影片
港鐵上環站 E5 出口, 步行約2分鐘
繼續閱讀
營業時間
星期一至五
08:30 - 18:30
星期六至日
10:00 - 19:30
公眾假期
10:00 - 19:30
以上資料只供參考, 請與餐廳確認詳情
食家推介
相關文章
一直都偏愛去搵無麩質嘅蛋糕嚟食，食完唔會肚脹脹，但係市面上都得返唔係好多間容易買到。聽聞呢間InfinitiC今日係最後一日堂食，特登慕名而來食吓佢嘅切餅。之前食過幾次都覺得，佢嘅味道係甚至比有麩質嘅蛋糕更好食。可惜每次食完一間，嗰間就執笠，例如西環、海港城、K11Musea店，而家已經執剩呢間中環店，今日之後都冇了。🥺 未來要轉做網上訂購，要預先訂貨，就唔係咁容易食到了。巴斯克檸檬芝士蛋糕 + 熱黑朱古力 (Keto version)而家潮流興食巴斯克芝士蛋糕，呢間都出咗，個芝士蛋糕做到軟滑軟心效果，甜度點到即止，亦都唔會有好臭嘅芝士味。上面嘅檸檬醬簡直係畫龍點睛，增加咗清新嘅感覺。市面嘅巴斯克芝士蛋糕切餅都偏細件，但係呢間份量夠大。簡直係相逢恨晚購買一杯飲品就可以半價買sliced cake 🍰 。呢度嘅飲品可以加$5轉Keto version。出面好多Cafe轉用植物奶都只係得豆奶同燕麥奶可選擇，但呢度係用杏仁奶實在太好了，真係好適合生酮人士。希望未來佢會再出堂食啦，到時一定會支持
繼續閱讀
當媽咪知道Infiniti C要結業既時候真係好可惜，做埋今日14/4就結業，之後要再食就得返網站落單🥹所以決定帶埋我地去左2次上環影相留個紀念🥹佢地生酮同素食系列真係出色架，無諗過蛋糕同咖啡都可以做到生酮🤤相當年我第一間幫襯係堅尼地城，之後就去k11 musea❤️黑芝麻蛋糕好香黑芝麻味，層次分明，蛋糕都係好鬆軟❤️藍調伯爵茶蛋糕係堅尼地城分店都係食依個，難得今日仲有就即刻叫依個，畫上一個圓滿既句號。今日食返個回憶，因為好岩打卡！有好香既伯爵茶味，茶香再濃啲就更好，蛋糕質感好鬆軟😘雜莓雲呢拿蛋糕依間我會肯食埋啲cream，因為感覺都健康啲😂食到好香既雲呢拿味，蛋糕都係好鬆軟！依個都好岩打卡😍全日早餐朋友話都幾好食，好大碟好足料！焙茶拿鐵好香好濃焙茶味，口感順滑🥰抺茶拿鐵朋友話好重抺茶味，都幾香幾滑🫶🏻今日堂食叫任何飲品都可以用半價食一件蛋糕，外賣仲做緊買3件送1件優惠，如果大家有時間記得去快閃去支持下😎Infiniti C (Nan Fung Place) (中環)📍中環德輔道中173號Nan Fung Place 地下G03號舖
繼續閱讀
本來價錢$156飲品（$50）+蛋糕（lemon半價$34）+蛋糕（雲利拿半價$72）實際價錢$262飲品（$50）+蛋糕（雲利拿半價$36）+*窩夫x2($88/件x2=$176)*本來不存在，但是最後出現咗問題本來想試生酮蛋糕，因為睇到新聞全港首創先趁結業時候想光臨本店，本來都想外賣，但聽到堂食蛋糕半價，所以都叫了兩件蛋糕和一杯野飲，後來她解釋蛋糕半價只係for一件，我都覺得冇問題。然而，當付款竟然發現收多咗我錢，原來她誤會咗我叫草莓窩夫將隔離枱跟我混合一起，不過我見佢係招牌菜所以先算，但是沒有想過草莓窩夫還幫我叫左兩份，只是計左一件蛋糕，完全被人當作水魚計，最後係侍應覺得奇怪先問我係咪要兩件，後來都有換翻，小插曲侍應一早都覺得奇怪都有問收銀有冇搞錯，但其實她一直都係有搞錯，不過見她都結業所以先冇計，後悔我冇要求退款。後來都試了兩件蛋糕和窩夫味道係唔錯，雲利拿有多重口感，味蕾感覺都幾長，懧懞芝士蛋糕感覺好特別，完全有芝士軟口感，至於窩夫幾好味又鬆口。野飲方面少少後悔叫錯左，叫咗冷泡茶，我以為冷泡草莓荼有一個草苺和紅荼菌，但好似冇一個草苺，是另一款先有，味道清甜。整體環境都唔錯，乾淨俐落，採用自助形式，如果價錢比啱冇錯應該不會收多$106，結因為聽錯咗而收多$20。實際享用價錢$242飲品（$50）+蛋糕（雲利拿半價$36）+*窩夫（$88）+蛋糕（lemon半價$68）
繼續閱讀
趁門市堂食最後幾日，特登嚟幫襯🥰上網睇一件蛋糕都唔平，成$70-90/件，雖然係生酮/ 無麩質，但有時真係寧願食一個正常餐好彩一份主食可以加錢要蛋糕，咁樣抵食好多叫左份煙三文魚牛油果班戟🥞 本身main course 包一杯黑啡☕️ 額外 +$35要左件黑芝麻蛋糕🍰裡面有3塊班戟，口感幾鬆軟口彈，用酸乳酪代替忌廉，開胃又健康👍🏾煙三文魚份量亦幾多，面頭仲有啲nuts 碎，都幾飽肚，對得住價錢甜品，無諗過咁大驚喜😍 入口濕潤，忌廉綿滑，比一般蛋糕更輕盈😋加上每層再有芝麻醬提升香味，有種半流心嘅口感❤️唔似得其他鋪嘅keto蛋糕，口感偏乾同有少少鞋口
繼續閱讀
行完中環某展覽，再從中環行到去上環，黎到店面，第一反應係個裝修太粉紅⋯五點幾無熱食了。叫咗cappuccino 同蛋糕兩件：巴斯克芝士蛋糕及紅絲絨蛋糕(現場係得哩兩款揀)。巴斯克芝士蛋糕，上星期響另一間餐廳食過，哩間都唔錯，都做到外焦內軟，但外邊無甘味，味道亦較甜。紅絲絨蛋糕，口感⋯⋯好特別，中間口感居然有少少嚼勁彈牙⋯⋯味道唔太甜，不過又講唔出佢係咩味道，係因為生酮嘅關係？咖啡合格，仲有拉花添，不過杯咖啡只係暖暖地，我鍾意啲奶熱多少少，佢打奶如果打多幾秒會啱我口味啲。
繼續閱讀