Zakka (已結業)

今日見天陰陰搵個地方坐低hi個T，保持心情愉快於是就搵到呢一間zakka!見佢裝修都比較柔和舒適，餐牌都有好多款甜品，而且價錢都唔算好貴，咁我哋就叫咗一份雪糕窩夫同一份雞翼薯條餐仲要加多一杯紫薯牛奶，終極肥死人！杯紫薯就唔算飲到好明顯嘅紫薯味，但顏色來講就好夢幻。攞嚟打卡個窩夫整得好好味，除咗出邊脆，入邊仲要好軟熟。。。係近來食到比較好食嘅甜品，不過個cream同啲配料生果就有啲唔夠，如果可以再大pat d就仲正！

呢間餐廳屬於半自助式，落單要自己出去cashier買，但嘢食就有專人送上枱。是日同朋友食個tea，由於大家都唔太肚餓，就叫左一個意粉，一個甜品輕量tea份量剛好，呢度氣氛比較隨意，又可以見到outdoor街景，經濟聊天之選

這個下午到了奧海城三期地下的日式西餐廳Zakka，吃過休閒午餐。最熱賣的應該就是蛋包飯，遠遠望見已經是一片黃海。這一碟燒汁雞扒蛋包飯原來很不錯。香軟滑口的奄列蛋煎得非常適中，外面濕濕的香油，餡着白飯，香蛋味道更凸出，旁邊的雞扒只變成配菜。這一碟木魚花牛肉漢堡包也不差。比想像中還可以，牛肉不算太 juicy，但厚身而且還帶著牛香味，跟麵包一同吃味道更中和。特別一提，這個包非常雪白，沒有跟牛油焙過的足跡，是否廚師想讓大家品嚐麵包的原味呢？還有燒汁牛肉意大利粉，還是覺得窩蛋牛肉意粉這個名字比較適合。這樣休閒的日式Cafe，看來甜品也是其中一個賣點，因為是午餐吃不下了，下次再會吧。Eaten by CalvinCanEat

在大角咀搵一間坐得舒適，食得招積既餐廳 並不容易。呢間日系Cafe是首選所以今日我帶了好鐘意食蛋包飯既Honey黎試一試。前菜日式麻醬蔬菜沙律:醒胃沙律新鮮到一個點羅宋湯茄味香濃~加埋靚靚紫色餐杯心情立即大靚單骨香酥雞翼+$28日式煎蛋咖喱吉烈豬扒飯:豬扒入口鬆化醬汁帶點微辣刺激味蕾。照燒汁雞扒蛋包飯: 甜甜的醬汁加上超級滑的蛋包著軟綿綿的白飯，好味滿足。

今日經過奧海城探朋友，朋友介紹位於三期的Zakka午餐有西，日選擇套餐跟沙律/湯 和 餐茶沙律非常清新湯也濃郁我們追加四隻雞翼但大，細分別很明顯照燒雞扒日蛋蓋飯 $68照燒雞扒日蛋蓋飯 $68最喜歡這些滑滑雞， 照燒雞燒得幾香口吉列豚太陽蛋咖哩飯 $68吉列有點厚，肉較小， 但日式咖哩味配飯正正咖啡正常。

假期又落大雨，女友就話去近近地既奧海城食佢愛的cafe!大約下午兩三點，在場食客不多，可以選擇 較寬敞的梳化位。可惜的是奧海城分店並沒有梳乎厘pancake。order完食物之後就需要到counter度先付款， 之後店員就會送餐過嚟。我哋叫咗一個意粉一個飯同埋一個甜品。可以選湯或沙律， 加12蚊可以轉酥皮湯。因為我哋驚太飽嘅關係所以就冇轉。溫泉蛋肉醬意粉$88溫泉蛋加上蕃茄肉醬真是無敵漢堡扒咖哩蛋蓋飯$118漢堡扒非常大塊,而且口感夠紮實。蛋香略嫌未夠，不過好嫩滑。外型真的非常日式。意大利軟芝士香蕉班戟$58份量很大份，三塊pancake 好鬆軟，忌廉輕身順口，香蕉片滿滿。好抵食。

星期六晚唔想排長龍食飯揀左間位置不顯眼既西日cafe試一試明知食tea 應會適合些見佢甜品款好似仲多選擇，不過見人少少，晚餐都有想試既選項就坐低左..Dinner Menu 最貴都係百幾蚊連湯加餐飲都算係咁啦食材都有寫明來自日本既感覺抵左賺到盡就梗係點個「帶子松葉蟹肉意大利麵」同 「鹿兒島漢堡扒日式咖哩蛋蓋飯」啦仲upgrade 埋個香草🌿蕃茄湯配酥皮添酥皮一般，唔夠肥美，但裡面蕃茄湯又算濃喎，可能加左蕃茄蓉啦帶子松葉蟹肉意大利麵幾粒中小形帶子，厚度算合格啦松葉蟹肉都有一啖，配埋個奶奶白汁同雜菇係幾好食喎唔覺肥但味夠又料多鹿兒島漢堡扒日式咖哩蛋蓋飯不過不失啦咖喱唔夠濃味塊扒厚度夠既但差左些牛牛味...雖然個樣呃得下人看上去層層疊，如個汁多番些會好DD餐飲就點左cappuccino 同mocha, 以cafe 黎講，比較一般...

