YumMee (K11 Musea)

營業中

休息中

這一家食材真的不新鮮不知道大家有沒有感受 特別洋蔥粒番茄粒都是臭臭酸酸的吃了三次每一次都拉肚子 （吃三次是以為這家食材會更新，但這樣看來是沒有更新過的）真的有夠誇張的 吃幾次，幾次食材都不行這樣做生意真的🉑嗎

食品味道一般，但員工態度很有趣。買咗個豬肉青咖哩飯同豬肉撈檬，拎飯時覺得撈檬的汁有點少，問可否比多點，前臺阿姐問廚房一名疑似經理的男子，經理企係廚房眼尾都無，藐咗吓，跟住行開攞毛巾。我企係櫃檯前望住前臺阿姐，過咗30秒都無人理我或回覆我。我再問佢即係點，佢先答係咁多。埋單＄176，紙巾都無張。我明我食Food Court，消費得百來元咁少，唔配有任何同佢地對話的資格。呢家餐廳未食已經飽晒，不可一不可再。今時今日仲咁寸，抵香港飲食業無客。

🇸🇬🍜🇹🇭有水準嘅Food court東南亞菜✅新加坡傳統喇沙 -$88呢個喇沙嘅湯底好濃郁，椰香味、咖喱辣味都好香濃，令人想飲晒啲湯。麵條係油麵，可能會覺得有啲鹼水味，但我自己就冇咩所謂，都算彈牙，同湯底都好夾。配料都有好多，有豬腩肉、豆卜、半隻蛋、芽菜、炸蒜等。豆卜好大粒索晒湯真係冇得頂！✅泰式豬頸肉炒河粉 -$88炒河粉其實係金邊粉黎。即叫即炒，熱辣辣好有鑊氣。份量、調味都唔錯。豬頸肉都有好多條，而且煎香咗好脆口好好味。配料仲有大銀芽、豆干、蛋絲、洋蔥等，好足料而且口感豐富。✅香茅豬扒 -$42呢個雖然有少少貴，但係都真係幾好食。好脆好香口，亦已經切好咗一條條，另外配泰式酸辣醬食。旁邊亦都有兩條酸青瓜同埋酸蘿蔔。

食品味道不錯，出品時間合理，而收銀態度十分有趣。買餐後，店員隨意丟下取餐提示器在櫃台，沒有任何示意。店員接著問：要收據呀？我答：係，唔該。店員：下次要收據主動出聲吖。

同男友係在K11 MUSEA行街，地庫Food Court看到這間有很多東南亞美食，睇MENU 好似幾吸引，所以就試試。我同男友一人叫左一個餐同一個榴槤糯米糍。🥢新加坡海鮮喇沙 $98 (8/10分)喇沙都幾多料～入面有:青口、魚片、魚蛋、豆腐卜、魷魚鬚、蝦、半隻蛋、蔥花同炸蒜粒。用料都幾新鮮，油麵嘅份量唔算多。湯底幾濃幾野味。🥢吉隆玻海南雞飯 $98 (7.5/10分)份量算大份，雞皮很滑，無骨海南雞肉質也很好。雞飯的雞湯味會偏淡一點。唔錯。🥢榴槤糯米糍(跟餐加15蚊) 唔好食。榴槤糯米糍入面有D 硬粒，榴槤味很假。可能叫芒果會好D。總結: 正餐美味，甜品就不用加購了。

在K11 MUSEA地庫Food Court看到這間有很多東南亞美食 所以就試試· 大蝦冬蔭功粉 這個冬蔭功湯粉竟然要$98 果然旅遊區的價錢就這麼貴 本來想轉河粉的 説要加$ 就直接放棄了 本來整個都不值這個價錢的 還要加這麼多錢 最無語是職員用的語氣真的… 真的很無語 原來現在不止是茶餐廳才會有這種服務態度 連K11 MUSEA這種旅遊區也會有🌝味道真的就是很普通 味道就像是超市買的材料包泡岀來的湯 加入金邊粉後上桌🌝· 新加坡傳統喇沙 很普通的一碗麵·可能是抱著一個「在musea吃的飯都不會太差吧」的心態 結果有點失望了

