影片
招牌菜
放假小編都好需要舒展一下身心，成日食都唔係辦法，偶爾都要落場做下運動行下山，咁先可以大條道理繼續食好西😜今次行呢個西貢入去既大浪灣，中途行到熱辣辣㷫恰恰，就喺perfect timing出現左呢間 海風士多🤩【 山水豆腐花】$20超滑！ 超滑，真係超滑！大重要啦，所以無可能唔講3次！本身無咩expectation 但佢既滑驚艷到小編們！而小編平時中意食熱豆腐花但呢間個凍豆腐花竟然咁好食！好有驚喜🥰絕對係對小編做運動既美好回報同動力😆
繼續閱讀
呢排秋風、涼涼哋！行山去大浪灣村海風士多補給站！諗住坐低休息一下、鬼知食環署、地政暑喺度啫！冇嘢食住！果個白頭佬話被人投訴喎、等班狗官走咗先！我好彩有鬼通知啫、如果唔係會被人捉到正. 間舖無食物牌. 鄉村地方. 邊Q個會申請.就算去申請, 點會批,做咗拾九幾年, 啲狗官都唔捉啦！而家又話捉我霸政府地喎, 我都霸咗2O年啦、又見拉我、做吓戲,咪收場！等啲狗官走咗、繼續開檔、你睇下！冇壹萬幾仟呎、點做！有人巡果陣. 又有人通知. 繼續冇牌20年. 霸多10年就可以自己地啦.. 條白頭佬吹完.跟住件唔咸唔淡廣東話嘅阿嬸. 食乜嘢？粗聲粗氣大大聲,但啲官又冇出聲？究竟有食物牌？抑或者冇？咪叫個炒飯食.加杯奶茶.唉,好似欠佢錢. 147蚊 超級唔抵食 炒飯有烏蠅、又鹹、杯奶茶完全唔掂！價錢超級貴.招呼極度劣.環境周圍好多飛嚟飛去. 沙灘環境無敵,但士多周圍都係垃圾, 野狗又多. 中途站冇得揀,下次自己帶三文治就算吧
繼續閱讀
有人聲稱輕鬆遊，用美麗的沙灘來欺騙感情。地圖顯示個半鐘的行程聽落簡單，行到尾段高低起伏異乎尋常。不過直至望見沙灘，疲倦的感覺即散。🏖️見到士多很興奮，點了很多東西吃。坐在沙灘旁的椅子上，望著藍天白雲，彷彿進入另一世界。美食當前，但已成為美景中的配角。食物只是平時的快餐，可是味道已經唔係重點。
繼續閱讀
Went camping the last weekend, it was the Easter holiday so Ham Tin Wan was packed! People everywhere! We camped at the beach after, it’s called Tai Wan 大灣Comparatively less people there. It’s around 10-15mins walk from ham tin wan. We walked back to ham tin wan for an early dinner, the queue at the store was long, ordered a fried udon 炒烏冬, thought we hv to wait for a while but the food actually came out pretty fast! And also tasted better than I expected! P.S. There are only two stores in ham tin wan, my advice is DON’T GO TO THE OTHER ONE. Service there is the worst!
繼續閱讀
嚟到呢個補給站，環境舒適，士多居民親切，雖然價錢相對地不會太便宜，但係喺呢個地理位置，我覺得咁樣嘅價錢同埋食物嘅質素係非常合理的，畢竟唔係外面交通咁方便。由西灣亭出發，行到呢度非常肚餓🤣兩個人叫咗一碟星洲炒米，餐蛋公仔麵，炸燒賣和炸雞皮肶+2杯冰檸檬茶。有海景有美食（當日條橋俾水浸左，要行另一邊路先可到達海風士多）星洲炒米都幾大份，足料好味😋餐蛋出前一丁，$40，係好普通嘅嘢不過佢又整得幾好食，午餐肉唔會「薄切切」，仲有兩條山菜：炸燒賣$20，上面有椒鹽，粒粒脹卜卜：後加嘅炸雞皮肶$35；係細隻咗少少，不過係好味的。嚟到呢度相信大家都唔會話對食物嘅質素有非常高嘅要求，行到肚餓食咩都好食🤣不過呢間士多嘅食物係唔錯嘅，坐喺度吹下海風真係幾enjoy~
繼續閱讀