XTC Gelato

營業中

休息中

由佢剛剛開店在尖沙咀銅鑼灣都有分店的時候已經開始光顧，到現在只剩下中環分店仍不時在晚上去買雪糕。今次第一次見到外籍女人佣工做店員，是遇過最不禮貌的對待，首先店內沒有其他顧客等候，而我們兩人想看清楚家庭裝有什麼味道，已經多次被該店員黑面又拿走我們看緊的餐牌。而我今次帶備了一個保溫袋，但是想用之前購買好的家庭裝換領券換五盒雪糕，保溫袋的容量只能放三個就問店員攞多一個，店員即刻話要收錢。我告訴她，之前香港人女店員說只要我換領三個以上就可以給我一個保溫袋，該名外傭還要我仔細講出是哪一個店員。最後才不情願給我們一個額外的保溫袋，而我再說我們路程有點遙遠想要冰袋，佢再一次拒絕，並且嘲笑我們是用750元買優惠套票，是絕對不會有冰袋、保溫袋附送。該名店員還說自己做了八年非常熟悉公司規矩，實在是令人非常不愉快的體驗。我絕對不會再來光顧，而且會叫其他朋友都不要再幫襯。

早排同朋友係中環食完晚飯都已經十點幾十一點，但係我哋都好想食雪糕，雪糕店都已經收哂…行行下朋友見到有個女人拎住杯雪糕行過，佢眼甘甘望住人地杯雪糕😂😂😂話應該係附近…點知行多幾步又真係有一間食Gelato🤩.單球雪糕 $50今次叫左朱古力味，朱古力味好濃郁，食落好軟滑！.雙球雪糕 $65朋友就叫左三葉草蜜糖乳酪味同蜜桃薑雪葩，蜜糖乳酪味有淡淡甜味，乳酪既酸味較突出，酸酸地幾好食😋而蜜桃薑雪葩我試左啖好酸😂但朋友就鐘意，鐘意酸既可以試下.

突然想食開心果味嘅野，朋友極力推介呢間gelato雪糕店，即時就起行去左！我揀左開心果同Tim Tam味。開果心雪糕有好多果仁粒、口感豐富、開心果風味濃郁、而果仁粒為雪糕增添了層次感，令整體口感更加出色，味道全來自天然香味、無添加。但Tim Tam係非常一般食唔出有咩味😂唔建議。而朋友揀左石板街，試左一啖幾ok, 味道濃郁。雪糕店室內戶外都提供左少量嘅坐位，坐一坐食杯雪糕完全夠曬。價錢都唔算貴，下次可以再食。

呢間雪糕店嘅雪糕真係一流，成日幫襯！最鍾意嘅就係食佢嘅朱古力味，朱古力味好濃好香，食落口仲好軟滑！另外我仲好鍾意食佢嘅Blueberrycheese cake味道雪糕🍦推介😊

同朋友行過見到呢間隱蔽嘅雪葩店🍨, 要咗個雙球雪葩筒🍦一齊share, 意外地好有驚喜😍, 朋友揀柚子味我要開心果味, 朋友食先, 問佢好唔好味？佢話好有柚子味, 心裏面諗🤔柚子雪糕, 梗係有柚子味啦！我就試下我點嘅開心果味, 一啖食落去, 真係好有開心果味, 雖然好廢話😜, 但開心果味真係好濃烈, 仲有粒粒果肉, 真係勁推薦, 而柚子味都好有驚喜, 濃濃嘅柚子味好清新, 一啲都唔膠👍

有次公司請左呢間雪糕店黎公司請同事食雪糕我地就揀左奶茶味，海鹽焦糖，百香果香蕉海鹽焦糖超級好味！必食！唔會太甜！奶茶都唔錯，好香濃！百香果香蕉就少少怪，可能香蕉味太濃。不過整體都好好食，可以encore!

嗰日放完工都八點幾，附近食完拉麵之後就想搵一啲甜品嚟食下，行咗大概兩三分鐘之後就嚟到呢間Gelato小店。一球就58兩球68 ，所以最後咪嗌左兩球。餐廳推介嘅味道係焦糖海鹽同埋開心果，我哋最尾就係嗌左呢兩個味。焦糖海鹽嘅味道平衡得好好，唔會太甜又唔會太鹹，兩者嘅味道都唔會太腸， 10分出色，暫時係我食過最好味嘅焦糖海鹽味雪糕。開心果味就反而有啲平平無奇，仲有少少過甜，不過都係出色嘅！不過舖頭有啲細所以可能要行出出面食

.有無雪糕愛好者🙋🏻‍♀️🙋🏻‍♂️🙋🏻成日經過中環呢間雪糕店都想試🙈今次終於試到啦!!!!可以試味😆店員都好有耐性我地簡左開心果、海鹽焦糖、士多啤梨批味🍓…………我地仲加埋塊自家製🍪😋海鹽焦糖味好好食🥰好想飲埋 @xtc.gelato milkshake!!!!😛😛………..XTC 有好多味道😍好想試曬😌🤩鍾意食雪糕🍦嘅人💁🏻‍♀️💁🏻‍♂️💁🏽一定要試下呢間!!!!…………味道：🌕🌕🌕🌕🌕5/5性價比：🌕🌕🌕🌗🌑3.5:5衛生：🌕🌕🌕🌕🌑4/5整體：🌕🌕🌕🌕🌑4/5……….

