影片
港鐵中環站C出口，步行約5分鐘; 入口位於砵甸乍街
繼續閱讀
電話號碼
28544557
25448776
61438593 (WhatsApp Only)
開飯介紹
裝潢典雅的潮式打冷餐廳，提供各式新鮮海鮮、經典的潮州冷盤及砂鍋粥等，是喜愛潮州美食的老饕們享受正宗風味的理想之地。
繼續閱讀
營業時間
今日營業
11:30 - 15:00
17:30 - 23:00
星期一至日
11:30 - 15:00
17:30 - 23:00
*最後落單時間: 22:00
以上資料只供參考, 請與餐廳確認詳情
有關餐廳
有關獎賞計劃
雖然小弟喺潮州人，但香港出世，潮州話唔識講，亦唔識聽，不過，一樣好喜歡潮州菜。最近就約咗同晌中環返工嘅朋友聚一聚，結果嚟到「尚盛潮州海鮮飯店」嘆吓潮州菜，大家都話好耐未食過。中環食晏一向人頭湧湧，入到嚟餐廳裡邊，當然座無虛席啦。一入門口先喺「潮州滷水檔」，滷水嘢當然喺食潮州菜嘅亮點啦。再望入去，大堂一字形去到尾，睇唔出個鋪位原來都幾大、幾深，整體裝修感覺樸實，右邊牆身掛有一幅古畫，非常有雅氣，左邊有好幾個廂房，有客人用餐，就唔多方便影。而枱上嘅餐具同樣透出一股氣質，非常別緻。眼見基本上全部侍應都喺上年紀，同老友傾開，先知喺以前上環嘅「尚興」原班人馬再起東山，難怪門面寫住50年老字號啦。鹹酸菜 $10有理無理，坐低就放碟潮州前菜名物「鹹酸菜」，入口爽口，味道微微酸，好醒胃，無過鹹。順帶一提，茗茶又收$10位，咁仲有加一服務費呢。趁朋友未到，翻一翻餐牌先，大類而言，分別有滷水、魚翅、海鮮、潮州小菜、魚類、湯類、粥粉麵飯、甜品……等等。選擇非常之多，不過呢度無午市套餐，全部嘢都喺散點。潮州滷水鵝 $158滷水喺潮州菜嘅經典，點可以錯過，滷水鵝單睇外觀已經非常誘人，鵝片堆得滿滿，切片大細厚薄均一，肉質柔軟，好有鵝嘅肉香，滷水醇香沉實又入味，果然喺老店嘅手勢。墊底嘅滷水豆腐，口感滑溜，有豆香，同樣滲出醇香滷水味。方魚肉碎粥 $65有一碗或一窩份量嘅選擇，嗌一碗其實都夠晒兩、三個人分，咁嘅份量正正啱晒我哋。潮州粥又喺有其獨特性，粥底唔會太綿，但米粒亦爆晒花，食起嚟有粒粒感，而加入咗方魚、肉碎，除咗食味豐富咗之外，添加咗一份好似柴魚嘅香味，伴滷水及春菜嘅濃味菜式好夾。春菜煲 $108呢記道菜喺朋友最想點吓，因為，佢好喜歡潮州啲家常菜。春菜即喺芥菜，不過，就會切得細條啲嚟做菜，再拌以炒過嘅豬肉，確喺好有家常風味，味道鹹鹹香香，幾唔錯，拌飯或粥都好。菊花石榴雞 $148潮州菜中都有唔少精緻手工菜，石榴雞就喺其一，因為造型特別，形態似石榴，又以雞肉入饌，所以叫「石榴雞」，外皮喺煎蛋白薄皮，再以西芹條紮實「袋口」，但又真喺估唔到煎蛋白可以做到層皮咁有柔韌性喎，包起咁多餡料都無穿無爛。內裡包裹著喺雞肉粒、蘿白粒、冬菇粒、冬筍粒、唐芹粒，每樣都刴得好細膩，又喺一番心機，至於口感上有細緻，有清脆，有濃香，有清爽，慢慢細味真喺感受到嗰份層次。最後淋晌石榴雞嘅芡汁，喺雞湯芡，甚具畫龍點睛之效。綠豆爽最後，竟然仲奉送甜品，雖然喺普普通通嘅綠豆爽，不過，亮點喺後面樽嘢。當時小弟見個侍應放低甜品時都奇怪，做乜多樽樽油，一問原喺陳皮醬，陣陣陳皮果香，甘甘哋，加咗落啲綠豆爽度真喺唔同晒。敢用得老字號做排頭，當然，自認有番咁上下實力，試咗幾道菜，食物嘅質素確喺唔失禮，有水準，師傅啲手藝紮實，唔喺花拳繡腿。
