影片
港鐵寶琳站 A2 出口, 步行約4分鐘
繼續閱讀
電話號碼
22760100
營業時間
今日營業
10:00 - 23:00
星期一至日
10:00 - 23:00
公眾假期
10:00 - 23:00
公眾假期前夕
10:00 - 23:00
以上資料只供參考, 請與餐廳確認詳情
「三才」本身在寶琳外賣火煱丸類、魚片出名，近來發現開埋粉麵店，地點就係佢哋而家舖頭嘅附近，雖然有點隱蔽，但一眾為食友又點會唔知，就好似我咁見到就即刻入去食。舖頭係冇乜裝修，但就空間大而且整潔，坐得一啲都唔侷促。我叫了牛雜拼雲吞河粉，牛雜入味，雲吞爽口，牛腩汁唔會好濃恰到好處。芥蘭17蚊一碟，用個碗裝都幾大碗，份量ok！泰式鳳爪~比較少見粉麵店有這類小食，所以就嗌了一份，鳳爪無骨夠入味，酸酸甜甜好醒神，我自己一個人食，食下一隻食下又一隻，不知不覺就清了。值得一提係佢哋嘅辣椒油，用咗指天椒同埋炸蒜蓉，遠遠都聞到辣油香，點會唔流口水。而我最鍾意嘅食法就係落辣椒油再加醋，刺激得嚟又惹味。
繼續閱讀
之前睇過關於銅鑼灣三才嘅片段📹關於佢哋一家人一齊營運魚蛋檔嘅堅持但係次次出親銅鑼灣都係食其他嘢一路都未試過🙈佢開咗喺將軍澳即刻去試呀！天氣開始轉涼適合食魚蛋粉麵😍點左:☝🏻鮮炸魚皮 $17🥰味道香濃，炸到脆卜卜好有口感 比坊間用少左炸粉 都保持到好脆身👍✌🏻魚旦魚片河 （雙拼推介） $41湯底比較清淡～唔會搶咗主角魚旦同魚片嘅鮮味同風頭🤟🏻紫菜四寶粗面 （魚旦、豬肉丸、魚皮餃、貢丸） $47湯底比較濃郁～仲加咗大量嘅紫菜湯頭好鮮甜 風味十足🍜兩碗麵上枱嘅時候都配咗一大羹炸蒜同青蔥同乾蔥一撈落個湯度惹味十足❤️香氣撲鼻 即刻提鮮到成個湯～一直都好想試佢地啲丸丸～因為佢地自設工場丸類：爽口彈牙，調味適宜，食完唔會好口渴 感覺冇落味精 比較輕盈同健康📝 特別一讚: 貢丸 好特別 平時街買啲貢丸剩係得香菇 但呢個好似加左啲芹菜入去～味道昇華咗！香得黎又清新～魚皮餃都好正 個皮唔會特別粉 厚薄適中 煙煙韌韌入面嘅餡都唔似坊間一般咁油膩 啖啖都有魚肉嘅鮮味好食到我直程想黎緊打邊爐過嚟買料🥰想encore 魚皮餃同貢丸～ 同試今次冇叫既炸魚旦！！都想試埋佢哋嘅餃子～我哋嚟搵呢間試嘅時候初頭搵到係火鍋食店🙈要行前多兩步，見到好多一碗碗粉面嘅相先係粉麵舖～鋪面環境光猛 牆上邊好多條魚仔添P.S.每一樣食物份量都幾大～真係大件夾抵食將親民價由銅鑼灣延續到將軍澳我哋兩個女仔食埋個魚皮 啲粉面都食淨咗少少下次會叫少面 唔好浪費🙊 ($105食到攬住個肚走）🌟🌟🌟🌟🌟🌟是日highlight! 今日有幸遇到三才入邊嘅家姐Elaine!家姐勁nice!! 同埋佢自己都食緊啲魚蛋加辣椒油🙈真係生招牌啊！香港依家呢啲小店真係買少見少 希望繼續食到呢啲濃濃嘅人情味
繼續閱讀
之前在港島上班偶爾都會去銅鑼灣三才吃碗魚蛋粉、最近發現將軍澳寶琳都開了三才嘅分店、放假去新都城買嘢順便去吃～牛腩韭菜餃、牛腩炆得好淋好入味！韭菜餃脹卜卜好足料、河粉好滑溜、配埋腩汁好味～牛筋菠菜餃 菠菜餃系我每次去三才都會吃、大大只裡面有新鮮菠菜和豬肉、好滿足！牛筋都系非常腍另外佢嘅魚蛋同墨魚蝦條都好好味、有時我地會經過外賣一打拎返屋企煮～將軍澳的分店更大更闊落、仲開到夜晚11點、下次宵夜可以再去食。
繼續閱讀
小時候喺港島區讀書嘅 #小秘書，放咗學好多時都會同啲同學仔走去 #銅鑼灣 醫飽個肚先返屋企🤭 「三才魚旦粉麵」嘅 #西洋菜餃 同 #墨魚蝦條 可為我成長路上嘅 comfort food😅 就算出咗嚟做嘢，#小秘書 周不時都會心癢癢走去食碗麵🍜滿足吓味蕾😉 估唔到老細竟然過咗嚟 #寶琳 開分店，我以後都唔使長途跋涉去探班喇！不過呢個大發現，都係住喺附近嘅朋友仔帶我過嚟，估唔到太子女又咁啱都過咗嚟呢邊，真係預約都無咁準呀😉 嚟得幫襯，當然要叫我至愛嘅墨魚蝦條，不過今日唔食西洋菜餃，換咗 #牛雜粗 做主食🥢 用 #特製滷水汁 醃製過嘅 #牛雜 零舍入味，肥美嘅牛腸配上薄切嘅牛肚，味道濃郁🤤 真材實料嘅墨魚蝦條入口爽彈，墨魚滑加蝦肉混埋一齊特別鮮味🤤 另外我哋仲叫咗佢哋自家製嘅 #泰式鳳爪，酸酸甜甜嘅口味，令無骨鳳爪顯得味道特別出色🤤 而最難得嘅係價錢夠晒貼地，十七蚊碟嘅芥蘭兩個人都夠晒食🤭 最後梗係要整杯 #凍檸茶 🍋 先至夠完美啦🤤🤤📍 三才魚旦粉麵 (將軍澳) 寶琳欣景路8號新都城中心二期地下G29號舖
繼續閱讀
三才終於在將軍澳開了分店，雖然牛什也是很可口，但是味道跟以往相比確實差很多。麵比以往較細，牛什和雲吞份量也很細。雖然湯頭有功力 好味，但是對比以往在街市時鋪頭，明顯有很大分別。味道較淡口，而且雲吞的鮮味卻不足。期待再進步
繼續閱讀