影片
營業時間
今日營業
11:00 - 23:00
星期一至日
11:00 - 23:00
以上資料只供參考, 請與餐廳確認詳情
旺角分店位於銀行中心地下，延續蜜雪冰城一貫親民路線，人均$20以下歎足一杯！招牌芝士奶蓋四季春茶香清爽，奶蓋濃稠帶微鹹，性價比高過不少連鎖店；芋圓奶茶料多飽足，但甜度稍高，建議半糖更順口。$5杯香芋味雪糕價錢十分吸引，眼見好多內地客經過都會幫襯，可能比較有親切感😅店面裝潢以亮白×桃粉為主調，霓虹燈管字句好搶眼，尖峰時段人龍長，出餐速度尚算快，適合想解渴又不想破費的學生黨。整體而言，味道未達驚艷級別，但以銅板價來說絕對合格，路過必買！
繼續閱讀
夜晚喺旺角鋸完扒，本來想食糖水，但係因為糖水店排滿人，所以放棄。粗粗地在蜜雪冰城買了杯楊枝甘露頂癮。之前在蜜雪冰城食過一次雪糕覺得質素10分不錯，所以並沒有人哋講咁差。今次就來試一下這杯楊枝甘露。價錢不貴，但比起食一碗糖水的楊枝甘露一定平好多。大大一杯飲落都幾OK ，入邊有啲煙煙韌韌西米、椰果、仲有芒果。口感其實幾豐富。雖然芒果味道淡咗啲，但係以呢個價錢、呢個份量嚟講，我收貨了。拎住杯茶飲行旺角，先係香港特色！
繼續閱讀
滿杯百香果，少冰，正常糖已經係第二次飲，珍珠好煙韌份量都好多，百香果茶依然好香有好多果粒，重點係價錢真係好合理，欣賞佢俾埋耶果$19 雪王雪顶咖啡，少冰，正常糖第一次飲又OK喎，啲Espresso唔苦，但係唔會飲到好似落咗好多糖嘅咖啡，個雪糕球就唔係好好飲到，但係眼見份量都好多。外賣佢會俾咗兩個冰袋你。楊枝甘露，少冰，正常糖第二次飲依然咁好飲，嗰啲丸子好大粒
繼續閱讀
知道開咗好耐喇一直未嘗試過今日喺附近行街啱好試下!!舖頭裝修同內地都一樣，整好即拎取貨真係超快!!🍋🍋點咗杯招牌檸檬水少糖去冰飲落清甜又解渴，就算係少冰都係滿杯嘅，而且價錢超抵，真係好推介啊!!🥳🥳
繼續閱讀
喺國內食過覺得都唔錯.但可惜真係好多人排隊.所以都唔會成日食原來喺旺角開咗分店🙌🏻見到唔算好多人就排隊買咗杯雪糕食.估唔到只係港幣$13同國內嘅價錢差唔多.但係喺香港真係好難得.我見到飲品都係唔使$20真係好平所以都見到好多年輕人學生幫襯.等咗5分鐘左右就攞得雪糕都好食好大杯.真係平靚正👍🏻下次要去試買飲品.門口仲有得QR code.可以預早落單唔使喺門口等好方便🤪
繼續閱讀