影片
港鐵中環站 D2 出口, 步行約3分鐘
繼續閱讀
電話號碼
36111366
開飯介紹
來自北京三里屯的米芝蓮一星食府，傳承老北京銅鍋文化，標榜採用自清朝康熙年間的千叟宴用鍋的「暖鍋」。食材亦堅持選用來自錫林郭勒盟的草飼180日羔羊肉及高品質和牛。
繼續閱讀
營業時間
今日營業
12:00 - 15:00
18:00 - 22:30
星期一至日
12:00 - 15:00
18:00 - 22:30
公眾假期
12:00 - 15:00
18:00 - 22:30
公眾假期前夕
12:00 - 15:00
18:00 - 22:30
以上資料只供參考, 請與餐廳確認詳情
有關獎賞計劃
在中環打邊爐，原來是能夠一邊吃羊肉火鍋，一邊欣賞京劇的，在香港中環區，總算遇到一間如此有特色的餐廳。這間位於中環核心區的<新京熹老北京涮肉火鍋>餐廳，主打高檔涮羊肉火鍋食材，而且是以一人一鍋為賣點，今晚我們嘗試了清湯鍋及蕃茄鍋底。<草飼180天羔羊肉>薄切片的羔羊肉，上枱用上長盒子，份量很多，粉粉嫩嫩的，放湯鍋輕輕一灼，入口嫩滑，鮮嫩好吃。<鮮切寧夏羊梅花肉>羊梅花肉切成條狀，肉質比較厚身及有質感，與蕃茄湯鍋底非常匹配，入口同樣鮮嫩細滑，愛吃羊肉的人，真的不能錯過。<經典大片脆毛肚>經典大片脆毛肚非常大片，入口爽脆，而且非常吸湯，值得一試。<原產地蔬菜鮮菌>蔬菜拼盤都有多款不同種類的素菜類，又有菌類、粉絲、雲耳及豆腐等等，重點是非常新鮮 。<老北京糖油餅>這個北京糖油餅，外面微脆，咬落去感覺鬆軟，入口味道帶微甜，有點兒像港式的牛脷酥，竟然在這裏也能品嘗到。最後還吃了個淮山蓉造成的甜品，清甜養生。餐廳最大的特色，就是有京劇的表演，當天晚飯時段，幸運地總共看到兩次的現場表演，無論唱功同化妝，都非常認真及有心思，令到整個現場環境都充滿氣氛，食客們都非常欣賞京劇的演出。下次有機會，一定會再帶朋友到來。
繼續閱讀
今晚黎左來自北京三里屯米芝蓮一星食府嘅新京熹北京涮肉火鍋，佢係第一間香港直營店。餐廳提供一人一鍋，我哋分別咗蕃茄湯底同埋五指毛桃清補涼湯底。錫盟草飼180天羔羊肉300G的羊肉擺上係長長的盒到，羊肉肥瘦均勻，一啲都唔膻，點佢個辣醬食真係好夾，唯一缺點係切到有啲碎。鮮切錫盟谷飼羊梅花肉廚師會係附近現切羊肉，呢個羊梅花肉肉味更加重同濃郁，新鮮好食。經典大片脆毛肚呢個只需要淥8至10秒，入口好爽脆。原產地蔬菜鮮菌份量超級大，有黑木耳、響鈴、菜心、菠菜、粉絲等，每樣蔬菜都超新鮮。老北京糖油餅佢好似微甜的牛脷酥，咬入口的口感好鬆軟，又唔會食到成口都係油，呢個真係幾有驚喜。👍👍呢度每晚都有京戲表演，彷彿身處係舊時北京嘅感覺，可以好好感受中國文化。呢到的冷氣同抽風做得幾好，食完個身都唔會有味，而且職員主動性都好夠，好自動自覺去加湯👍佢個茗茶飲入口好舒服，可以一解食完羊肉的油膩感。
繼續閱讀
