影片
營業時間
*堂食供應至16:00
星期一至日
07:00 - 01:00
以上資料只供參考, 請與餐廳確認詳情
食評 (139)
一連三日的七一長假期，消遣節目總離不開逛街﹑看戲﹑吃飯😆。兔媽媽是個電影迷🎬，喜歡看以戰爭﹑傳記或諷刺社會等作題材的寫實影片。當中，輕鬆而富深度的印度電影，兔媽媽尤其喜歡。剛巧，這個假期有一齣以即使信仰不同，卻天下大同為主題的印度電影 - <<把她帶回家>> 正在上畫，兔小妹當然第一時間訂票，陪兔媽媽欣賞好戲啦~看戲前，先要照顧肚子。因電影只在九龍灣的Mega Box上映，所以先來到連接地鐵站的德福商場覓食。德福商場有兩期，有很多不同種類的食店。兔媽媽喜歡悠閒地歎歎茶，吃吃點心，見附近有間稻香超級漁港，剛巧又有張現金券，便乘電梯到上層取號等位。即使公眾假期，稻香旗下的所有酒樓都提供下午茶優惠，每款點心價錢由 $15-23不等，還有推出限定優惠點心。來到酒樓門前，場面非常洶湧，有不少食客三五成群的站在一旁等下午茶。幸好，酒樓地方大，座位多，不消一會，便輪號到兔小妹。兔小妹手中的票號是不搭枱，被安排坐到寬敞舒適的卡位。還剛坐下，侍應很快的遞來茶水和點心紙。不過，兔媽媽動作也快，純熟地在不同的點心紙上左畫右畫，選好今天想吃的點心後，交回點心紙。喝了口茶，說了說笑，傳菜姨姨捧來一籠又一籠的點心，擺滿枱面。兔媽媽知道兔小妹愛吃熱騰騰的布拉腸粉，點了一碟三色腸。三色腸分別有鮮蝦﹑叉燒和牛肉腸粉各一條，一碟可以試到不同口味，滿足三心兩意的食客。不過，這兒的腸粉，不論賣相還是味道，都令人失望😦。腸粉溫度不足，只有微溫😟; 腸粉皮不但拉得太厚，而且質感很 “削”，一夾即散😲。吃下感覺很 “霉” 很漿，鮮蝦雖爽口但沒鮮味，叉燒又乾又硬，牛肉溶爛而沒質感，味道比 “叮叮” 腸粉更差。再試焗叉燒餐包。剛焗好的叉燒餐包，外表脹卜卜，拿起來還是暖烘烘的，應該可以挽回多少分數吧。怎料，一咬開，包內空洞洞的，叉燒只有數小粒，名副其實的 “空心包”!
至於蒸點心，相對較好。鴛鴦雙潮，即潮州粉果拼蝦餃，半透明的外皮，包著滿滿的餡料，大大隻的，看來還不錯。潮州粉果挺惹味，沙葛清甜，韭菜香，花生脆口😋。可惜，蝦餃跟蝦腸一樣，不鮮不甜，而且雪蝦味濃，分數大打折扣。另一傳統點心 – 鳳爪拼排骨，比較合乎水準。鳳瓜炆得入味，軟冧而不爛; 排骨肉質結實，肥瘦均勻，算是幾款點心中出品最好的👌。飲茶總離不開油膩肥滯。為了能夠飲茶也飲得健康一點，兔小妹點了份生菜鯪魚球平衡一下。生菜灼得剛好，清甜爽脆，鯪魚球亦打得爽口彈牙，加入蝦米和陳皮，僻腥之餘，又可加混口感層次🆗。唯魚肉鮮味道不足，味道偏淡。平心而言，這裡不論環境，還是點心出品，皆屬偏差🙈。若只為果腹，隨便吃點喝點又要價錢便宜的，這兒還可接受😑。但若然是讌請親朋戚友，則極不建議🙅。始終，飲茶不是吃快餐，對品質有追求是合理且必須的吧。
繼續閱讀
星期日去稻香飲茶，哎咗好多食嘅，凤爪，排骨，叉烧包，咸水角，還有燒賣，稻香既燒賣大大粒，連蝦都特别大隻，大蝦晶莹通透，爽口彈牙，豆豉蒸排骨，豆豉香而不咸，排骨蒸到好淋好入味，正。
繼續閱讀
稻香一直都係其中一個最中意既飲茶地方之一，除左因為佢好多特價點心同選擇多之外，仲因為佢既甜品同炸物多，今日要介紹我次次一定叫既配搭：雷沙湯丸+紅豆沙雷沙湯丸而家好少酒樓有得食，身為湯丸控細細個daddy飲稻香就一定叫我食，一碟4粒$12.8（咁多年都無咩加價！），雖然近年稻香雷沙湯丸質素差左，皮厚左同唔夠熱辣辣，但整體個饀同size都keep到，我一個人食完一碟都仲好想食多碟之後叫多碗$6.8紅豆沙，稻香既紅豆沙唔係水果啲，係煲到起沙果種，而且甜度適中，份量唔少之餘，好彩仲有蓮子食添，好過大把街邊糖水鋪架！夾埋都唔洗廿蚊既甜品，仲有得飲返杯普洱先走😍✌除左點心選擇多，假日下午茶叫碗燒味飯或者粉都係$20乍！叉燒大概7舊，稻香的叉燒一向偏瘦既，蜜汁算濃，汁都比得多足以撈下飯但無果種烤得香蜜既感覺燒肉相比起叉燒個份量就多啲，如圖所見有兩排，一層肉一層肥膏，可能唔太岩怕肥既姐妹，但因為肥膏為肉感帶黎滑口既感覺，所以睇個人口味，我都傾向瘦啲會無咁漏，但最扣分係個皮喇，食燒腩仔最重要緊係個皮要夠脆，今次唔只唔脆，仲要係淋身果種，即刻無哂食燒肉既感覺呀至於粉同飯既份量都唔算多，唔會夠飽，而呢到既瀨粉係幼身果種唔係傳統粗身果種，所以感覺似食米粉多啲睇自己中意食邊種喇！$20都可以一試既
繼續閱讀
九龍灣食肆林立，來臨稻香飲茶又要排長朧，但值得的無論鳳爪，金錢肚，肠粉，叉燒包，都非常好味，尤其金錢肚特别入味，就連好少可以吃到的碗仔翅這里都有，排多兩粒鐘都值。
繼續閱讀
平日晚飯時段稻香有優惠，$66隻龍蝦伊麵，$24隻燒乳鴿，湯$14/$24；咁抵梗係坐低食啦。時間大約7:30，店外已有一堆人等緊，即拿飛等埋一份，好彩大約等廿分鐘就有檯；行經大部分嘅檯，十居其九檯面都係有龍蝦同乳鴿 先來一份乳鴿、一隻複分龍蝦伊麵、一個燉湯、一個雞菜膽雞湯燉翅 只係平日半價，星期六、日、假期變七折㗎 乳鴿size好BB, 不過炸得好香脆、勁可口又夠入味上檯仍時微熱的，食半隻好唔夠喉，要加碼！ 後加嘅兩隻紅燒乳鴿，依兩隻係超級滾熱辣㗎，比之前果round更滋味 這round係寫唔好切整隻上😆兩款湯都好足料，唔會啖茂茂，菜膽雞燉翅內確實有大白菜、雞件、翅；而是日燉湯有黨蔘、雞件，成碗湯蔘味好濃郁 一份龍蝦跟伊麵，無花無假係一隻㗎整個龍蝦伊麵調味適中，龍蝦啖啖肉，$66真係好抵食～推介！
繼續閱讀