冇服務。問佢擺辣汁， 佢話自助，不過我坐 個位好窄出唔到去佢先至死死氣幫我攞。 選擇冇以前咁多。 凍飲要加三蚊點知嚟咗杯凍檸茶冇檸檬味個檸檬啲執好似已經揸乾咗先至放落去。

今日約左個朋友食tea，佢帶埋bb出黎，揀間方便d佢同bb，呢間餐廳都好多一家大細去食， 好多sofa位，坐得都舒服。三點開始tea time，我地叫左吉列豚肉漢堡、薯條 $50，脆炸雞翼、蜂蜜丘比醬 (4件）+$28同手製窩夫（細）、雪糕 $28。吉列豚肉漢堡個吉到炸得好好，漢堡裡面仲有生菜同蕃茄，而薯條係粗身的，都炸得好脆。脆炸雞翼係單骨雞翼，炸得太勁，好熱氣。窩夫1/4 件好脆都幾好，雪糕有幾種士多啤梨、牛奶、朱古力、榛子味道可選，我就揀左士多啤梨味。配熱咖啡或茶，茶包可選伯爵茶、英式早餐茶、檸檬薑茶、洋甘菊香草茶、三式薄荷茶同蘋果玉桂茶，我就揀左檸檬薑茶，味道就一般啦，飲到尾個茶包好黃，下次都係揀第二款。

今次行街行到奧海城3期 見到呢間日式餐廳 幾吸引 入去試試餐牌上價錢已經包埋餐湯/沙律 及茶/啡 與友人揀左兩個餐 本身想食埋甜品 但份量實在太足夠了 share 完兩個餐都飽左😊先去收銀處落單 然後按指示 把感應器放在枱指定位置 便會有送餐服務 比起以前要放號碼牌係枱面更先進先講餐湯 +$12轉做《酥皮湯》 係中意既白湯 正 最中意將啲酥皮浸入白湯一齊食 😋再+$6轉特飲《凍抹茶鮮奶》表面有厚厚的奶泡 由抹茶粉沖出的味道 沒有一絲糖水的感覺 不錯《鹿兒島漢堡牛油果芝士薯條》牛油果為厚厚的漢堡扒帶來新鮮感 牛油果都唔少 個口唔夠大 要分開兩層食😂《帶子松葉蟹肉鰹魚汁意大利麵》濃濃的醬汁 可掛在意大利麵上 麵質偏爽口 加上彈牙的帶子及菇 味道十足的松葉蟹肉 如果不是只有兩條 會更滿足$274/2人 抵食 又有餐湯 又有野飲 又一大份主菜 經過會再食👍🏻要試試佢個甜品

今日lunch time大約12點半尼到，本身想食隔尼的食魚的，但因為冇位，只得番外而位，但因為太凍所以走左，轉左去奧海城食E間佢係日式mix左D西式野食我就叫左意粉，蒜味明太子蘑菇意粉下次我應該唔會再叫，因為實物與圖片不附，實左差太遠尼到唔靚，汁雖然係多，但好水好稀，明太子味道一般，以為係明太子粒，但原來係明太子醬但菇係份量係多的；意粉都食得飽$68會跟一杯餐飲，湯或沙律羅宋湯得好少，冇咩料，有少少黑椒但佢又唔辣的飲品就凍檸茶，普普通通，但檸檬就好重手，落左半個

又到下午茶時間 跟媽媽去hea 下先叫左杯橘子茶 第一次飲 都幾特別 如果d水再滾d 我諗會迫倒d橙同檸檬味出黎 呢個係炒牛肉飯 個汁甜甜的 撈埋個生蛋黃 都幾好食👍🏻😎仲以為好西式既餐廳 原來都幾fushion 唔錯唔錯 $45蚊 有杯熱飲 ☕️好抵呀另一個餐 係芝士焗雞肉意粉 加個酥皮忌廉湯個湯夠熱 酥皮好鬆化 好好食 個意粉好濃芝士味 但個雞肉就燶左少少 乾左少少 呢個餐$55蚊包一杯熱野飲 都好超值👍🏻

星期日同屋企人泥到Zakka食lunch，因為係假日所以佢就有brunch set。我揀左鹿兒島漢堡扒蛋包飯，都幾surprised，塊漢堡扒好juicy好好食，配搭住我鍾意嘅蛋包飯，加上日式咖喱汁真係好perfect!星期日Brunch set會有埋湯或者沙律，但係嗌野飲嘅話就要加少少錢

豬肉腸，蜜糖火腿，炒蛋，野菌，厚多士配熱咖啡或茶(一杯).HK $46.平時多士只會有一片，而依到就有兩片，仲要係厚身。炒蛋幾滑身，不過野菌就有啲凍。整體份量都ok，而且味道亦五錯。

同屋企人去奧海城行街，媽咪提議搵間餐廳坐下、食個下午茶😌😌當然好啦～ 見到呢間Cafe環境唔錯，下午茶餐都幾多選擇，就決定入去😄1️⃣吉列豚肉漢堡配薯條賣相好精緻，而且份量一啲都唔小！豚肉炸得啱啱好，加埋我最鍾意食嘅沙律醬，好match！媽咪就最欣賞配嘅黑松露醬🤣🤣 我哋食唔停口😋2️⃣蕃茄焗豬扒飯配酥皮湯迷你size嘅焗飯，我覺得焗得比較乾，但食得出係用鮮蕃茄做醬汁，而唔係只用茄汁👍🏻酥皮湯都好有水準，入面係蕃茄湯。如果係忌廉湯就好啦，唔使成個set都係蕃茄ma haha