You&Me Restaurant (已結業)

這間餐廳早已成為我工作日lunch的飯堂，除了因為附近少食肆之外，事實上這間餐廳嘅廚師係好有heart去煮每一個餐。由擺盤賣相，食物溫度，食物質素都令人回味。加上salad bar，自己任添的餐湯，令整份set lunch的性價比幾高。值得特別一提係個餐湯，見到旁邊有個牌，知道每天的餐湯都有加靈芝，感覺係特別而健康，蘑菇忌廉湯是最賺讚的！主食方面有廿款選擇。我個人特別喜歡豬柳，煎得剛剛好，軟熟又juicy。其次係韓式牛肋條，個汁用來撈飯非常好味；還有risotto，德國豬手等。讚！

#🔙回頭率：5/10🌈性價比：5/10見到餐廳名覺得好特別～you & me～所以選擇這間餐廳吃lunch～樓面姨姨好nice🥰勁親切友善，會主動推薦餐點。另外餐廳設有沙律、飲品自助吧～款式雖少但勝在幾特別*･*:.｡..｡.:*･*:.｡. .｡.:*･･*:.｡..｡.:*･———————————————🍴:香橙蜜餞法式香煎鴨胸配薯菜😋個人認為香橙融入唔到鴨胸，鴨胸煎得未夠脆，但配上汁醬就無違和感。薯蓉食得出係薯粉而且比較咸🈵 5/ 10🍴:海鮮大燴，地中海烹調😋成碟食物出奇地最好味既竟然係最不顯眼既煙肉卷包魚柳～超好味，其他未有特別之處。🈵 4 /10*･*:.｡..｡.:*･*:.｡. .｡.:*･･*:.｡..｡.:*･🍽: You&Me Restaurant (葵涌)📍葵涌葵興葵昌路18-24號美順工業大廈1樓C109室

老闆叫我過去葵興廠房嗰度做事，食 lunch 嘅時候 , 同事帶我嚟呢間喺工廠大廈嘅西餐廳 "You & Me" 。間餐廳都幾得意，lunch 係semi buffet 形式，每人可點一個主菜，而其他沙律 、餐湯 、甜品、飲品都是任吃的。今日個餐湯係「意大利菜湯」好多蔬菜，好有蕃茄味又有少少辣辣地，好好味。我叫個主菜係 「黑車厘果法式香煎生鴨胸配薯菜」，單係聽個名就知撩唥又夠勁，個賣相好好呀，而且仲好大碟，鴨胸肉又香又嫩，調味調得好好 , 薯蓉又香又滑又好味，好滿足呀。

葵興工業區一向都臥虎藏龍，有好蛋隱世美食隱藏其中今次黎到You&Me就更加有驚喜比我You&Me做既係半自助午餐，工業區餐廳人來人往，多數都講個快字You&Me就一反常態，係繁忙既工業區帶黎慢慢享受午餐既半自助餐餐牌上足足有14款主食，由意粉到牛扒都有今次就試左佢地既慢煮德國咸豬手伴泡菜可以選配飯、意粉、薯菜，我就揀左薯菜豬手已經軟身到骨肉分離，呢個就係佢慢煮既精粹所在醬汁方面，分別有獨家既黑松露蜜糖芥末醬同一般燒汁，黑松露醬同豬手真係勁夾德國豬手傳統黎講都係配酸蘿蔔絲，未必係人人啱食，呢個就轉左配你地最鍾意既泡菜，相信會更多人啱食自助區方面，區域細細但係五臟俱全前菜，沙律，甜品，餐湯，餐包，冷熱飲等等應有盡有，住君選擇特別一提既係餐包既蒜蓉包脆到薯片咁，正

