ZAKS (已結業)

話說係復活節嘅時候去左愉景灣一日遊，感覺上好似冇長洲，大澳依啲咁多人，但睇嚟都係睇少左香港人嘅威力🤣 平日嚟係絕對有度假feel，空氣清新而且仲有沙灘配無敵海境⛱️ 玩攰左都有唔少餐廳選擇，今次去嘅依間為熱門之選，經濟實惠，仲感受到陣陣海風😆 -Zaks Nachos 招牌粟米薄脆 ($153) 另外加牛肉$30。份量大到一上枱邊圍嘅人望哂過嚟😂 面層係海量嘅sour cream，芝士，牛油果醬同 蕃茄salsa，另外仲有啲olive，墨西哥青辣椒。每一啖都沾滿哂醬汁，好頂癮😍 而且夠三至四人share，配埋啤酒真係chill到一個點！*Fettuccine Carbonara 煙肉芝士闊麵($150) 唔係食法國菜個碟都勁大🤣 滿滿嘅碳水化合物，唔叫friend share係絕對食唔哂~ 食落好creamy，都幾重芝士味，意粉偏闊身，沾得比較多醬汁！-見到有船票優惠，係指定餐廳消費滿$120就可以免費坐船返去，都慳返$46㗎😎 仲見到有新商場開，入面會有更多餐廳外，仲有個溜冰場添!

三年前在愉景灣白色教堂舉行婚禮，所以每年這日子都會跟先生來一趟愉景灣住宿並回味一下。今天選擇了Zaks restaurant 晚餐，人流不多，微風吹來非常舒服！餐飲高質之餘，甜點同樣富有心思！那個朱古力布丁連個碟都是以朱古力繡出來，厲害厲害！服務生友善之餘，感受他們相當熱愛並享受自己的工作。讃！

愉景灣一向給人的感覺是環境清幽舒適, 今天我們選擇了平日入來過一個悠閒的下午😚 中午時段到達, 當然第一時間搵食先, 醫飽個肚有能量再周圍行👣ZAKS餐廳在愉景廣場, 餐廳有兩層亦可坐室外/室內任君選擇. 我們坐於下層室外地方兩板紙餐牌密密麻麻, 食物種類也算多選擇泰式烤雞沙律 $130, 當服務員送上餐桌, 第一刻感覺是沙律份量都算大, 有大大塊烤雞, 好多沙律菜. 烤雞不乾身, 有肉汁. 新鮮的沙律菜, 脹卜卜的車厘茄. 沙律汁好惹味, 酸酸甜甜辣辣, 令你非常開胃, 味道不錯不錯😋👍👍招牌特色薄餅 $150, 薄餅可以選擇厚批或薄批. 招牌薄餅餡料有香腸, 辣肉腸, 火腿, 青椒, 洋蔥&菠蘿, 當然唔少得薄餅精髓的蕃茄醬&芝士😁 熱辣辣 香噴噴 薄餅底脆卜卜, 餡料豐富味道不錯😋👍我們每人叫了一杯冇酒精特飲 $70/杯(忘記拍照), Virgin Mojito & Virgin Colada兩杯味道係好飲, 不過我覺得價錢偏高餐廳環境舒適不用多說, 服務態度就一般啦! 始終外國餐廳服務態度都是輕輕鬆鬆, 你所要求的, 他們必會做到, 只是時間上的問題😅 香港人也要學習慢活, 放

情人節入左愉景灣行下 呢間係海邊嘅餐廳 咁啱俾我哋坐到近海嘅露天位😍 個環境都幾舒服 雖然有陣時會吹左啲樹葉落嚟 🍃食完呢餐最想講嘅係 啲嘢食真係好好好大碟‼️‼️嘢食質素其實唔錯 但係份量太大真係食唔晒變左浪費😞Zaks Nachos ($153)芝士同埋醬都好足料！ cream cheese source配nachos 真係好邪惡 佢嘅墨西哥醬都好好食😍Mexican chicken quesadilla ($140)薄餅夠軟身同埋芝士雞肉都唔錯😋Linguine vongole ($160)中文係寫白酒大蜆扁意粉 但係啲蜆就唔係好大隻啦 意粉幾彈牙但偏硬 🤔