成日行中環去SOHO區個條天橋但成日見到呢間Gelato一直都好想試吓今日熱屎辣辣就嚟食杯雪糕先舖頭細細，唔算好大，門口有兩個座位可以坐一入去個職員即刻彈返出嚟😂我試咗兩隻味道，分別係菠蘿味同埋奶茶味但我覺得菠蘿味太甜所以就買咗奶茶味奶茶味唔會好甜，冇乜罪惡感🤣而且剛好可以幫我身體降降溫😂🍦XTC Gelato (中環)地址：中環閣麟街45B號地下環境：就係天橋下面，店舖細細間特色：Gelato 雪糕出名冇咁甜價格：$40評分：😋😋😋

早前中左個雪糕嘅giveaway🥳見到順路就即刻去左換.XTC係香港本地品牌嘅意大利雪糕店舖嘅位置係大館附近 只要乘搭中環半山扶手電梯就到買之前亦都可以試左味先買😌店入面有好多款式嘅雪糕🍨 仲有d特別口味平日係好少見例如港式奶茶、芥末朱古力等等.🌟海鹽焦糖 Sea Salt Caramella ($40)雪糕好軟滑 而且味道濃郁 好似濃縮左嘅海鹽焦糖醬鐘意呢個口味 鹽同糖比例完美又好夾仲有好香牛奶味🥛下次都想試下其他口味😋.📍XTC Gelato中環閣麟街45B號地下

建議：記得去港島區分店，九龍分店暫時未遇過奶茶味之前 #好味 135 講過，好想試奶茶味，終於今日係港島既XTC Gelato 遇到喇！雖然中環店的Gelato味道無 尖沙咀店甘多款揀，不過最緊要係有奶茶味 🤤今次試左：Single Scoop (HK$40)▫️港式奶茶 ☕估唔到終於有雪糕店會出奶茶味🤎 每啖都濃濃奶茶味，好想即刻飲番杯茶走少甜👍 食食下個時，仲見到有外國人買左5盒家庭裝 HK$75@ 又唔貴wo👍 聽店員講做緊promo 送double scoop▪️三葉草蜜糖乳酪 ☘️味道淡淡既甜味，配，不過乳酪既酸味較突出，如果鍾意酸may may乳酪味既 朋友仔，不妨試下。

嗰日同朋友去開見到，就行咗入去買來食！因為本身聽過嘅評價都好高，所以期望值好大，雖然最後唔會話好失望，但係都冇達到我對佢嘅期望。本身一開始係諗住外賣去第二個地方食度但係因為店員話如果外賣嘅話係冇包到冰袋或者乾冰，如果要乾冰嘅話好似要加10幾蚊，所以最後我同我朋友決定叫佢幫我哋包起來快啲行到去我哋食嘢嘅地方。我哋叫咗一個Cookie and cream mix 開心果同埋雲呢拿mix提子冧酒味。令到我覺得驚訝嘅係開心果味嘅雪糕非常軟滑，而且入邊有細細粒嘅開心果碎粒。但係Cookie成cream就相比起較為輸蝕，因為同出邊買到平價嘅曲奇成款雪糕一樣味道。至於雲呢拿雪糕都有啲令我哋失望，因為佢唔會令我哋會想再買呢個雪糕食多次。提子冧酒就比較好，雖然有酒精嘅成份係入邊，但係唔會覺得好攻鼻😙而且入邊仲有好豐富嘅提子乾，增加左食雪糕嘅時候嘅口感。如果真係有興趣想去食嘅話，我會推薦你試吓開心果同埋提子冧酒！

平時成日聽到朋友講Gelato 嘅雪糕好好味，今次好開心有機會去試下。本身打算同朋友一齊分享兩份兩球雪糕，但佢太忙有野做，結果自己食曬四球雪糕，好彩gelato本身係低脂D，希望唔會增肥得太多。今次揀左香檸雪葩、紅桑子雪葩、海鹽焦糖同芒果雪葩，食落同平時雪糕口感有少少唔同，雪糕味同奶味更加濃，原來佢空氣含量比較低，令到佢食落好柔軟。香檸雪葩食落酸酸地，有檸檬清新嘅感覺；紅桑子雪葩食落酸酸甜甜，幾開胃；海鹽焦糖食落幾特別，甜味帶點淡淡鹹味；芒果雪葩食得出係用新鮮芒果整，有芒果嘅香味。

以前去意大利🇮🇹，Gelato真係必食，嗰度嘅雪糕🍦店，多到好似香港嘅便利店咁😆僅有一間喺附近，依家相比返香港比較老字號嘅就係呢間 ✨xtc.gelato✨❤️❤️最近先知原來喺中環都有分店，雖然門面細細，但係裏面嘅雪糕款式一啲都唔少😍曲奇脆餅～曲奇脆餅雲呢拿雪糕加曲奇餅碎組成，食落好有口感！雲呢拿～純雲呢拿雪糕，質地順滑，充滿奶香，口感滑溜！士多啤梨～少女心系列，酸酸甜甜，開胃醒神！海鹽焦糖～甜得來有淡淡嘅鹹味，而且充滿奶香，層次豐富！呢度全部雪糕都係無添加防腐劑和色素，低卡路里，咁就放心食喇🤗

平時食雪糕黎黎去去都係啲連鎖品牌，其實香港都有自家本地品牌嘅雪糕嫁，而且賣點係新鮮健康，質地會比平時嘅雪糕較柔軟，所以都比較易溶🧐**********<三球雪糕+曲奇> $68今次叫左三個味分別係朱古力、港式奶茶、豆腐味，另外仲會有一塊朱古力味曲奇！朱古力味係舖頭嘅招牌，淨係望見個顏色已經知道會係超級濃郁嘅朱古力味，食落果然無令人失望，而且朱古力係味甜中帶苦嫁🍫港式奶茶味就比較失色啦，味道係唔錯嘅，但個口質有好多沙沙嘅感覺，就好似啲茶粉咁，所以食落有啲粗糙唔夠柔滑🥴而豆腐味就好似食緊豆腐花味咁，個口感都唔似gelato，比較似平時食嘅雪糕多啲😂