K11隔離海旁睇完黃鴨二重奏～去返K11食嘢先新加坡海鮮喇沙都幾多料～有:青口、魚片、魚蛋、豆腐卜、鮮魷魚鬚、蝦、半隻蛋、蔥花粒、炸蒜粒～用料都幾新鮮～油麵嘅份量唔算多～湯底幾濃幾嘢味～食完唔會好口渴～睇落感覺好多油～食落又唔會好油膩～喇沙湯底好食任何正價食品可以追加小食～都有好多款可以選擇～我揀咗泰式酸辣鳳爪～泰式酸辣汁好重青檸汁味～但係無骨鳳爪唔係太入味～可能未撈勻～配以少許蘿蔔絲、洋蔥絲、西芹絲～仲有生菜放喺底～賣相吸引食落好開胃碗麵偏貴～不過加埋個小食又幾抵食嘅

我一向是燒鵝控，今日在K11 Musea FoodCourt 行了一圈，見到Yummee 有煙燻燒鵝飯，餐牌上有手指公👍🏼標記，應該都好食卦？等了大約十分鐘才有得取，一見到碟飯真的嚇了一跳！一排六件燒鵝背整齊排列，用筷子每件翻一下，全部是背脊，當中三件只是皮與骨相連，沒有一丁點肉！一碟燒鵝飯得6件鵝背，完全冇肉食！這是高級商場foodcourt應有的待客之道嗎？吃完碟飯，完全不飽肚！只有一肚氣。朋友看完相還以為是吃剩的骨頭！在尖沙咀吃一碟價值98蚊的飯不算貴，但一碟只得6件鵝背的飯，完全係搵笨！

天氣太熱，所以直接從港鐵站出去K11 Musea搵食，見到B2 Food Playground 都頗多選擇，雖然價錢比一般food court貴，但以該地段來說算是合理。本來心大心細的我，直到見到一班放lunch的白領哥哥姐姐都不約而同到這裡排隊，我又見圖片的船麵幾吸引，就決定試一試。牛腩船麵盛惠$88，可加$15選擇一支飲品。船麵湯底的確十分香濃，入面有牛腩、牛丸、少少通菜，還有炸豬皮。牛腩夠淋👍🏻，粉的份量亦足夠吃飽😅，不過對我來說湯底有點兒過辣，由開頭的微辣，到後來越吃越辣😂🔥，不吃辣的要留意💦😉

難得平日下晝得閒就去咗K11 musea，平時一般週末去food court就好多人。因為喺food court入邊見到唔同種類太多選擇，所以就食咗兩間☺️ 係yumme叫咗海南雞喇沙，睇過Menu都見到佢係有林林總總嘅東南亞國家嘅嘢食。海南雞喇沙:我會覺得佢係港式嘅喇沙，因為紅油(辣油)比較多，同埋咖喱味比較重，反而突顯唔到蝦湯嘅味，再加上佢係用油麵而唔係一般嘅參參麵。過雞都還好，但係雞胸位置都已經開始有啲鞋。只能夠講依間真係一間fast food 既餐廳，如果唔追求美覺嘅享受，佢係ok. 但係如果追求美覺嘅享受，可以揀其他嘢😂

行過見到餐牌有好多選擇好似好吸引所以埋去試下想叫芝麻卷但係話冇得賣有啲失望!唯有叫另外的。咁佢出名海南雞又俾隻手指公讚海南雞喇沙麵所以勇敢試下.只係睇個樣不是太差顏色正常湯只暖暖地唔夠熱已好失望!雞肉 OK 但係冇驚喜可能浸在喇沙湯底本身的特色被濃湯蓋了，麵餅完整一個仍然未鬆開的，硬硬地食得出好無心去煮或者根本無煮過!只係在凍麵餅上加左啲暖湯落!唔會再幫襯它的喇沙麵了! 好失望!仲要$98蚊一啲都唔平呀!一碗令人失望的海南雞喇沙麵