喺愉景廣場落車後一直向海傍方向行，有幾間異國風情嘅餐廳，我地揀左一間有室外露天位嘅，打卡一流😎🤟🏻我地本身坐入面比較暗，之後有waitor見到外面有位，就好細心咁問我地想唔想坐出去，如果要打卡坐出面係好靚！！！·1️⃣招牌烤雞(全份$245/半份$175)A先生諗住唔會好大份所以話要嗌全份，但一上枱就後悔了🙈🤣全隻烤雞加大量薯角，仲有啲沙律⋯我直接俾左半份俾佢，邊個叫佢反對我話叫半份🙉咁大隻烤雞但雞脾果半邊肉都好嫩滑好juicy，雞胸部分都係預計中嘅「鞋」同乾，但可以接受，我本身係唔中意食雞胸🙊🥲佢仲有一兜汁俾你點雞，味道似係香草磨菇汁果類，但我覺得烤雞半身都入味，所以唔點汁食都ok😋😚·2️⃣特色牛肉漢堡($168)漢堡size好大，仲配大量薯角，一個人食一定夠飽🤣中間本身已經有牛肉、生菜、蕃茄、洋蔥同芝士，如果想再豐富啲，可以+$15(每款)要埋其他配料(蛋、煙肉、磨菇)果塊牛肉漢堡扒好厚，底面都有煎過，但一啲都唔乾，咬第一啖已經有肉汁流出黎🤤🤤夾係上面果塊芝士都俾塊牛肉漢堡扒熱融左，所以個包同塊扒都會食到芝士薯角都炸到外脆內軟，佢隻調味粉同kfc果種薯格有少少唔同，除左鹹味，仲帶有好少少

3月19日中午12點左右我致電餐廳訂了當晚7點兩位，我在對話中表示希望可以安排坐靠近海邊的位置。我約6點55分到達餐廳後，職員安排我們坐在餐廳中間的兩排坐位，但我見到靠近海邊仍有8個位，我問職員可否坐下，職員表示稍後8位客人到該位置是預留給他們的。約10分鐘有一位外藉男士來到餐廳，我太太聽他表示只有兩位並要求坐在預留的8人坐位，職員馬上為他把兩張合併的枱分開。我見到後詢問為何如此，職員竟然講大話同我講他原本是訂8位臨時才來2位，我當時十分憤怒，在想了一會後決定和太太離開。我接受餐廳安排不到靠海位置給我，但我不能接受他們雙重標準對待其他客人，我更不能接受他們為了掩飾做錯事講大話。香港已太多謊言，估唔到一心同太太入來慶祝生日都係要遇到謊言。無言

難得假期就梗係去遠啲行下海邊享受下海風啦，今次揀左黎愉景灣，咁我就搭地鐵去到東涌再轉巴士黎嘅，架巴士都唔會坐好耐大約4個字就到，都算近既，由於未食野所以就搵左呢間食個brunch假日都唔算多人，好快搵到位，位置仲要近海，令到個人好放鬆同舒適香蒜雞肉通粉$140-無諗過佢係綠色🤣仲以為黎錯食物，食落味道麻麻地，偏鹹特色牛肉漢堡$160-個沙律就平時食開西餐既酸酸地沙律菜，薯角炸到好好食而個漢堡超大但個牛肉偏鹹，食落都好juicy既呢間鋪份量偏大，2個人叫2個主食都已經好足夠，可以吹下海風傾下計，坐幾耐都無人理，悠閒咁過一日都唔錯既選擇

因為呢個長期疫情戰，已經好耐冇約朋友吹下風又吹下水。恰巧幾個朋友約聚會，就選擇坐下船入愉景灣hea 下。星期六人不多，ZAKS 都冇坐滿人，4個人點了Nachos、pizza、roast chicken、beef+prawn 、紅酒Bin 28。老闆仲送咗碟tempura蝦 俾我地。整體味道、價格、份量、服務各方面都非常滿意。坐室外，陽光下吹吹海風，吹下吹下水不知不覺由12點 坐到3點，好舒服，夠hea, 正呀喂，值得encore

今日來到愉景灣DP plaza, 入邊有好多食肆，花多眼亂， 最後都揀咗最熱鬧嘅Zaks。由於疫情的關係，選定座位後， 員工會即時消毒及清潔枱面， 所以覺得整潔度很高。場內空曠， 面對海景。我們一共三人，選擇了combo B, 有四道菜，價錢適中。點菜後很快就上第一道菜凱撒沙律。呢個凱撒沙律雖然簡單，但係芝士足夠，煙肉烤得香口， 麵包都烤得脆，所以好快就清左呢一碟沙津。下一道菜就是炸魷魚，配兩款醬-泰式辣醬及甜芥末醬。魷魚炸得唔耐，所以好鬆軟，相對來講都冇咁熱氣，好好味。第三道菜就是蜆肉意粉，調味相對辣少少，但可接受，呢款意粉比較乾身，但入口調味足夠， 蜆肉煮得剛剛好， 仍然黐住蜆殼。好味道！第四道菜就是佢哋招牌pizza，叫咗薄批。但可以再薄身一點， 味道濃郁，材料都豐富， 有辣肉腸，火腿菠蘿，青椒洋蔥，雖然味道都好好, 如果話係招牌，我就覺得相對普通。套餐附送兩杯汽水。總括而言，這個套餐性價比尚好，服務都不錯。所以下次會再幫襯!

