ZeEzEe Pizza Cone Cafe

營業中

休息中

黃竹坑真係冇咩餐廳可選，聽朋友講哩間伏，都想試下係咪真，門面睇落唔似營業中嘅餐廳，店內用灰色牆身唔光猛，面積唔大，坐位連高身吧枱大約有20幾個位，係街外唔特別留意以為係冇開添!! 餐廳有唔少種類，除左有午餐，仲有下午茶、三文治、粉麵餐等，今次試午餐- 姜茸雞扒撈韓國麵配熱檸水，外賣擺盤賣相唔錯，都幾有心思，如果味道可以濃返少少唔好咁寡就更好，雞扒炸過，麵餅連揚開都冇就咁煮完原個放落外賣盒，整個餐冇咩特別。樓面只有1位員工做埋收銀，服務態度親切有禮，下次想試下焗飯，希望會有更好的食評。

早上來行南朗山。原來打算去MTR附近的熟食市場吃早餐，可惜一間都沒開始營業。唯有行另一邊，好彩發現這間唯一開了的店。因為得這店營業，所以滿多人的。自己出收銀點餐，之後店員會送餐來。沙爹牛肉韓國麵，$32。價格和出面的差不多。味道很好。牛肉很腍，特別是麵用上了韓國麵，出面少見。奶茶有點甜，沒有那種回甘味，但很滑。炸魚柳餐，$35。炸魚柳很香口。就是雞蛋一上枱已經爛了破壞賣相。我見這裏主打Pizza甜筒，好得意，但中午才開始有，無緣吃了。美中不足是餐具用即用即棄，不環保。要是早上來行南朗山，還是在自己家附近吃吧。要不然只能來這裡破壞地球了。不知何否自備餐具呢？

今日lunch time 行去深灣嘟兩蚊8達通，經過這間小店覺得幾好就考試吓個午餐。 要咗個薑蓉鷄扒撈韓國麵加可樂，味道都算ok，而且44蚊都算抵食。見到附近中學的老師和學生都喺度食，好過咁熱行去南朗山熟食啦。下次要試吓佢地個甜筒pizza同埋炸鷄.

ZeEzEe新搬左去深灣道既餐廳，同事帶我去下午茶，叫左好幾樣試下。甜筒薄餅，好特別係卷起黎既，份量唔會太多，下午茶啱晒，幾款口味都有濃濃芝士味，味道好好；薯條兩款係芝士煙肉同千島醬肉鬆，芝士煙肉口味配薯條好野味，唔錯；而千島醬肉鬆口味配薯條我就覺得麻麻，味道怪怪地；而個雞翼新鮮做起，皮脆肉滑，唔錯，不過冇咩特別。下午茶揀呢間唔錯呀