影片
特色
適合駕駛人士
營業時間
星期一至日
12:00 - 23:00
以上資料只供參考, 請與餐廳確認詳情
等就好快啦，不過食物同價錢係好大分別。和牛鐵板燒要300蚊，但係咬極都咬唔爛，大蝦變小蝦。炒菜又勁油，同勁多黑椒，炒飯碎濕濕咁，見到都唔開胃。野食又多鑊撈。真係下次都唔會再嚟。
繼續閱讀
因為一位於工作相識一年既友人快將被掉去其他既地方工作，所以本人決定要和她吃餐飯道別一番。本來諗住食鐵板燒，但因為平時一路都係食開自助式既燒烤，故今次點都要括出去試下要人地燒比我食既滋味，哈哈~ 因為工作地點於九龍灣既關係，所以就選擇左試這間鐵板燒~ 放左工同友人逛了一會後便直踩去此店共進我們奢侈的晚餐一入到去發現原來有好多個整鐵皮燒的師傅，他們分別於不同的區域，基本上一個師生只會招呼兩枱客人，我和友人懷住興奮的心情，點了一個海鮮套餐 首先食既係前菜，其實唔係好知係咩黎，不過都幾好味幾新鮮嘩﹗鵝肝呀~其實本人唔係咁鍾意食內臟，但本人對呢個鵝肝完全沒有感到反感，反而仲幾鍾意食囉，估唔到佢係入口即溶，而且覺好rich跟住呢個係唔知咩魚黎，不過味道冇咩特別~呢個燒帶子幾好味，我連佢啲湯汁都飲埋，不過可惜佢啲帶子唔大粒， 如果大粒啲一定會更美味清酒煮蜆，其實味道普通，但勝在師傅既表演夠令人驚嘆，他將火槍向著已於鐵皮上的蜆時，一陣陣熊熊烈火於本人面前不斷肆虐，真的看到本人目不轉睛呢﹗大蝦大蝦~好大隻蝦呀，唔知係咪虎蝦黎呢，食落仲好鮮甜﹑彈牙﹑爽口﹗蒜香牛柳粒，身為牛魔王既我，又點可以錯過呢一味菜呢，仲記得牛柳粒係外脆內軟，而且好多汁，配搭爆香了的蒜粒，真係好香口，不過份量真係唔可以滿足到我，太少喇吧~食左咁多肉，係時候要食番啲菜清清個味蕾喇，食完個菜之後真係將之前既油膩感一掃而空，放係呢個時候食果然係明智選擇既然之前既食物份量咁少，緊係唔夠填飽本小姐個肚拉，所以最後一定要食個飯先得，呢個炒飯做得唔錯，可以將蛋和飯完全結合，而且飯粒分明，食落口唔會有油膩既感覺，實在難得﹗食完正餐唔食番個甜品又點算係有完既結局呢，所以我都要食番個冰涼雪糕，就算頭先食既野幾熱氣都唔駛驚拉
繼續閱讀
中午時分突然想食日本野, 就來MEGA BOX既和光食過LUNCH SET叫左個天婦羅套餐包3隻餃子, 喬麥麵一碗及什錦天婦羅/餐茶對於這個套餐算好一般, 炸餃子一來到表面已經非常油膩, 幸好味道都算唔錯起碼內裡既肉仍有肉汁.至於個天婦羅同樣都係偏油, 而且又沒有提供任何天婦羅醬汁整體上食物樣樣都中等,炸物偏油, 相反見到友人食既魚生飯就好似唔錯.下次來都係叫回魚生飯比較穩陣.
繼續閱讀
逛完megabox, 由上至下, 最終到了地下, 沿路經過的食店都提不起食趣, 畢竟沒試過和光, 便即管一試!小碗的沙律, 酸甜沙律dressing, 先另人開胃!蝦是邊煮邊去殼的, 師傅以純熟刀法處理, 蝦很美味, 沒怪味或雪柜味, 而且很'好肉', 露荀爽口幻身, 磨菇亦是沒怪味的, 很鮮甜難得沒黏底, 很難處理的呢! 非常美味, 又新鮮, 真讚!內裡的是炒香的蒜及蔥, 真是惹味, 薄牛肉超好!乾身不油, 超香口, 正!非常讚的鵝肝, 真的是無話可說, 師傅的心機, 加上鵝肝的質數, 真是不錯, 入口即溶, 生熟剛好
繼續閱讀
4月2日同朋友去左和光食晏,公司可以有免費午餐,勁正!! 因為budget係每人可以食120元,所以今次可以食得豪d,但係又唔係咁舒服喎,所以好多嘢都唔食得,於是就叫左一個西京燒銀鱈魚定食,我地一行十幾人,坐左係燒烤枱前但又唔係叫即場燒烤喎....有人叫魚生海膽飯,休錦魚生飯,和便當,生薑豚肉燒.....我的銀鱈魚好香呀,好滑身,好好味!! 沙律酸酸地好開胃,有些中華沙律配菜,一碗白飯好大碗,面豉湯ok, 同事的魚生海膽飯都好吸引,雖然佢唔食三文魚又唔食蝦,仲有一兩款魚生,唔知咩魚都唔食,我食左佢d三文魚及魚生,好新鮮好味唔會鯹.佢只係食海膽,帶子,蛋已經好滿足呀!!和便當有些雞件,魚生,燒魚等等,賣相都好靚的. 食物好正,服務都好好的呀!! 見我們有些吉碗碟都會好快幫我們收起,唔使阻住,甜品還有雪糕或飲品架.佢地食雪糕,都好正架.下次還會再嚟架!!
繼續閱讀