位於葵興美順工業大廈一樓C109室的You&Me Restaurant，主打（私房式）西餐。（餐廳的對象主要為該工廠大廈的職員。）餐廳的座位有限，建議預先訂枱。午市時間頗為爆場，有不少附近的上班族和同事們一起來吃午飯。。餐廳在一樓，所以筆者是行樓梯的。中途會看見一個餐廳告示牌。再繼續往上走，再穿過左手面的一道玻璃門便到達。入座後，向職員點了主菜，便可到自助吧拿取水果、沙律、小食、餐湯、飲品。除了指定飲品，大部分食物和飲品都是任食的。餐牌內的價錢已經全包，就當天所見，每個食客每人點一個主菜。。（筆者在不知情的情況下，拿取了飲品櫃內的罐裝可樂。後來，樓面職員告知，只有盒裝飲品是無限任飲，罐裝可樂需要額外收費。）是日餐湯：羅宋湯筆者最喜愛的食物，熱騰騰的，而且味道豐富而濃厚。餐湯旁擺放了一籃烘得脆口的蒜蓉法包，剛巧拿到了最後一塊法包。。小食：炸雞塊及炸春卷炸得頗為脆口，而且也是在自助吧拿取。沙律、水果及甜品吧：～提子雜果沙律～粟米粒～哈密瓜～提子及青提子～車厘茄～青瓜粒～切件西柚～棉花糖～提子啫喱～巧克力金幣總括來說，各樣水果味道清甜，而且洗得乾淨。。主菜方面，筆者則點了：You&Me 6寸

這家樓上cafe的地理位置，如果大廈地面層沒有擺放宣傳海報用的易拉架，我相信只有在附近工作的上班族才有可能會知道，而本人則直接在openrice找到，覺得好像不錯所以才決定到訪看看。初次來訪的門面牆身貼上很多party room的相關照片，亦有向想要美食到會的客人提供多款選擇，我一度以為我敲錯門，直至裡面的嬸嬸打開歡迎進入，我才能確定無錯。餐牌據說每星期均有變動，每次均有十幾款主食選擇。我的選擇困難症又發作了，看了很久，本來希望要青衣魚柳餐但是嬸嬸表示製作需時頗久，建議我選其他款，於是我選了個從沒吃過亦沒聽聞的非洲雞為主食。據網上資料介紹，這是一道醬汁材料很豐富的烤焗雞。香烤非洲雞（＄８８）：醬汁帶點咖哩、黃薑、椰香、香草，及少許辣椒味，其他不清楚。烤雞很滿意因為用刀切開明顯有骨肉分離的現象，即為嫩口的雞肉。意粉略嫌份量較少，質感不錯沒有太濕淋。附送的半自助餐（＄０）：飲品十幾款；生果、沙津、小食大概十幾款；一款湯；一款簿餅以上任飲任食款式之多，而且都不是劣質食物，還要求什麼？今天（２０２１年４月２６）選取的部份食物有啫喱，紅蘿蔔薯仔沙津，車厘茄及提子一串；雜菜湯；熱朱古力；剛剛烤起的

葵涌工廈入面嘅cafe，係一個溫暖小地方～食過兩次，半自助餐式小食，沙律同湯，飲品任食任飲，主菜定期會轉。沙律，水果，菜都新鮮！紅白湯都飲過一切正常！第一次個risotto就偏硬身同乾，但味都唔錯～海鮮都比得算多！第二次食燒春雞，但唔覺似春雞，似大雞髀多啲，而且覺得似煎完隻雞髀再放芝士蘑菇去焗，但就無影響味道！可配飯/意粉/薯菜，因為食唔晒怕浪費我話唔配，店員好細心話不如幫我配菜喇。咁我就獲得一圈西蘭花而且職員全部都好nice好熱情！

今晚終於食到距地㗎pizza啦，上次lunch嚟食見到隔離檯食好似好正。今晚一試又脆食落博博趣，唔似平時食開的pizza咁厚食一舊就唔想，我連食佐兩件。上次食佐雞同豬🐷好好食，今晚就試佐老闆推介食黑蒜帆立貝意大利飯，真心唔錯！平時我基本唔食黑蒜的，今晚食完個意大利飯之後我以後都會食。原來黑蒜係好有營養的。食落口有DD甜甜地的。我地食完之後就唱卡，玩佐陣game⋯因為今晚暫時得我地呢檯客，好似包佐場一樣。又食又玩推薦推薦推薦！