京菜你可能聽得多，最多一定係北京烤鴨（片皮鴨）、驢打滾、炸醬麵之類，涮羊肉其實都係京菜之一，但大家可能少聽，甚至乎未試過。「新京熹」 — 我幾個月前路經南山萬象天地都見過，但就未試過，裝潢無一般京菜咁古色古香，算係新潮且潔淨一點，今日約係中環食晚飯，有機會可以一嘗。今之揀選左$799嘅二人套餐，連同小料、茶位、加一，埋單$962，人均$481，於中環晚餐黎講，唔係特別貴，但絕對唔係平，間唔中食一次都還好。套餐包含兩個湯鍋、草飼180天羔羊肉 (大份/300g)、鮮切錫盟谷飼羊梅花肉 (150g)、經典大片脆毛肚 (150g)、蔬菜鮮菌拼盤 (大份)、老北京糖油餅，總括而言，味道唔錯，都真係食到好飽下。湯底可選麻辣、番茄及清湯，二人的話麻辣及番茄各一，試曬兩款口味。無得選辣度，麻辣口味比較溫和，唔會太辣，而我食譚仔特辣黎講，當然口味算係清淡，但對普通人黎講應該剛剛好；番茄湯底還好，無咩特別，可能涮羊肉比較著重羊肉本身嘅鮮味，所以湯底都唔會太重口味。先食糖油餅，外脆內軟，咸甜咸甜般，有少少似牛脷酥嘅感覺，算係幾好食。草飼180天羔羊肉 (大份/300g): 有成一米長嘅盤橫跨整張檯，視覺上都幾震撼，羊肉新鮮，羊羶味適中，味道相對柔和，與麻辣湯底蠻匹配。唯一缺點係切得太碎，一塊灼完好易斷開3-4小塊，好難夾。鮮切錫盟谷飼羊梅花肉 (150g): 擺盤又係幾精美，而呢款切得唔錯，廚師會係食客面前即場手切，比前一款羊肉片較為厚切，食起黎幾有肉感，亦帶較多脂肪，肉質較爽滑，油香更為突出！經典大片脆毛肚 (150g): 食麻辣火鍋必點黑毛肚，其口感非常爽脆，真出色，輕灼十秒八秒即可享用。
繼續閱讀
今晚去食羊肉醬料1.內蒙沙蔥椒麻汁，是專門為涮羊肉而設的最佳蘸料。它用野生沙蔥及優質青椒混合已成，味道辛辣，非常惹味。2. 昆布豉油汁，混合蘿蔔蓉，味道清爽鮮香。3. 百搭的經典麻醬，可配上蔥、辣椒、花生碎、香草等，任君選擇配搭。1. 錫盟草飼180天羔羊肉草飼羊肉片質鮮嫩美味，絕無羊羶味。用一個長長的盒子擺放送上，極具奢華，而且份量很多。2. 鮮切寧夏灘羊梅花肉羊梅花肉細嫩可口，且肥瘦適中，無膻味，味道鮮美，脂肪分佈均勻。加上廚師即場手切，毫不奢華。3. 經典大片脆毛肚毛肚爽脆可口，掛滿湯汁的毛肚簡直一試難忘。4. 原產地蔬菜鮮菌裏面配有鮮姬松茸菌、鮮黑牛肝菌、黃金針菇、木耳、豬肚菇、響鈴及豆腐等，食材非常新鮮。5. 老北京糖油餅外面的皮香甜酥脆，內裏的餅鬆軟黏牙，在口中越嚼越香，味道極像我們香港的牛脷酥，幸福感爆滿。店舖內更有京劇表演
繼續閱讀
中環有間叫新京熹老北京涮肉火鍋嘅餐廳，近排真係好hit，聽講佢喺北京三里屯有米芝蓮一星背景，未食已經好有信心。呢度除咗食物正之外，晚餐時間仲有京劇表演，食飯都可以睇show，氣氛一流！啲演員唱腔勁有味道、妝容又靚，成件事真係好有feel。講返食物，首先一定要提佢哋嘅錫盟草飼180天羔羊肉。呢個真係霸氣到爆，足足一米長咁擺出嚟，未食已經覺得好震撼。涮一涮清湯，十五秒左右就啱食，啲肉又鮮又嫩，肥瘦啱啱好，冇咩羶味，仲要配埋佢哋自家製嘅沙蔥椒麻汁，香到不得了鮮切寧夏灘羊梅花都好正，啲肉比較彈牙，咬落去又有肉汁，肥瘦分布勻稱，睇落都開心。涮耐少少，三十秒就最好食佢哋啲毛肚都好推介，爽口滑溜，涮幾秒就食得，配埋啲蔬菜拼盤（好似雲耳、菌類、粉絲、豆腐咁），一齊落鍋，層次感即刻up晒。食到尾記得留肚食返個老北京糖油餅，外脆內軟，甜甜地但唔會膩，真係好出色！食材靚、表演正，值得ENCORE!
繼續閱讀