尖沙咀K11 musea的B2層美食廣場內有一間餐廳勁吸引，因為系可以令你一次過品嘗到東南亞國家的不同美食，一間餐廳就可以滿足曬大家口味🤭而且仲有甜品食，真系勁正呀🫶🏻美食推介：💛黑毛豬扒麻辣擔擔麵：豬扒炸得外脆內嫩，擔擔麵醬汁濃厚，食落小小辣👍🏻面質軟身，掛汁一流🍜💛海南雞飯：海南雞肉質滑，而且無骨，每食一口都是啖啖肉，另配上油飯及冬瓜湯。💛泰式雞肉串燒：每一串雞肉都燒得剛剛好，肉質不會乾身，雞肉充滿沙嗲味道，好食👍🏻💛炸雲吞：脆卜卜的雲吞，餡料豐富，是充滿廣東風味的代表作之一，無得輸。💛脆炸泰式魚塊：煙煙韌韌的口感，非常香魚味的泰式小食。💛芒果糯米飯：甜甜的芒果配上充滿椰汁的糯米飯，面層更有一粒粒的脆脆，口感豐富，值得一試✌🏻餐廳📍YumMee (K11 MUSEA) (尖沙咀)📍尖沙咀梳士巴利道18號Victoria Dockside K11 Musea B2樓 Food Playground*食物質素好

收工去K11 Art House睇戲，之前先去下面個foodcourt 醫肚，揀咗主打東南亞美食嘅YumMee。選擇這間餐廳，主要原因是幾個月前見到由黎諾懿剪綵😆再得知原來黎諾懿擔任了Gaia Group 創意大使，而這間YumMee 正是Gaia Group 新開的快餐店。Gaia Group 一直都是著重食物質素，品牌有保證，所以都值得一試。兩口子點了傳統喇沙麵$88、黑毛豬扒麻辣擔擔麵$98，再加了幾款小食：滷水牛𦟌$48、脆炸泰式魚塊$38。另外亦點了兩杯凍奶茶$25@each喇沙麵有驚喜，湯底濃郁，非常有椰香，辣度適中，麵底亦非常有質感。絕對是餐廳質素，個人覺得仲好食過樓上的Chatterbox Cafe😝而擔擔麵亦好食，有非常多花生醬，更有花生粒，不會太辣，而擔擔醬剛好做到掛麵，出色👍🏻豬扒鬆脆肉味濃至於小食，滷水牛𦟌非常入味軟淋，魚塊個人就覺得一般。另外個凍奶茶都是必點推介，茶膽香濃細滑，甜度適中。雖然是快餐店格局，但味道出色食材講究品質上乘，絕對是超出一間foodcourt快餐店的預期。推薦！

K11 Musea Food Court 中飽肚之選，餐廳以麵食為主，提供不同亞洲地區的麵食，還有甜品，應有盡有❤️。-💕 炸雞脾撈公仔麵 $88👅好味指數：7/10炸雞腿好大隻🍗，炸得很脆，看它深啡色的外皮就知道很入味👍🏻充滿醬油香味，肉質不乾不柴，公仔麵口感軟硬適中有彈性🫶🏻豉油味濃郁。-💕 吉隆玻海南雞飯 $98👅好味指數：7/10份量不少，2人吃也夠❗️也可以單買半隻/一隻雞，雞皮很滑肉質也嫩滑，雞飯的雞湯味會偏淡一點，感覺輕盈不油膩👍🏻。-💕 炸鮮蝦雲吞 $38👅好味指數：7/10炸皮不過厚☺️蝦肉有鮮味。-💕 吉列豬扒 $58👅好味指數：7/10炸皮比平常的薄，豬扒不乾不柴。-💕 新鮮豆漿 $25👅好味指數：7/10甜度剛好🫶🏻有豆香味。-💕 蜜桃红茶 $20-環境：9/10服務：8/10整體味道：7/10回頭率：7/10

位於尖沙咀 Victoria dockside K11Musea之 Food playground有許多美食，有一間YumMee主打東南亞菜，價錢亦合理，二話不說選擇食東南亞菜。客人先搵位，再到counter 柯打食物，當食物準備好，通知器就會發出BB 聲通知取食物。冬功大蝦金邊粉 酸酸辣辣的冬陰功湯底，酸辣適中，大蝦隻，而金邊粉都幾多。老公居然食晒一啲都無厨餘。海南雞飯湯底好濃郁雞湯味，無骨海南雞好滑好軟，雞油飯好有油香味。唔錯。泰式雞肉串燒 沙嗲醬汁好濃。泰式鳳爪 38，酸辣適中，鳳爪有咬口。芒果糯米飯，煙煙靭靭，椰漿味濃，芒果清甜。榴槤糯米糍 外皮軟綿綿，好多榴槤餡、榴槤味好重。總結:食物美味，食物份量多, 服務員態誠懇。是不錯選擇。