一到愉景灣就能夠看見這一家很起眼的餐廳，它位於一個很佳的位置，能夠看到美麗的沙灘和海景。今天我和朋友吃了一個豐富的早餐，煙三文魚很肥美，班尼迪克蛋也做得很好吃，加上了秘製的醬汁，味道10分夾。此外朋友也叫了豐富的早餐，有香腸、炸薯餅、茄汁焗豆、煙肉等，份量10分粥。再加上了一杯美味的咖啡，看着這漂亮的海景，加了不少的分數。值得一試！

第二次享用 都一樣巨份量形式今次都一樣去愉景灣staycation 所以選擇左Zaks 價錢相宜 份量又大唔同一次係今次去堂食 要用安心出行.....不過餐廳都有提供填寫資料方式但就好似餐廳起booking版咁 客人需填寫電話、電郵、名、享用時間及日子但缺點係你完全可以睇到上述客人的資料咁經歷左上次叫太多食唔哂嘅經驗今次就明顯叫少左好多今次係一家四口👨‍👩‍👧‍👦埋單大約500元就只叫左3個main course 事後發現 餐廳有offer combo 建議如果多人食嘅話可以叫combo價錢只多幾十 但就有多兩杯野飲- beef burger 其實之前都有試過 係普普通通但就貪佢有薯條 又有沙律Burger 芝士又好拉絲- spaghetti Alio-Olio pepperocino 據介紹係蒜香辣味，但在意粉內沒有見到仼何辣椒，都無感到有辣味而且蒜片被炒到燶晒 帶出點苦味- Marrinara Pizza 拎起都超級拉絲配搭有魷魚、蠔、青口、蝦......海鮮沒有腥臭味

週末黎到愉景灣當然要對住個海坐一坐食下野一間係海邊既餐廳可以一邊看海一邊食野「Zack Nachos」 $153招牌粟米薄脆，因為格離枱都係叫一樣既但佢叫半份，先知原來有半分去叫因為一份都幾大份，所以都幾抵食係用Dorito chips 上面既醬料有mozzarella cheese和 guacamole 醬 同埋sour cream合成既nachos 仲有黑橄欖同埋小蕃茄係入面點聚口感十分豐富，推介😋飲品方面叫左兩杯「Zack Fruit Punch」$70「Virgin Colada」$70兩杯都好新鮮，好美味同nachos 同環境好夾好適合係海邊一路食一路飲推介😉

第一次去愉景灣，自自然然會揀一間最多人食過嘅去試。坐位方便，我有一早book定位，雖然坐出邊感覺chill D，但係帶住老人家同小朋友都係坐返室內好D。食物方面，份量比想像中大份，我哋叫咗一個兒童餐，份量都可以share比大人食。Korean fried chicken醬汁幾好Linguine vongole炒得幾香口，但白酒味唔太重Chicken tikka sizzle plate 配埋薄餅真係好抵呢間餐廳食物質素同價錢符合正比，份量足夠，味道唔錯

去愉景灣閒逛，午餐去咗ZAKS搵食。與友人一齊order咗：Beef BurgerZAKS Roast Chicken 半份份量頗大，我食完半個漢堡+1/4份燒雞+幾舊薯角，已經好飽！我哋兩個最後食剩好多薯角！味道方面，就一般啦，牛肉漢堡無乜牛味，幾鞋口。燒雞都係好鞋，好明顯係雪藏咗好耐嘅雪雞。但係愉景灣，每人$220食餐晏仔，性價比都係咁上下。我哋最後每人order咗杯咖啡，諗住慢慢嘆住咖啡傾吓偈，點知，杯咖啡(Flat White)都係令人失望！唔夠熱，無乜咖啡香！😪

身為一個資深既食家到處搵好野食係我出街既動力山長水遠入到去愉景灣諗住chill下係既 優點：環境係幾chill 幾relaxingd music都好好聽野食都好大份 野飲都ok geJuice都fresh ge 缺點： 野食就真係強差人意 真係算唔上好食填飽個肚係一流既黑松露risotto 無黑松露味 調味好普通然後得小小蘑菇做配菜 成個主菜好單調燒雞 （配薯角沙律）雞有點鞋個汁又麻麻地 薯角有點燶埋單一人二百令好多人坐一個下晝既話就抵既 但我又唔會再食返服務無人地講到咁差 正常 但都唔算係熱情