影片
港鐵上水站 A3 出口, 步行約6分鐘
繼續閱讀
營業時間
*Monthly Happy Friday: 11:30-02:00
星期一至五
12:00 - 22:00
星期六至日
11:30 - 22:00
以上資料只供參考, 請與餐廳確認詳情
食過一次咋都係想再食都無喇 又執左笠🥲🥲果次去得有啲急趕揀左個漢堡餐 再加併盤同埋意大利飯份量算多 😆食吾哂趕時間 剩係得一個鐘食啲野食都出得快賣相都精緻 真是可惜了
繼續閱讀
本身幫襯過都幾多次下 今次本身想用app叫外賣之後想食嗰個冇見到app有得揀 就打電話過去問 個職員話有上架㗎 但係到底係我app個問題定係其他問題我真係唔明囉個職員態度本身已經唔係幾好 個電話又係長期冇人聽 完全唔知做嚟做乜嘢 家陣係我幫襯你 其實態度係咪好少少呢 又唔係老馮咁 諗住佢九月尾執笠 食多幾次 而家完全唔開胃其實可以試吓服務態度好少少 對比番來講其實價錢已經唔算平 但係有個情意結喺度囉：）
繼續閱讀
💁♀️💁♂️7/8/2022(Sun), Dinner🍽今晚我地黎到上水搵食～餐廳環境同坐位都幾舒適~今晚我地order左：巨人脆糖豬手 · 自家蜜糖芥末醬配薯條 🐖🍟$118豬手上枱真係好大隻😱，皮都焗得好香口好脆，切開後都好多肉食。唯一係肉比較乾咗少少，有少少嚡。薯條係粗身薯條，正正常常好食。溫泉蛋卡邦尼扁意粉🍝 $80足料份量都唔細，意粉唔會太淋有咬口，係調味淡咗少少，唔夠鹹😕。芝士大磨菇牛肉漢堡配薯條及沙律 🍔🥗$108+$18入到去見到差不多每枱都必叫漢堡，我地又叫咗一個試吓先！漢堡既賣相好大個，又放得好好。麵包有烘過，好食；大磨菇即係大啡菇，食落juicy唔會乾；牛肉漢堡有肉味，口感實在，又煎得香口；整體嚟講係好食既，唔怪得咁多人叫。蜜糖雞翼(6件)🐓 $52甜甜地，幾好食。百香果檸檬梳打🍸 $42酸酸地幾清新，略嫌唔係好有百香果味。龍眼蜂蜜啤酒(手工啤)🍺 $48呢枝啤酒有驚喜！其實佢係本地手工啤品牌-城釀既出品，本身係叫《蜜月HONEY-MOON》，入口甜甜既蜜糖味，好易入口好好飲，都好適合夏天飲。芋圓珍珠椰子凍🧉 $48落單時店員話返無晒芋㘣，只得珍珠。唔緊要啦，都照叫。上枱時珍珠同椰子奶凍分開放，可以根據自己喜好落幾多珍珠。珍珠用黑糖煮過，口感煙煙韌韌咁，配合椰子奶凍都係個唔錯嘅甜品。❤🙆♂️整體食評：❤❤❤(3/5)❤🙆♀️整體食評：❤❤(2/5)
繼續閱讀
離鐵路唔遠嘅小店，餐廳係半open 水吧，除咗近門口兩張, 其他檯比較細，星期六大概12點人唔算多，menu 選擇唔少，加38可轉milk coffee同甜品職員係個女仔，好有耐性同禮貌👍牛肉burger HKD86牛肉質幾好，預早同佢講幫我地切開兩份，生菜新鮮，配個薯條。咖喱椰香雞髀飯HKD78雞脾好大隻，不過有雪味，咖哩唔算辣而且幾香。甜品要咗抹茶tiramisu 同芋圓奶凍，跟餐嚟講幾抵，份量唔少，抹茶味好真實，唔假，知道我地share , 俾定2個羹❤️
繼續閱讀
舊墟小店～食物正常但衛生環境好大進步空間😵💫💛冬陰功吉列蝦義大利飯 $79講左食物先啦，好耐之前都有食過幾次，一直覺得食物唔錯，今次黎發現轉左menu，就試下冬陰功義大利飯。呢個combination比較少見，幾fresh既🫠但食落有少少失望，頭幾啖都有酸有辣，但之後越食就越鹹，食左一半都無再食了，可能比較適合重口味人士（利申本身自己唔算食得清淡㗎下😂）。吉列蝦有3隻，呢個價位有3隻而且唔算太細, 份量上就幾ok既，但略嫌炸粉太厚，但食落都算脆既，可以接受。跟住重點就黎啦，食完之後發現地下有曱甴！有圖有真相啦，圖二有圖慎入！‼️‼️‼️💢💢💢就係我隔離，仲要後尾隔離檯客人走左，（疑似）老闆娘坐係度埋數都可以見唔到，個位其實都幾顯眼，就cashier前面，其他waiter行過又係可以完全見唔到既😑😑喂呀大佬，本身有曱甴已經唔可以接受，你仲要唔醒少少執走 ，由得佢係度平靜裡安躺成個鐘都無人理🙄🙄🙄🙄🙄🙄另外餐廳只收現金八達通，用餐時間60分鐘（以前開左無幾耐既時候幾好食真係多人會趕，但依家都無咩人等位，我地坐左差唔多兩個鐘都無趕～不過我以後都唔會再去🫣味道：6/10 （衛生：1/10 1係比隻曱甴唔係係我碟野入面）性價比：6/10📍Homy Cafe上水新祥街21號地下📌人均消費: $51-100#hkfoodie #hkig #hkfoodieblogger #美食 #pasta #foodiegram #foodiehk #foodblogger #foodielife #foodie #香港美食 #香港好去處 #hkfood #hkfoodlover #hkfoodpic #hkfoodblog #打卡餐廳 #risotto
繼續閱讀