沙律，法國鵪鶉配以西柚沙律，開胃！野菌炒意粉，少少creamy 香口😋北海道帶子香蒜牛油粟米忌廉意粉，帶子大粒，以粟米配搭意粉，原來好夾架。飲品：凍士多啤梨梳打凍熱情果青檸梳打凍青檸烏龍梳打餐廳內有影相打卡位，充滿歡樂氣氛。店員樂意幫人客解決問題，當我哋嘅order上晒枱後，店員會自動問人客，餐單還有沒有未上齊，以防漏單，有跟進👍🏻

一般去寵物友善餐廳一係就坐室外熱融左，一係就要入車仔入袋仔，要光明正大同主子坐定定食嘢係超級艱難。見到開咗woofy狗仔可以光明正大同主人一齊嘆早餐、下午茶，抱住試吓嘅心態，同主子去打卡。但竟然有意外收穫，環境好舒服，食物質素好好，叫咗個薯條同意粉，賣相同味道絕對比附近嘅西餐廳好。員工都好友善，有專屬泊車位，主子亦有機會可以同其他狗狗一齊玩，要專登入黎比個LIKE！ 💪

去完沙田新城市寵物樂園同主子玩完見11點左右奴才們已經排晒隊，我都唔執輸排埋一份，11:30 開門，唔排定要等下一輪。主子一個餐牌，奴才一個餐牌，我地叫左甘筍蛋糕俾主子試，我地叫左豬腩肉意粉（好味），帶子意粉（都好味，而且有驚喜有成5粒帶子），意粉份量女士應該夠，男士忟d。再叫左兩個漢堡，燒汁好味，蕃茄同菜都食得出新鮮，漢堡扒都唔乾，炸蕃薯條熱辣辣好味。主子個蛋糕應該好味，唔洗一分鐘KO。不過可能新開張，有d混亂，開頭QR code 落唔單，落到後又黎既野錯，之後又問左n次d野齊未，都係未齊。希望下次會改善。