繼續閱讀
今天與老公過去中環辦理公事，順道於中環吃頓飯。我哋品嚐了一家超過50年歷史的正宗潮州菜館，店員全都是老員工，服務直率；超多款潮州料理可供選擇，有選擇困難症就大鑊😅。🎄蠔仔粥$158一大窩蠔仔粥，材料十足，有超多蠔仔、柴魚、冬菇絲、肉碎、芹菜等，我喜歡胡椒粉，加入份外美味。🎄滷水拼盤（豬大腸拼墨魚） $168豬大腸很出色，沒有太多肥肉，墨魚很嫩滑，配上乳酪醬汁，食到停唔到口，墊底的豆腐亦非常嫩滑！🎄潮州梅榚骨$118味道有點似甜酸骨，排骨很新鮮，肥瘦均勻，淡淡有肉，好味😋🎄綠豆爽（贈送的）綠豆爽好好味，成碗都是剝了殼的綠豆，甜度適中，正呀！
繼續閱讀
今晚黎左朋友介紹的呢一間有五十年老字號潮州餐廳到食晚飯。冇幾耐店員就送上個咸菜（另外收$12）同功夫茶，功夫茶入口好舒服，茶味係我中意的入口甘甘，但又唔會覺苦澀。Menu入面除咗潮州菜，拿手功夫菜，更加有唔少炒小菜選擇，款式多而且價錢豐儉由人！乾炸蝦棗 $128有八大粒，入面蝦肉溝埋馬蹄粒，入口好爽口彈牙，炸得幾好，唔會食完覺得好油膩，一啲罪惡感都冇。鵝肉拼白烚大墨魚 $200鵝肉份量都幾多，最重要係食到啖啖肉，唔會有好多骨👍墨魚片好鮮嫩，底下仲有滷水豆腐，做得幾入味。八珍豆腐煲 $98份量足料又多，除咗有豆腐、魷魚、蝦、肉片、雞肉、冬菇、菜同魚片，真係好豐富，豆腐好嫩滑，大讚。方魚肉碎粥 $65我第一次食呢樣食物，都幾大碗下，而且肉碎都幾多，方魚即係大地魚乾，用佢黎吊起個味，再加上芫荽，味道食係上黎真係幾夾。仲送埋糖水，熱的綠豆清心丸，真係好窩心☺️呢度好適合一大班人黎，多人就可以叫多幾款唔同嘅嘢食。
繼續閱讀
用餐環境：房間靠近機房及廁所，加上樓底非常矮，像坐在渡海小輪近引擎座位，整個感覺太差了，令人很不舒服，又不肯給轉房。食物：各種食物比某連鎖中餐集團差太多了，完全不像老牌潮州菜。 潮州翅似漿糊。春菜煲肉少而菜亦過熟，賣相極不吸引。紅腸拼墨魚，墨魚並不柔軟，只有數片，沒什麼味道。冇相，原因因為賣相全部都不吸引，連影都費事影。全部菜式，唯一比較好少少係個方魚粥。服務：茶水不夠熱，服務水平非常一般。總結：貨𣎴對版！無下次！
繼續閱讀
之前就來試過一次 味道很不錯今次來沒想到人潮比之前還多‼️排了好一會兒隊伍才安排了位置有得坐粉絲蒸九肚魚🐟火候把握得剛剛好，魚肉鮮嫩滑爽而且搭配了豉汁調味，簡直完美～一點也不腥，而且粉絲吸滿了湯汁好好吃金牌雞燉翅 很滋補🥰湯汁濃郁醇厚 雞肉鮮嫩多汁而Q彈的魚翅更是錦上添花~ 簡直就是奢華版的養生湯品雙菇扒豆苗🥬新鮮的豆苗口感脆嫩 綠油油的很鮮嫩搭配著菌香四溢的冬菇和口蘑🍄🟫熱氣騰騰的吃起來好美味 清爽又解膩
繼續閱讀