哩個時勢午餐食咩都無所謂。見哩間開左兩個月無試過，就支持下小店。今日lunch食左個南瓜雞柳risotto加任食沙律，沙律菜好新鮮，爽脆唔會擺到枯枯黃黃。risotto又無生飯，有口感。$88好抵食，工廠區的優質選擇。

這個價錢，這個地方，有這樣酒店級水準，真是卧虎藏龍，法式鴨髀伴馬來西亞咖喱汁，真係一試難忘！價錢又抵，$88包 沙律吧任食，嘢飲任飲！原來距地夜晚都有開，價錢都係起百幾左右。聽距地員工講食完之後，仲可以打麻將,唱K，發飛鏢等等…聽起身都覺得正，搵日再約班朋友仔上嚟食玩。

葵興區新開了一間西餐廳，仲要係半自助型式，正常食西餐點一個沙律，一個主菜，埋單最小也過一百元，但呢間平民西餐廳一百元就有找，仲要係免加一，沙律任食，飲品任飲(不過係自助㯲機嗰種)，吖餐湯都係任飲的，環境也OK，服務尚可(可能係半自助型式)，不過好似我咁點了一個78元嘅意粉，仲飲了一碗好濃又好味嘅羅宋湯(好似日日唔同款)，一大碟新鮮嘅沙律菜，再加幾舊生果，也都係78元，超值，而食物水準也不錯，有機會約多幾個同事再去一次，好似滿6人就送墨西哥薄餅一個😋😋

午餐時間，朋友帶我黎食飯，最初覺得係工廠大廈既餐廳，水準都應該一般般，但朋友食過話好味，咁就試下啦!一入餐廳，估唔到又裝修得幾骨子喎坐位闊落。睇埋餐牌，午餐都幾多選擇，意大利飯，豬，牛，雞都有，最驚喜係有一個迷你沙律吧，餐湯，餐飲，任食任飲，沙律菜新鮮，湯好味，真係好抵食!最後叫左份豬肉眼扒，黎到，賣相都唔錯，份量夠，豬夠軟淋，味道好好，個配菜都有心思，估唔到咁既價錢可以食到咁高水準既午餐，下次要試埋其他!

最近喺公司附近見到見到附近you and me餐廳嘅廣告，半自助餐lunch好似都幾吸引，就同同事去試吓。一早已經book定位，到餐廳之前可以問佢拎餐牌落定單先，去到唔駛等咁耐。我哋帶咗一份魚扒一份豬扒，上菜嘅時候真係好驚喜，外表煎得好靚，有高級扒房的水準，魚一啲雪味都冇，好出色。豬扒都好好味，仲有伴碟的薯蓉，一啲都唔馬虎。餐湯都好好飲，唯有餐廳的飲品可以進步，試咗幾隻飲品都偏甜，一定會再幫襯啊！

位於工業大廈內，若不是友人介紹，真不知道這裏有一間臥虎藏龍的餐廳，午市提供半自助餐！而且超具人氣的，沒訂位根本不能吃到🤭主菜點了:香煎帕爾馬豬柳扒島山取岩鹽燒比目魚扒日式燒肉汁不得不說這個豬扒十分juicy 和軟林林，每口都很多肉汁，煎得很香，但不油膩。配上薯蓉，很creamy.主菜之外，還有自助沙律吧和飲品任飲任食，沙律有螺絲粉，不同沙律菜，橙，蘋果，車厘茄，栗米，薯仔等，不怕不飽！至於飲品除了咖啡和茶之外還有桃汁！

Few hours after eating here (grilled fish with mashed potato - set lunch E, cream soup, salad, parma ham with honeydew from the mini bar, and some drinks) I had non-stop diarrhea, vomit and high fever until got hospitalized. That was the only meal I got at that day.Please have a serious quality control check on your food hygiene and safety. Thanks!