影片
開飯介紹
提供粵菜、川菜的中菜館，食物種類眾多。除了主打的老壇酸菜魚等川菜，亦提供港式茶餐廳及小炒菜式，且價格相宜。
繼續閱讀
以上資料只供參考, 請與餐廳確認詳情
-
網上訂座服務暫停
餐廳名好過癮叫友義氣😆👊🏻最近天氣温度開始下降🥶就會特別想食熱辣辣的食物暖身♨️呢間餐廳提供食物種類都幾多除左招牌老壇酸菜魚外🐟仲有其他川菜及鑊氣小炒飄香水煮魚🐟🌶️🍲平時多數會揀食酸菜魚(通常揀少辣或中辣)，而水煮魚就比較少食，所以今次揀左低調的微辣試下，面層舖滿大量辣椒🌶️，花椒粒及辣椒油，整體食落唔算好辣且較易入口，好岩食唔到辣的朋友仔，標準份量都有超多魚片肉質滑溜無骨，配菜有寬粉，金菇，芽菜及萵荀等好足料💯，附送白飯，最後仲食剩少少🫣，呢個份量都好適合3-4人分享😝避風塘茄子🍆上次食完避風塘炒麵，忍唔住再叫避風塘菜式，茄子🍆炸得黃金香脆大約有10件左右，食落裡面軟腍，加上用避風塘炒更惹味香口😋雞絲粉皮🐔粉皮薄滑，加埋雞絲及青瓜絲，配上香濃麻醬一齊食清涼爽口又開胃🤤手打鹹檸七🍋🟩超大杯用啤酒杯裝住好抵飲，清新解膩珍寶檸檬茶🍋超大杯檸檬茶飲落唔算太甜，正常發揮
繼續閱讀
4人餐酸菜魚叫左bb辣，個個都岩食，魚肉又滑又夠香。避風塘茄子又脆又辣，勁惹味。咕嚕肉夠酸甜仲配新鮮菠蘿。鹽焗走地雞又夠嫩滑。而浸菜苗同滷水拼盤就不過不失。最近仲做緊4週年優惠，啤酒買一送一。
繼續閱讀
九龍灣有好多好食既街坊小店，係德寶商場既「友義氣酸菜魚」 更加係我不斷重複幫襯嘅舖頭 一個人定食晏，下午茶係者一大班人，家庭朋友聚會，都好啱黎食。門口掛有明爐燒味，餐牌有各式各樣嘅中式小菜，有辣有唔辣，任君選擇。多人就可以揀套餐，包羅萬有，唔洗諗樣樣都試哂。特別要介紹佢下午茶時段，14:30-16:30 用餐有八五折優惠，真係窮人恩物。鑊氣粉麵至特色小菜，全部都有折扣，真係超抵。餐飲可以加配大檸茶，$8大大杯，好抵飲。另外佢嘅酸菜魚真係必食，魚片嫩滑無骨，已有芽菜、金菇、萵筍等配料。我自己每次食都會加寬粉，好煙靭入味。不過湯底偏辣，第一次食可以揀少少辣，睇吓自己接唔接受到。其他菜式例如炒菜，炸物都好有鑊氣，新鮮熱辣辣，份量足料。推薦大家去試吓。
繼續閱讀
醒菜魚 個湯無味 得兩條酸菜 魚霉爛 米線發到腸仔咁粗 酸菜牛 溝埋魚一齊煮 d味撈埋一齊 雞絲分皮 雞絲有餿味食左d肥牛 成碗擺低左 如果唔想煮唔好返工呀嘛 煮到成pat屎咁千祈唔好幫襯千祈唔好幫襯千祈唔好幫襯千祈唔好幫襯
繼續閱讀
很久沒有來食水煮魚，今日週末同朋友過來相聚一下。價錢還是一樣，沒有加價，二人餐都是$328。口水雞：雞胸 + 半隻雞翼，冷盤，雞胸肉比較嚡口，辣汁偏鹹。水煮魚：薯粉，金菇，芽菜墊底，魚片分量不少，但比較碎，而且比較細片。要咗小辣，所以不算好辣，但也都是越食越鹹。咕嚕肉：全部都是肉，沒有骨，酸酸甜甜，還有新鮮的菠蘿🍍可能當日是星期五，非常多人，比較嘈雜，而且一食完，檸檬茶還沒有飲完，就馬上收走所有碗碟，可能因為有人等位吧，感覺有少少趕客之疑。來這一間食水煮魚已經一段時間了，感覺上沒有之前那麼好食，之前水煮魚片比較大塊和比較厚身，現在變得比較碎同埋薄， 而且味道也比較偏鹹； 下次會去其他地方食水煮魚。
繼續閱讀